謙記特色火鍋 果然好有特色!
香港的火鍋店成行成市,但能為客人提供真正有質素火鍋的火鍋店則寥寥可數。
Andy是一家火鍋店的老闆,在2003年沙士期間,他抱着雄心壯志,計劃開辦一家高水準的火鍋店,於是在銅鑼灣開設了謙記特色火鍋,成為逆市開舖奇兵,並且以手釣海魚及新鮮肥牛打響了名堂,開業至今吸引了不少慕名前來品嘗牛肉和海鮮的食客。
招牌手切牛脊肉 打邊爐之所以令人興奮,在於可以將所有愛吃的材料「一鍋熟」,而且當中必不可以沒有了大主角肥牛,要不然,那一餐打邊爐必定令你感到很不是味兒。無怪乎謙記的火鍋是以其手切牛脊肉招徠了不少顧客,一年四季都客似雲來。老闆Andy說:「依家香港嘅肥牛數量買少見少,2006年有160隻牛,今年得番40隻,我同啲牛販相識咗20幾年,先至keep住攞到靚肥牛。」他又說:「基於肥牛比較多肥膏,並唔係有太多部位可以食,如果打邊爐,就最啱打牛脊肉,因為牛脊肉最稔,最有牛味,就算灼耐咗都唔會老。
加拿大象拔蚌 加拿大象拔蚌分為3個級數,即A、AA、AAA,謙記的象拔蚌屬於AAA級數。Andy說:「象拔蚌以加拿大嘅出產為最優質,出面多數用墨西哥或者加州貨嚟扮加拿大貨,但係我哋嘅象拔蚌真真正正嚟自加拿大,來貨價 1隻400幾元,隻隻都生勾勾未死,所以味道好鮮,又好爽口,當刺身食都得。」
冬季限定湯底 要吃出食材的真正味道,火鍋湯底要較清,才不會搶去食材本身的味道。今個冬季,謙記特別精心炮製了兩款冬季限定火鍋湯底,給客人另一番滋味。
酒煮西蜆湯 湯底混合中式和日式烹調法,用清酒、大頭菜、蔥、薑片、胡椒等材料,與美國來貨的馬拉蜆一同熬煮,煮出來的湯底有濃烈的蜆味,也有酒香,用來灼牛肉或海鮮,認真一流。Andy說:「由於香港的蜆多沙,所以我哋用美國來貨嘅馬拉蜆。馬拉蜆唔係喺沙底生長,所以一定無沙,點灼佢都唔會老。」
Andy說:「芋頭同油鴨都係喺冬天先至最靚,所以冬天先有呢款湯底。油鴨已經出水,湯底唔會鹹,亦都唔會油膩。」
自己混醬料
謙記為客人提供多款醬料,例如有白醋、麻油、沙茶醬、指天椒、香蔥、芫茜等,讓客人自己按自己的口味「混醬」。
謙記特色火鍋
電 話: