|
|
密探名稱 : jojo
|
|
北京回教牛羊美食 Bejing Halal Beef & Lamb Cuisine |
標題 : 終於試到 |
地址 : 九龍城龍崗道23號 |
地區 : 九龍城 |
|
現時分數:
|
日期 : 2010-11-06 12:46:11
上星期六終於俾我試到...未夠7時已經要排隊啦..真係嚇死人....老闆都知我唔等得架啦..所以佢事先已講明唔會等好耐俾d耐性啦...好彩我都係等左唔夠10mins就可以入座..不過真係好多人我地都係同人搭枱.
2個人...叫左..
必叫牛肉餅, 咖哩羊腩, 清炒津白, 同埋三絲粉皮.
個牛肉餅真係好好味...熱騰騰入面仲好多汁好正, 至於咖哩羊都好味又唔算太辣(不過2個人真係叫得多左d, 我食左一塊到就成碟打包), 津白就好一般啦太油..我唔岩. 粉皮都係我至愛不過這間d醬汁好似濃左d唔算太岩我口味...這間最正都係牛肉餅, 不過真係要堂食先好味..我試過買左2個回家第2日食都唔夠堂食好味..
|
|
|
牛皇海鮮火鍋小菜館
|
標題 : 冬瓜盅湯底 |
地址 : 佐敦德興街4-6號 |
地區 : 佐敦 |
|
現時分數:
|
日期 : 2010-09-29 12:52:17
一早約左一班朋友出來打邊爐, 友人介紹來此店試下一早打來預留左間房俾我地都唔錯.
老闆介紹叫我地試下佢地首創既冬瓜盅湯底...一來都真係成個盅係個鍋內都幾特別, 未妁野食前我地一班人已經當湯咁飲左幾碗味道清甜唔錯, 食落又唔覺口渴, 應該無味道.
友人介紹此店既魚片同腐皮都係新鮮自己炸..真係無介紹錯,真係2樣都好好味...特別係個腐皮炸起再配佢地個甜酸醬好好味.
另外其他食物都唔錯...我覺得都值得一去.加上宜家世界盃打緊, 一邊打邊爐一邊睇波都幾有氣氛
|
|
|
Brunch Club |
標題 : nice dinner |
地址 : 中環卑利街70號地下 |
地區 : 中環 |
|
現時分數:
|
日期 : 2010-09-29 12:48:59
昨日心情不太好, 好彩友人都夠義氣陪我食一餐..2個人都係差不多六時就上到去, 簡直係無咩客, 坐得好舒服.我地都係早食飯, 所以2個人叫左個3 courses dinner set (包一個前菜/湯, 主菜&甜品)另外再叫左個mix grill一起share來食.
個dinner set我地選左pan fried scallop with sweetcorn cream sauce(唔係完全記得曬全名)不過個味道真係好好, d scallop好鮮甜,
另外主菜我地要左grill lamb wapped w/ bacon呀..雖然好heavy, 但味道一流羊柳真係好好味,而個外皮既bacon就燒到脆卜卜
反而個甜品我選左choco mouse cake就好一般唔算特別.
另外個mix grill都係一樣la, 份量足味道依舊出色.
在此真係多謝友人相陪.
|
|
|
尚膳坊
|
標題 : 水準之作 |
地址 : 西灣河筲箕灣道56號地舖 |
地區 : 西灣河 |
|
現時分數:
|
日期 : 2010-09-29 12:47:47
此店令到我覺得好impress, 真係估唔到d食物咁有水準, 特別佢地既招牌菜玫瑰花燻雞真係一流.
佢地有d套餐我地就叫左個2人套餐試下, 原本想試佢地既蝦子柚皮, 但個餐又無這個菜, 最後都係選左個有燻雞既餐好過.
餐包, 燻雞半隻, 鵝肝醬炒芥蘭, 芥末牛柳粒, 2個白飯 2個例湯..十分抵食都係收$208
成晚最欣賞真係個燻雞陣陣既煙燻味好香, 另外個牛柳粒都係用料上等唔會好似出面d咁煮到d牛柳好老好un,
個菜聽個名好怪, 點知2者配合都好特別唔錯, 都幾有fusion菜既影子.
例湯都絕不馬虎, 老火靚湯真材實料真係似自己係家煲既味道..這一餐真係十分抵食.
環境就比較細坐位亦唔算好舒服, 不過此店d食物真係令我十分欣賞. |
|
|
甜嫂 Dessert Queen |
標題 : 甜品撈麵 |
地址 : 西灣河海寧街10號地下 |
地區 : 西灣河 |
|
現時分數:
|
日期 : 2010-09-29 12:46:41
係西灣河除左明記宜家都幾喜歡來甜嫂食甜品貪佢地簡唔中都會推出d新款甜品無明記咁悶.
今次試左蜜瓜撈麵, 友人就叫左益力多雪花冰.
不過我覺得我叫既撈麵有d杏仁味, 本人唔太喜歡食有杏仁味既甜品, 所以對這個甜品分數都唔會高.
至於個雪花冰我都唔覺好重益力多味, 都係只屬一般. |
|
|
皇室甜品 Royal Dessert |
標題 : 讚讚讚 |
地址 : 九龍城城南道15號 |
地區 : 九龍城 |
|
現時分數:
|
日期 : 2010-09-29 12:45:35
星期六晚去左九龍城搵食, 之前search定知道此店既甜品做得好出色, 其實未入去前我已經知一定要order心太軟, 點知入去睇左menu真係見到樣樣都好岩我食,真係想叫多幾款, 可惜個胃有限真係唔可以咁叫...唯有下次再來試.
今次同友人叫左心太軟同埋紅豆綠茶棉棉冰+綠茶雪糕
2個都好好味, 不過心太軟就無好似食評講得咁出色
反而我比較喜歡另一個甜品, d紅豆好好味又大粒, 旁邊既小丸仔又煙un好味, 加上佢地唔係用刨冰係用棉棉冰, 唔會好似食刨冰咁多冰粒令到個甜品好快變水變淡.
不過此店已經相比出面d甜品店做得好好, 價錢又合理, 大家下次去開九龍城都可以試下 |
|
|
四哥台式雪花冰專門店
|
標題 : 一般 |
地址 : 太子花園街211A地下 |
地區 : 太子 |
|
現時分數:
|
日期 : 2010-09-29 12:44:41
太子d甜品店已經俾我試得7788, 友人今次就帶我來此店食棉棉冰.
今次叫左佢地新出品-青檸棉棉冰, 再叫左一個香蕉棉棉冰.
老實講佢相比出面好多做棉棉冰都好食得多, 加上配料份量足,不過棉棉冰個底味就好似唔係好足...我都食唔出佢地有咩青檸味&香蕉味.
反而比較欣賞佢地旁邊既配料多d.
不過係太子無咩選擇之下,這一間都算係不錯之選.
|
|
|
Panash |
標題 : cream puff |
地址 : 旺角彌敦道601號創興廣場地下E號舖 |
地區 : 旺角 |
|
現時分數:
|
日期 : 2010-09-29 12:43:56
去panash一般我都係喜歡買佢地既芝士波波食, 佢地做得好香芝士味十分可口, 不過上次貪新鮮試左佢地既cream puff之後, 就即愛上佢地既puff
特別係佢地既曲奇puff真係外皮有少少脆內裡既cream又唔會太甜好好味. |
|
|
大家樂 Cafe De Coral |
標題 : 難食拉麵 |
地址 : 天后英皇道6-8號百利大廈地下 |
地區 : 天后 |
|
現時分數:
|
日期 : 2010-09-29 12:43:02
平時去大家樂食lunch只會覺得d野普通一般唔會係難食, 但今日我叫左個豬軟骨拉麵真係稱得上難食.
首先d麵質已經煮得過淋, 個豬骨湯真係清到無味, d豬軟骨仲離譜又細又無味, 完全都唔知果件係豬軟骨似未發育咁...配菜又少得幾粒粟米同什菜..成碗野就無味仲衰過自己煮即食麵呀.
|
|
|
泰北美食
|
標題 : 小店風味 |
地址 : 九龍城城南道20號C4 |
地區 : 九龍城 |
|
現時分數:
|
日期 : 2010-09-29 12:41:56
有時候,小店家庭式經營既食店都會好出色.上星期六下雨天無意之中來到此店食晚飯, 估唔到都會帶來驚喜俾我.
2個人一坐底就叫左燒則魚, 當然唔係即叫即燒, 不過就係即叫即叮.佢地將已經一早燒好既魚再放係微波爐再叮, 其實初頭一睇到都怕唔好味.
好彩來到時味道都好好, d肉仍然咁滑.
另外叫左炒椰苗&泰式蝦炒粉絲...2個菜都同樣出色.特別個炒粉絲, 份量足材料多, 仲加左d蝦仔令到成碟粉都好鮮好好味.
|
|
|
明記海鮮酒家 Ming Kee Restaurant |
標題 : 行完山食咩都滋味 |
地址 : 蒲苔島大灣 |
地區 : 蒲苔島 |
|
現時分數:
|
日期 : 2010-09-29 12:39:03
難得有假更係要出來走走....約左友人一起去郊遊今次選左我一直想去既浦台島...來得此島更係要去埋島上唯一既餐廳食lunch.好彩一早book定位..當行到想死既時候, 來到此酒家食個lunch真係食咩都覺得好好味.
此店都只係提供套餐居多,我地選左個每人$130既餐.
當中有咕嚕肉, 炒通菜, 白灼蝦, 炒蜆(原本係炒聖子點知當日無,所以轉左蜆), 蒸魚, 炸魷魚.
其實食物樣樣都夠新鮮, 連d蜆我食左咁多粒都食唔到有沙, 真係難得.
雖然唔知咩魚, 但勝在蒸得岩岩好夠滑...反而係佢地d小炒唔係好得..個咕嚕肉好勁螢光橙, 大家都唔係太敢食.
|
|
|
泗益
|
標題 : 早餐 |
地址 : 赤柱市場道2號 |
地區 : 赤柱 |
|
現時分數:
|
日期 : 2010-09-29 12:36:30
預備入島前, 大家相約來此店食早餐...大家各自各叫左麵食之後, 友人建議再追加一碟西多士share來食.
估唔到最好味就係碟西多.即叫即整, 炸到金黃色好吸引, 再加上一層牛油真係唔好計咩卡路里食左先算.
不過友人話此店既午餐通粉就好一般唔算好味, 但我試左佢地既豬扒包都叫ok,可能此店既飽點會出色d.
|
|
|
Jenny Bakery |
標題 : 杏仁片 |
地址 : 赤柱新街11號1樓 |
地區 : 赤柱 |
|
現時分數:
|
日期 : 2010-09-29 12:35:20
昨日見到人地介紹話此店既杏仁片好得, 自己忍不住又走左去買一罐來試下.
雖然一罐仔要成$80, 但我都覺得十分值得.佢地真係用上好多杏仁片做成, 如果大家喜歡食nuts, 當然這個一定好岩你食.
|
|
|
名爐燒 BBQ at Work |
標題 : 明星燒味 |
地址 : 銅鑼灣利園山道67號寶榮大廈地下F舖 |
地區 : 銅鑼灣 |
|
現時分數:
|
日期 : 2010-09-29 12:34:35
昨晚經過利園山道, 其實一心去香河食飯, 點知經過見到有新店開張為食既我更係走過去8下咩食店...點知原來係燒味就已經打消左我一半既念頭, 友人又好似無咩興趣, 原本已經想走...點知我地2個人望到店內吳君如小姐幫襯買燒味, 2條傻友又好一致咁行入去話吳君如都幫襯味道應該唔錯..hoho
我地2個人叫左一個八寶飯set (包餐湯及油菜)另外叫左個乳豬米粉.
老實講佢地既燒味真係無太興咁正, 乳燒唔算燒得鬆化香脆, 只叫為合格, 至於八寶(燒肉, 又燒, 又燒骨, 海折, 雞, 等)當中我只係比較欣賞雞, 其餘燒味都唔合格, 相比太興燒味真係太興做得比較出色.
成晚最正就係碗老火湯...真係煲得好正好甜 |
|
|
譚仔雲南米線(三哥)
|
標題 : 土匪雞翼 |
地址 : 灣仔灣仔道205號 |
地區 : 灣仔 |
|
現時分數:
|
日期 : 2010-09-29 12:33:35
好耐都無來此店食米線, 難得友人陪今晚更係拉佢來食我至愛既土匪雞翼, 另外叫左個過橋米線大家share來食, 貪佢樣樣餱都有.
土匪雞翼依舊好味,不過價錢已經漲幅不少, 最唔抵係個米線, 我地食到最尾先發現佢俾少左腩肉我, 成餐就覺得好蝕咁.
不過好彩價錢雖然有加價, 但味道仍舊好味其他野都不太重要. |
|
|
肯德基家鄉雞 KFC |
標題 : 抵食套餐 |
地址 : 銅鑼灣羅素街2號2000年廣場地下 (銅鑼灣港鐵站A出口) |
地區 : 銅鑼灣 |
|
現時分數:
|
日期 : 2010-09-29 12:32:11
抵食套餐, 宜家免費報紙有kfc既coupon, 我更係唔會錯過la. 昨日lunch就來kfc用coupon以$20就有一個脆辣雞包+薯格+大汽水真係十分抵食.
不過此店d薯格唔知係唔係放耐左,好淋唔算好味.好彩個包既雞扒炸得夠香夠脆...以$20來講真係算抵食夾大件.
|
|
|
利小館 Lei Bistro |
標題 : 垃圾服務 |
地址 : 銅鑼灣勿地臣街1號時代廣場地庫2層B217-218店 |
地區 : 銅鑼灣 |
|
現時分數:
|
日期 : 2010-09-29 12:31:20
仲話係利苑新既平價小店, 但咁既服務平都無用.
首先講下取飛既服務員, 簡直無得頂...俾飛大家但唔會叫number, 大家要望寶佢頭頂既顯示器, miss左大家自負...
坐到位又唔會有人俾menu你, 唯有自己出去攞佢地份紙menu睇.到有人俾menu你, 又係怪怪放係張枱就走人..抵讚.
order完野食想俾回menu佢, 唔接就走人...算數唔理你,俾你又唔要, 後來唔夠menu用就來取回..更加抵讚.
旁邊d人落錯order又有, 唔加茶又有, 叫最對筷子要叫3-4次又有, 無人帶位又有...應該出錯既事都全部做足..十分極之抵讚.
利苑係唔係因為開平價食店, 所以服務都平價左.
食物...係ok..但以咁既服務咁既環境..我令願以後唔來食 |
|
|
海南少爺 Hainan Shaoye |
標題 : 食物ok, 但等位太耐 |
地址 : 銅鑼灣告士打道280號世貿中心P311舖 |
地區 : 銅鑼灣 |
|
現時分數:
|
日期 : 2010-09-29 12:29:07
上星期五同友人來此店試下, 點知8時來到見到一大條長龍, 都無計大家一起等啦...大約等左30-40分鐘終於有位坐.2個人叫左個海南雞飯, 肉骨菜, 同埋一個黑蘿白糕share食.
估唔到一客海南雞飯都幾多野食, 當中有油飯, 一碟菜, 一小碟既蒸蛋(這個好特別味道都唔錯), 一碟雞,
另外蘿蔔糕都唔錯, 不過嫌佢切到太細粒: 一般
最差係個肉骨茶...味道就似d豉油撈水咁唔好味...差
來此店最好都係叫海南雞飯, 不過要等咁耐就唔算值. |
|
|
California Pizza Kitchen |
標題 : 唔錯 |
地址 : 銅鑼灣勿地臣街1號時代廣場食通天13樓1306號舖 |
地區 : 銅鑼灣 |
|
現時分數:
|
日期 : 2010-09-29 12:25:43
2個人叫左個日式和風salad, 磨姑意大利雲吞同埋一個辣雞pizza.
當中我最喜歡就係個意大利雲吞真係好香好好味, 加上d cream sauce真係一流...另外個salad清清地都唔錯, 反而個pizza就好一般, 中間有一埋墨西哥什豆咁味道怪怪唔算太岩我口味. |
|
|
太興燒味餐廳 Tai Hing Roast Shop Group |
標題 : 好味 |
地址 : 筲箕灣寶文街1號峻峰花園B座地下 |
地區 : 筲箕灣 |
|
現時分數:
|
日期 : 2010-09-29 12:20:38
真係一分錢一分貨,來太興真係一定要食佢地既燒味..當中我特別喜歡係燒肉同又燒..佢地d燒肉真係燒得特別香脆好好味, 又燒又夠淋肥瘦適中..雖然佢地價錢會比出面貴, 但好味道已經值回票價.
|
|
|
墾丁茶房
|
標題 : 紅燒牛肉麵 |
地址 : 九龍灣宏照道38號 Megabox 11樓8號舖 |
地區 : 九龍灣 |
|
現時分數:
|
日期 : 2010-09-29 12:15:54
知道mega box開左間新既台式食店, 為食既我更係唔會錯過.
2個人叫左紅燒牛肉麵, 台式涼拌(麻醬茄子, 麻辣豆腐, 青瓜)同埋再叫左鴨胸沙律同埋珍珠奶茶
紅燒牛肉麵個湯好好飲, 喜歡濃濃既湯仲有牛展又炆得夠淋...加上佢既麵夠煙un, 十分欣賞.
另外個小食都唔錯, 佢地此店既小食都唔錯又抵食.我叫既台式涼拌有3款食物都係$20, 而且味道都唔錯.
反而佢既沙律好一般, 不過鴨胸都俾好多片都算唔錯. |
|
|
宜家傢俬咖啡室 IKEA Cafe (已結業) |
標題 : 終於等到 |
地址 : 九龍灣偉業街33號德福廣場401,405,501舖 |
地區 : 九龍灣 |
|
現時分數:
|
日期 : 2010-09-29 12:14:51
終於等到ikea係mega box開左仲要佢地提供既食物係同沙田一樣, 以後想食肉丸都唔洗入沙田.
星期六晚同友人行左ikea見到食店內好多人先發現已經差不多7時, 所以我地行左一半都走左人去排隊叫野食..
此店d食物又平又抵食..我地2個人叫左4樣野都先係$82真係抵..
叫左10粒肉丸, 薯條, 三文魚配菜餅同埋一個焦糖朱古力餅配汽水.
此店d汽水係free refill單單這一點已經令人開心.
食物同沙田既味道都係一樣, 不過最令人失望係d薯條, 睇個樣條條都好粗仲以為好正, 原來d薯條應該炸左好耐令到d硬唔算好味, 反而個蔬菜餅就好有特色, 下次大家去都可以order來試下 |
|
|
會所軒
|
標題 : 另一選擇 |
地址 : 赤柱大街96號 |
地區 : 赤柱 |
|
現時分數:
|
日期 : 2010-09-29 12:13:46
好多人入赤柱都會喜歡去泗益食野, 其實我覺得此店d食物都唔錯, 特別喜歡此店既奶茶同泗益都差不多一樣香濃好飲.
另外此店既餐蛋麵同樣出色...只不過前者太出名, 不過無論地方環境, 這裡會食得舒服d.
|
|
|
Saffron Bakery |
標題 : 叮過龍 |
地址 : 赤柱赤柱廣場購物中心102號舖 |
地區 : 赤柱 |
|
現時分數:
|
日期 : 2010-09-29 12:12:42
仲有成20mins先有村巴, 所以自己一個人去左此店叫左個CINNAMON ROLL 食...不過都令我幾失望.
首先佢幫我翻叮之後, 成個包都都變硬左唔好味, 加上d cinnamon太重味但又唔香...十分失望.
不過假日自己一個人坐係入面又真係幾嘆, 無奈係d食物唔算理想. |
|
|
Burgeroom Burger Coffee |
標題 : 依舊回味 |
地址 : 銅鑼灣加路連山道7號 |
地區 : 銅鑼灣 |
|
現時分數:
|
日期 : 2010-09-29 12:11:48
因為有平coupon買, 所以引起我又再次來幫襯.其實此店d食物真係好好味, 只係地點唔算太就腳.
今次同友人叫左個大磨姑芝士漢堡share來食,再叫香辣雞翼, 芝士twist 薯條
當中最令我回味真係個burger, 大大個磨姑好多汁好香配埋漢堡真係一流, 至於小食d 薯條就好似炸得過火又d硬不過好彩夠多芝士汁
至於雞翼都係一般出面都可以食得到, 不叫都不會可惜.
|
|
|
利苑酒家 Lei Yuen Garden |
標題 : 食物一般 |
地址 : 九龍灣偉業街33號德福廣場1期F2號舖 |
地區 : 九龍灣 |
|
現時分數:
|
日期 : 2010-09-29 12:10:00
d人話利苑食物好好, 我只係覺得好一般不過服務都叫幾好
星期五晚上8時間間食店都大排隊, 唔想等就來利苑食飯就算.
2個人叫左個金銀豬肺湯 - 清甜一流抵讚
另外叫左2個小菜: 海鮮蒸蛋白 - 這個配飯一流不過我個人就覺得無咩特別海鮮亦唔算特別出味, 只係蒸蛋白就蒸得岩岩好.
再叫一個名叫醬烤骨(配饅頭) - 上來時同個名有好大出入...一心以為係咩燒排骨, 點知來到原來係一大舊東坡肉只係個汁帶點酸甜. |
|
|
風月堂 Orchard Garden Cafe & Restaurant |
標題 : good service |
地址 : 旺角亞皆老街24-26號1-2樓 |
地區 : 旺角 |
|
現時分數:
|
日期 : 2010-09-29 12:08:53
一直都好喜歡風月堂既佈置, 以白色為主令人好舒服.
星期六去左旺角買野, 見到差不多7時更係去食左晚飯先以免排隊, 好彩上到去都仍然有位.仲要8時前交枱仲有85折.
2個人叫左一個set dinner (包salad, 南瓜紅蘿白忌廉湯, 銀雪魚鴨胸絲意粉, 雪糕waffle(只得1/4塊)及飲品)另外再叫左個帆立貝salad南瓜汁
整體上個set dinner樣樣食品都唔錯, 只係最唔得係個湯..只係張d南瓜同紅蘿白切粒放係忌廉湯內...
其他食物都好好味, 其實只個set都係為左個waffle點知來到先知得1/4塊下次都係散叫仲食得開心.
|
|
|
小飛象葡國餐廳 Dumbo Portuguese Restaurant |
標題 : bad service |
地址 : 九龍灣宏照道38號 MegaBox 5樓5號舖 |
地區 : 九龍灣 |
|
現時分數:
|
日期 : 2010-09-28 22:28:38
星期六睇完戲9時半左右出來搵食, 一心一意要到此店食燒乳豬飯, 係門外等左一陣位, 心想估唔到9點幾都要等位..原來唔係係人手不足無人執枱先真.
一坐底就問一個肥待應有沒有乳豬飯, 點知佢check都唔check就話無啦..今日賣清.點知我再叫另一位男仔點菜時, 佢就話有不過要等30mins...我一心一意來食更係等得啦.
另外我再叫左馬介休炒什菜, 葡式咖哩魚同燒鱷魚肉串燒.點知最早來就係個乳豬飯...頂真係唔知咩餐廳.
不過個乳豬又真係唔錯皮脆又無咩肥肉..抵讚反而個飯就好唔得太乾太硬.
另外個菜都要等左20mins先上來, 串燒最後叫都上來...再追問個咖哩點知原來沒有幫我地落order..真係唔想再等都唔知咩鬼服務..超差.更好食都唔會想再來. |
|
|
上海坊拉麵小籠包
|
標題 : ok啦 |
地址 : 旺角豉油街36-42號 |
地區 : 旺角 |
|
現時分數:
|
日期 : 2010-09-28 22:20:17
星期六晚上去旺角買野, 見到7時就一心想去食素食, 點知經過此店見唔洗等位又懶, 所以與友人就最後決定來此店食飯就算.
2個人叫左一客小龍包, 燻魚同埋擔擔麵share來食.
基本上d食物都唔錯, 小龍包都叫皮薄多汁, 燻魚係凍左d味道都好好, 擔擔麵都ok.不過此店既服務真係麻麻, 可能唔夠人手, 落order都等左好耐先有人招呼. |
|
|
木糠甜品屋 Sawdust Dessert |
標題 : 雪花冰 |
地址 : 銅鑼灣謝斐道477-481號肇明大廈地下 |
地區 : 銅鑼灣 |
|
現時分數:
|
日期 : 2010-09-28 22:18:50
今次又係去搵甜品..不過基本上cwb都無咩選擇..我地又去回木糠食啦..
點知咁耐無去, 原來佢地有雪花冰食呀..即叫來試啦..
我地試左花生味同番石榴味...2款味道都唔錯,
相比旺角既糖百府..我覺得此店既雪花冰更加好味...個冰仲有好香既水果味喎..
以後都唔需再去九龍區食雪花冰啦. |
|
|
愛爾蘭瘋薯 Ireland's Potato |
標題 : 減價=減量 |
地址 : 銅鑼灣謝斐道518-520號 |
地區 : 銅鑼灣 |
|
現時分數:
|
日期 : 2010-09-28 22:18:12
唔知係唔係無咁多人食, 所以佢地宜家做緊promotion一個細薯條都係$10/杯, 真係幾吸引,我都叫左一杯肉醬薯條再加8元要左個青蘋果沙冰..
點知2樣野都令我好失望...杯野飲味道已經唔得無蘋果味, 一味就係得個酸怪怪, d薯條一杯好似得10條到...真係每條都成1蚊呀...真係把鬼. |
|
|
越旺 pho' 26 |
標題 : 難食 |
地址 : 九龍灣淘大商場二期地下G224號 |
地區 : 九龍灣 |
|
現時分數:
|
日期 : 2010-09-28 22:17:09
其實此店已經開左一段時間, 但見openrice食評好壞參半所以都無咩令我想來..不過上星期都覺得好似無咩新食店..所以我最終都係來試下啦..
食完先明白openrice內既食評有時真係唔好唔信...此店d食物真係唔多好味...我地叫左個招牌蕃茄牛腩粉&香茅雞翼撈檬...個所謂既招牌粉真係十分唔得..個湯底基本上係用茄膏整成...都唔係人地出面街用上大量新鮮蕃茄而非此店用上大量既茄膏..都唔明何解會用來作招牌菜...反而個撈檬仲好食d...
此店d服務亦麻麻...想了解下佢地d食物係咩來又問非所答,態度亦欠佳..
所以相信我都唔會再來此店再幫襯. |
|
|
大力水手炸雞 Popeyes |
標題 : 炸雞 |
地址 : 香港國際機場一號Level 7離港大堂7T103(E區) - 非禁區 |
地區 : 赤鱲角 |
|
現時分數:
|
日期 : 2010-09-28 22:16:13
上機前更係同友人來此店食炸雞, 以前係加拿大已經成日食佢, 相比kfc此店d雞真係好味得多...不過價錢亦貴得多.
2個人叫左一個3件雞set已經食到我地唔食...set有3件雞(雞翼, 雞脾同雞胸), 薯條, biscuit同一杯汽水($64)
當中我最喜歡係佢地d薯條真係好好味, 反而友人最愛就佢地個牛油鬆餅好香好鬆..食到唔停口.
至於炸雞一樣出色香脆又唔太油 |
|
|
馬莎麵包部 Marks & Spencer Fresh Bakery |
標題 : soft cookie |
地址 : 沙田正街18號新城市廣場一期4樓42B & 43B號舖 |
地區 : 沙田 |
|
現時分數:
|
日期 : 2010-09-28 22:14:16
昨日經過心思思就左入去行, 見到cookie買2送1, 我就選左2件朱古力cookie +一件shortbread試下.
此店d cookie都整得唔錯幾香幾好味...平均都係7元一件都算抵食 |
|
|
板長壽司 Itacho Sushi |
標題 : 選擇少亦有留單情況 |
地址 : 灣仔港灣道30號新鴻基中心1樓137號舖 |
地區 : 灣仔 |
|
現時分數:
|
日期 : 2010-09-28 22:13:18
星期日臨開學前, 同d小朋友一行8人去此店食壽司....原來此店唔係回轉令到d小朋友都覺得選擇小左.
食物上我亦覺得相比其他分店味道麻麻, 蒸水蛋唔夠滑好似蒸過龍, 三文魚魚生切得一d太厚一d太薄唔平均, 其他食物都覺得麻麻...可能人多關係都有d留單既情況 |
|
|
Auntie Betty |
標題 : Nice Dinner |
地址 : 崇潔街36號 |
地區 : 土瓜灣 |
|
現時分數:
|
日期 : 2010-09-28 22:12:06
友人帶路介紹來此店試下...對於我喜歡貪新鮮又未食過既當然即刻say yes.
可能附近係工業區關係, 平日既晚上都好冷清無咩幾枱客.
2個人都係叫左個法式煎鵝肝配墨魚汁意粉 set dinner.
個set都包好多野,又有湯, 蒜容包, 田螺盒, 主菜, 焦糖燉蛋&餐茶..成個set先係$82真係超值...估唔到咁既價錢俾既鵝肝都係大大塊..煎到有少少濃好香口.最重要樣樣都好好味, 就連普通既甜品都做得咁有心好好味..
下次有機會都會自己再去試下其他食物 |
|
|
一點心 One Dim Sum |
標題 : 價廉物美 |
地址 : 太子運動場道15號京華大廈地舖 |
地區 : 太子 |
|
現時分數:
|
日期 : 2010-09-28 22:11:09
星期六難得早放工, 約左友人係太子等, 友人建議時間尚早就來此店試下點心.平時1時半經過都見好多人排隊, 見未夠12時應該都唔需要等位點知來到都要等7,8張枱真係誇張...好彩天氣唔熱坐係外面等20分鐘都尚算可以..
入座後同另一枱搭枱, 與友人各叫自己喜歡既點心, 有炸雲吞, 魚湯鮮竹卷, 北姑棉花雞同菜苗餃.
每位茶錢都係$2, 加上d點心都係在$10-$20之內...重點係即叫即整, 以咁既價錢咁既服務, 難怪未夠12時要等位都係有原因.
點心份量都好多, 味道同樣出色..我自己個人最喜歡係個菜苗餃真係好好味d蝦唔會"梅"值得一試.
魚湯鮮竹卷都唔錯, 個魚湯清甜好過平時酒樓食既鮮竹卷打上蠔油汁 |
|
|
Caffe Habitu |
標題 : 只有咖啡好, 包點完全唔得 |
地址 : 太古城中心APITA 2樓22B舖 |
地區 : 太古 |
|
現時分數:
|
日期 : 2010-09-28 22:10:26
昨日同老媽去太古城行街....行到累見到係個shopping mall中間開左間caffe habitu..所以我就帶左佢飲去飲野休息下.
咁我見到d 包點好似好好味..所以我就叫左2杯cafe latte, 一件牛角包, 一件肉桂丹麥包試下.
咖啡就無令我地失望..都算好飲..不過相比brunch club既咖啡都係差少少..
最失敗係個牛角包...買成$20個可以俾又硬又無牛油香既包人地食...真係好差好唔抵食呀. |
|
|
Funky |
標題 : 三差 |
地址 : 旺角西洋菜南街202號地舖 |
地區 : 旺角 |
|
現時分數:
|
日期 : 2010-09-28 22:09:02
服務差, 衛生差, 味道更差..這一間店真係好唔得.
首先服務已經唔得,請一班人圍埋一起係玩同傾計..無得頂...不過self service形式, 無服務都係正常,但唔該回後面玩無咁影響客人食野la...d人傾計仲大聲過客人真係勁.
衛生就簡直一流, 配料樣樣都好唔乾淨,d蓋仲俾我見到有隻蚊既死屍真係見到都反胃.
味道就更加差上加差...要左個開心果味, 色就係綠色但味就係杏仁味...真係想死..本人係唔係杏仁味既野....咁你就唔好標開心果la...
真係完全3差店 |
|
|
吉野家 Yoshinoya |
標題 : 三重芝士牛肉飯 |
地址 : 中環干諾道中18號大昌大廈地舖 |
地區 : 中環 |
|
現時分數:
|
日期 : 2010-09-28 22:08:11
星期日等到下午茶時段就來試個三重芝士牛肉飯, 原因友人話好正上次我已經錯過一次, 今次見有番即刻來試下..不過tea來食先叫抵食.
友人真係無介紹錯, 好香濃既芝士加埋d牛肉真係一流既配合..如果大家都喜歡食芝士既話, 真係一定要試下..供應期有限 |
|
|
祥發茶餐小廚
|
標題 : 瑞士雞翼 |
地址 : 銅鑼灣耀華街1-1號A |
地區 : 銅鑼灣 |
|
現時分數:
|
日期 : 2010-09-28 22:07:13
之前睇到好多報紙介紹都話cwb此店既茶餐廳d食物好得仲要好抵食...不過老闆平時返工都日日食茶餐廳,所以佢同我食飯都好唔願意去茶餐廳..攪到我遲遲都未試到...好彩昨晚佢都陪我去試左...
我叫左個茶餐包括: 瑞士汁雞翼/雞脾+熱狗+餐肉公仔麵+飲品...咁鬼多野食都係$23個餐..真係抵爆啦.
佢地d瑞士汁雞翼真係好好味..個人認為啦..真係好味過太平館好多..個熱狗飽都好正唔係一般茶記既飽, 個飽好軟好好味...不過下次唔洗落咁多salad dressing會比較好d..至於個公仔麵就當然係超一般既一般普通公仔麵啦...不過咁多樣野食又咁既價錢係cwb真係唔知邊度搵得到
老闆就食素..叫左個芝士什菌炒意粉...好彩個意粉都好好味..可能用上芝士汁啦唔係用油炒..所以又真係幾好味...起碼唔油加上俾左好多西蘭花認真夠健康又飽肚 |
|
|
八方雲集 Bafang Yunzi Dumpling |
標題 : 唔錯 |
地址 : 太子通菜街171號 |
地區 : 太子 |
|
現時分數:
|
日期 : 2010-09-28 22:06:22
上次去左淘大食既餃子店真係嚇怕我...但見到這間由台灣來港開店既過江龍, 咁為食既我又點忍到口唔試....好彩早到少少所以唔需要等位.
2個人叫左一set韭菜餃子+酸辣湯, 再加多個大腸蚵仔麵線食.
這間d餃子真係好味好多, d皮薄又有d煙un真係唔錯, 最吸引我其實係碗麵線真係好好食.我覺得好味過專買麵線既店呀...大家有機會都可以試下既. |
|
|
Yo mama |
標題 : 此店又好d |
地址 : 銅鑼灣勿地臣街1號時代廣場B1 cookedDeli by citysuper |
地區 : 銅鑼灣 |
|
現時分數:
|
日期 : 2010-09-28 22:03:54
今次我係去左time sqaure basement果間幫襯...此店得2隻口味, 一係原味/綠茶...貪心既我更係一次過要試2隻味...我叫左杯大既..點知原來大/小都係配一款配料..好似弧寒左d wor.
最後係多種配料之下我選左blueberry...估唔到此店既新鮮水果又真係好鮮甜配埋d yogurt真係好好味.. |
|
|
Yoggie |
標題 : 一次滿足你2個願望 |
地址 : 尖沙咀科學館道14號新文華中心B座58A號舖 |
地區 : 尖沙咀 |
|
現時分數:
|
日期 : 2010-09-28 22:03:00
去完海鮮晚飯已經好full, 但見到有間yogurt店又心思思想試..點知宜家去order時先發現係smoothie + yogurt, 店主亦有心機慢慢介紹, 她亦說可以只係smoothie / yogurt都可以..當然貪食既我更係要一次過滿足我2次食望.
我叫左個3款水果既smoothie + yogurt + 香蕉+燕麥
真係估唔到smoothie +yogurt係咁好食...一稀一"杰"真係好好味..d yogurt亦好香好好味..只係地點唔算旺, 唔係都應該好多人喜歡 |
|
|
紫來坊素食料理
|
標題 : 素菜 |
地址 : 銅鑼灣伊榮街 7- 11號欣榮商業大廈地下1 號舖 |
地區 : 銅鑼灣 |
|
現時分數:
|
日期 : 2010-09-28 22:01:58
一直都知這間素食店好食, 但係都無咩機會去試.上星期就決定去試一試....平時我怕要等位一般我都會提早食晚飯, 不過想到這店位置唔係咁就腳應該無咩人,所以攪到晏左先去食...店舖細細位置又唔係太好, 但估唔到都有咁多人...佢又未至於我地去到都成7點幾, 安排既位都係好迫
當晚我地叫左2個菜+一碗粥, 此店d人好nice仲會叫我地唔好叫咁多實食唔曬呀...
馬蹄肉碎蛋角
竹笙冬菇粥
葡汁焗茄子銀雪魚
真係估唔到3樣野都好吸引我...真係唔覺得自己食素, 最重要係平時食開d素都覺得好油, 但係此店又唔會樣樣都好吸引好好味...最後我地都係食唔曬要打包. |
|
|
海鮮站 Seafood Station |
標題 : 新鮮 |
地址 : 尖沙咀加連威老道100號港晶中心地下41號舖 |
地區 : 尖沙咀 |
|
現時分數:
|
日期 : 2010-09-28 21:56:04
其實都一直好想來此店試下..無奈唔係成日經過tst所以一直都無緣來試.
前幾日好想食海鮮, 突然想起此店所以同友人一早約好來此店食晚飯...一早book定位7時半...點知早收工行完街仲大把時間, 所以早左半小時睇下有無位俾我地..好彩都有位留左俾我地..不過就係店後既商場內既走廊, 不過此商場好多食店都加開d枱係條走廊,好彩唔算多人行, 唔係都幾怪.
一早睇定知道自己食咩..2個人
叫左個鮮蝦沙律..此店係用上新鮮水果再用芒果汁做dressing, 我真係見差不多枱枱都叫這個..點知我點左5款野這個係最無咩特別..成碟salad只得3隻中蝦真係感覺好唔抵食...可以不試
叫左我至愛螺..一碟六隻真係好鮮甜好好味..
叫左加拿大蟹...此隻蟹係有膏食亦有肉食..岩曬我與友人..友人喜歡肉我就喜歡膏..不過下次我地都要試埋麵包蟹(膏多)同加菲蟹(只有肉)我地2個人真係食到好開心,慢慢食怕浪費d蟹肉,原因d蟹真係好甜好好美.
叫左豉汁蒸聖子一碟3大隻同樣出色...
最後好似唔夠飽再追加一個龍蝦雲吞, 濃濃既芝士汁配上龍蝦又幾特別都係值得一試...最後無啦啦送左2塊蒜容包俾我地食wor..不過絕不馬虎
p.s.此店沒有收加一, 但服務真係一流出菜會留意客人食完冷盤未先再蒸海鮮, 亦會同客人換碟, 加茶完全自動不用你操心...只不過係環境麻麻...但食物同服務都咁出色,我覺得環境已經變得不重要. |
|
|
Holly Cow |
標題 : 有coupon抵食好多 |
地址 : 尖沙咀科學館道14號新文華中心地下31-33號舖 |
地區 : 尖沙咀 |
|
現時分數:
|
日期 : 2010-09-28 21:52:00
昨晚食完飯後專登行來此店食甜品...有coupon所以2個人叫左個朱古力味, 友人就叫左盧會椰果味.
成杯野就係一層yogurt一層朱古力brownie再一層yogurt再一層花生朱古力碎再加一塊威化餅.
友人只不過中間就係蘆薈椰果同埋杯芽.
真係好豐富好好味, 一啖yogurt一啖topping 料真係好正. |
|
|
香味屋 The Spice Market |
標題 : 永不回頭 |
地址 : 尖沙咀廣東道23號海港城太子酒店3樓 |
地區 : 尖沙咀 |
|
現時分數:
|
日期 : 2010-09-28 21:50:56
平時去到酒店食buffet唔理3 7 21就係去食生蠔..仲可以encore架麻..這一間食左1次就唔會再翻取
青口唔得,凍蝦唔得, 長腳蟹死唔得, 生蠔係超級死唔得...連煙三文魚都唔得..估佢唔到.
跟住見到人地有咩龍蝦海皇湯啦..又走去排隊取..
個湯係無味架..怪怪..佢地係湯還湯煮..d海鮮即場再翻熱..基本上只係為左食隻龍蝦..最慘係隻龍蝦都唔好味..
食完這個我已經完完全全放棄任何海鮮..
轉攻熱食...點先睇左成個場都無咩熱食好味...見有和牛食..又去等來食..點知等左好耐先有.(好彩唔洗自己排隊等..係俾枱上既"排"仔佢地就有人送上來)
每枱仲送上佛跳牆...和牛一d都唔似和牛..似普通既牛柳粒多d.
佛跳牆算係成晚最好味既熱食..其他熱食真係唔多得...我只係取左d炒什菜...牛仔骨, 燒雞翼..無lu..真係無咩野選擇.
最後食甜品..
又真係成個甜品之中..waffle+雪糕叫最好食..其他既甜品又係唔會令我想影相...甜品既選擇比起熱食既多, 不過可惜係同樣味道都係唔討好..
總結..係我應該唔會再來. |
|
|
紅螞蟻 Red Ant Restaurant |
標題 : 抵食又好味 |
地址 : 銅鑼灣霎東街5號地下 |
地區 : 銅鑼灣 |
|
現時分數:
|
日期 : 2010-09-28 21:49:51
之前有來紅螞蟻食過早餐, 覺得好好味..昨晚就來食個晚餐試下..估唔到一樣咁有水準.
2個人食唔多所以無叫set dinner只係散叫..叫左腐竹冬姑酸菜米線, 咖哩羊架意粉, 同埋一個炸大腸.
炸大腸就話係美國大腸..但我真係食唔出同街既有咩分別..雖然個樣麻麻地, 但食落又真係唔錯幾好味.
米線酸酸辣辣都唔錯, 又多配料都算岩我口味...
最後既羊架係令我地最喜愛...3大件羊架..煮得好淋好好味..用咖哩汁配意粉就一流...
不過此店都有溜單既情況, 同埋坐埋一角d人都唔係成日留意d我地..服務方面就只屬一般 |
|
|
Café Kool |
標題 : FRIEND'S GATHERING |
地址 : 尖沙咀麼地道64號九龍香格里拉大酒店閣樓 |
地區 : 尖沙咀 |
|
現時分數:
|
日期 : 2010-09-28 21:48:20
一班朋友聚聚舊, 最後決定來cafe kool食個buffet放縱下.估唔到此酒店食物選擇都好多...第一round個個都取凍海鮮食, 估唔到有東風螺食, 仲有生蠔, 凍蟹, 凍蝦等選擇很多而且樣樣都鮮甜.
估唔到佢地既熱食都好多選擇, 當中自己最喜歡就係燒香腸, 有2款一紅一白2款都好得, 仲有蝦餃都好好味,只係可惜當晚沒有羊架食.
全晚我最欣賞竟然係心太軟再轉角去加一個雪糕球真係好滿足呀...佢地d甜品都好好味, 樣樣都好得呀.
宜家東亞信用卡做緊promotion, 有75折真係十分抵食. |
|
|
Augustins Waffles |
標題 : 軟雪糕 |
地址 : 銅鑼灣勿地臣街1號時代廣場地庫1層CitySuper (銅鑼灣港鐵站A出口) |
地區 : 銅鑼灣 |
|
現時分數:
|
日期 : 2010-09-28 21:47:37
上次經過此店原來佢宜家除左有waffle買之外, 仲有軟雪糕買.
咁為食既我更係要試下...自己一個人叫左個twist (雲呢拿&綠荼)雪糕..大大杯好好味特別個綠茶真係好香好滑.
不過唔知點解d雪糕一陣就好快溶呀..攪到食到一半都幾麻煩 |
|
|
泰開心泰越精品餐廳
|
標題 : 可以一試 |
地址 : 沙田大圍道55-65號金禧花園商場1樓115-116號舖 |
地區 : 沙田 |
|
現時分數:
|
日期 : 2010-09-28 21:46:53
因有事要入大圍工作, 見有時間提早食左個午飯免同人迫, 行來行去決定去這個商場內既泰開心食lunch.
自己一個人叫左個雞翼撈檬+青檸梳打(半價)
一來成個lunch set包左一個湯&小食.(不過可有可無, 成個湯好油可以唔飲, 個小食都唔知係咩似係泰式沙律)
好彩個主食都算唔錯, 成碗檬都有成4隻雞翼.雞翼即叫即炸熱騰騰好好味,以三十幾元來講都算唔錯既選擇 |
|
|
At Corner気日本料理@HEA Place
|
標題 : 唔得呀..浪費我假日既LUNCH |
地址 : 銅鑼灣告士打道228號世貿中心9樓 |
地區 : 銅鑼灣 |
|
現時分數:
|
日期 : 2010-09-28 21:46:08
難得假日可以來cwb食lunch, 一早search好就決定來此店試下.
可能假日午餐時間都唔多人...安排坐係window seat都唔錯, 只可惜係張枱係d摺枱好唔穩陣..
2個人叫左一個什錦魚生(海膽, 三文魚, 吞拿魚, 甜蝦, 赤背同埋立魚set 同埋一個3式飯(鵝肝, 蔥粒吞拿魚,什錦魚生)
老實講我覺得好一般, 唔算特別好味, 如果以咁既價錢可以去d更好既日本餐廳食到d更好既魚生.
最後再上一個甜品係成個set最令人滿意 |
|
|
Crumbs |
標題 : 此終YOGURT最好食 |
地址 : 銅鑼灣景隆街8號1C地舖 |
地區 : 銅鑼灣 |
|
現時分數:
|
日期 : 2010-09-28 21:45:15
第一次就係去此店買提子scone食..點知食左之後對此店念念不忘, 第2次來就更係要再買多次scone再買埋佢地既yogurt來試..點知yogurt同樣做得出食, 我加左藍莓同埋一樣好似餅乾碎配埋佢既yogurt來食真係好正.
佢地出左朱古力scone, 不過試後都係覺得提子味最岩我食. |
|
|
鼎泰豐
|
標題 : 此分店好食 |
地址 : 銅鑼灣怡和街68號 |
地區 : 銅鑼灣 |
|
現時分數:
|
日期 : 2010-09-28 21:44:15
記得鼎泰豐第一間店就係在紅磡開店, 當初都為左一試都排左好耐隊先試到.不過果一次亦都係我最後一次食..覺得佢都係不外如事, 名過於實啦唔值得要排咁耐隊食一餐.
