|
|
密探名稱 : 金魚注意報
|
|
麻辣媽媽
|
標題 : 水煮魚好滑 |
地址 : 佐敦廟街239號數碼廣場地下A-B舖 |
地區 : 佐敦 |
|
現時分數:
|
日期 : 2010-10-21 16:08:35
有次約咗幾個鍾意食辣嘅朋友去麻辣媽媽食飯, 我哋商量過後, 叫咗川北涼粉, 水煮魚, 麻辣雞煲, 麻辣生蠔煲, 避風塘炒蟹, 蒜泥白肉, 辣子軟殼蟹呢幾樣嘢.
差唔多味味都係辣, 食到咁上下, 已經分唔清邊樣打邊樣, 我就覺得幾個餸裡面, 水煮魚最好食, 夠哂麻辣之餘, 魚肉真係煮得好滑; 其次就係辣子軟殼蟹, 一上檯成碟紅卜卜, 以為辣得好緊要, 原來只係賣相嚇人, 其實入口都幾惹味. |
|
|
喜記蟹將軍
|
標題 : 炒蟹啖啖肉 |
地址 : 尖沙咀彌敦道63號 iSQUARE 6樓602號 |
地區 : 尖沙咀 |
|
現時分數:
|
日期 : 2010-10-20 17:24:38
上個月有晚約埋幾個同事一齊去食飯, 最後決定去喜記, 是晚菜式有:
避風塘炒蟹: 好多肉又結實, 配料炸蒜可以用嚟送飯, 正!
蟹油炒麵: 不油膩,帶點微辣,好惹味;
炒蜆: 冇沙, 鑊氣夠;
BB鴿: 炸到好香口得嚟又唔乾身;
椒鹽瀨尿蝦: 肉質好鮮甜, 同椒鹽味好夾;
薑蔥生蠔煲: 蠔都算大隻, 不過份量少咗D;
乾炒牛河: 牛肉好腍, 碟河粉炒出嚟唔會好多油, 唔錯;
白灼韭菜花: 食落冇渣, OK! |
|
|
意粉屋 The Spaghetti House |
標題 : 唔錯! |
地址 : 黃埔花園11期地下G1及3號舖 |
地區 : 紅磡 |
|
現時分數:
|
日期 : 2010-10-19 15:16:16
記得有次同兩個朋友去咗意粉屋食飯, 有幾款食物都唔錯, 大家可以去試下.
芝士焗蟹肉菠菜卷: 用蟹肉菠菜卷成一體, 加上大量芝士汁, 好食!
焗三文魚帶子牛油果飯: 面層有三文魚, 帶子同牛油果, 令個飯好食之餘外型仲好吸引.
田園炸雞籃: 雞翼焗到金黃色, 外皮好脆, 肉質嫩滑多汁, 薯條剛剛炸起, 夠哂香口.
香蒜田螺煙肉焗薯茸: 田螺肉份量較少, 薯茸焗到很香滑. |
|
|
森記甜品之家 Sam Kee Dessert |
標題 : 燉奶好滑 |
地址 : 西環德輔道西313號 |
地區 : 西環 |
|
現時分數:
|
日期 : 2010-09-27 17:40:26
早排去咗西環探個朋友, 咁啱經過森記甜品, 自已又有D口痕想食甜嘢, 於是入去叫咗個燉奶食.
個燉奶好滑, 好香奶味, 超正! |
|
|
地茂粥麵小廚
|
標題 : 信德經濟早餐 |
地址 : 上環干諾道中200號信德中心304D鋪 |
地區 : 上環 |
|
現時分數:
|
日期 : 2010-09-27 17:33:57
早排同朋友過澳門, 約咗上船前一齊食埋早餐, 最後我哋去咗地茂粥麵小廚食咗個24蚊精選早餐, 喺呢區嚟講都算平.
火腿通粉: 湯夠熱, 通粉唔會太腍;
腸仔蛋配牛油方包: 蛋同腸仔煎到好靚冇濃, 蛋黃有蛋汁流出嚟,牛油方包好軟熟;
凍奶茶: 茶夠濃. |
|
|
富臨漁港囍臨門
|
標題 : 晚飯唔錯! |
地址 : 上環干諾道中200號信德中心低層B13-18號舖 |
地區 : 上環 |
|
現時分數:
|
日期 : 2010-09-27 17:26:33
早排同朋友去完澳門返香港, 跟住食埋飯先返屋企, 大家商量後決定去富臨食飯, 整體食物都唔錯, 飯後仲有合時生果西瓜菠蘿送.
我哋嗰晚叫咗幾個小菜, 有清清地幾好味嘅竹笙時蔬素菜, 有竹笙, 雲耳, 冬菇, 菜心, 粟米芯, 芽菜仔; 至於黑椒牛仔骨味道調校得好好.
另外, 燒鵝就皮脆肉厚, 好好味; 而蒜蓉炒油麵菜有好香蒜蓉味, 夠鑊氣. |
|
|
戶井北海道米比薩 (已結業)
|
標題 : 麻麻地 |
地址 : 銅鑼灣東角道24-26號東角中心地下6-8號舖 |
地區 : 銅鑼灣 |
|
現時分數:
|
日期 : 2010-09-27 17:19:44
朋友生日話想去呢間戶井北海道米比薩試下佢哋用米嚟做批底嘅PIZZA, 所以就去試咗, 我諗以後都唔會再幫襯, 唔係好啱我口味.
兩個人叫咗三文魚燒餅, 食唔出有三文魚味道, 海鮮米比薩PIZZA, 飯底太薄, 一叉落去已經散哂, 材料又少, 其它小食都麻麻, 好似多春魚就燒得唔夠乾身, 入口有少少腥腥地, 另外一道小食豚肉骨亦都只係普普通通. |
|
|
鈴木珈啡館 Suzuki Cafe Company |
標題 : 環境一流 |
地址 : 尖沙咀廣東道17號海港城海運大廈LCX3樓OT307號舖 |
地區 : 尖沙咀 |
|
現時分數:
|
日期 : 2010-09-25 13:29:07
上星期同朋友去咗鈴木咖啡館食午飯, 一入店內感覺環境十分舒服, 窗邊位可以望到維港同停泊在岸邊嘅郵輪.
我哋叫咗帶子大蝦意粉同溫泉蛋煙肉忌廉意粉, 配埋個湯同飲品每人都係百幾元.
帶子大蝦意粉D大蝦同帶子各一隻, 意粉非常有咬口, 十分煙韌, 可惜份量太少.
至於個溫泉蛋煙肉忌廉意粉, 先咬一啖半生熟溫泉蛋, 好味道, 蛋白再加煙肉配忌廉汁食味好夾, 彈牙意粉蘸埋質地比較濃稠嘅忌廉汁份量雖然少, 但好飽肚, 呢碟意粉真係有驚喜. |
|
|
樂香園咖啡室
|
標題 : 好出名嘅滑蛋飯 |
地址 : 中環機利文新街8-12號地下 |
地區 : 中環 |
|
現時分數:
|
日期 : 2010-09-22 16:54:57
去親樂香園食午飯, 大部份人都會叫佢好出名嘅滑蛋飯, 我都唔例外, 叫咗個滑蛋鮮牛飯同凍檸茶.
滑蛋鮮牛飯D蛋好滑, 牛肉好新鮮, 好有牛味又夠腍, 可以用一個字形容 「正」! |
|
|
巴蜀軒豬扒酸辣粉
|
標題 : 夠酸夠辣 |
地址 : 筲箕灣筲箕灣東大街53號東威大廈地下13號舖 |
地區 : 筲箕灣 |
|
現時分數:
|
日期 : 2010-09-22 16:21:51
早幾日同同事搭的士去安利食魚蛋粉, 點知去到見好多人排緊隊等位, 所以決定放棄搵下附近有咩好食, 最後行行下見到一間食酸辣粉嘅舖頭, 我哋就即刻走咗入去試.
巴蜀麻脆雞扒麻辣四川粉(大辣): 雞扒肉質嫩滑, 外層脆脆地, 薯粉好彈牙, 又夠酸夠辣
招牌豬扒麻辣四川粉(小辣): 豬扒一D都唔韌好腍 |
|
|
合益泰小食
|
標題 : 腸粉滑嘟嘟 |
地址 : 深水埗桂林街121號 |
地區 : 深水埗 |
|
現時分數:
|
日期 : 2010-09-22 16:10:49
早排去深水埗搵個朋友, 路經合益泰小食, 之前都聽過朋友話呢間腸粉好好食, 所以就入咗去試下.
腸粉熱辣辣, 滑嘟嘟, 再加埋大量豉油, 甜醬, 辣醬撈埋一齊食, 真係好好味. |
|
|
草津堂涼茶
|
標題 : 新鮮蔗汁 |
地址 : 大埔大光里6號2B號舖 |
地區 : 大埔 |
|
現時分數:
|
日期 : 2010-09-21 16:55:34
早幾日入大埔見到草津堂涼茶有即榨蔗汁, 大熱天時又口渴, 就買咗支嚟飲, 完全冇經過任何添加, 又可以解渴, 正! |
|
|
金滿庭京川滬菜館 Modern China Restaurant |
標題 : 小籠包好好味 |
地址 : 鞍祿街18號新港城中心2105舖 |
地區 : 馬鞍山 |
|
現時分數:
|
日期 : 2010-09-21 16:43:16
聽聞金滿庭呢間上海菜好好食, 於是上星期約咗幾個朋友去食飯. 幾個人叫咗七樣嘢, 全部都唔錯, 幾好味, 我最鍾意以下幾款:
小籠包: 皮薄, 又多汁
松子黃魚: 魚好滑, 醬汁酸味啱啱好
香茜泡羊肉配薄餅: 羊肉完全唔羶, 薄餅又夠熱 |
|
|
和幸日本燒肉料理 Wako Japanese Yakiniku Restaurant |
標題 : 一定再嚟 |
地址 : 銅鑼灣謝斐道496號金利文廣場3樓 |
地區 : 銅鑼灣 |
|
現時分數:
|
日期 : 2010-09-20 19:41:34
早排喺銅鑼灣行完街街, 行到差唔多食飯時間, 朋友話好想食日式燒烤, 於是就去咗和幸.
坐低睇完餐牌一輪, 最後決定叫厚切牛舌, 雞泡魚乾, 和牛及鍋燒烏冬; 當中最好食係個厚切牛舌, 色澤鮮艷, 好新鮮, 咀嚼時又有口感, 有時間一定會再嚟幫襯. |
|
|
印尼餐廳1968 Indonesian Restaurant 1968 |
標題 : 呢餐唔錯 |
地址 : 銅鑼灣禮頓道28號 |
地區 : 銅鑼灣 |
|
現時分數:
|
日期 : 2010-09-20 19:27:10
上星期先食完印尼嘢, 但朋友生日話想食, 最後揀咗印尼餐廳1968開餐, 我哋叫咗幾款菜式, 其中有幾樣都幾好味.
印尼沙律: 酸酸甜甜, 好開胃;
串燒: 雞肉同牛肉肉質都好腍, 沙爹醬好香花生味;
巴東牛肉: 醬汁濃, 牛肉煮到好腍, 入口即溶 |
|
|
富久保手打烏冬 Tomikubo |
標題 : 冷烏冬夠煙韌 |
地址 : 尖沙咀廣東道17號海港城港威商場3樓cooked Deli by citysuper 3001號舖 |
地區 : 尖沙咀 |
|
現時分數:
|
日期 : 2010-09-20 16:48:20
早幾日去咗海港城行街, 行到咁上下有少少肚餓, 於是去咗港威商場嘅富久保食手打冷烏冬.
冷烏冬配有味噌湯同一杯熱飲, 烏冬面層有幾條幼幼的紫菜, 份量適中, 入口煙煙韌韌, 配埋D麵汁, 蔥花, 芝麻, 薑蓉一齊食都OK嘅. |
|
|
君頤上海小廚 Grand Cuisine Shanghai Kitchen |
標題 : 不錯的上海菜 |
地址 : 太古城太裕路1號寶安閣G510-511舖 |
地區 : 太古 |
|
現時分數:
|
日期 : 2010-09-17 17:58:11
早幾日喺太古睇完戲, 跟住去咗君頣上海小廚食晚飯. 兩個人叫咗以下食物:
上海小籠包: 皮薄, 肉汁好多;
無錫脆鱔: 鱔炸到好脆口;
雞絲粉皮: 麻醬D汁調校到啱啱好, 好香好味;
雪菜鹹肉炒年糕: 年糕煙煙韌韌, 加埋雪菜鹹肉一齊食, 味道啱啱好, 鹹淡適中! |
|
|
滾滾紅茶
|
標題 : 抵食午餐 |
地址 : 屯門湖翠路168-236號海趣坊64號舖 |
地區 : 屯門 |
|
現時分數:
|
日期 : 2010-09-17 17:37:32
上星期去咗個住屯門嘅朋友屋企打麻雀, 上去前順便喺佢屋企附近食D嘢, 入咗一間叫滾滾紅茶食咗個套餐, 加埋杯熱飲都係二十九蚊, 真係好抵.
什菌炒烏冬: 唔油, 落豉油炒得好平均, 唔會一D淺一D深, 夠鑊氣, 唔錯! |
|
|
小肥牛火鍋活魚專門店
|
標題 : 又邊邊 |
地址 : 尖沙咀亞士厘道24-38號天星大廈地庫A舖 |
地區 : 尖沙咀 |
|
現時分數:
|
日期 : 2010-09-17 16:49:29
早幾日又邊邊癮發作, 叫咗朋友陪我去小肥牛打邊爐, 三個人叫咗好多嘢, 湯底就要咗麻辣同清湯, 飲品叫咗朝日啤酒同蘆薈蜜, 埋單每人二百幾蚊.
每次嚟親一定會叫牛肉刺身同炸腐皮, 因為實在太好食, 所以前後叫咗兩次, 另外再叫咗以下食物.
芝士牛丸拼鵝肝墨魚丸: 新鮮, 彈牙;
鯊魚魚唇拼雞子: 魚唇口感好似花膠, 雞子大大粒;
青島蠔: 唔腥, 好有蠔味;
蝦滑: 蝦好大隻, 份量好多;
安格斯牛頸脊: 好濃牛味, 入口即溶;
芝士牛丸: 實在太好味, 再叫多碟, 一啖咬落去芝士流哂出嚟, 好濃芝士味;
活魚刺魚: 上檯時魚咀仲郁郁下, 魚生爽口, 食完之後D骨再椒鹽, 用嚟佐酒一流! (呢個唔使錢, 因為有張優惠券)
最後再叫埋皇帝菜, 烏冬, 大家都食到飽一飽. |
|
|
華豐海鮮酒家
|
標題 : 平價小菜 |
地址 : 觀塘宜安街2號地下2C-2D號舖 |
地區 : 觀塘 |
|
現時分數:
|
日期 : 2010-09-17 16:29:08
上星期遊完船河, 一行十人去咗華豐炒餸食飯, 叫咗九個餸加埋汽水, 埋單都係七百幾蚊, 真係好平.
椒鹽鮮魷&椒鹽九肚魚: 炸漿啱啱好, 好香口, 好脆.
椒絲腐乳唐生菜: 少少微辣, 夠熱
薑蔥魚雲煲: D魚炸過再用薑蔥烹調, 好入味
南乳雞: 雞皮卜卜脆, 肉質嫩滑
紅燒豆腐: OK
咕嚕肉: 一般, 味道太甜
蒜蓉白菜仔: 清甜
豉椒炒蜆: 冇沙, 啖啖肉 |
|
|
海鮮站 Seafood Station |
標題 : 無揀錯 |
地址 : 尖沙咀加連威老道100號港晶中心地下41號舖 |
地區 : 尖沙咀 |
|
現時分數:
|
日期 : 2010-09-16 17:26:38
早輪同朋友去尖沙咀行街, 行到港晶中心附近見到有間海鮮站, 就決定去試下, 當晚叫咗幾樣嘢, 全部食物都好新鮮, 下次一定要再嚟過!
麵包蟹: 好新鮮, 好多膏
芝士焗蠔: 好濃芝士味, 蠔味濃
焗海鮮炒飯: 面層有好多芝士, 飯炒得好乾身, 好味 |
|
|
COMMA CAFE & RESTAURANT |
標題 : 食物一般 |
地址 : 沙田山尾街18-24號沙田商業中心商場1樓9A-9B |
地區 : 火炭 |
|
現時分數:
|
日期 : 2010-09-16 15:51:23
早幾日幫公司送完文件去火炭後嚟咗Comma Café & Restaurant食晏, 叫咗個焗芝士茄汁魚柳飯同一杯熱奶茶.
焗飯份量較少, 面層有好多茄汁, 幾塊魚柳, D飯冇炒過, 食落口感覺暖暖地, 唔夠熱, 味道則一般. |
|
|
樂口福酒家 Lok Hau Fook Restaurant |
標題 : 老字號打冷店 |
地址 : 九龍城侯王道1-3號 |
地區 : 九龍城 |
|
現時分數:
|
日期 : 2010-09-14 16:57:11
早幾日同朋友去咗九龍城老字號打冷店食飯, 叫咗幾個餸,.
其中最好食係個蠔仔粥同鵝片, 粥好有蠔味, 蠔仔夠大隻好鮮甜; 鵝片肉質細嫩中帶有咬口, 食味夠甘香, 味道調校得好好味, 下次一定會再嚟! |
|
|
人和荳品廠
|
標題 : 兒時食品 |
地址 : 佐敦佐敦道26E |
地區 : 佐敦 |
|
現時分數:
|
日期 : 2010-09-14 16:14:20
早排去咗佐敦行街, 路經人和荳品廠見到有魚肉碗仔翅, 即刻走咗入去食番碗.
魚肉好彈口, 碗仔翅夠味, 溝埋一齊食時加D醋同胡椒粉仲好味. |
|
|
翠華餐廳 Tsui Wah Restaurant |
標題 : 有驚喜 |
地址 : 中環德輔道中84-86號地下 |
地區 : 中環 |
|
現時分數:
|
日期 : 2010-09-09 16:58:37
上星期幫公司送文件去中環, 之後順路去咗翠華餐廳食晏.
坐低見到隔離檯碟咖喱牛腩飯好似好好食咁, 於是就叫咗個, 果然冇叫錯, 咖喱汁帶點微辣, 牛腩好腍, 一D都唔韌, 飯又粒粒軟硬適中, 好味道! |
|
|
新曼谷泰菜
|
標題 : 抵食好味 |
地址 : 灣仔軒尼詩道366號 |
地區 : 灣仔 |
|
現時分數:
|
日期 : 2010-09-09 16:51:46
早排幾個朋友一齊去咗新曼谷泰菜食lunch, 叫咗個套餐, 每位都有個白飯同飲品, 全部食物都好好味.
青咖哩雞: 咖喱夠辣, 雞肉嫩滑彈牙, D汁可以送飯o添
炸蝦餅: 炸到金黃色, 熱辣辣, 好香口
泰式海南雞: 肉質嫩滑
泰式炒通菜: 鑊氣夠, 通菜炒到青綠色, 好爽口 |
|
|
和光鐵板燒日本料理 Tokyo Wako Teppan Steak Sushi Bar |
標題 : 終於試咗啦! |
地址 : 黃埔花園11期G26號舖 |
地區 : 紅磡 |
|
現時分數:
|
日期 : 2010-09-09 16:29:13
早前朋友極力推介呢間任食兩小時日式放題, 終於喺上星期去試咗, 真係好抵食, 水準又唔錯, 幾個朋友都話下次再嚟食過.
食物款式夠多, 我哋都叫咗兩輪, 其中較為值得推介嘅有幾款, 都係以牛為主.
例如「鹽燒牛胸腹」牛味十足, 加上望落去已見脂肪分佈均勻, 食味異常滿足; 另外, 芥末香味適中嘅「芥末一口牛舌」, 牛舌入口夠軟綿, 值得一點再點; 仲有「燒汁牛肋骨」都係好味之選, 牛肋骨醃得夠入味, 燒好上碟仍然有豐富肉汁, 加埋惹味燒汁, 肉香四溢. 今餐真係食得好滿足. |
|
|
海馬快餐店
|
標題 : 真的不錯 |
地址 : 民泰街45-47號D7舖 |
地區 : 紅磡 |
|
現時分數:
|
日期 : 2010-09-08 16:58:55
去紅磡探朋友, 朋友話呢間海馬快餐店已經開咗好多年, D 嘢好好食, 尤其炒粉麵飯, 我哋就叫外賣試試! 其中我覺得比較好食嘅係魚香茄子炆米, 份量都好多, 又夠鑊氣, 因為係炆米, 濕濕地, 好正. |
|
|
快活美食茶餐廳 Finewood Fastfood Restaurant |
標題 : 茶餐廳 |
地址 : 上環蘇杭街102號地下 |
地區 : 上環 |
|
現時分數:
|
日期 : 2010-09-08 16:37:58
早幾日幫公司送文件到上環, 之後順便喺呢間茶餐廳食個lunch先至返公司, 呢度D炒粉麵飯都只係三十零蚊, 喺上環嚟講都算平.
我就食咗個菜遠牛肉炒河, 牛肉好腍, 夠鑊氣, 唔算太多油. |
|
|
Pataya
|
標題 : 初次品嚐Pataya |
地址 : 大埔大尾篤69號A地下 |
地區 : 大埔 |
|
現時分數:
|
日期 : 2010-09-08 16:27:36
上星期入咗大埔踩單車, 之後去咗一間叫Pataya泰國菜館開餐, 叫咗幾樣嘢, 啲嘢都幾好食.
冬蔭功: 例牌食泰菜會叫嘅湯, 食味中規中矩啦
菠蘿炒飯: 好多海鮮, 飯軟硬適中, 好有口感
炸蝦餅: 蝦肉好彈牙,炸得好香口.
豆角炒青口: 微辣, 青口份量又夠多, 好好食 |
|
|
國際咖哩館
|
標題 : 不錯的咖喱 ! |
地址 : 灣仔大王東街26-30號 |
地區 : 灣仔 |
|
現時分數:
|
日期 : 2010-09-07 18:09:44
早排同朋友慶祝生日, 朋友話好耐冇食過咖喱, 所以專登走去灣仔國際咖喱館食飯慶祝, 當晚食咗以下幾款菜式:
沙爹串燒: 火候時間啱啱好, 豬肉一D都唔乾, 好味道!
咖喱炒蟹: 鑊氣夠, 炒得夠乾身, 帶點微辣.
炒雜菜: 多款蔬菜炒埋一碟, 有西蘭花, 椰菜花, 荷蘭豆, 清清地
招牌炒飯: 飯炒得好乾身! |
|
|
峇里餐廳 Tailin Restaurant |
標題 : 蜜糖雞翼好惹味 |
地址 : 南京街10號德惠行地下 |
地區 : 佐敦 |
|
現時分數:
|
日期 : 2010-09-07 17:54:23
三個人走咗去峇里食印尼菜, 叫咗幾樣嘢, 每人都係幾十蚊, 好抵!
黃薑飯: 不過不失;
蜜糖雞翼: 色澤金黃, 皮好脆, 肉質鮮嫩, 外層好多蜜糖好惹味;
加多加多: 材料有青瓜, 椰菜, 薯仔, 豆角, 蛋, 蝦片, 面層再加咗D醬汁, 味道都唔錯
粟米餅: 煎到好脆, 好香口, 內層有好多粟米粒. |
|
|
意粉屋 The Spaghetti House |
標題 : 求其一餐 |
地址 : 旺角彌敦道639號雅蘭中心1期1樓 F19- 20號 |
地區 : 旺角 |
|
現時分數:
|
日期 : 2010-09-07 16:56:08
早幾日喺呢頭開完OT都成九點幾, 於是去咗意粉屋食埋飯先返屋企.
食咗個忌廉汁雞肉意粉, 今次份量好多, 意粉軟硬適中, 雞肉又好腍. |
|
|
泰國人海南雞 Koon Thai Hai Nam Chicken |
標題 : 食物一般 |
地址 : 旺角弼街66號地下 |
地區 : 旺角 |
|
現時分數:
|
日期 : 2010-09-07 16:35:48
同朋友喺旺角睇完戲, 大家都想食泰國嘢, 於是就去咗呢間泰國人海南雞食晏.
入到去叫咗海南雞飯, 醃海鮮雜錦粉絲, 泰北地道雞絲喇沙, 但全部食物都係一般, 尤其雞飯, 有點兒失望. |
|
|
自家烏冬 Jika Udon |
標題 : 湯底清淡 |
地址 : 柴灣道233號新翠商場113號舖 |
地區 : 柴灣 |
|
現時分數:
|
日期 : 2010-09-07 16:28:28
早幾日同同事去咗公司對面商場自家烏冬食LUNCH, 同事要咗個「什錦天婦羅烏冬」, 而我就叫咗個「豬軟骨烏冬」套餐, 有碟小吃「雞軟骨餃子」, 呢間舖嘅廚房出嘢其實都幾慢, 同事個烏冬等咗成25分鐘先有.
其實之前都試過呢度嘅蕃茄豬肉烏冬, 已經覺得麻麻地, 今次就叫咗個豬軟骨烏冬諗住好D, 點知都係失望, 湯底非常淡同埋唔夠熱, 至於豬軟骨同烏冬勉強可以接受.
|
|
|
吉野家 Yoshinoya |
標題 : 吉野家牛肉火鍋 |
地址 : 觀塘觀塘道418號創紀之城5期(apm)5樓2號舖 |
地區 : 觀塘 |
|
現時分數:
|
日期 : 2010-09-06 16:36:40
近排天氣又熱又焗, 都唔知食乜好, 早幾日就去咗吉野家叫咗個牛肉火鍋濃湯加烏冬同埋日本茶.
濃湯底夠哂鮮甜, 火鍋配料有粟米同魚蛋, 至於主角「牛肉」, 食味不俗, 肥瘦算適中, 又夠新鮮, 好味道! |
|
|
Doraya (已搬遷) |
標題 : 日式刺身飯好正 ! |
地址 : 尖沙咀金馬倫道10號宏威中心地庫 |
地區 : 尖沙咀 |
|
現時分數:
|
日期 : 2010-09-06 15:53:25
同朋友嚟咗呢間定食Doraya食Lunch, 食物好新鮮, 下次一定會再幫襯, 我今次就食咗:
海膽拼吞拿魚蓉飯: 海膽同吞拿魚蓉好新鮮, 入口即溶, 連埋飯一齊食, 可以用一個字形容~「正」, 定食還包括有前菜, 麵豉湯與及蒸水蛋.
吉列炸蠔: 外層炸漿好薄, 脆卜卜, 蠔又大大隻又新鮮. |
|
|
椰林閣餐廳 Yeh Lam Kok Restaurant |
標題 : 好飽 |
地址 : 藍田啟田道50號啟田商場舊翼3樓303號舖 |
地區 : 藍田 |
|
現時分數:
|
日期 : 2010-09-03 18:05:01
放假起身已經係十二點幾, 跟住走咗去對面商場嘅椰林閣食LUNCH, 叫咗個咖喱雞扒套餐, 有飯, 湯, 餐包, 熱飲. 估唔到居然全部食得哂.
咖喱雞扒飯: 咖喱汁有好濃郁嘅椰子味, 帶點微辣, 雞扒唔韌, 唔錯. |
|
|
必勝客 Pizza Hut |
標題 : 好好味! |
地址 : 九龍城賈炳達道128號九龍城廣場2樓221-222號 |
地區 : 九龍城 |
|
現時分數:
|
日期 : 2010-09-03 16:31:19
尋日喺朋友屋企叫外賣PIZZA HUT食, 四個人叫咗個二人至Fun套餐, 有一個普通厚批 + 意粉 + 湯2客, 另外再叫多個飯又有一個湯送, 埋單每人都係四十蚊多D.
超級至尊厚批: 面層好多配料, 芝士又夠, 最緊要係個批熱辣辣
葡汁雞皇焗飯: 雞肉大大舊, 醬汁味道調校得好好味
香蒜肉絲意粉: 今次好好食, 冇焗到乾哂, 好香蒜味, 意粉又有口感
蘑菇忌廉雞湯: 夠熱, 蘑菇份量都幾多, 但雞肉少咗D
今餐真係好滿意! |
|
|
美心西餅 Maxim's Cakes |
標題 : 突然想起好想食 |
地址 : 筲箕灣愛賢街18號愛東邨愛東商場10號舖 |
地區 : 筲箕灣 |
|
現時分數:
|
日期 : 2010-09-02 15:55:23
早兩日行經筲箕灣, 見好耐冇食過美心嘅他他汁腸仔包, 於是入去買咗一個, 依家已經賣到七蚊個.
他他汁腸仔包: 麵包同腸仔SIZE都明顯細咗, 但醬汁就仍然咁好味, 正! |
|
|
蘇波記川湘粵菜館 So Bor Kee Restaurant |
標題 : 抵食海鮮餐 |
地址 : 北社海傍路11C |
地區 : 長洲 |
|
現時分數:
|
日期 : 2010-09-02 15:38:11
鍾意食海鮮嘅我, 上星期同兩個朋友入咗長洲, 梗係順道去埋蘇波記食海鮮啦, 當晚選咗個168蚊任選四款菜式嘅套餐, 再加多隻乳鴿, 每人都係大約八十蚊, 非常抵食.
豉椒炒蜆: 夠鑊氣
蒜蓉蒸開邊蝦: 蝦好新鮮
避風塘炒蟹: 蟹肉新鮮, 好惹味
椒鹽鮮魷: 炸到金黃色, 粉漿夠薄, 鮮魷又彈牙
紅燒乳鴿: 肉質嫩滑, 皮好脆 |
|
|
潮州冷美食坊
|
標題 : 梅菜炆腩仔好正! |
地址 : 將軍澳坑口安寧花園2座地下18-21號鋪 |
地區 : 坑口 |
|
現時分數:
|
日期 : 2010-09-01 20:00:14
放假時, 食晏多數會幫襯潮洲冷美食坊, 主要係有多款套餐選擇, 又送埋例湯同熱飲, 價錢唔算貴, 早兩日又去食咗個梅菜炆腩仔啦 !
例湯: 湯好濃好甜, 有好多西洋菜同豬骨
梅菜炆腩仔: 梅菜味道鹹甜適中, 腩仔炆到好腍, 肥膏唔多, 醬汁味道亦調校到好好味, 送飯一流. |
|
|
羽壽司 Ha-Ne-Sushi |
標題 : 第一次 |
地址 : 土瓜灣譚公道45-63號譚公大廈地下C-D舖 |
地區 : 土瓜灣 |
|
現時分數:
|
日期 : 2010-08-31 21:18:27
上星期去朋友屋企攞嘢, 見有D肚餓, 咁啱有間羽壽司喺附近, 入去食咗鰻魚壽司, 皇帝蟹柳壽司, 珍寶赤貝壽司同埋牡丹蝦刺身, 食物都唔錯, 好新鮮.
至抵食當然係飯團上有大大塊鰻魚嘅壽司啦, 咁大件都係十蚊咋. |
|
|
彩福皇宴 Choi Fook Royal Banquet |
標題 : 燒雞好味道 ! |
地址 : 太子彌敦道750號始創中心1樓 |
地區 : 太子 |
|
現時分數:
|
日期 : 2010-08-31 20:44:53
同事話彩福有個套餐好抵食, 四餸一湯都係398蚊, 於是上周幾個同事收工約埋一齊去食飯.
燒雞: 外皮好脆, 肉質好嫰滑
清蒸斑仔: 魚肉好滑, 好鮮甜
牛仔骨: 味道唔錯
什菜煲: 清清地
老火湯: 湯好濃, 好甜 |
|
|
靚靚車仔麵 Liang Liang Noodles Shop |
標題 : 食物一般 |
地址 : 尖沙咀樂道19號A地下 |
地區 : 尖沙咀 |
|
現時分數:
|
日期 : 2010-08-31 19:32:18
早幾日喺尖沙咀做野, 做完嘢經過呢間靚靚車仔麵, 撞啱食晏時間就入咗去試下.
叫咗個油麵加芝士腸, 牛柏葉, 紅腸蛋同埋牛腩汁湯底嘅車仔麵, 最好食係個牛柏葉, 夠爽口, 一D都唔韌. 但其餘都只係一般. |
|
|
泰和味 (已改名為太和味)
|
標題 : 泰日放題 |
地址 : 旺角西洋菜南街1號兆萬中心16樓 |
地區 : 旺角 |
|
現時分數:
|
日期 : 2010-08-31 17:26:44
今次嚟咗呢間泰日食放題料理, 呢度有多款食物選擇, 收費又不貴, 都算幾抵.
全晩食咗十幾款食物, 其中有幾款幾啱我心水,好似酸酸辣辣夠哂醒胃嘅冬蔭功湯, 足料味濃; 另外飛天炒通菜就炒得香噴噴, 而酸辣鳳爪沙律個味道都調校得幾好, 唔會過酸之餘鳯爪又夠哂味, 最後不得不提巴堤雅燒大蝦, 非常惹味, 好食到要翻單多次呢! |
|
|
何文田體育館餐廳 Ho Man Tin Sports Centre Restaurant |
標題 : 價錢略貴 |
地址 : 忠義街1號何文田體育館 |
地區 : 何文田 |
|
現時分數:
|
日期 : 2010-08-31 16:54:54
有次做完運動又到食晏時間, 就去咗場館嘅餐廳食LUNCH. 叫咗個公司三文治同一杯凍奶茶, 都幾貴, 要成三十七蚊. 朋友就叫咗個海鮮焗飯套餐, 有湯同飲品跟埋, 價錢就四十八蚊.
兩樣食物都係一般, 又唔太難食, 又唔太好食. |
|
|
耀記雲吞麵食
|
標題 : 雙拼麵 |
地址 : 庇利金街31號 |
地區 : 佐敦 |
|
現時分數:
|
日期 : 2010-08-30 20:43:52
近日天氣好熱, 冇乜胃口食飯, 行開佐敦呢頭就去咗耀記食碗雙拼麵, 如果肚餓食一碗肯定唔多夠喉, 因為份量太少啦 !
牛腩雲吞麵: 牛腩好腍, 雲吞外皮夠薄, 餡料D蝦又大又爽口, 麵條煮得啱啱好, 好煙韌彈牙! |
|
|
石澗日本料理
|
標題 : 食物新鮮 |
地址 : 尖沙咀寶勒巷21-23A寶利商業大廈地庫 |
地區 : 尖沙咀 |
|
現時分數:
|
日期 : 2010-08-30 19:38:11
早前同幾個朋友去咗寶勒巷石澗日本料理食日式放題, 全部食物都好新鮮, 大家都食足兩小時, 食到好飽.當中唔錯食物有:
刺身: 樣樣都好新鮮.
壽司: 多款選擇
鐵板牛柳粒: 唔韌, 帶點黑椒味
燒粟米: 好甜
芝士焗蠔: 面層好多芝士, 蠔又好新鮮, 好正.
燒魷魚筒: 原隻魷魚上, 面層有些醬汁, 唔錯.
燒帶子: 火候啱啱好 |
|
|
Beard Papa Sweets |
標題 : 芒果窩夫三文治好食! |
地址 : 觀塘觀塘道418號創紀之城五期(apm)LG-103B號舖 |
地區 : 觀塘 |
|
現時分數:
|
日期 : 2010-08-30 19:18:40
放假喺呢頭食完LUNCH去吉之島時經過Beard Papa Sweets, 就買咗一件芒果味嘅窩夫三文治食, 12蚊件都可以接受.
芒果窩夫三文治: 外皮少少脆, 內層芒果味嘅Cream好滑, 又唔太甜, 好食! |
|
|
香港腸粉皇
|
標題 : 真材實料 |
地址 : 土瓜灣譚公道98號兆豐閣地下1號舖 |
地區 : 土瓜灣 |
|
現時分數:
|
日期 : 2010-08-27 17:42:12
大熱天時, 冇乜胃口, 於是去咗香港腸粉皇食粥同腸粉, 呢度D腸粉係即叫即拉, 非常新鮮.
菜乾鴨腎豬骨粥: 菜乾份量較少, 粥好綿好甜.
蝦米蔥花腸粉: 腸粉皮厚度適中, 食落口好軟滑. |
|
|
不倒翁中日火鍋料理 Budaoweng Hotpot Cuisine |
標題 : 新鮮, 值得一試 |
地址 : 佐敦佐敦道23-29號新寶廣場2字樓 |
地區 : 佐敦 |
|
現時分數:
|
日期 : 2010-08-27 16:30:39
十分鍾意打邊爐嘅我, 早幾日又同兩個朋友去咗不倒翁開餐, 呢度嘅食物非常新鮮, 但價錢略貴, 叫咗幾樣嘢,每人都約四百幾, 不過都值得一試.
湯底: 芫茜皮蛋+沙爹.
食物有手切肥牛, 象拔蚌刺身, 水餃, 桂花蚌, 四寶丸, 炸腐皮,雞子等. |
|
|
上樓 Shanghai Inn |
標題 : 皮薄多汁小籠包 |
地址 : 旺角彌敦道610號荷李活商業中心2樓B舖 |
地區 : 旺角 |
|
現時分數:
|
日期 : 2010-08-27 16:16:41
壽星女話好耐冇食過上海菜, 所以我哋就去咗上樓食飯慶祝. 全晚叫咗五餸一甜品,有小籠包, 酸辣湯, 燻魚, 鍋貼, 回鍋肉炒年糕, 甜品就高力豆沙.
最好味係小籠包同酸辣湯, 前者皮薄多汁, 後者夠酸夠辣. |
|
|
新記餐廳 Sun Kee |
標題 : 豬頸肉芝士撈丁 |
地址 : 尖沙咀金巴利道16-20號香檳大廈地下13-14號舖 |
地區 : 尖沙咀 |
|
現時分數:
|
日期 : 2010-08-26 21:49:57
好多人食過新記嘅芝士撈麵都話好味, 上星期終於試到. 叫咗個豬頸肉芝士汁撈丁同凍檸茶.
面層芝士醬汁好滑, 唔會太稀或太厚身, 豬頸肉厚道適中, 炸到好香口, 唔肥膩, 麵質煙韌, 好彈牙, 冇煮過火. |
|
|
唯一麵家
|
標題 : 北京餡餅皮薄多汁 |
地址 : 尖沙咀厚福街10號地下 |
地區 : 尖沙咀 |
|
現時分數:
|
日期 : 2010-08-26 20:50:53
早幾日去咗唯一麵家食LUNCH, 叫咗碗水餃麵同北京餡餅, 味道都唔錯, 下次要試下D菜飯先.
水餃麵: 水餃皮厚咗少少, 麵條彈牙, 煙煙韌韌, 面層配有少量雪菜.
北京餡餅: 餡料有豬肉同韭菜, 外層薄薄煎到金黃色, 一啖咬落去好多內汁流出嚟. |
|
|
便所主題餐廳 Modern Toilet |
標題 : 馬桶餐具既嘅餐廳 |
地址 : 旺角砵蘭街240-244號旺角文華MBM 3B室 |
地區 : 旺角 |
|
現時分數:
|
日期 : 2010-08-26 20:33:09
之前有朋友試過呢間餐廳話好得意, 話D餐具同坐位都係用馬桶嚟做主題, 早幾日咁啱經過, 就入咗去食飯.
茄汁雞肉意粉: 雞肉好腍, 麵條咬落煙煙韌韌, 配埋茄汁一齊食, 酸酸地好惹味
朱古力雪糕: 形態做到同屎屎一樣, 唔知大家敢唔敢試 |
|
|
傷心鵝掌門麻辣火鍋
|
標題 : 唔錯, 值得試下 |
地址 : 大角咀棕樹街2-20號榮富苑地下10-11號舖 |
地區 : 大角咀 |
|
現時分數:
|
日期 : 2010-08-25 21:17:06
幾個人睇完九點半, 大家都覺得有D肚餓, 咁啱我哋都係食得辣, 所以就去呢間麻辣火鍋食宵夜, 坐低就叫咗個麻辣鍋湯底.
另外再叫咗牛白肉, 雞腸, 帶子, 魚皮餃, 四寶丸, 手切肥牛等等, 全部食物都算OK, 另有鵝掌, 煮熟後, 入哂味好好食. |
|
|
車站豆腐花 - 豆腐婆
|
標題 : 滑嘟嘟既豆腐花 |
地址 : 大澳永安街57號 |
地區 : 大澳 |
|
現時分數:
|
日期 : 2010-08-25 20:07:37
上星期同朋友入咗大澳, 終於品嚐咗好出名嘅車站豆腐花,真係好好味.
豆腐花: 滑嘟嘟, 好有豆味, 入口即溶, 至於甜味由自已調校. |
|
|
夏麵館
|
標題 : 至愛小籠包 |
地址 : 尖沙咀柯士甸道西1號圓方(Elements)1樓1079-82號舖 |
地區 : 尖沙咀 |
|
現時分數:
|
日期 : 2010-08-25 12:54:50
早幾日去咗好耐冇去過嘅夏麵館食飯, 兩個人叫咗幾樣嘢, 有酸辣海蜇, 蒜泥白肉, 小籠包, 棒棒雞, 蔥油肉絲麵等等.
總括最好食係小籠包, 一籠四個, 皮薄餡料多汁, 又夠熱. |
|
|
維記咖啡粉麵
|
標題 : 豬潤米好正! |
地址 : 深水埗北河街165-167號地下D舖 |
地區 : 深水埗 |
|
現時分數:
|
日期 : 2010-08-24 15:37:36
有次嚟呢間好多人食過都話正嘅維記, 可能過咗食晏時間, 唔使等就有位, 坐低就叫咗個豬潤米加凍奶茶.
豬潤米: 豬潤不韌, 冇異味, 湯底清甜冇味精, 入口感覺到有好濃嘅既豬潤味, 米粉唔會太腍, 連埋D湯一齊食, 好正. |
|
|
太興新世代
|
標題 : 八寶飯好多餸 |
地址 : 黃埔美食坊108-109舖 |
地區 : 紅磡 |
|
現時分數:
|
日期 : 2010-08-17 17:34:58
早幾日去咗太興食晚市套餐, 叫咗個八寶飯, 個餐有老火靚湯或熱奶茶奉送.
八寶飯有:
燒鵝, 叉燒, 燒肉, 切雞, 墨魚, 燻蹄, 鹹蛋, 紅腸, 全部都好好味、好新鮮, 另配一碟生菜, 呢餐唔錯. |
|
|
滋味軒
|
標題 : 平靚正串燒 ! |
地址 : 深水埗欽州街37號西九龍中心8樓美食廣場19號舖 |
地區 : 深水埗 |
|
現時分數:
|
日期 : 2010-08-17 15:22:59
喺西九龍中心美食廣場有一間串燒非常抵食, 全部劃一5蚊串, 叫咗雞、牛、羊各2串, 配埋D醬汁, 好好味, 食唔停口.
羊肉: 一D都唔羶
雞肉: 好腍
牛肉: 唔韌 |
|
|
奇趣餅家 Ki Tsui Cake Shop |
標題 : 舊式餅家 |
地址 : 旺角花園街 135 號地下
|
地區 : 旺角 |
|
現時分數:
|
日期 : 2010-08-16 17:38:17
喺花園街行行吓, 見到奇趣餅家, 就走咗入去買咗幾樣糕點返屋企.
紅豆燒餅: 面層有好多芝麻, 皮又薄, 紅豆餡料又多, 煙煙韌韌, 好好味.
香蕉糕: 好軟綿綿, 唔太甜.
牛耳仔: 脆卜卜. |
|
|
凱施餅店
|
標題 : 沙嗲牛肉包好好味 |
地址 : 尖沙咀漢口道55號 |
地區 : 尖沙咀 |
|
現時分數:
|
日期 : 2010-08-14 14:21:31
早幾日經過凱施門口, 見有麵包啱啱出爐, 就入咗去買咗個沙嗲牛肉包嚟食, 麵包軟綿綿, 牛肉好腍, 再配埋D沙嗲汁, 真係好好食. |
|
|
麥當勞 Mc Donald's |
標題 : 薯條熱辣辣鹹味適中 |
地址 : 觀塘裕民坊64-76號地下 (觀塘港鐵站A1出口) |
地區 : 觀塘 |
|
現時分數:
|
日期 : 2010-08-14 14:17:21
有次同朋友喺觀塘行完街後, 就入咗麥當勞買咗一盒麥樂雞、一個薯條、一杯朱古力雪榚新地走花生及一杯可樂, 麥樂雞外香脆及啖啖雞肉點芥辣好有口感; 而薯條係啱啱炸好熱辣辣鹹味適中, 真係香脆可口; 雪糕新地好香朱古力及牛奶味。 |
|
|
梨花園韓國料埋 Lee Fa Yuen Express |
標題 : 麵條煮得啱啱好 ! |
地址 : 觀塘觀塘道418號創紀之城五期(apm)1樓美食廣場6號舖 |
地區 : 觀塘 |
|
現時分數:
|
日期 : 2010-08-14 14:12:05
好耐冇食過韓國湯麵, 突然好想食, 就走咗去APM嘅Food Court梨花園, 叫咗一個香辣牛肉麵加一杯汽水都係四十八元.
香辣牛肉麵: 牛肉肉質好腍, 麵條煙煙韌韌, 湯底又夠味又辣辣地, 好好味. |
|
|
旺仔記
|
標題 : 泰式酸辣米線 |
地址 : 新蒲崗大有街36號E5 |
地區 : 新蒲崗 |
|
現時分數:
|
日期 : 2010-08-14 13:48:06
去開新蒲崗做嘢, 經過旺仔記被其門口的廣告賣相吸引, 好似幾好味咁, 於是走入去試下, 份量都OK, 算抵食.
望咗餐牌一陣後, 叫咗個鮮豬潤同豬頸肉雙拼, 湯底係冬蔭功味, 小小辣, 米線索咗D湯, 好好味, 湯底仲有韮菜,碎肉,草菇等配料. |
|
|
生龍清湯腩餐廳
|
標題 : 不過不失 |
地址 : 旺角西洋菜街148號 |
地區 : 旺角 |
|
現時分數:
|
日期 : 2010-08-14 13:40:14
近日天氣太熱, 都無乜胃口食飯, 早幾日走咗去生龍清湯腩食粉麵, 坐低叫咗碗清湯牛腩湯河同一碟生菜, 湯底好甜, 牛腩都算腍同冇渣, 整體都唔差, 不過不失. |
|
|
王府
|
標題 : 可以試一次 |
地址 : 中環威靈頓街65號 |
地區 : 中環 |
|
現時分數:
|
日期 : 2010-08-13 17:12:32
有次同朋友嚟咗呢間之前蘇絲黃介紹過嘅王府食Lunch,不過我地無嗌餃子,叫咗豆漿、拍黃瓜、手撕雞飯及芝麻冷麵。
拍黃瓜我覺得麻麻地,係好爽口,但調味汁一般;手撕雞飯就唔錯,幾好味;芝麻冷麵我覺得係最好食㗎,雖然有麻醬,但撈埋芽菜及青瓜絲一齊食,完全唔覺得漏,好好味呀! |
|
|
文華雞飯 (新加坡) (已搬遷)
|
標題 : 海南雞飯好好味 ! |
地址 : 尖沙咀柯士甸路15號A柯士甸大廈D舖 |
地區 : 尖沙咀 |
|
現時分數:
|
日期 : 2010-08-13 17:06:46
有次食晏去咗文華食雞飯, 雖然好多人等位, 但食客一般食飽都會走人, 等咗約十五分鐘就有位, 坐低就叫咗個海南雞飯同肉骨茶.
海南雞飯: 好有雞味又嫩滑, 再加唔同既醬汁一齊食. 真係好好味! 油飯粒粒分明, 唔油膩有雞油香, 又煙煙韌韌, 好正!
肉骨茶: 藥材味好濃烈! |
|
|
鹿鳴春飯店 Spring Deer Restaurant |
標題 : 北京填鴨一定要食 |
地址 : 尖沙咀麼地道42號1樓 |
地區 : 尖沙咀 |
|
現時分數:
|
日期 : 2010-08-12 15:21:29
上次因為冇BOOK位爆哂棚冇得食, 今次一早就BOOK咗位, 終於有得食啦!
是日晚餐, 其中幾味幾突出:
砂鍋雞煲翅: 魚翅大大塊, 湯好甜;
清炒蝦仁: 爽口, 唔油膩;
北京填鴨: 鎮店之一嘅菜式, 皮脆肉嫩;
拔絲蘋果: 外面脆脆地, 裡面軟綿綿, 酸酸地, 好醒胃. |
|
|
肥哥車仔麵
|
標題 : 車仔麵首選肥哥 |
地址 : 石硤尾白田偉智街38號福田大廈地下55號 |
地區 : 石硤尾 |
|
現時分數:
|
日期 : 2010-08-12 15:04:52
聽朋友講話呢間車仔麵D特辣湯真好鬼夠辣, 早兩日咁啱係附近, 就走咗去試下.
叫咗個麵加雞翼, 豬腸, 豬紅特辣湯, 見到碗麵D顏色已經好吸引, 食落口初初都覺得唔係好辣.但食食吓就開始辣, 成個人都出哂汗, 雖然冇冷氣, 但食得辣就一定要去試下. |
|
|
天天素食
|
標題 : 甜酸齋 |
地址 : 藍田匯景道1-17號匯匯景商場3樓17-18號舖 |
地區 : 藍田 |
|
現時分數:
|
日期 : 2010-08-12 14:19:44
噚日收工返到屋企樓下, 喺天天素食買咗盒20蚊嘅酸齋食, 叫咗三款, 當然唔少得我最鍾意食嘅甜酸齊, 再加埋齋叉燒同咖喱味嘅齋, 咁耐冇食都係咁好味.
呢間舖仲有好多款式, 有粉果, 春卷, 芋頭魚, 咸水角, 糯米滋, 茶果等等, 端午節仲有粽賣o添. |
|
|
泰潮
|
標題 : 冇加一嘅泰國菜 ! |
地址 : 深水埗福榮街101號 |
地區 : 深水埗 |
|
現時分數:
|
日期 : 2010-08-12 12:33:16
平時食開泰國菜都會去九龍城, 但今次因為朋友想去深水埗買嘢, 所以試咗呢間.
叫咗個百六蚊既套餐, 我哋選擇咗海南雞, 豬頸肉, 椰菜苗, 一些小食, 仲有冬瓜湯, 黃飯, 包埋飲品, 冇加一, 非常抵食.
其中以海南雞最好食, 又滑又有雞味, 其它菜式同湯味道都OK! |
|
|
波仔 Eat East |
標題 : 可以一試既咖喱牛腩飯 |
地址 : 油塘鯉魚門廣場地下2A號舖 |
地區 : 油塘 |
|
現時分數:
|
日期 : 2010-08-12 12:20:10
屋企無煮飯, 買波仔飯盒都係唔錯選擇, 試過佢嘅咖喱牛腩飯, 叮到好熱之後打開蓋, 香濃咖喱汁味撲鼻而來, 牛腩好腍及好香咖喱味, 一D都唔韌, 配埋軟熟甘香嘅飯, 食到好滿足。 |
|
|
利得火鍋豬骨煲 Lee Tak Hotpot Restaurant |
標題 : 食物夠新鮮 |
地址 : 九龍城南角道56號 |
地區 : 九龍城 |
|
現時分數:
|
日期 : 2010-08-12 12:14:18
鍾意打邊爐嘅我, 一星期最少有一日去打邊爐, 最近就去咗利得開餐.
其中食咗:
四寶丸: 新鮮, 全部係手打;
手切肥牛: 牛味夠濃;
另外仲叫埋鮮鮑魚, 午餐肉, 出前一丁, 呢餐OK啦! |
|
|
好時沙嗲 Good Satay |
標題 : 海南雞飯好好味 |
地址 : 尖沙咀麼地道63號好時中心144-148號舖 |
地區 : 尖沙咀 |
|
現時分數:
|
日期 : 2010-08-12 12:03:12
早排同兩個朋友第一次嚟呢度食飯, 整體嚟講真係唔錯, 一定會再幫親!
海南雞飯: 油飯粒粒分明, 雞肉嫰滑;
串燒半打: 豬牛雞各2串, 燒到啱啱好, 有肉汁;
炒蘿蔔糕: 好惹味, 味道不錯, 不過濕咗D;
薄餅: 熱辣辣, 好鬆軟. |
|
|
小飛象葡國餐廳 Dumbo Portuguese Restaurant |
標題 : 適合小朋友食飯嘅餐廳 |
地址 : 九龍灣宏照道38號 MegaBox 5樓5號舖 |
地區 : 九龍灣 |
|
現時分數:
|
日期 : 2010-08-12 11:49:21
雖然嚟呢間葡國餐廳食飯唔係太過就腳, 要轉搭穿梭巴士先到, 但呢度最大特點係有一個地方可以俾小朋友係度玩, 所以如果有小朋友嘅話, 一定適合係度食飯.
今餐我哋食咗:
馬介休炒飯: 炒飯夠乾身, 好味;
葡式焗青口: 不過不失;
馬介休餅: 幾脆口;
豬頸肉: 味道適中. |
|
|
大拇指食坊
|
標題 : 麻辣墨丸米線 |
地址 : 觀塘物華街40號地下 |
地區 : 觀塘 |
|
現時分數:
|
日期 : 2010-08-12 11:36:59
由於譚仔太多人等, 我同朋友決定改去大拇指食坊試下, 叫咗一個麻辣墨丸米線+酸辣紅薯粉+一口炸豆腐.
麻辣墨丸米線: 大量配菜, 入口有種麻麻地, 又唔太辣嘅感覺, 墨魚丸又彈牙.
酸辣紅薯粉: 酸酸辣辣惹味;
一口炸豆腐: 唔油膩, 好香口. |
|
|
露比美國餐廳 Ruby Tuesday |
標題 : 又再見面嘞! |
地址 : 九龍灣偉業街33號德福廣場P26號舖 |
地區 : 九龍灣 |
|
現時分數:
|
日期 : 2010-08-12 11:12:44
之前食過, 印象中當時嘅食物都好大件頭, 終於近日再去食過, 不過冇BOOK位等咗好耐先有位.
可能等得耐, 大家都好肚餓, 入到去已經急不及待點食物.
食咗:
炸洋蔥圈: 唔油, 好脆, 洋蔥又夠甜;
炸芝士條: 炸到金黃色, 咬開好多芝士流出黎, 食到捻捻脷;
迷你露比三重奏: 三個小包加炸薯條, 好味;
千層麵: 軟硬適中;
原味豬肋骨: 燒到啱啱好, 肉質唔會乾晒身;
甜品就叫咗Chocolate Tallcake及Double Chocolate Cake: OK啦. |
|
|
吉野家 Yoshinoya |
標題 : 又吉野家 ! |
地址 : 藍田匯景廣場4樓2號舖A部分 |
地區 : 藍田 |
|
現時分數:
|
日期 : 2010-08-11 14:24:44
近日天氣熱辣辣, 撞啱放假時食LUNCH又唔知食乜好, 好多時會去咗商場裡面間吉野家, 有次叫咗個泡飯+麵豉湯, 濕濕地容易入口.
海苔珍菌泡飯: 有大量菇菇, 清清地, 間唔中食吓都OK.
麵豉湯: 湯暖暖地, 唔多夠熱. |
|
|
文華冰廳餅店
|
標題 : 懷舊冰室 |
地址 : 旺角西洋菜街204號 |
地區 : 旺角 |
|
現時分數:
|
日期 : 2010-08-10 16:04:14
感覺有一種懷舊FEEL嘅文華冰廳餅店, 每次經過都會入去食番個23蚊嘅特餐, 有牛油餐飽+火腿奄列+沙嗲牛肉米粉+奶茶; 如果改凍飲, 要加多2蚊.
餐飽: 搽有少少牛油, 還暖暖地, 都軟熟嘅;
火腿奄列: 一切開有蛋汁流出黎, 証明冇煎到過火;
沙嗲牛肉米粉: 牛肉冇筋好腍, 湯底夠味! |
|
|
Knutsford Steak Chop & Oyster Bar |
標題 : 環境好舒服 |
地址 : 諾士佛臺金巴利廣場2樓
|
地區 : 尖沙咀 |
|
現時分數:
|
日期 : 2010-08-10 15:56:09
早排同幾個朋支喺新羅寶食完韓燒見時間尚早, 大家都話去飲杯嘢, 跟住就去咗諾士佛臺Knutsford Steak Chop & Oyster Bar飲酒.
雖然近排天氣好熱, 但我哋都選擇咗一樓近窗邊卡位, 吹下D自然風, 好舒服.
幾個人叫咗幾杯啤酒同埋洋蔥圈, 雞翼佐酒, D洋蔥圈幾好食, 食吓飲吓咁就HEA咗幾個鐘, 埋單計埋D Nuts每人都係百多元. |
|
|
批&撻專門店 Pie & Tart Specialists |
標題 : 鮮奶撻唔太甜好味! |
地址 : 觀塘港鐵站10號舖 |
地區 : 觀塘 |
|
現時分數:
|
日期 : 2010-08-10 14:47:04
昨日約咗人係港鐵站APM等攞D嘢, 企咗一陣聞到好香嘅牛油味, 望一望原來係批&撻, 咁啱又有少少肚餓, 當然係走去買番件鮮奶撻食.
