|
|
密探名稱 : Big Mouth
|
|
神廚館
|
標題 : 墨魚餅估唔到咁好食 |
地址 : 大角咀海景街44號富貴大廈西座地下 |
地區 : 大角咀 |
|
現時分數:
|
日期 : 2011-01-14 16:17:34
識食一族嚟到神廚館必定會叫煎蛋海苔窩燒墨魚餅飯, 我第一次來亦點咗呢個招牌菜.
碟嘢賣相好靚, 頗有意大利feel, 先試墨魚餅, 好香, 好爽, 好彈牙, 唔太油, 入面好多墨魚粒, 好有口感, 估唔到咁好食.
相對個飯同隻蛋就平平無奇, 但呢個已不太重要! |
|
|
安利大排檔
|
標題 : 俾佢合格 |
地址 : 筲箕灣筲箕灣東大街57號 |
地區 : 筲箕灣 |
|
現時分數:
|
日期 : 2010-10-21 16:24:12
有晚去開筲箕灣, 見到呢間安利大排檔唔駛等位, 橫掂之前未嚟過呢度食嘢, 於是就入去開餐. 睇睇餐牌, 有粉麵、多士、三文治等食物, 十足十茶餐廳, 最終叫了切腩片頭河.
先咬一啖切腩, 幾腍、幾鬆軟、唔嚡口, 好食, 片頭爽口彈牙, 河粉幾滑身, 我俾佢合格啦!
我見隔離檯食緊厚多士, 睇嚟呢個都幾得, 下次可以試下! |
|
|
滋味齋素食餐廳
|
標題 : 幾可亂真 |
地址 : 元朗水車館街興旺大廈1號舖 |
地區 : 元朗 |
|
現時分數:
|
日期 : 2010-09-17 16:25:46
呢間齋舖好有茶餐廳feel, 響餐牌上可以搵到如肉醬意粉, 吉列豬扒飯, 牛肉三文治等真正茶餐廳熟口熟面嘅菜名, 估唔到連咖啡奶茶都有, 夠哂特別!
入嚟叫咗咖喱牛肉飯, 咖喱汁香而不辣, 牛肉食落好有質感, 無論味道, 口感, 都幾可亂真, 真係唔相信自己響齋舖食緊嘢. |
|
|
唐記包點 Tong Kee Bao Dim |
標題 : 唐記包點超級鬆軟 |
地址 : 將軍澳厚德邨厚德商場1樓163-164號舖 |
地區 : 坑口 |
|
現時分數:
|
日期 : 2010-09-16 16:49:17
我同老公係無飯夫妻, 鍾意食雜糧多過食飯, 唐記開咗我哋係佢嘅常客.
呢度D包點選擇甚多, 如叉燒包, 菜肉包, 香菇雞肉包, 糯米卷, 饅頭, 奶黃包, 芋頭包, 馬拉糕等等, 鹹甜都有, 仲有好多特色包, 不過唔記得包名, 大部份三、四蚊就有交易, 而且大大個, 超級鬆軟又好食.
除咗包, 佢哋D中式點心, 盅頭飯, 糯米雞及糖水亦好多人排隊買, 而且水準可媲美大酒樓.
今次就買咗叉燒包, 香菇雞肉包, 芋頭包及糯米雞, 樣樣餡料都好味道, 叉燒夠香夠蜜味、香菇雞肉夠鮮嫩, 芋頭一陣荔芋香氣好吸引, 糯米雞就夠哂飽肚.
我哋食時仲熱辣辣, 如果喺冬天品嚐到呢啲包點更加窩心. |
|
|
陳記豆花豆漿美食
|
標題 : 用心打造豆腐花 |
地址 : 何文田窩打老道帝國大廈79號3B地下 |
地區 : 何文田 |
|
現時分數:
|
日期 : 2010-09-09 17:46:28
陳記最出名係豆腐花, 一場嚟到梗係要試下, 仲叫咗燒賣同腸粉o添!
豆腐花入口嫩滑, 豆味濃郁, 食得出係用心製作, 好正! 燒賣係魚肉燒賣, 食落不是滿口粉, 仲食到魚肉味, 蒸得透徹, 可以一吃; 腸粉好滑, 配埋甜醬豉油芝麻已十分味美, 估唔到連小食都好食過人.
其實店內仲有豆漿, 糯米糍, 粽, 牛根丸, 牛肉球, 魚蛋等小食, 下次都要試埋至得! |
|
|
德發牛丸粉麵
|
標題 : 可以更好 |
地址 : 尖沙咀海防道390號熟食檔 |
地區 : 尖沙咀 |
|
現時分數:
|
日期 : 2010-09-07 19:17:42
最近朋友嚟食過, 話德發已今非昔比, 唔及當年咁好食, 我都有一段日子冇嚟幫襯, 趁放假嚟見證一下.
叫咗牛丸米, 朋友冇講錯, 牛丸水準真係下降咗, 食落唔夠牛肉味, 幸好仲感到爽口彈牙.
德發牛丸現今水準未算最頂尖, 以牛丸聞名, 希望可以做得更好, 挽回食客信心. |
|
|
泰好味
|
標題 : 泰好味真係太好味 |
地址 : 九龍城城南道2號 |
地區 : 九龍城 |
|
現時分數:
|
日期 : 2010-09-06 17:33:48
琴晚同老公嚟撐檯腳, 嚟到舖內已坐滿人, 我哋要坐門外, 絕對冇問題, 最緊要好味.
先來生蝦刺身, 大大隻, 新鮮爽口, 點埋泰式辣汁將鮮味提升, 真係好正, 一碟唔夠喉, 忍唔住要encore.
仲有泰式拼盤, 炸皮蛋外脆內軟, 蝦餅香口彈牙, 春卷炸得香脆, 切到大大件, 好抵食.
再嚟串燒, 豬牛雞各兩串, 燒到剛剛熟, 肉質鮮嫩, 上面淋咗香濃沙爹醬, 惹味得很.
加埋兩支大啤, 呢餐真係太好味! |
|
|
七喜麵食小館
|
標題 : 消夜好去處 |
地址 : 土瓜灣江蘇街2號 |
地區 : 土瓜灣 |
|
現時分數:
|
日期 : 2010-09-06 16:00:24
琴晚同朋友打完麻雀一齊嚟七喜食消夜, 叫咗:
蝦球撈麵 -- 蝦球有八、九隻, 蝦肉夠爽, 有鮮味, 撈麵上放了薑絲及蔥絲, 拌勻後淋D另上嘅辣椒豉油一齊食, 令鮮味更出.
豉椒鵝腸 -- 份量足, 炒得好好味, 廚師手勢唔錯.
酥炸鯪魚球 -- 超大粒, 食時仲熱辣辣, 魚肉爽口彈牙, 呢個不吃不可.
腐乳通菜 -- 又係超大碟, 不過腐乳醬太多, 嫌佢鹹咗D.
今餐每人幾十蚊, 平得嚟又好味, 係消夜好去處. |
|
|
小菜王大排檔食坊
|
標題 : 抵佢稱王 |
地址 : 深水埗福榮街43號 |
地區 : 深水埗 |
|
現時分數:
|
日期 : 2010-09-03 16:26:10
每隔幾個月都會約舊同事飯聚, 今次揀咗呢間, 雖然book咗位, 仲比預訂時間早到, 但嚟到都要等一陣.
點咗四個小菜, 有黃金蝦, 椒鹽九肚魚, 辣酒煮花螺同椒絲腐乳炒通菜, 由於一行五人全女將, 所以唔敢叫太多嘢.
幾個人邊食邊傾, 已將檯上食物完全消滅, 全部小菜都好味, 又有水準, 真係抵佢稱王.