昨晚友人話cwb間鼎泰豐唔錯帶我去試, 好彩友人早到避左排隊之苦.不過再次係香港食又覺得比起第一次印象好好多, 2個人叫左蟹粉小龍包, 素餃, 油豆腐粉絲, 四喜麵軼最後我忍不住再試埋佢地既紅油炒手(蝦肉)
我自己對蟹粉一般, 佢地此店d小龍包真係做得好有水準, 不過加左d蟹粉個人覺得有d腥.相信普通小龍包會好味好多, 素餃同樣出色皮薄餡多好味,第一次四喜麵軼覺得好好味, 至於紅油炒手就更加好味唔會好似出面咁皮好厚.成晚覺得個湯好一般, 不過友人話這個湯先係做得最正宗似台灣既鼎泰豐. |
|
|
Le Soleil |
標題 : 米芝連套餐 |
地址 : 尖沙咀麼地道69號帝苑酒店3樓 |
地區 : 尖沙咀 |
|
現時分數:
|
日期 : 2010-09-28 21:42:52
謝友人既介紹, 唔係我都唔知此店D食物咁出色..佢一介紹完我就即BOOK位星期六去試下...去到先知原來我地去話BASEMENT果間東來順食過晚飯...今次這間就係最上3樓位置.
準時7時去到, 2個人睇左一陣MENU, 第一次來實在太貪食想試多幾款, 最後我地叫左米芝蓮套餐.
先來個炸蝦片, 又真係幾好食喎少少辣好惹味.
套餐來既係拚盤, 我自己最喜歡係個肉卷好多汁好好味, 反而個春卷就好似無咩特別.
主菜我地就選左每人一隻大蝦, 跟住就係我最期待既脆皮牛腩, 鹽燒魚, 同埋炒通菜...雖然樣樣野都好似無咩特別, 但老實講我覺得真係好好味..好似個脆皮牛腩真係做到外脆內淋, 燒魚同樣出色一般我地食既都係大大條, 這間就好細條LA, 但燒出來岩岩好D肉好滑好多汁...最令我地喜歡係個炒菜呀..我地仲係度想緊個菜係用咩炒.真係唔知點解可以炒到咁鬼死香.
最後就係每人一碗粉..更係每人叫一款就可以試多一款野
估唔到個生熟牛河既牛係用和牛真係好正, 至於我個蕃茄米線都一樣好出色..D米線真係好滑好好味, 個湯底好似用左好多蕃茄整成好鮮甜.
成個餐最無特別就係個甜品
唔知咩芒果涼粉.
好美滿既一餐. |
|
|
北京拉麵店 Peking Noodles Restaurant |
標題 : 抵食SET LUNCH |
地址 : 旺角西洋菜街212號地下 |
地區 : 旺角 |
|
現時分數:
|
日期 : 2010-09-28 21:41:06
睇完醫生,原本想去食餃子點知附近都無咩餃子店, 最後同友人去左北京拉麵到食lunch就算.
唔算好胃口, 所以2個人叫左生煎包及嫰雞煨麵食就算...個煨麵真係唔錯料又多又唔會煮到d麵一patpat值得一試, 生煎包都ok, 雖然個包入面無汁, 但都叫唔算太油唔錯.
不過估唔到此店都會收加一服務... |
|
|
Ceres Boulangerie et Patisserie |
標題 : 唔值呀. |
地址 : 九龍城福佬村道23號 |
地區 : 九龍城 |
|
現時分數:
|
日期 : 2010-09-28 21:40:18
食完餐好正既午餐後, 就來此店買d蛋糕同麵包回家試下..
知道這裡出名roll,所以買左一片回家, 味道又真係好好味又鬆軟, 但一片就等於出面一整條既價錢真係試一次就夠.
另外試左個唔知咩名既甜點, 成個以芒果為主有d芒果打成既醬係底部上層有d好似芒果jelly咁, 味道一般唔算吸引
最後再買左個芝士南瓜包回家...麵包亦不見得特別亦無咩芝士味有d失望 |
|
|
喜喜冰室
|
標題 : 懷舊一下 |
地址 : 銅鑼灣加寧街8號海倫大廈地下 |
地區 : 銅鑼灣 |
|
現時分數:
|
日期 : 2010-09-28 21:39:45
見到cwb開左間懷舊冰室, 再睇到食評d相既pancake吸引左我一定要來試下...所以上星期忍不住拉左友人陪我來試下.2個人可以叫試多幾款食物.
7時半到都唔係好多人, 不過地方都唔算大無咩2人位, 所以後來多人來之後都會有share枱既情況出現
一心一意來就係試過pancake 同埋個青豆湯雞批, 估唔到原來一個特餐可以同時滿足我2個願望, 所以想都唔洗想就叫左個特餐.友人就叫多個鮮茄燴牛利意粉share來食.
加錢叫左個紅豆刨冰
好快就來左個青豆雞批湯, 上枱後服務員會係雞批中間加入一大埋茄汁.友人話加左茄汁食先好味, 但我個人認為唔加茄汁只係雞批配個湯已經好滿足.青豆湯好彩都唔錯無咩腥味, 不過連埋個雞批一起食都幾heavy下, 整體上我都覺得這個菜式幾特別配搭都唔錯.
另外友人既紅豆刨冰我試左一啖紅豆都好好味, 不過個餐要再加$12都算幾貴下.
個牛利意粉都幾好味, 牛利都算多意粉又唔會好油,一樣做得出色.
最後成晚我最欣賞就係個pancake, 初時見到一大埋焦糖仲怕會好甜, 點知出乎意料之外成個pancake都唔會好甜, 就算佢個pancake好早已經到, 我地放係最後食個pancake都有d微暖好好味, pancake本身厚身加上香蕉少少合桃真係十分回味.
加上服務都唔錯, 一班哥哥仔服務員唔算有笑面, 但個個都好有禮.
值得一試 |
|
|
Patisserie Tony Wong |
標題 : 拿破崙 |
地址 : 九龍城福佬村道74號 |
地區 : 九龍城 |
|
現時分數:
|
日期 : 2010-09-28 21:38:40
難得來九龍城更係買多d自己想食既野回家...再來此店買佢地出名既拿破崙蛋糕回家試下....另外再買多件綠茶芝士餅回家
此店既拿破崙真係好得好好味, 個餅皮好脆好香配上中間既custard sauce真係好好味, 值得一試.
|
|
|
雲南風味
|
標題 : 好味WOR.. |
地址 : 觀塘崇仁街17號地下 |
地區 : 觀塘 |
|
現時分數:
|
日期 : 2010-09-28 21:37:25
中午心血來潮想去沖出九龍灣食lunch, 因為要返工關係唔可以走得太遠,所以去左官塘搵食就算.怕1時會多人所以12時左右就食lunch la, 2個人叫左個過橋米線, 蒸臭豆腐(辣) &虎皮椒炒舞x菌(唔記得個名, 不過老闆娘話係野生)(辣)
初時仲擔心3個菜有2個都係辣, 點知原來所謂辣既一d都唔辣.
好耐都無食過過橋米線係配菜/米線/湯分開上, 個湯好清但好鮮甜相信無落味精, 米線配料有火腿, 魚片, 白肉最欣賞係佢既白肉真係做到一層肥一層肉好好味,
另外從未試過蒸臭豆腐估唔到一樣香口好味, 反而對於個炒野菌我就覺得好一般唔算十分好味, 其實最想試係個羊乳餅,可惜今次叫左太多野, 只可以等下次先再去試. |
|
|
Yo Mama |
標題 : 好一般 |
地址 : 中環港景街1號國際金融中心商場2期1樓1061號舖 |
地區 : 中環 |
|
現時分數:
|
日期 : 2010-09-28 21:35:47
近期愛上食yogurt, 自從係cwb食過crumbs既yogurt一試難忘, 難得星期日要去坪洲一遊, 去之前到ifc食個yogurt先起行.
此店有3款口味選擇, 原味, no fat及綠茶,原味好多地方都有, 所以選左綠茶試下topping要左oreo一軟一脆既配合好好味.
不過我覺得yogurt本身個greentea唔算好濃味, 只係可以話只有淡淡既茶味唔算十分突出.
其實佢既topping選擇都好大路..唔似crumbs及berrygood有自己既一d特色topping, |
|
|
Berrygood |
標題 : 我喜愛 |
地址 : 中環嘉咸街41-43號地下 |
地區 : 中環 |
|
現時分數:
|
日期 : 2010-09-28 21:34:58
好開心去玩離島半天遊估唔到仲可以去埋berrygood試埋佢地既yogurt, 星期日都算有口福.
睇左or既多個食評此店既評語都好好, 更加令我心思思好想試.晚上8時多都估唔到有幾多人到..店子小小但白色為主令到成間店好光猛好舒服.
2個人叫左一個大size share食.今日daily yogurt係pomegranate, 但我就叫左個swirl至於topping我選左藍莓, mochi及cinnamon cracker(唔太記得個名)
估唔到mochi真係幾好味又唔會痴牙好得意.
石榴味既yogurt都唔算太特別, 但可以配料多一起食好豐富好好味.
食完晚飯再以這一個yogurt作為甜品真係一個完美既一天 |
|
|
Domon 札幌拉麵
|
標題 : 蔡SAN好介紹 |
地址 : 銅鑼灣波斯富街99號利舞臺廣場6樓A&B舖 |
地區 : 銅鑼灣 |
|
現時分數:
|
日期 : 2010-09-28 21:33:59
早一段時間睇完蔡生既飲食節目, 見到佢介紹(其實咪幫拉麵店買廣告)既拉麵店, 想試好耐都未試到.上星期就去左試...此店都唔錯可以book位2個人7時半上到去都唔算多人.
第一次來想試多d野, 所以叫左個2人餐
包2個麵食(小碗)及3款小食
我就算左牛油粟米拉麵, 三文魚親子井飯. 小食:什錦刺身, 什錦串燒&炸薯餅
估唔到佢既小食最正係個炸薯餅喎, 真係熱"啦啦"又唔會油值得推介, 反而佢地d刺身就算一般唔算特別鮮甜.
不過佢既拉麵真係做得唔錯, 個湯底好好味好香, 可能同一大塊牛油做左湯底有關...相信我想食拉麵都有多一個選擇. |
|
|
開心麵皇
|
標題 : 無味晚餐` |
地址 : 銅鑼灣霎東街33號快捷假日酒店1樓 |
地區 : 銅鑼灣 |
|
現時分數:
|
日期 : 2010-09-28 21:33:05
上星期上完堂又走左去試新野, 見到食評都唔錯又話健康又話無味精, 就走左去試.
友人又話唔肚餓, 所以2個人只係叫左一個麵再加2個小食及菜就算...叫左佢地既招牌麵, 開心魚頭湯墨魚汁麵, 再叫左個燒鱔, 炸雲吞同一個清菜.
一來既小食都唔錯, 不過個炸雲吞係超多油唔錯太特別好味, 燒鱔都ok唔錯.心想d小食都唔錯, 個魚頭湯一定唔錯.
點知完全錯架...成餐最差係個魚頭湯麵..成個湯係無味..真係好似飲水..仲差過我自己煲既魚湯.個魚頭既魚肉又係一樣無味.最好咪係個麵law, 起碼唔會一pat pat.
此店係一定無加無精, 不過加少少鹽都可以呀. |
|
|
海寶漁港
|
標題 : 抵食套餐 |
地址 : 牛頭角牛頭角道55號利基大廈C.D.S地下 |
地區 : 牛頭角 |
|
現時分數:
|
日期 : 2010-09-28 21:32:14
星期六去左飲茶, 見到menu有個套餐$98有多款選擇, 所以2個人就叫左個套餐內既鮑魚雞粒石頭飯+4款點心(芝士蝦春卷, 燒賣, 葡汁鮮竹卷&菜苗餃)
點心之中我個人最喜歡係個蝦春卷, 脆卜卜入既既蝦都好好味又大粒...至於葡汁鮮竹卷都係得個名, 來到就係普通鮮竹卷無咩葡汁味
至於個石頭飯真係好得, 好熱令到好多飯焦好香, 不過如果少d油會比較健康同埋唔會太油膩.