鮮奶撻: 熱辣辣, 好香好滑, 外皮又夠鬆脆, 又唔太甜, 值得一試. |
|
|
匯景茶餐廳
|
標題 : 大大塊巴西豬扒 |
地址 : 藍田匯景道1-17號匯景廣場5樓34號舖 |
地區 : 藍田 |
|
現時分數:
|
日期 : 2010-08-10 13:41:51
遇啱屋企冇飯食, 有時會走去匯景茶餐廳開飯, 通常會叫個鮮茄焗豬扒飯+凍檸茶.
鮮茄焗豬扒飯: 有兩件大大塊巴西豬扒, 加埋用蛋炒過嘅飯, 面層放咗好多紅蘿蔔, 蕃茄, 洋蔥連汁再焗, 熱辣辣, 酸酸地, 好味道! |
|
|
奇華餅家 Kee Wah |
標題 : 黑芝麻糯米滋好食 |
地址 : 觀塘觀塘道418號創紀之城五期(apm)1樓23號舖 |
地區 : 觀塘 |
|
現時分數:
|
日期 : 2010-08-10 12:49:07
早排有日放假, 喺呢頭食完LUNCH, 突然想食甜嘢, 跟住走咗去奇華餅家買咗盒黑芝麻糯米滋,一盒四粒, 盛惠11蚊. 另外仲有三款味道, 有綠茶, 花生, 豆沙.
黑芝麻糯米滋: 皮薄, 餡嘅甜味啱啱好, 芝麻又多, 好味道! |
|
|
好好粥麵
|
標題 : 粥粉麵飯 |
地址 : 藍田啟田道50號啟田商場舊翼2樓207號舖 |
地區 : 藍田 |
|
現時分數:
|
日期 : 2010-08-10 12:05:28
開業已經有一段日子嘅好好粥麵, 一直未有品嚐過, 早輪終於去試咗個二人套餐.
燒腩仔 + 叉燒: 燒腩仔外皮脆卜卜, 叉燒肥瘦適中, 肉質好腍;
炸鯪魚球: 好香口;
腐乳通菜: 夠爽脆, 顏色炒得夠綠, 好新鮮;
白飯熱飲 x 2. |
|
|
澳門冰室
|
標題 : 好滋味 |
地址 : 尖沙咀彌敦道83-97號華源大廈閣樓6B、7B及12B號舖 |
地區 : 尖沙咀 |
|
現時分數:
|
日期 : 2010-08-09 12:36:00
如果睇門面, 好有舊式冰室嘅感覺. 我同朋友一樣叫咗個特餐食, 有鮮茄牛腩粒湯意粉 + 炒蛋 + 咖央厚多士 + 飲品一杯.
鮮茄牛腩粒湯意粉: 意粉唔腍, 有口感, 牛腩粒唔韌好腍, 至於湯底就酸酸甜甜, 有好多紅蘿蔔, 洋蔥, 西芹, 蕃茄等配料, 好好味.
炒蛋: 好滑, 冇炒過火.
咖央厚多士: 咬落口都聽到好脆嘅聲音.
奶茶: 好香好滑. |
|
|
Milkissimo |
標題 : 蜜瓜清香好味道 ! |
地址 : 尖沙咀彌敦道100號 The ONE 4樓L406號舖 |
地區 : 尖沙咀 |
|
現時分數:
|
日期 : 2010-08-09 12:06:13
已進駐尖沙咀The ONE四樓嘅北海道函館Milkissimo雪糕乳酪店, 我見係新嘢就走咗去試, 見價錢為分三種$30、$35及$40, 一款味道就30蚊, 兩款就35蚊, 三款就40蚊, 每多一種味, 個份量都會大杯少少.
我一望埋個櫃度, 就見大約有逾十款味道, 最後要咗蜜瓜味, 入口感覺不太甜之餘, 亦留有淡淡的蜜瓜清香啱晒我, 下次要試埋其它口味! |
|
|
一鍋館 HIPOT |
標題 : 下午去HIPOT打邊邊抵食! |
地址 : 觀塘觀塘道418號創紀之城五期(apm)6樓3號舖 |
地區 : 觀塘 |
|
現時分數:
|
日期 : 2010-08-09 11:40:10
喺APM開咗一段時間嘅HIPOT, 早兩個禮拜卒之有機會去試咗.
我叫咗個四十幾蚊嘅餐, 火鍋材料有十多廿種, 再選拉麵, 烏冬, 粉絲是但一樣, 至於湯底就要咗四川麻辣鍋, 包埋一杯飲品, 至於醬油就自己溝, 其實自己一個人一個鍋都未試過, 不過都幾好, 因為幾時想打邊邊都得.
總括來講, 食物都新鮮, 而湯底都幾好味! |
|
|
凱施餅店 Hoixe Cake Shop |
標題 : 海之味好好味 |
地址 : 將軍澳尚德商場G6號舖 |
地區 : 將軍澳 |
|
現時分數:
|
日期 : 2010-08-09 11:20:58
好多時會去凱施買麵包做早餐, 其中有兩款好似蛋卷形狀嘅麵包幾吸引, 價錢又唔貴, 只係六個半一個, 買過嚟食, 果然真係好好味.
海之味: 餡料包住D吞拿魚, 生菜同蝦, 好好味.
富士卷: 餡料包住D肉鬆, 生菜, 蕃茄, 火腿, 蛋沙律, 都好味. |
|
|
峇里園印尼餐廳 1968 Indonesia Restaurant 1968 - Bali Garden |
標題 : 想食印尼嘢可試試 |
地址 : 旺角太子道西193號新世紀廣場6樓601號舖 |
地區 : 旺角 |
|
現時分數:
|
日期 : 2010-08-07 14:43:41
媽咪生日, 佢話想食印尼嘢, 就試咗呢間.
酸辣雞絲沙津: 呢個辣味較重;
春卷: 夠脆口;
咖哩牛舌: 第一次食咖喱味, 再加上牛舌好腍, 感覺唔錯, 好好食;
印尼炒飯: 飯炒到好香同好入味, 仲有蝦片, 蛋, 兩串沙嗲!
巴東牛肉: 帶點微辣, 醬汁夠濃, 牛肉夠腍;
沙嗲串燒: 豬, 牛, 雞各兩串, 好味道! |
|
|
蘭芳園
|
標題 : 脆卜卜豬扒包 |
地址 : 尖沙咀彌敦道36-44號重慶大廈活方地庫26號舖 |
地區 : 尖沙咀 |
|
現時分數:
|
日期 : 2010-08-07 12:24:04
早前趁空檔去咗蘭芳園食咗個25蚊嘅下午茶餐, 豬扒包加熱檸茶, 豬扒肉質多汁好腍, 一D都唔乾, 麵包熱辣辣同脆卜卜. |
|
|
海寶漁港
|
標題 : 任食火鍋 |
地址 : 牛頭角牛頭角道55號利基大廈C.D.S地下 |
地區 : 牛頭角 |
|
現時分數:
|
日期 : 2010-08-06 16:15:25
呢間海寶前身都係間酒樓, 不過就無幫襯過, 之後原址轉咗做海寶, 仲裝修得幾企理, 開張後發現佢哋火鍋同小菜D價錢都幾經濟吓, 食落又唔太差, 好似五餸(有蝦、有魚、有雞)加四盅翅(當然係好散嘅翅啦), 送埋生果同甜品都係大約四百蚊, 所以都嚟過呢間食過幾次晚飯!
除咗小菜, 都有食過佢D任食火鍋, 呢間舖D湯底, 醬料, 飲品都係免費, 當然食物質素唔好要求太高啦, 不過都食得過嘅, 如果人少少兩個去, 通常都會坐一入門口兩邊D梳化卡位, D卡位側邊仲有個無聲兼無得轉台嘅電視俾你送飯o添!
湯底可選清湯,香茜皮蛋,沙爹,鴛鴦,食物有成六十幾款比你揀. |
|
|
大家樂 Cafe De Coral |
標題 : 一哥焗豬扒飯 |
地址 : 黃大仙龍翔道136號龍翔中心地庫LG5號舖 |
地區 : 黃大仙 |
|
現時分數:
|
日期 : 2010-08-06 15:07:45
每次去親大家樂通常都會食「一哥焗豬扒飯」, 因為酸酸地有D汁容易入口.
佢D豬扒時大時細, 但面層嘅蕃茄, 菠蘿, 洋蒽, 青豆呢D配料就OK, 至於底層嘅炒飯粒粒好煙韌, 咬落口好有口感. |
|
|
譚魚頭火鍋 Tanyoto Hotpot |
標題 : 又嚟打邊邊! |
地址 : 旺角彌敦道639號雅蘭中心5樓食閣全層 |
地區 : 旺角 |
|
現時分數:
|
日期 : 2010-08-06 14:23:20
突然好想打邊爐, 又見好耐冇嚟過譚魚頭, 上星期決定走去食番餐.
我哋幾個人叫咗個牛魔王海鮮盆, 要麻辣湯底, 配料有魷魚, 桂花蚌, 珊瑚蚌, 帶子, 蝦, 生蠔, 鮑魚, 肥牛, 魚頭, 菜, 食食吓好似唔多夠, 再加咗四寶丸同鵝腸先啱啱好.
D食材都好新鮮吓, 湯底亦保持一貫香濃, 亦係呢D原因, 我會間唔中嚟呢度打吓邊邊! |
|
|
譚魚頭火鍋 Tanyoto Hotpot |
標題 : 又嚟打邊邊! |
地址 : 旺角彌敦道639號雅蘭中心5樓食閣全層 |
地區 : 旺角 |
|
現時分數:
|
日期 : 2010-08-06 12:01:21
好想打邊爐, 又見好耐冇嚟過譚魚頭, 早幾日決定走去食.
我哋叫咗個牛魔王海鮮盆要麻辣湯底, 配料有魷魚, 桂花蚌, 珊瑚蚌, 帶子, 生蠔, 鮑魚, 肥牛, 魚頭, 菜.
食食吓好似唔多夠, 再加咗四寶丸同鵝腸先啱啱好. |
|
|
鳴門日本料理 Naruto Japanese Restaurant |
標題 : 可以一試 |
地址 : 觀塘牛頭角道315號立成大廈地下 |
地區 : 觀塘 |
|
現時分數:
|
日期 : 2010-08-06 11:47:09
如果想食一餐較經濟又好食嘅日本餐, 可以嚟呢度試下, 我上次去食, 就叫咗呢幾樣嘢:
刺身飯定食: 有三文魚, 吞拿魚, 油甘魚, 帶子, 八爪魚, 蛋, 甜蝦;
蟹皇粥: 好鮮甜;
串燒牛舌: 厚身, 唔韌, 好爽口;
燒羊扒: 夠羶味, 好新鮮, 肉質多汁;
焦糖吉士: 不太甜, OK! |
|
|
大孖醬料
|
標題 : 好夠辣 |
地址 : 觀塘崇仁街33號地舖 |
地區 : 觀塘 |
|
現時分數:
|
日期 : 2010-08-05 17:19:25
一向鍾意食辣嘅我, 行行吓街無意中見到一間叫大孖醬料嘅舖頭, 最後買咗樽勁辣椒醬返屋企試. 其實呢間舖頭仲有好多醬料, 有興趣可以去睇吓.
勁辣椒醬: 初初食落口唔多覺辣, 但過咗一陣, 個咀感覺到真係幾辣, 唔食得千祈唔好試! |
|
|
漢陽苑韓國料理
|
標題 : 任吃燒烤 |
地址 : 尖沙咀金馬倫道5號太興廣場2字樓 |
地區 : 尖沙咀 |
|
現時分數:
|
日期 : 2010-08-05 16:53:27
上周同兩個朋友走咗去食自助韓燒, 每位138元, 可能假日關係, 所以每位貴左咗20元, 自助任食有熱盤, 壽司, 湯, 前菜, 燒烤物, 甜品, 飲品任君選擇. 雖然好多食物, 但大家又唔係太肚餓, 食到第二輪就停手嚕, 叫咗兩罐啤酒, 埋單都係五百幾.