其實有D小菜各人都想試, 例如椒鹽墨魚咀, 回鍋肉及豉椒炒花甲, 所以下次飯聚會繼續捧場. |
|
|
江川手打烏冬專門店
|
標題 : 鳥冬彈牙.湯底好味 |
地址 : 尖沙咀加連威老道12 號地舖 |
地區 : 尖沙咀 |
|
現時分數:
|
日期 : 2010-09-02 16:14:22
早兩日放假, 去了尖沙咀行街shopping, 行到江川門外, 見其裝修幾特別, 就吸引了我入內光顧.
店內環境不俗, 以藍色為主色, 幾有格調, 而且全店是卡座, 迎合香港人喜好.
點了照燒雞扒配豬骨湯底鳥冬:豬骨湯呈奶白色, 味道濃郁, 唔覺有味精, 鳥冬又滑又彈牙, 配菜亦多, 雞扒大約有六件, 雞皮有D脆, 雞肉嫩滑, 肉汁豐富, 照燒汁幾好味, 可惜淋在雞扒上的份量唔多. |
|
|
麥當勞 McDonald's |
標題 : 唔係我杯茶 |
地址 : 興華一邨興華商場一樓 |
地區 : 柴灣 |
|
現時分數:
|
日期 : 2010-09-02 15:49:17
呢個場裝修完之後都未行過, 早兩日趁食晏時間走去行咗一轉, 原來呢度又開咗麥當勞, 見人龍唔太長, 就用優惠券買咗個魚柳包($8)及凍奶茶($7)返公司歎.
一啖咬落個包度, 魚柳仲脆㗎, 沙律醬又多, 食到唧哂出嚟, 感覺好正, 相反, 凍奶茶唔係好掂, 茶味及奶味均欠奉, 好淡, 唔係我杯茶! |
|
|
傅師傅
|
標題 : 酒店級水準 |
地址 : 大圍積信街6街1號 |
地區 : 大圍 |
|
現時分數:
|
日期 : 2010-09-01 17:53:34
朋友說這裡的心太軟很好吃, 加上該店老闆曾是酒店廚師, 所以食物很有酒店級水準, 我也特意到來試了一客
切開時, 看見朱古力漿流出來已覺開心, 急不及待放點入口, 朱古力味濃, 不太甜, 好味, 再把雪糕送進口中, 嘩, 這一熱一凍的感覺太特別了, 非筆墨能形容得到
除了心太軟, 這裡還有凍芒果梳乎厘, 鮮果千層酥, 炸雪糕等甜品, 下次同多幾位朋友來試多幾款至得 |
|
|
生記粥品專家 Sang Kee Congee Shop |
標題 : 好滿「粥」 + 好味道 |
地址 : 上環畢街7-9號地下 |
地區 : 上環 |
|
現時分數:
|
日期 : 2010-08-31 21:13:21
我第一次同朋友來生記食粥, 朋友點了魚腩粥, 而我叫了豬潤粥.
每碗粥都配了一碗薑蔥豉油, 另上的好處是, 不食薑蔥的人不用浪費時間篩揀, 嫌粥底不夠味可自行加添豉油提升鹹味, 老闆真的想得細心.
朋友的魚腩粥大大碗, 用料非常新鮮, 份量又多, 下次都會試, 而我的豬潤粥份量亦不相伯仲, 粥底很綿, 豬潤新鮮, 不腥不韌, 而且仲好大塊, 味道亦很好. |
|
|
奧利三文治 Olio Deli |
標題 : 是日午餐 |
地址 : 中環永和街21號地下 |
地區 : 中環 |
|
現時分數:
|
日期 : 2010-08-31 19:16:23
早幾日喺中環做完嘢返公司前, 嚟咗呢度買外賣. 我買咗:
白汁煙肉炒雞柳意粉 ~~ 打開盒蓋已聞到香噴噴嘅煙肉味, 雞柳幾腍滑, 意粉軟硬適中;
凍檸茶 ~~ 檸檬算多, 茶味好濃, 本人極之欣賞. |
|
|
Mamma Mia Gelato |
標題 : 無糖無脂肪唔怕肥 |
地址 : 旺角亞皆老街8號朗豪坊5樓K501號舖 |
地區 : 旺角 |
|
現時分數:
|
日期 : 2010-08-31 16:33:26
約了朋友在朗豪坊等, 因還未夠鐘, 於是四圍行下, 行到Mamma Mia Gelato見到有無糖無脂肪的雪糕售賣, 就試咗芝麻及士多啤梨口味.