不過以$98真係十分抵食. |
|
|
BLT Burger |
標題 : BUFFALO WING |
地址 : 尖沙咀廣東道17號海港城海運大廈3樓OT301-301A號舖 |
地區 : 尖沙咀 |
|
現時分數:
|
日期 : 2010-09-28 21:31:31
一早已經好想試下此店既burger...上星期可以早放,所以約左友人去左tst行左一陣街就來此店食晚餐.因為無得book位, 所以我地未夠7時就去到.
2個人唔係好肚餓,所以叫左一個combo set+一客wing一起share來食.
估唔到個buffalo wing真係好好味...雖然menu內叫spicy buffalo,但我一d都唔覺得辣.大家有機會都要試下.
叫左個blt burger combo選左fat fries,反而最想食既burger又覺得一般唔算特別好味. 至於厚身薯條又真係唔錯.. |
|
|
湯丸皇
|
標題 : 無改錯名 |
地址 : 庇利金街45號地下 |
地區 : 佐敦 |
|
現時分數:
|
日期 : 2010-09-28 21:30:39
難得來到佐敦附近, 晚餐既burger都消化曬, 當然要係附近搵甜品食...見到此店就來試下.叫得湯丸皇點可以唔听湯丸食, 再叫多一個我至愛清心丸綠豆爽.
此店個名我都真係覺得名副其實, d湯丸真係做到皮薄餡靚, 加上個薑湯真係絕配.
至於個清心丸綠豆爽同樣真材實料...下次來都有一個甜品選擇 |
|
|
隆姐泰國美食館 Lung Jie Thai Restaurant |
標題 : OK |
地址 : 九龍城衙前塱道2A-B地下 |
地區 : 九龍城 |
|
現時分數:
|
日期 : 2010-09-28 21:28:10
突然心血來潮想食泰國菜, 所以我與友人2條友就來九龍城搵食.星期六晚預左多人, 為免要排隊,所以我地都預早到隆姐處睇下有無位.好彩都唔算太多人等左一陣就有位.
2個人叫左個冬陰公湯, 生蝦, 豆醬炒椰苗&炸蝦餅.
個生蝦仲會跟埋炸蝦頭, 不過d蝦頭可能一早炸定唔算十分脆卜卜可以唔食都得, 反而d生蝦就唔彩叫新鮮.
成晚最喜歡係個湯,可能太耐無飲啦所以特別喜歡,加上佢用料新鮮又成2隻中size既蝦在內而且又唔算十分辣夠醒胃.
平時出去食都係蒜容椰苗見到此店有豆醬炒就試下..不過我覺得佢用豆醬好似少左d唔算十分出味...不過整體都算ok |
|
|
定食doraya 定食doraya |
標題 : TUNA了得 |
地址 : 銅鑼灣駱克道451號地舖 |
地區 : 銅鑼灣 |
|
現時分數:
|
日期 : 2010-09-28 21:27:18
上完堂就走左去附近此店食魚生飯, 我叫左吞拿魚飯, 友人叫左什錦魚生飯.
成個set都包左一客2件既甜蛋, 一客海帶沙律, 一個miso湯....特別喜歡到此店食魚生飯, 因為佢地d魚生真係叫做新鮮, 特別係tuna, 平時係壽司店好少叫tuna食,因為覺得麻麻地唔算好味, 但來到此店我一定會叫tuna飯食.
不過此店地方真係超細, 食野真係食得好唔舒服.香港地方真係寸金呎土... |
|
|
聰嫂私房甜品
|
標題 : 值得推介 |
地址 : 銅鑼灣霎東街33號快捷假日酒店地下G1號舖 |
地區 : 銅鑼灣 |
|
現時分數:
|
日期 : 2010-09-28 21:26:23
cwb又開左新既甜品店對我真係大喜訊, 近期比較喜歡來此店食甜店, 今次叫左龍眼椰果冰來試, 真係估唔到咁清甜好好味, d椰果冰應該係用左d龍眼肉打成冰, 所以冰內都有少少龍眼肉食...大家經過都可以一試
|
|
|
程班長台灣牛肉麵.甜嫂私房甜品
|
標題 : 台灣口味 |
地址 : 銅鑼灣駱克道463-483號銅鑼灣廣場二期G02-03號舖 |
地區 : 銅鑼灣 |
|
現時分數:
|
日期 : 2010-09-28 21:25:19
見到cwb有開新店更係一定要來試..原來係筲箕灣有甜品店來cwb又開既...不過此店仲有牛肉麵買..就更係要試.
2個人叫左個三寶麵(牛筋, 牛肚,牛肉) &鹽酥雞扒麵+紅豆珍珠奶茶
估唔到個三寶麵真係好好味所有牛既部位都整得好入味, 個湯底好濃但無味道, 值得一讚, 反而我叫既鹽酥雞扒就一般, 無咩鹽酥味, 加上我既麵既湯底係雞湯無牛肉麵既牛肉湯咁好味, 偏清淡..下次都係叫牛肉湯底既麵比較好d. |
|
|
SaVoye Bistro |
標題 : Nice Dinner |
地址 : 天后永興街9-11號地下A店 |
地區 : 天后 |
|
現時分數:
|
日期 : 2010-09-28 21:23:30
近期真係好有口福, 亂搵一間餐廳都令我好滿意.
今次又同友人來此餐廳試下,見到食評都讚不絕口, 我就更加心思思要來.星期六一早就book位要點, 點知佢都話我地係last table..有無咁好運.真係happy.
約左晚上7時準時到達,點知原來book位安排既位置都唔多理想.坐係門口附近...果一刻真係有d唔開心.
不過唔緊要, 好彩食物都好好味.
我與友人叫左一個dinner set 及一個taste menu來share食.
dinner set:牛油果蟹肉沙律, 燒羊扒, 及飲品(另加$20叫左個蕉糖燉蛋
至於taste menu就生蠔2隻, 帶子沙律, 帶子忌廉湯, 鵝肝牛柳, 甜品(朱古力梳乎里)及飲品
食物真係一流, 特別喜歡個鵝肝, 一口鵝肝一口牛柳真係配合得好好, 另外個湯都好香好甜,
另外一讚係佢地d服務個個都好nice,我與友人SHARE 晚餐來食, 佢地都好細心幫俾左2隻細碟我地SHARE前菜食, 更加估唔到係佢地細心到連湯都幫我地分2小碗俾我地分享.
大家有機會真係值得一試.
推介美食: 鵝肝牛柳, 焦糖燉蛋 |
|
|
Niji bistro Noritake |
標題 : 食物水準都好好 |
地址 : 尖沙咀廣東道17號海港城港威商場3樓3208號舖 |
地區 : 尖沙咀 |
|
現時分數:
|
日期 : 2010-03-16 16:05:46
上星期六去左tst行街, 買完野就一心一意要來此店食飯...時間尚早所以有位唔洗等.
我地睇左一陣都係決定叫個2人set dinner試下..不過估唔到我真係幾滿意.
頭盤我地選左salad, 佢個salad就come with 7款不同既dressing,幾特別
主菜有3款選2款, 我地選左唔知咩蛋意大利飯 & 牛臉肉配天使麵, 2個主菜都好好味, 特別個意大利飯真係好似日式蛋包飯, 多汁d蛋又唔會煮都好似蛋包飯咁熟好好味, 個牛臉肉都幾嫰唔會鞋口.
最後就係甜品+咖啡, 我地更係要試下此店既latta, 甜品就係綠茶芝士餅....可能食到太飽我個人認為個芝士餅就麻麻地, 原本佢門口有得買,我未食之前已經決定要買回家, 點知咁岩佢個甜品就係這個蛋糕,試左後覺得唔岩我口味,慳番.
大家有興趣都可以去此店食下飯, 因為此店都用回佢地既瓷器, 所以唔洗買回家都可以有得用下.
|
|
|
巴蜀烤全魚
|
標題 : 筲箕灣分店 |
地址 : 紅磡必嘉街89號 |
地區 : 紅磡 |
|
現時分數:
|
日期 : 2010-03-16 15:58:24
上星期五見早放工,所以自己一條友去左按摩. 點知按完後老闆就call來話佢都可以放工可以陪我食晚飯...咁有人陪都無咁悶更係好啦...一早已經想去佢公司附近新開既店食魚..
8時多去到都要等左一陣位..好彩唔洗等好耐...2個人叫左泡椒味小邊魚再加多個涼拌青瓜...
個魚原來都係一般既大魚..不過佢地就加左好多配菜如芽菜, 金姑, 芹菜..個魚又話有少少辣..點知都唔辣既..不過都好夠味..d魚都算新鮮都ok架..一邊食下面有個小爐仔熱住條魚都唔錯, 不過如果再凍d來食就比較好d啦..宜家都比較熱所以當日愈食愈熱呀.
如果大家都喜歡食魚, 此店都可以一試...佢地好似都有好多分店.
|
|
|
泰地道 Hot Basil Thai Cuisine |
標題 : 魚汁米線 |
地址 : 九龍城啟德道31號地下
|
地區 : 九龍城 |
|
現時分數:
|
日期 : 2010-03-16 15:54:35
無意中來到九龍城食lunch, 2個人今次唔貪心叫左2樣野...就岩岩好..叫左個冰火燒牛肉&魚汁米線...我覺得個燒牛肉都係普通野係個名好似改到好吸引咁...無咩特別, 相反個米線真係好得呀..特別個喇沙汁配個米線好正, d魚蛋都好好味..食完都好想快d再來試其他食物呀. |
|
|
香味屋 The Spice Market |
標題 : 食物差差 |
地址 : 海港城馬哥孛羅太子酒店3樓3樓 |
地區 : 尖沙咀 |
|
現時分數:
|
日期 : 2010-03-16 15:41:25
這間buffet真係好唔得..係我食過咁多buffet之中最唔得...仲要係酒店入面真係唔抵食唔好食.
平時去到酒店食buffet唔理3 7 21就係去食生蠔..仲可以encore架麻..這一間食左1次就唔會再翻取
青口唔得,凍蝦唔得, 長腳蟹死唔得, 生蠔係超級死唔得...連煙三文魚都唔得..估佢唔到.
跟住見到人地有咩龍蝦海皇湯啦..又走去排隊取..
登登登登....大家睇清楚d個湯幾清..........水...係無味架..怪怪..佢地係湯還湯煮..d海鮮即場再翻熱..基本上只係為左食隻龍蝦..最慘係隻龍蝦都唔好味..
食完這個我已經完完全全放棄任何海鮮..
轉攻熱食...點先睇左成個場都無咩熱食好味...見有和牛食..又去等來食..點知等左好耐先有.(好彩唔洗自己排隊等..係俾枱上既"排"仔佢地就有人送上來)
每枱仲送上佛跳牆...和牛一d都唔似和牛..似普通既牛柳粒多d.
佛跳牆算係成晚最好味既熱食..其他熱食真係唔多得...我只係取左d炒什菜...牛仔骨, 燒雞翼..無lu..真係無咩野選擇.
最後食甜品..
老闆就係為左這個自製waffle機帶我來此店食...
又真係成個甜品之中..waffle+雪糕叫最好食..其他既甜品又係唔會令我想影相...
