狀態: 未登入 | 請先登入

 
  挑骨頭
   
Match Too Cafe



夏天來到，熱到爆，重要係旺角出現，人多車多，又熱又焗，行左一陣，簡直係有種正在自焚的感覺。頂唔順，我衝有入朗豪坊，降下溫，救救火，降溫後，搵間餐廳坐著休息，補返Ｄ能量先。

我揀左“Match Too Cafe”(簡單廚房)作補給站，入到去我order了蒜香牛柳黑松露菌軟飯，雖然不是太多人，但等左10mins，可能佢即叫即煮啦！咁我呢10mins做咩呢？周圍望下，從餐廳望出去，朗豪坊內充斥著夏日小背心，夏日短裙短褲仔，嘩！差不多有10女都面前行過，有7個都係咁著，連師奶都係咁著，你話誇唔誇張？在等待期間對眼都好累了，眼睛是非常忙碌。
 


碟蒜香牛柳黑松露菌軟飯到啦！個賣相真係差，白碟上放左一pat野咁，又似糊仔又似爛飯，濕濕地，見到都唔開胃。但食左入口之後，那份迷惘之感就無晒，個飯好夠香，有黑松露及芝士香味，如果不是軟飯的話，換上意大利飯，會重正Ｄ，有返Ｄ咬口。但換了意大利飯，可能呢度Ｄ廚師未必識做。
 


件牛柳賣相就不錯，夠晒淋有蒜香。
 


我叫左柸cappuccino，係難飲的，佢得好小奶泡，小到拉個花都唔得，用個匙一推開，無晒Ｄ泡，不值得一提。

 

最後，呢到Ｄ waiter 好得意，個個都唔笑，木口木面，好可能係“Match Too Cafe”的作風。
 
➤ 去睇睇餐廳資料
  Match Too Cafe

 
 

食探ONE仔