芝麻味道濃郁, 士多啤梨雪糕混有果籽, 好有口感, 食落還帶點酸味, 非常開胃, 下次路經都會試埋其他味. |
|
|
車記車仔麵
|
標題 : 味道唔差 |
地址 : 灣仔軒尼詩道391號 |
地區 : 灣仔 |
|
現時分數:
|
日期 : 2010-08-30 19:56:48
好多時經過灣仔都會特登嚟食, 貪佢款式選擇多.
平時會叫豬大腸 + 豬皮 + 雞翼尖 + 齋 + 幼麵, 今次亦不例外.
佢哋D味道唔差, 豬大腸, 豬皮同雞翼尖夠哂腍, 又入味, 個齋反而唔會整到太腍身, 食落依然有口感, 唔會一Pat Pat. |
|
|
好好甜品
|
標題 : 以前好食好多 |
地址 : 大埔美新里5號美菱居地下B舖 |
地區 : 大埔 |
|
現時分數:
|
日期 : 2010-08-30 19:45:29
朋友說這裡的甜品不像以前般好食, 所以特意前來, 點了曾在這店經常食的士多啤梨雪糕牛奶冰, 看看味道是否真的不同.
上層鋪了大約六片士多啤梨, 大大片, 側邊有一球士多啤梨雪糕, 下層是白色砂冰, 混入牛奶更加雪白, 賣相依然咁靚.
至於味道, 越食越淡, 雖然混有牛奶, 但食到最底就淡而無味, 真係以前好食好多. |
|
|
小蜜蜂
|
標題 : 食開有感情 |
地址 : 沙田翠華花園地下 |
地區 : 沙田 |
|
現時分數:
|
日期 : 2010-08-30 19:32:04
逢星期六日經常去南記食早餐, 已持續兩三個月, 食粥食到厭了, 所以轉場又o黎番小蜜蜂
叫左個早餐A, 腸仔炒蛋+火腿通粉+ 咖啡, o黎親必定叫呢個
一如以往, 個餐依然多油, 但冇計, 可能真係食開有感情 |
|
|
勝利牛丸
|
標題 : 勝利牛丸一定要試 |
地址 : 元朗康景街14號釣德樓R座 |
地區 : 元朗 |
|
現時分數:
|
日期 : 2010-08-27 18:14:15
特登山長水遠入元朗, 目的係要品嚐勝利牛丸.
要了碗牛丸牛腩米, 牛丸一如傳聞中的爽口彈牙, 又好味, 貨很對辦, 牛腩亦同樣出色, 炆得夠腍, 入哂味, 個湯加咗牛腩汁, 味道好濃, 好正!
呢間舖響元朗好出名, 朋友極力推介叫我嚟試下, 果然冇介紹錯! |
|
|
Godiva Chocolatier |
標題 : 忍痛試咗Godiva |
地址 : 沙田新城市廣場一期2樓245 & 245A號舖 |
地區 : 沙田 |
|
現時分數:
|
日期 : 2010-08-27 15:54:53
好多人試完Godiva D 嘢都會大讚, 但幾貴吓, 既然咁啱行到佢哋門口, 就忍痛買咗杯抹茶白朱古力試下先!