總結.....................太子酒店香味屋係..可以bad list架.
|
|
|
Hip Sushi (銅鑼灣) Hip Sushi |
標題 : 我至愛 |
地址 : 世貿中心P1店P110-111 |
地區 : 銅鑼灣 |
|
現時分數:
|
日期 : 2010-03-16 15:39:10
一般去cwb想食壽司又唔想排隊我都會選擇此店, 喜歡此店既壽司係鰻魚壽司及鵝肝壽司, 不過有時都有睇下幸氣, 如果好彩既話師傅會燒出來既鵝肝又大又厚又好味.不過最穩定都係鰻魚壽司每次食都係差不多size都係水準之上
另外佢地既辣汁豆腐沙律都唔錯, d豆腐係炸過再加上少少菜及辣汁夠醒胃.
|
|
|
豚組吉列專門店 Butagami Tonkatsu |
標題 : 半肥吉列豬扒 |
地址 : 銅鑼灣軒尼斯道502號黃金廣場7樓 |
地區 : 銅鑼灣 |
|
現時分數:
|
日期 : 2010-03-16 15:35:25
因為時間都唔早,所以都無行去世貿果間食吉列豬扒.我地去左豚組食就算.
此店都唔錯, 簡唔中都轉下menu, 更加估唔到係個吉列豬扒可以選脂肪多...hohoho..我地無有怕見到有脂肪多更係選左多架啦..因為上次我地食吉列豬扒食過覺得d豬扒好似鞋口左,今次有d肥膏食落就正好多啦.
再選左個3選既拚盤(我就選左和牛粒, 吉列蠔&鵝肝豚肉漢堡), 成個拚盤最難食就係和牛, d牛肉粒好"un" 咬極都咬唔開, 估唔到最正係個漢堡,雖然食唔到d鵝肝但入面都幾多汁唔錯唔錯
|
|
|
開心麵皇
|
標題 : 無味精唔代表可以無味 |
地址 : 銅鑼灣霎東街33號快捷假日酒店1樓 |
地區 : 銅鑼灣 |
|
現時分數:
|
日期 : 2010-03-16 15:32:21
上星期上完堂又走左去試新野, 見到食評都唔錯又話健康又話無味精, 就走左去試.
老闆又話唔肚餓, 所以2個人只係叫左一個麵再加2個小食及菜就算...叫左佢地既招牌麵, 開心魚頭湯墨魚汁麵, 再叫左個燒鱔, 炸雲吞同一個清菜.
一來既小食都唔錯, 不過個炸雲吞係超多油唔錯太特別好味, 燒鱔都ok唔錯.心想d小食都唔錯, 個魚頭湯一定唔錯.
點知完全錯架...成餐最差係個魚頭湯麵..成個湯係無味..真係好似飲水..仲差過我自己煲既魚湯.個魚頭既魚肉又係一樣無味.最好咪係個麵law, 起碼唔會一pat pat.
此店係一定無加無精, 不過加少少鹽都可以呀.
|
|
|
鼎泰豐
|
標題 : 估唔到好食 |
地址 : 銅鑼灣怡和街68號 |
地區 : 銅鑼灣 |
|
現時分數:
|
日期 : 2010-03-16 15:28:26
好耐都無食話上海菜, 記得岩岩鼎泰豐係紅磅開第一間店時,我為食都排左好耐隊先食到..不過食左一次之後就無再來...因為我覺得要排咁耐隊d食物都係差不多唔算特別出色, 所以以後見到多人都唔會特別想去
不過此店老闆既朋友試過話ok, 所以我今次係第2次來食
2個人叫左都唔算好多野..不過樣樣野比起我第一次食既好好多, 當晚我地叫左蟹粉小龍包, 老闆話好味, 反而我覺得普通小龍包好味好多...有蟹粉我覺得好似腥左d.
另外叫左個四喜烤麩, 估唔到都幾好味喎.下次我都要再叫這味來食...
|
|
|
鼎泰豐
|
標題 : 估唔到好食 |
地址 : 銅鑼灣怡和街68號 |
地區 : 銅鑼灣 |
|
現時分數:
|
日期 : 2010-03-16 15:25:55
好耐都無食話上海菜, 記得岩岩鼎泰豐係紅磅開第一間店時,我為食都排左好耐隊先食到..不過食左一次之後就無再來...因為我覺得要排咁耐隊d食物都係差不多唔算特別出色, 所以以後見到多人都唔會特別想去
不過此店老闆既朋友試過話ok, 所以我今次係第2次來食
2個人叫左都唔算好多野..不過樣樣野比起我第一次食既好好多, 當晚我地叫左蟹粉小龍包, 老闆話好味, 反而我覺得普通小龍包好味好多...有蟹粉我覺得好似腥左d.
另外叫左個四喜烤麩, 估唔到都幾好味喎.下次我都要再叫這味來食...
|
|
|
喜喜冰室
|
標題 : 特色之店 |
地址 : 銅鑼灣加寧街8號海倫大廈地下 |
地區 : 銅鑼灣 |
|
現時分數:
|
日期 : 2010-03-16 15:23:27
因為我想試下青豆湯雞批(其實我平時唔食青豆, 見到我會挑起曬出來, 但青豆湯我又唔知點解會飲喎,怪人一名), 所以上完堂就同朋友來試下.
見到有特餐包青豆雞批仲有我超想試既香蕉pancake喎更係想都唔想就叫個特餐la.
另外同友人share一個牛利燴意粉.
個青豆湯都好味配埋雞批一齊食就好..不過成晚我最鐘意食係個pancake, 初時見到咁多焦糖仲以為好甜, 但估唔到食落又岩岩好...
大家有興趣都可以去試下
|
|
|
翡翠拉麵小籠包 Crystal Jade |
標題 : 名過於實 |
地址 : 勿地臣街1號時代廣場地庫B221A |
地區 : 銅鑼灣 |
|
現時分數:
|
日期 : 2010-03-16 12:43:45
好彩上星期好似自己有d起色, 上完堂後就去左翡翠拉麵到食晚飯..真係估唔到此店咁多人排隊食..以前係則魚涌返工食過一次都唔覺得佢有咩咁特別既...不過老闆話想食就陪佢食啦..
2個人原本只係叫左個炒莧菜, 小龍包&雞燴麵就收手, 可能老闆又知我喜歡食香口野最後我地再追加埋蘿白絲酥餅...點知...最終都係浪費曬..唉...不過老實講我覺得佢地d食物都係ok..不過味精十足呀..真係相當頂唔順..我地對太重味精店都唔會再去架.
|
|
|
Simplylife Bakery Cafe |
標題 : 健康又好味 |
地址 : 九龍塘達之路80號又一城2樓42號店 |
地區 : 九龍塘 |
|
現時分數:
|
日期 : 2010-03-16 12:40:26
2個人叫左個洋蔥湯(老闆既), salad&羊膝意粉(share食)最後老闆仲叫左杯cappuccino來飲..(最後佢話飲左杯咖啡晚上好眼光光)..好彩我都係試左一啖.
這一間d食物真係幾岩我食, 佢樣樣都話有有機既..聽落已經覺得好健康啦..仲要d味道都好正, 我最喜歡係個意粉真係整得好香好好味, salad都唔錯個洋蔥湯清甜一流呀...食完飯我仲走左去買左d麵包回家食..佢地d包真係好好味...大家下次經過唔食飯都可以去試下佢地d麵包真係好好味.
|
|
|
The Krug Room |
標題 : 服務一流食物一般 |
地址 : 中環干諾道中5號香港文華東方酒店1樓 |
地區 : 中環 |
|
現時分數:
|
日期 : 2010-03-16 12:33:16
每一年生日,我都係喜歡選擇去食一次BUFFET令自己開心下....其實計落我近期都食左好多次BUFFET啦..今年絰女生日又係食BUFFET連父親節我地一家都係去食BUFFET....
上年原本想去州際/半島食架...不過早一星期訂位都無位,所以今年老闆好醒目地早左成1個半月前book位..仲要怕我有變更所以連續book左2個星期六, 一間係文華;另一間係半島....不過被老闆估中我下星期六都係突發要返工,所以最後我都係選擇上星期六去左文華食buffet就算.
未夠6:30pm我地已經到達餐廳, 可能一早book定位所以安排坐係window seat...不過都係望住皇后像廣場啦...無景不過勝在個位算幾好坐幾好hea.
我都無睇個食評原來都文華都幾有expectation架...點知我一出去取就係冬陰公湯...試左一啖就無咩信心..
大家睇左個樣就知有幾清淡..碗野真係相當唔得呀...但係反而碗mushroom soup就唔錯
這處既冷盤海鮮都算幾多選擇, 有2款蠔, 瀨尿蝦, 龍蝦仔, 螺, 青口, 蝦, 蟹腳...
都算樣樣都新鮮唔錯, 仲有魚生都有幾款食食下仲會加d新既刺身都ok啦..不過味道當然係去日本餐廳食比較好d.
仲有salad都有好幾款..最唔好就係岩岩開頭食左我至愛既pama ham, 但取左一碟之後,佢地就無再refill啦..緊死我.
其他d食物我都係覺得好一般..我地樣樣野都係試左少少之後, 無野好食就轉左食甜品啦..仲要此店係無雪糕供應架...攪到我都無咩好食之下就勁食水果..
最後就由一杯檸茶作結尾.
埋單先發現原來這餐又真係唔貴..所以食物叫一般都係應該既...
不過都係要多謝老闆為我預備既晚餐.
|
|
|
石磨坊 Shek Mo Fong |
標題 : 朱古力燉奶 |
地址 : 旺角豉油街66號地下 |
地區 : 旺角 |
|
現時分數:
|
日期 : 2010-03-16 12:28:42
玩完更係去食甜品...叫左芝麻糊+芝麻湯丸同埋一個朱古力燉奶....個芝麻糊就更係好滑好好味, 不過估唔到湯丸入面既芝麻餡就好難食..真係唔知點形容既難食..好彩湯丸唔係我要求叫,所以我只負責食一粒, 至於個朱古力燉奶又幾好味...不過相比義順既雙皮奶..當然我會喜歡後者多d啦.
|
|
|
Hong Kong Brew House (Closed) |
標題 : quick lunch |
地址 : 中環雲咸街33號LKF Tower 地下2號舖 |
地區 : 中環 |
|
現時分數:
|
日期 : 2010-03-16 12:24:02
好小有機會lunch時段來中環, 咁岩要工作更係就岩時間順便食個lunch.
最衰趕住出來工作,所以無搵定有咩好食最後都係亂入一間食個lunch就算...
見到這間BAR有SET LUNCH供應,更係即刻入去坐啦..
2個人叫左一個素三文治配薯條; 友人叫左個羊仔肉都一樣配薯條(2個set都包餐湯同埋飲品)飲品仲可以叫beer / wine既..當然我對酒類無咩興趣都係叫回普通飲品算數.
講番d食物先..我個人最欣賞係個三文治d餡係grill過既蔬菜都幾入味唔錯,至於羊肉反而覺得一般啦..另外佢地既薯條都炸得好一流唔算太油...一個lunch包湯包野飲都係$100之內真係值得一來
|
|
|
Brunch Club |
標題 : cwb分店 |
地址 : 中環卑利街70號地下 |
地區 : 中環 |
|
現時分數:
|
日期 : 2010-03-16 11:42:27
平時真係好難得可以同老闆係星期日出街...難得上星期日佢唔洗番工...我又岩岩前2日蛇左出去按左摩,所以我地就約左去食BRUNCH啦...其實之幾次坐小巴都已經見到CWB開左間叫BRUNCH CLUB...心想會唔會係中環既分店啦...所以我已經心目中要去試下..難得大家都得閒...我地大約差不多2時先到..但都係無位最後被安排坐高枱十分唔舒服呀..無計我想試下都要坐底架啦.