燒烤: 多春魚, 牛肋骨, 牛舌, 雞肉, 豬扒, 腸仔, 金沙骨, 蝦, 牛肉, 紅腸, 雞翼, 魷魚, 串燒, 芝士腸等, 肉類全部都好入味.
前菜同熱盤: 春卷, 翠瓜, 韓國粉絲, 豬耳, 芽菜, 泡菜, 酸辣鳳爪, 魚仔, 中華沙律, 啫喱, 西瓜等.
湯: 冬蔭功, 碗仔翅.
甜品: 豆腐花, 涼粉, 泰式糕點, 雪糕等. |
|
|
傷心酸辣粉
|
標題 : 好味 |
地址 : 深水埗福榮街116號 |
地區 : 深水埗 |
|
現時分數:
|
日期 : 2010-08-05 16:48:32
每次經過深水埗呢間舖, 都忍唔住入去食番碗酸辣粉, 今次都係, 叫咗個口水雞套餐, 最後仲加多碟泡椒雞翼尖, 夠辣夠爽口, 食到唔停口. |
|
|
Burger King |
標題 : 小華堡餐送雪糕 |
地址 : 油麻地彌敦道546-548號旺角大樓地下 |
地區 : 油麻地 |
|
現時分數:
|
日期 : 2010-08-05 13:55:59
早幾日走咗去Burger King食嘢, 見到啱啱有一個套餐做推廣, 就係呢個「小華堡餐」 , 套餐連薯條汽水, 再送多一杯雪糕, 價錢都係25.5元. |
|
|
Applegreen |
標題 : 一班朋友聚腳好地方 |
地址 : 尖沙咀加拿分道20號加拿芬廣場4樓 |
地區 : 尖沙咀 |
|
現時分數:
|
日期 : 2010-08-05 13:50:34
每次嚟呢間餐廳都覺得好舒服, 好柔和, 今次同三個朋友嚟食, 由於今次得四個人, 食量本身又唔大, 只係點選咗以下食物.
清湯海蜆意粉: 湯帶有鮮甜嘅蜆肉味, 意粉夠煙韌
凱撒沙律: OK
肉眼扒: 食咁多次都係咁好食
焗薯皮: 薯仔內有蕃茄粒同薄脆, 焗到好香
芝士通粉: 好濃芝士味 |
|
|
蘭香麵家茶餐廳 Lan Heung Noodle Restaurant |
標題 : 黑牛柏葉麵爽口好味 |
地址 : 尖沙咀柯士甸路15號A地舖 |
地區 : 尖沙咀 |
|
現時分數:
|
日期 : 2010-08-05 12:14:19
平時食開黑牛柏葉撈麵, 昨晚轉左胃口, 叫咗個黑牛柏葉粗麵, 麵質入口十分煙韌彈牙, 黑牛柏葉爽口, 加埋D辣椒油十分之好味! |
|
|
綠林甜品
|
標題 : 必吃的豆腐布甸 |
地址 : 深水埗元州街77-79號 |
地區 : 深水埗 |
|
現時分數:
|
日期 : 2010-08-05 12:06:43
早幾日同朋友去咗綠林食甜品, 每次都必定叫豆腐布甸, 今次都唔例外, 唔係講笑, 呢度嘅豆腐布甸又夠滑又彈口, 大家唔信可以去試下.
至於朋友就叫咗個榴槤Pancake, 佢話好香榴槤味, 皮又夠薄! 另外我哋再叫多個糖不甩, 呢個都唔錯, 因為有好多花生, 所以好香! |
|
|
金牌小龍 King's Dumpling |
標題 : 紅油抄手好味道 ! |
地址 : 尖沙咀彌敦道100號The One 4樓L404-405號舖 |
地區 : 尖沙咀 |
|
現時分數:
|
日期 : 2010-08-03 17:56:27
去THE ONE行街前先去醫吓個肚先, 走咗去金牌小龍食上海嘢, 坐低後就叫咗酸辣湯, 紅油抄手, 小籠包, 醉雞, 擔擔麵.
紅油抄手 : 單看賣相都好吸引, 皮薄, 又夠辣
酸辣湯 : 酸辣味道剛剛好
小籠包 : 皮薄, 餡料內夠肉汁
擔擔麵 : 中規中矩
醉雞 : 用蒜頭同薑爆香後的雞, 好正好入味 |
|
|
韓國錦城飯店 Korean Kam Shing Restaurant |
標題 : 都食得過o既韓國菜 |
地址 : 尖沙咀堪富利士道5號地下 |
地區 : 尖沙咀 |
|
現時分數:
|
日期 : 2010-08-02 14:01:40
啱啱早兩日先食完韓國燒烤, 但朋友生日冇計, 因為佢話太耐冇食過, 好想食咁話, 咁啱又經過呢間就試下.
坐低冇耐, 店員就送上七小碟前菜小吃, 有魚仔, 泡菜, 芽菜, 豆腐等. 經過大家一輪商量後, 叫咗魷魚, 雞肉, 牛肋骨, 炒粉絲, 海鮮燒餅, 豬肉, 牛舌, 炸醬麵.
全部食物大致上OK, 只係覺得炸醬麵唔夠煙韌, 腍左D. |
|
|
漢記海鮮酒家 Hon Kee Seafood Restaurant |
標題 : 豐富海鮮餐 |
地址 : 鯉魚門海傍道西22號C |
地區 : 鯉魚門 |
|
現時分數:
|
日期 : 2010-08-02 13:58:51
同朋友講開, 好似好耐冇食過海鮮, 大家諗都唔諗就衝入去油塘食海鮮, 最後我哋選擇咗呢間.
幾個人叫咗椒鹽瀨尿蝦, 豉油煎中蝦, 薑蔥炒蟹, 蒜蓉粉絲蒸扇貝, 清蒸果皮鮑魚仔, 蒜蓉菜心, 當然主角之一o既龍蝦伊麵係唔少得啦! 最後加埋個瑤柱蛋白炒飯, 食到大家都捻捻脷, 非常滿足. |
|
|
御膳飯莊 Imperial Kitchen |
標題 : 必吃o既烤鴨, 好正 ! |
地址 : 樂富聯合道196號樂富廣場1期1樓1118-1120號舖 |
地區 : 樂富 |
|
現時分數:
|
日期 : 2010-08-02 12:39:29
見好耐冇食過烤鴨, 咁啱喺樂富行完街街, 就順便去咗御膳飯莊食飯.
今晚叫咗八樣嘢, 有豆沙煎窩餅, 烤鴨, 海蜇, 花雕醉雞, 小籠包, 糖醋排骨, 松子桂花魚, 四川擔擔麵.
全晚我就覺得條松子桂花魚同隻烤鴨好正, D魚肉質一D都唔嚡口, 非常之滑, 隻烤鴨保持水準, 好香口! 要再嚟食過先得. |
|
|
阿頭魚蛋粉 Ah Tau Fishball Noodles |
標題 : 不過不失 ! |
地址 : 尖沙咀廣東道33號中港城商場2樓金牌坊美食廣場C06號舖 |
地區 : 尖沙咀 |
|
現時分數:
|
日期 : 2010-08-02 12:04:49
位於中港城商場金牌坊美食廣場o既阿頭魚蛋粉, 除咗粉麵之外, 呢間舖舖仲有蒸飯同埋不同款式o既套餐提供.
未入去前本身想叫一碗牛雜米+油菜+熱奶茶, 套餐都係35元, 但睇睇吓隔離檯D蒸飯賣相好似幾好, 於是就改變主意, 叫咗個鱆魚冬菇飯, D飯都有咬口, 唔會太腍, 大致上都OK. |
|
|
摩斯漢堡 Mos Burger (已結業) |
標題 : 一定要食o既MOS Burger |
地址 : 觀塘觀塘道418號創紀之城5期apm L1 CookedDeli 8號舖 |
地區 : 觀塘 |
|
現時分數:
|
日期 : 2010-08-02 10:58:28
每次經過開 MOS Burger 都一定會食「海鮮珍珠堡」, 可能係即叫即做, 一打開個Rice Burger, 就感覺到好熱辣辣同香噴噴, 好似英式鬆餅形狀的米飯, 中間夾住海鮮, 再加埋D汁, 已經忍唔住一大啖咬落去, 簡直係正! 跟埋個沙律同汽水都係四十蚊鬆D.
下次要試吓個新推出既「花生醬燒雞漢堡」. |
|
|
粵江春 Guangzhou Garden |
標題 : 可以一試! |
地址 : 旺角亞皆老街8號朗豪坊L3-35鋪
|
地區 : 旺角 |
|
現時分數:
|
日期 : 2010-08-01 04:23:14
行過粵江春見佢有個幾抵食o既套餐, 冬瓜盅加北京片皮鴨都係一百三十八蚊, 即管入去試試.
我哋叫咗個套餐, 咕嚕肉, 瑤柱煮豆苗. 再加埋招牌脆皮雞. 個人覺得最好食就係個脆皮雞, 肉質嫩滑又夠香口. |
|
|
新羅寶韓國料理 Sorabol Korean Restaurant |
標題 : 下次一定會再嚟幫襯 |
地址 : 尖沙咀彌敦道132號美麗華商場4樓B號舖 |
地區 : 尖沙咀 |
|
現時分數:
|
日期 : 2010-08-01 02:21:07
好多朋友成日都話呢間餐廳好好食, 所以決定今晚去試下.
入咗位之後, 店員就先送上六小碟前菜, 單是泡菜就有兩種味道, 一個偏向酸, 一個偏向辣少少,另外仲有魚仔, 芽菜, 魷魚及西蘭花, 樣樣都好好味.
經過一輪商量後, 我哋就叫咗牛肋骨, 牛舌, 雞翼, 羊肉, 原先想叫多個韓國麵, 但SIZE實在太大, 因為怕食唔哂, 最後都冇叫到! 但下次一定要試.
牛舌同牛肋骨好鮮甜, 連醬汁都唔使點, 可能係新鮮關係.
羊肉都OK, 唔太羶.
雞翼味道就甜甜地.
呢間舖真係服務一流, 佢會自已行埋嚟幫你放D食物去燒. 下次一定會再嚟. |
|
|
富臨漁港囍臨門皇宴 Foo Lum Fishman's Wharf Restaurant |
標題 : 價錢分兩級 |
地址 : 太子彌敦道794-802號協成行1-3樓 |
地區 : 太子 |
|
現時分數:
|
日期 : 2010-07-31 15:12:47
呢間酒樓都幾得意, 一樓價錢會平過二、三樓, 莫非點心同茶係靚D, 真係唔明白! 不過D食物都唔錯.
我哋一家人叫咗鳳爪, 蝦餃皇, 金錢肚, 鳳爪排骨飯, 鮮蝦腐皮卷, 蘿蔔糕, 加多個乾炒牛河, 當然最好食梗係我最鍾意o既蝦餃皇, 蝦肉爽口又新鮮, 牛河今次就太多油啦! |
|
|
彬記粥麵小廚
|
標題 : 有糖水o既粥粉麵店 |
地址 : 美孚美孚新村百老匯街79號商場地下96號舖 |
地區 : 美孚 |
|
現時分數:
|
日期 : 2010-07-31 14:58:22
一大清早就約咗朋友去游水, 去到泳池附近見仲有時間, 又有D肚餓, 順便食埋早餐先, 今次就去咗呢間食.