入口已有好香綠茶味, 白朱古力唔會好甜, 混和一齊感覺清新, 仲好好味o添.
呢杯嘢$39, 值唔值就見仁見智. |
|
|
銀座二丁目咖喱
|
標題 : 正宗日式咖喱 |
地址 : 九龍城賈炳達道128號九龍城廣場3樓327舖 |
地區 : 九龍城 |
|
現時分數:
|
日期 : 2010-08-27 14:29:41
朋友話二丁目D咖喱係正宗日式咖喱, 同埋價錢好平, 可以試下喎, 咁啱去開九龍城, 上嚟食咗個咖喱吉列豬扒飯(跟汽水).
咖喱可以加辣, 要了大辣, 食落帶有甜味, 符合朋友說的正宗, 豬扒炸到金黃香脆, 入面唔太乾身, 飯用咗日本珍珠米, 煙韌有口感.
佢哋以快餐店形式經營, 價錢夠平, 平時應該有好多學生幫襯呢. |
|
|
麥當勞 McDonald's |
標題 : shake shake事件 |
地址 : 將軍澳唐德街9號將軍澳中心G37舖 |
地區 : 將軍澳 |
|
現時分數:
|
日期 : 2010-08-26 20:55:45
早排響M記買咗個魚柳包餐, 當時做緊shake shake 薯條promote, 店員問加唔加一蚊換包shake shake 粉, 我見加一蚊咁平就換咗包新出嘅辣椒粉.
拎到返屋企, 將半包薯條倒入shake shake袋, 然後加哂成包粉, 再用力搖勻, 咁做唔知係咪正確, 但食落覺得只係DD辣, 味道仲麻麻地.
剩低半包薯條諗住點茄汁食埋佢, 點知搵勻先知冇俾茄汁, 大佬呀, 我唔加嗰一蚊你都會主動俾茄汁, 加咗一蚊反而冇. >.<! |
|
|
漁民王子撈麵
|
標題 : 漁民珍珠奶茶OK喎 |
地址 : 將軍澳厚德邨厚德商場西翼1樓120號舖 |
地區 : 坑口 |
|
現時分數:
|
日期 : 2010-08-25 17:03:46
見有D口渴, 行前兩、三步就係漁民, 入嚟淨係買咗杯珍珠奶茶飲下, 飲落唔太甜, 茶味幾香濃, 仲好滑, 珍珠大細適中, 煙煙韌韌, 咬落仲幾好味, 品質拍得住台式飲品連鎖店, 價錢亦差不多, 起碼賺咗唔駛排隊. |
|
|
赤丸製麵所 Akamaru Noodles Factory |
標題 : 已交足貨 |
地址 : 將軍澳唐德街9號將軍澳中心地庫1樓B15舖 |
地區 : 將軍澳 |
|
現時分數:
|
日期 : 2010-08-25 12:22:08
有次去將軍澳中心, 無意中見到赤丸, 去過其他分店食都OK, 亦來這店食了個叉燒餃子辣豬骨湯拉麵.
豬骨湯底呈奶白色, 味道濃郁, 呷了一啖已覺很正, 叉燒不太肥, 夠腍又好味, 拉麵都幾彈牙, 配菜亦算多, 餃子餡料夠味, 要彈的是餃子皮過腍, 夾起就散.
總括來講, 呢碗拉麵$40, 有咁嘅水準, 已交足貨了. |
|
|
滿記甜品 Honeymoon Dessert |
標題 : 睇到甜品.諗起滿記 |
地址 : 普通道10號C |
地區 : 西貢 |
|
現時分數:
|
日期 : 2010-08-24 15:27:03
琴晚睇到電視介紹甜品, 腦海中就諗起滿記, 於是同老公開車過嚟食咗榴槤pancake + 楊枝甘露豆腐花.
榴槤pancake~~ 綠色皮好軟好薄, 食落有點點蛋香味, 榴槤肉雖然被忌廉包圍, 仍難掩其香氣, 喜愛榴槤的人一定讚不絕口.