環境方面有D位真係睇落都好舒服真係一處可以好HEA既地方...因為一早我既愛心媽媽買左份愛心早餐俾我..基本上這一餐我都係陪食多...2個人我叫左杯LATTE FRAPPE, 老闆就叫左杯CAFE LATTE, 同埋一份MIX GRILL...野飲方面我杯凍飲就麻麻地基本上都飲唔到咩LATTE味反而熱既CAFE LATTE滑好多香好多..至於食物都係咁樣咪似FLYING PAN既大大份早餐....不過我都係貪新鮮有咩新店都想試下咁話...不過對於係CWB無咩ALL DAY BREAKFAST來講, 此店都係一個好好既選擇
|
|
|
土司工坊 Toast Box |
標題 : kaya toast |
地址 : 銅鑼灣勿地臣街1號時代廣場地庫2層B219-B220舖 |
地區 : 銅鑼灣 |
|
現時分數:
|
日期 : 2010-03-16 11:40:15
上星期六放工之後先有機會試下...放工去到都已經2時啦...叫左個kaya 多士跟煎蛋; 同埋個叻沙..個土司真係好好味以前聽到kaya都無咩好感成日覺得會好甜估唔到此店既kaya幾好味喎不過塊牛油真係好多食左都覺得好guilty.
另外個叻沙都唔錯個湯底都幾濃既蝦味唔錯唔錯..
|
|
|
Applegreen |
標題 : 好豐富晚餐 |
地址 : 旺角太子道西193號新世紀廣場7樓713-715號舖 |
地區 : 旺角 |
|
現時分數:
|
日期 : 2010-03-16 10:26:58
上次睇到d食評過佢地d薯條好食,所以我又忍唔住叫左薯條, 今次就叫左野菌沙律 & 什腸拚盤.
反而覺得薯條都係好一般...似m記既薯條加左d seasoning無咩特別, 不過最欣賞係個salad...有d sundried tomato好好味...至於個腸有4款..不過我地都係覺得只有2款比較好味...另外2款就麻麻地...成碟野我最喜歡係個蒜頭呀...hohoho..食完真係臭死其他人.
|
|
|
PizzaExpress |
標題 : perfect dinner |
地址 : 赤柱赤柱大街90號 |
地區 : 赤柱 |
|
現時分數:
|
日期 : 2010-03-16 10:22:00
我真係好少會係赤柱食飯...唔知點解可能覺得無咩特別吸引..不過見到好多人都話pizza express好正好好味,所以昨晚上完堂就走左入去食晚飯...平日既赤柱又點需要book位...去到大把枱.我地上左二樓window seat...唔錯...不過出面黑麻麻鬼睇到咩view咩.
我同老闆每人選一樣..我選左個salad...不過已經唔記得名 lu...老闆就選pizza..不過又係唔記得名..只係知面頭果幾粒係腸仔..
食pizza更係要配coke架啦..估唔到支coke咁鬼細...點夠我飲...
不過此店d食物真係好正..特別個pizza真係好好味...雖然食到第2件已經好飽, 但係真係好好味..最後第3件我都隊埋..勁飽..
個salad都唔錯, 此店既火箭菜一d都唔苦幾易入口唔錯..不過白色果pat既cheese就好似無咩味.
大家唔知有無發現我好耐無食甜品, 不過今次就試下啦...此店d雪糕應該係自家製..唔甜好好味..配埋佢地d朱古力蛋糕一暖一凍太perfect.
|
|
|
肇順名匯河鮮專門店 Siu Shun Village Cuisine |
標題 : 一般貨式 |
地址 : 九龍灣宏照道38號 MegaBox 7樓6號舖 |
地區 : 九龍灣 |
|
現時分數:
|
日期 : 2010-03-16 10:14:02
上星期六我真係好crazy, 中午時段先去完玩大富翁, 到放左工又見有時間又再去多轉....咁樣真係唔得..要control下自己先...超碼唔好一日去2轉啦...hoho
玩完之後...一心一意就係去connie介紹食魚既酒樓食飯...原本一心一意都係想食一魚2味...但部長話2個人唔需要叫一魚二味啦..所以我地就叫左一條叫馬面交呀用來豆豉蒸; 加左碟梅菜蒸菜芯...因為老闆想食龍蝦我地又再叫左龍蝦e面...不過最後都係要大碟龍蝦e面都要打包.
個馬面交d肉質好似鱔魚呀...味道都ok既..不過食到落尾聲就覺得佢地d食物係咪好重味精呢...老闆仲話佢d味精上腦呀...
個菜芯都ok...不過唔算靚..有d仲苦苦地...
個龍蝦e面都係一般..唔知係咪我份人犯賤呢...我都係喜歡連殼既龍蝦我會覺得食緊龍蝦..一旦佢走殼..我就覺得唔似食龍蝦咁..同埋好似成碟野都無咩味道.
|
|
|
Tony Roma's |
標題 : 服務一流 |
地址 : 銅鑼灣勿地臣街1號時代廣場食通天12樓1207室 |
地區 : 銅鑼灣 |
|
現時分數:
|
日期 : 2010-03-16 10:02:18
收到tony roma既coupon...主菜買一送一, 所以上星期就近近地去左time square度食飯啦...2個人叫左一個ribs & salad就攪掂...不過今次我叫既salad..我就覺得麻麻地好味..個醬汁係用blueberry做....味道酸酸都幾醒胃既..不過個雞肉可能用左好濃味既芝士..我就覺得唔多好味...
ribs係佢地既招牌菜都唔會有咩失水準啦..不過我最想講係此店既服務真係唔錯...
|
|
|
雲南風味
|
標題 : 誠意之作 |
地址 : 觀塘崇仁街17號地下 |
地區 : 觀塘 |
|
現時分數:
|
日期 : 2010-03-16 09:52:50
中午心血來潮想去沖出九龍灣食lunch, 因為要返工關係唔可以走得太遠,所以去左官塘搵食就算.怕1時會多人所以12時左右就食lunch la, 2個人叫左個過橋米線, 蒸臭豆腐(辣) &虎皮椒炒舞x菌(唔記得個名, 不過老闆娘話係野生)(辣)
初時仲擔心3個菜有2個都係辣, 點知原來所謂辣既一d都唔辣.
好耐都無食過過橋米線係配菜/米線/湯分開上, 個湯好清但好鮮甜相信無落味精, 米線配料有火腿, 魚片, 白肉最欣賞係佢既白肉真係做到一層肥一層肉好好味,
另外從未試過蒸臭豆腐估唔到一樣香口好味, 反而對於個炒野菌我就覺得好一般唔算十分好味, 其實最想試係個羊乳餅,可惜今次叫左太多野, 只可以等下次先再去試. |
|
|
Yo Mama |
標題 : ifc分店 |
地址 : 灣仔永豐街16號 |
地區 : 灣仔 |
|
現時分數:
|
日期 : 2010-03-16 09:48:25
近期愛上食yogurt, 自從係cwb食過crumbs既yogurt一試難忘, 難得星期日要去坪洲一遊, 去之前到ifc食個yogurt先起行.
此店有3款口味選擇, 原味, no fat及綠茶,原味好多地方都有, 所以選左綠茶試下topping要左oreo一軟一脆既配合好好味.
不過我覺得yogurt本身個greentea唔算好濃味, 只係可以話只有淡淡既茶味唔算十分突出.
其實佢既topping選擇都好大路..唔似crumbs及berrygood有自己既一d特色topping, |
|
|
Yo Mama |
標題 : ifc分店 |
地址 : 灣仔永豐街16號 |
地區 : 灣仔 |
|
現時分數:
|
日期 : 2010-03-16 09:47:57
近期愛上食yogurt, 自從係cwb食過crumbs既yogurt一試難忘, 難得星期日要去坪洲一遊, 去之前到ifc食個yogurt先起行.
此店有3款口味選擇, 原味, no fat及綠茶,原味好多地方都有, 所以選左綠茶試下topping要左oreo一軟一脆既配合好好味.
不過我覺得yogurt本身個greentea唔算好濃味, 只係可以話只有淡淡既茶味唔算十分突出.
其實佢既topping選擇都好大路..唔似crumbs及berrygood有自己既一d特色topping, |
|
|
Berrygood |
標題 : 好味yogurt |
地址 : 中環嘉咸街41-43號地下 |
地區 : 中環 |
|
現時分數:
|
日期 : 2010-03-16 09:46:07
好開心去玩離島半天遊估唔到仲可以去埋berrygood試埋佢地既yogurt, 星期日都算有口福.
睇左or既多個食評此店既評語都好好, 更加令我心思思好想試.晚上8時多都估唔到有幾多人到..店子小小但白色為主令到成間店好光猛好舒服.
2個人叫左一個大size share食.今日daily yogurt係pomegranate, 但我就叫左個swirl至於topping我選左藍莓, mochi及cinnamon cracker(唔太記得個名)
估唔到mochi真係幾好味又唔會痴牙好得意.
石榴味既yogurt都唔算太特別, 但可以配料多一起食好豐富好好味.
食完晚飯再以這一個yogurt作為甜品真係一個完美既一天 |
|
|
民聲冰室
|
標題 : 鬆軟蒸肉餅 |
地址 : 大坑浣紗街16號 |
地區 : 大坑 |
|
現時分數:
|
日期 : 2010-03-16 09:43:39
星期四晚走堂就係為左早d來此店試下佢地出名既蒸肉餅,一早6時多就到, 點知此店大約6時半過d先開.其實當時已經有3-4枱人等位.我與友人2人叫左蒸肉餅&水蛋蒸蟹.樣樣野都係即叫即整所以都等左一段時間先有得食...上枱時真係俾個肉餅嚇一跳..個肉餅唔知點解可以咁高但d肉真係好鬆好好味, 配白飯真係一流.
個水蛋蟹都好好味, 我見另一枱叫唔知咩雞都令我心思思想食呀..可惜當晚已經好full唯有下次再來. |
|
|
民聲冰室
|
標題 : 鬆軟蒸肉餅 |
地址 : 大坑浣紗街16號 |
地區 : 大坑 |
|
現時分數:
|
日期 : 2010-03-15 21:43:42
星期四晚走堂就係為左早d來此店試下佢地出名既蒸肉餅,一早6時多就到, 點知此店大約6時半過d先開.其實當時已經有3-4枱人等位.我與友人2人叫左蒸肉餅&水蛋蒸蟹.樣樣野都係即叫即整所以都等左一段時間先有得食...上枱時真係俾個肉餅嚇一跳..個肉餅唔知點解可以咁高但d肉真係好鬆好好味, 配白飯真係一流.
個水蛋蟹都好好味, 我見另一枱叫唔知咩雞都令我心思思想食呀..可惜當晚已經好full唯有下次再來. |
|
|
傷心酸辣粉 (已結業)
|
標題 : 又麻又辣 |
地址 : 深水埗福榮街94號 |
地區 : 深水埗 |
|
現時分數:
|
日期 : 2010-03-01 11:15:49
這一間店好生意到係同一條街開左分店, 所以我上星期六就叫老闆帶左我去試.
我地1時半去到都要等一陣先有位, 2個人叫左一個set包(麻辣牛肚+牛展(小辣), 酸辣粉(小辣)+可樂)再叫多個山椒雲耳.
一來就係前菜..睇落都無咩野食第一舊都無野好好味...點知愈食就覺得個口好麻..開始都無咩味覺...心想已經叫小辣, 叫中/大辣咪食唔到.
不過再來既酸辣粉我已經食唔出有咩辣味, 個雲耳酸酸地又係無辣味...基本上我食左個前菜之後來既食物我都唔覺有咩味道..最重要自己覺得個咀好似變左孖潤腸咁...不過食完一陣個口都無咩麻辣感覺.
講番d食物..其實又真係幾好味個牛肚牛展真係做得唔錯, 反而我對個粉就唔算太吸引...d粉好似煮得唔熟有d太硬又d又太淋...個粉又好似無咩料大埋炸菜&花生, 肉碎又少少唔多好味...
個雲耳對我來講都麻麻好似好酸咁怪怪..不過老闆就幾喜歡...
如果下次再來..我都係對佢既口水雞有興趣多d.
大家喜歡麻辣既感覺..都值得來一試....
|
|
|
|
|