一入去就叫咗個豬潤腸粉加艇仔粥, 腸粉雖然唔係話即叫即做, 但可能我鍾意食豬潤o既關係,都覺得好好味, 因為腸粉層皮厚度適中, 所以入口覺得滑嘟嘟, 至於碗粥就非常足料, 味精又唔重, 食完唔會話好鬼口渴.
呢間舖頭除咗有粥麵之外, 仲有小菜同糖水提供. |
|
|
Rice Paper |
標題 : 唔錯o既越南餐廳 |
地址 : 尖沙咀廣東道17號海港城港威商場3樓3319號舖 |
地區 : 尖沙咀 |
|
現時分數:
|
日期 : 2010-07-31 12:05:32
幾個人行開尖沙咀海港城, 其中一個朋友話有間越南餐廳幾OK, 所以就入去一試. 一入到去, 氣氛唔錯.
今餐o既菜式:
蒜蓉包: 好脆, 又夠蒜蓉.
蝦餅: 熱辣辣, 好彈牙.
軟殼蟹米紙卷: 如果鍾意食米紙卷就要試吓呢, 因為D軟殼蟹炸到好脆, 好香口, 但又唔肥膩.
串燒併盤: 串燒燒到時間啱啱好, 唔會硬同乾, 個串燒汁調校到好好味. |
|
|
和民居食屋 Watami |
標題 : 下午茶餐 |
地址 : 尖沙咀廣東道28號新太陽廣場B09號舖 |
地區 : 尖沙咀 |
|
現時分數:
|
日期 : 2010-07-26 14:22:51
今日下午喺尖沙咀經過見到和民, 見咁耐冇食過, 就入去食咗一個下午茶餐, 主菜加埋沙律同湯都係五十蚊唔使.
最後點咗個焗海鮮飯跟沙律同湯, 沙律雖然好細碟, 但個汁好好味, 海鮮飯面頭有一層芝士, 蝦, 元貝, 魷魚焗到金黃色, 下層就係用蕃茄汁炒過的飯, 將全部撈勻黎食, 好正! 個湯就冇乜味道, 好淡. |
|
|
大盛日本料理 Otanri Japanese Restaurant |
標題 : 拖地三文魚壽司 |
地址 : 觀塘觀塘道404號時運工業大廈地下 |
地區 : 觀塘 |
|
現時分數:
|
日期 : 2010-07-26 14:01:30
每次嚟呢度, 大部份都係朋友生日, 由於有成十幾人, 通常都會BOOK房, 坐得舒服D. 今次第一次坐大廳, 覺得都OK.
大家商量叫咗以下o既食物:
三文魚壽司: 三文魚仍然長到好似地拖咁拖哂地
帶子壽司: 好鮮甜
鰻魚炒烏冬: 炒得好好味, 可能係D醬汁o既關係
炒雜菜: 洋蔥, 冬菇, 紹菜, 芽菜, 小棠菜, 木魚絲
鹽燒雞翼同牛舌: 嚟親都叫, 好味道 |
|
|
CoCo壱番屋
|
標題 : 排隊都值得 |
地址 : 觀塘開源道79號鱷魚恤中心1樓8號 |
地區 : 觀塘 |
|
現時分數:
|
日期 : 2010-07-26 13:49:48
今日去APM行街, 見到一間舖頭好多人排隊, 自已又排埋一份, 食過之後又覺得真係幾好食.
呢間舖都好多咖喱款式, 有牛、豬、海鮮、蔬菜, 最後我就揀咗吉列豬扒奄列咖喱飯, 豬扒肉質不會硬及乾巴巴, D蛋又整得好滑, 再加埋大量咖喱汁, 非常好食, 難怪咁多人排隊。 |
|
|
譚仔雲南米線
|
標題 : 保持水準 |
地址 : 觀塘物華街46地下 |
地區 : 觀塘 |
|
現時分數:
|
日期 : 2010-07-26 12:39:25
其實去譚仔食碗粉都幾貴, 揀多兩款餸都成三十幾蚊, 不過通常經過開都會諗起佢既麻辣湯底, 好正! 始終都走咗入去, 今次都唔例外.
今次就叫咗墨魚丸同豬潤麻辣米線(大辣), 再加左一碟16蚊細o既土匪雞翼, 都幾貴只係得三隻, 但仍然保持水準, 好香口好脆. |
|
|
強記
|
標題 : 舊式大排檔 |
地址 : 深水埗耀東街4號牌檔 |
地區 : 深水埗 |
|
現時分數:
|
日期 : 2010-07-26 12:30:06
朝早賣粥, 腸粉, 油炸鬼o既強記, 夜晚就係一間有炒小菜o既正宗大牌檔. 不過大熱天時係度食飯都幾熱, 但都有好多人幫襯, 原因好簡單, 就係食物有水準, 夠鑊氣.
豉椒炒蜆: 火喉十足, 醬汁好夠味, 美中不足係有少少沙.
砵仔焗魚腸: 面層金黃色, 食落口好香, 但魚腸少D.
啫啫雞煲: 嚟呢度食飯, 呢個煲一定要叫, 好香o既南乳味, 雞又夠軟身, 再加上鑊氣夠, 好惹味.
馬拉盞炒通菜: 今次鹹咗D. |
|
|
傷心酸辣粉
|
標題 : 食完未夠傷心 |
地址 : 旺角登打士街43號登打士廣場1樓 |
地區 : 旺角 |
|
現時分數:
|
日期 : 2010-07-26 12:10:11
今日行過旺角, 順便去試吓呢間好多人都話食到你流鼻水又好食o既傷心酸辣粉, 但入到去第一個感覺好似同茶餐廳冇乜分別, 但地方都算夠大, 坐得都OK!
坐低就叫咗一個口水雞套餐要中辣, 再加一杯凍檸茶, 盛惠43蚊! 總括黎講都OK, 但下次一定要試下佢個大辣, 因為中辣好似都唔多夠辣! |
|
|
唯珍上海麵家 Wai Chun Shanghai Noodles |
標題 : 豆沙窩餅必吃 |
地址 : 佐敦白加士街99號地下 (近寧波街)
|
地區 : 佐敦 |
|
現時分數:
|
日期 : 2010-07-26 10:25:39
今次去咗一間外表好舊好平凡o既上海麵食LUNCH, 入到去, 間舖真係好細, 座位又窄.
豆漿: OK唔太甜
酸辣雲吞麵: 一次過食到酸辣湯, 雲吞, 麵
豆沙窩餅: 外皮鬆脆又夠薄, 好味 |
|
|
Just Hot Dog |
標題 : 估唔到工廈都有得食 |
地址 : 觀塘成業街19-21號成業工業大廈9樓17室 |
地區 : 觀塘 |
|
現時分數:
|
日期 : 2010-07-26 10:12:30
公司同事之前幫襯過呢間熱狗店話好好食, 今日就上咗去試吓, 一見餐牌D熱狗相, 就已經流晒口水, 有散叫或套餐, 最後叫咗一個原味熱狗.
等咗一陣, 店員送上一個熱騰騰烘過o既熱狗過來, 外層脆脆地, 再加上餡料內有條大大條o既香腸, 青瓜碎粒, 洋蔥粒, 芥辣醬, 茄汁加埋一齊, 即時一大啖咬落去, 好正.
一定會再嚟幫襯! |
|
|
小肥牛火鍋活魚專門店
|
標題 : 非常滿足! |
地址 : 太子大南街6-8號璟璜大廈1-3樓 |
地區 : 太子 |
|
現時分數:
|
日期 : 2010-07-26 09:12:51
可能我哋太鍾意打邊爐, 就算大熱天時, 每次約親食飯都係打邊爐, 今次都唔例外.
今次幾個人一坐低就係咁剔呀剔! 剔咗成十幾碟, 有芝士牛丸, 鵝肝墨丸, 炸腐皮, 墨魚滑, 鯊魚唇, 黃喉, 水餃, 皇帝菜, 芝士腸, 桂花蚌, 生蠔等等, 當然唔少得十蚊碟o既安格斯牛啦!
因為之前食過, 有張刺身優惠券, 順便用埋佢, 就係原條章紅魚刺身, 食完D骨重可以幫你椒鹽, 送酒一流, 食飽飽仲有西瓜同橙送. |
|
|
阿升麵線 Ay-Sheng Flour-Rice Noodle |
標題 : 一般啫! |
地址 : 旺角弼街60A |
地區 : 旺角 |
|
現時分數:
|
日期 : 2010-07-25 23:57:14
之前朋友講話呢間o既大腸麵線好好食, 咁啱又經過買咗一碗同埋花枝丸嚟試吓.
大腸麵線都唔係咁好食啫, 湯又唔夠, 麵線又太腍, 腸又小, 味精又多.
相反小食花枝丸就好食好多, 又夠熱, 又鬆脆. |
|
|
金滿堂甜品
|
標題 : 好好味o既棉花冰 |
地址 : 九龍灣牛頭角道77號淘大商場二期G201號舖 |
地區 : 九龍灣 |
|
現時分數:
|
日期 : 2010-07-24 20:54:27
打完邊爐, 兩個朋友話想食甜品, 雖然食到都幾飽, 但都照去!
三個人就決定叫三樣嘢一齊食, 最終就叫咗以下甜品:
1. 麥提莎糯米滋, 未食過咁難食o既野, 外層一團麵粉包住粒麥提莎, 咁都得!
2. 朱古力棉花冰, 食落口有好香o既朱古力味, 另外有D一粒粒o既嘢唔知係咩. 不過幾煙韌
3. 香蕉船就叫左三種味道, 有芒果, 雲呢嗱, 朱古力, 食落口都幾滑,唔錯.
食食下見隔離檯有一個甜品好過癮, 望落去好似冰咁, 成個三角形, 兩個顏色, 睇番餐牌原來係叫鴛鴦雙冰, 下次要叫嚟試吓. |
|
|
彩雲軒
|
標題 : 菜餚OK、服務不俗 |
地址 : 尖沙咀廣東道30號新港中心3樓A舖 |
地區 : 尖沙咀 |
|
現時分數:
|
日期 : 2010-07-23 14:29:46
上星期日係男朋友生日,去完嘉禾港威睇完戲,當然要請佢食餐好D,佢一向鍾意食中菜,今次揀咗呢間,去到唔算太多人。
兩個人叫了三餸一湯
清蒸東星斑: 唔算平,蒸得幾鮮嫩
兩隻乳鴿: 廿五蚊一隻算抵,幾肥美唔會得棚骨
老火湯: 店員極力推介,冇加味精,不錯
麻香水晶麵:原以為係辣既(我和男友都好鍾意食辣),原來呢個麵係唔辣,只係加咗麻醬,失望,不過水晶麵好爽口。
服務不錯,有機會會同屋企人嚟試下飲茶 |
|
|
隆姐泰國美食館 Lung Jie Thai Restaurant |
標題 : 正宗抵食泰國菜 |
地址 : 九龍城南角道18號地下 |
地區 : 九龍城 |
|
現時分數:
|
日期 : 2010-07-22 13:20:22
海南雞飯既雞啖啖肉, 油飯硬度適中, 加埋D醬汁一齊食簡直係天衣無縫, 生蝦刺身加埋個炸蝦頭, 但蝦頭今次冇咁脆.
另外無骨酸辣鳳爪好好味, 夠辣夠酸, 明爐烏頭魚都唔錯.
咖哩炒蟹同海鮮冬陰功仍然保持水準, D蟹啖啖肉, 尤其係隻蟹鉗一啖咬落成口都係蟹肉,好好味! 最後仲有一碗糖水送, 一行幾人埋單都係每人舊幾水, 抵食! |
|
|
|
|