楊枝甘露豆腐花~~ 呢個係第一次食, 楊枝甘露足料, 芒果香甜, 豆腐花好滑, 豆味香濃, 味道出奇地夾. |
|
|
時新快餐店
|
標題 : 絕對好食 |
地址 : 紅磡黃埔街1號A舖 |
地區 : 紅磡 |
|
現時分數:
|
日期 : 2010-08-24 14:56:23
時新有很好的食評, 一直都想幫襯, 但次次路過總有一大班在門外等外賣的人, 就打消了念頭 .
今日又路經呢度, 可能班理工學生放暑假, 時新不是太多人, 於是入去買咗個雙層芝士蛋漢堡.
佢地係即叫即整, 包身烘到少少脆, 漢堡扒外脆內裡好多肉汁, 蛋煎到脆邊, 配埋沙律汁, 大啖咬落去感覺十分滿足, 同埋係好好食, 因應個人口味, 我就認為絕對好食過M記好多倍! |
|
|
普陀素食
|
標題 : 味道及價錢都OK |
地址 : 新成路131號 |
地區 : 上水 |
|
現時分數:
|
日期 : 2010-08-14 14:28:51
久不久會特登揸車嚟呢度食齋, 因為味道及價錢都OK, 亦貪佢門口可以泊車.
今次就點咗五柳仙斑, 羅漢齋炒麵及粟米粥.
五柳仙斑 ~~ 炸到好香口, 芋頭十分軟滑, 但始終用芋頭製作, 食咗幾舊已覺「漏」, 全靠個汁酸酸地至開胃番!
羅漢齋炒麵 ~~ 幾大碟, 雲耳, 粟米芯, 草菇, 生菜等蓋過麵底, 麵炸得夠脆, 芡汁又好味.
粟米粥 ~~ 好味又夠熱. |
|
|
珍香園
|
標題 : 豆腐花依然咁正 |
地址 : 西灣河成安街12號地下 |
地區 : 西灣河 |
|
現時分數:
|
日期 : 2010-08-14 14:04:29
該舖歷史悠久, 都好耐冇食佢哋D招牌豆腐花, 於是的起心肝捉老公陪我嚟食.
豆腐花依然咁正, 豆味香濃, 又滑又好食, 生煎牛肉包外層香脆可口, 入面牛肉味香濃, 又多肉汁, 好味, 仲叫咗煎釀三寶青椒, 茄子及鯪魚球, 呢個都OK. |
|
|
美珍香
|
標題 : 口水都流埋 |
地址 : 港鐵紅磡站 |
地區 : 紅磡 |
|
現時分數:
|
日期 : 2010-08-13 17:47:14
約咗老公響美珍香門口等, 企咗一陣, 已經聞到好香肉乾香味, 真係口水都流埋, 終於忍唔住入去買咗半公斤金錢豬肉乾, 即時開袋食咗幾塊, 肉味香濃, 肉質新鮮嫩滑, 唔乾身, 味道唔鹹亦唔漏, 好正! 不過就貴咗D, 半公斤要百幾蚊, 仲唔係好多塊! |
|
|
老表雲吞麵
|
標題 : 雲吞麵好大碗 |
地址 : 大圍積德里18號 |
地區 : 大圍 |
|
現時分數:
|
日期 : 2010-08-13 17:21:16
老表雲吞麵出名大件夾抵食, 在經濟低迷之下, 吸引咗一班街坊食客, 而我喺其中一份子.
呢度D雲吞麵真係好大碗, 雲吞夠大粒, 蝦肉幾爽口, 麵冇鹼水味, 仲幾彈牙.
今時今日, 平得嚟仲有咁嘅食物質素去邊度搵? |
|
|
三不賣
|
標題 : 飲完個人幾舒服 |
地址 : 尖沙咀加拿分道6號集友大廈B座地下6F號舖 |
地區 : 尖沙咀 |
|
現時分數:
|
日期 : 2010-08-13 16:50:41
近日生咗粒痱滋兼牙肉痛, 同事建議嚟三不賣飲碗野葛菜水清熱氣.
因為係第一次飲, 味覺係:少少甜, o答落有D甘甘地, 唔苦, 唔難飲, 飲完個人幾舒服.
呢度淨係賣野葛菜水, 聽聞對生痱滋, 牙肉痛, 喉嚨痛等熱氣症狀療效顯著, 大家不妨試吓. |
|
|
椰林閣餐廳 Yeh Lam Kok Restaurant |
標題 : 有足夠時間至好嚟食 |
地址 : 民兆街10-20號 |
地區 : 紅磡 |
|
現時分數:
|
日期 : 2010-08-12 15:49:07
朝早做完gym, 順便去椰林閣食個早餐先至搭車返工, 叫咗煎蛋火腿雞絲湯通粉+凍啡.
呆等足足七、八分鐘, 侍應始遞上餐包及飲品, 通粉隨後亦上埋, 餐包拎上手一D微暖感覺都冇, 還帶點硬呢, 通粉及凍啡還可以.
原本時間鬆動變咗好趕, 下次都係要有足夠時間至好嚟食. |
|
|
果汁吧 Juice Bar |
標題 : 杯嘢幾甜 |
地址 : 尖沙咀廣東道30號新港中心地庫大食代 |
地區 : 尖沙咀 |
|
現時分數:
|
日期 : 2010-08-12 14:59:10
響呢頭做完嘢, 見有D口渴, 行落嚟買咗杯荔枝玉露飲吓.
荔枝唔係用新鮮的, 但店員會事先張揚, 玉露係白色珍珠粒粒, 咬破後亦有荔枝味道.
整體來講, 杯嘢幾甜, 但味道頗清新!
|
|
|
東園金閣海鮮酒家 Tung Yuen Seafood Restaurant |
標題 : 平靚正 |
地址 : 灣仔駱克道175-191號京城大廈1樓 |
地區 : 灣仔 |
|
現時分數:
|
日期 : 2010-08-12 14:55:49
因為佢平靚正, 朋友特登嚟呢度攞位飲下午茶, 四個人叫咗:
蝦餃 -- size大細適中, 蝦肉新鮮爽口, 餡料夠味;
鳳爪 -- 唔會腍pat pat, 個汁最正;
叉燒腸 -- 皮薄夠滑, 叉燒又靚, 加埋甜豉油, 好味;
叉燒包 -- 熱辣辣, 包身軟綿, 叉燒餡料好惹味;
蛋黃流沙包 -- 呢個正, 又係熱辣辣, 不過食時真係要小心俾流出嚟嘅蛋黃餡燙到;
碗仔翅x2 -- 非常足料, 又好味, 呢個限量供應, 唔係成日食到. |
|
|
明星海鮮酒家 Star Seafood Restaurant |
標題 : 專攻特價小菜 |
地址 : 柴灣道233號新翠商場4字樓68號舖 |
地區 : 柴灣 |
|
現時分數:
|
日期 : 2010-08-12 14:51:19
呢間酒樓近港鐵, 為方便老友, 決定嚟試下!
入座時已是晚上九點後, 順理成章專攻特價小菜, 七個人叫咗好多嘢.
燒腩仔x2 -- 整得好好食, 皮脆肉嫩, 肥瘦適中, 各人都話正, 所以再encore;
京蔥爆魚腩 -- 以為魚腩係主角, 其實京蔥仲好味;
椒鹽豆腐 -- 外層皮脆, 內裡軟滑, 唔錯;
魚香茄子煲 -- 茄子多肉碎都多, 唔太油, 又惹味, 朋友叫咗碗白飯對付佢;
生炒骨 -- 排骨入口鬆化, 個汁唔會太稀, 酸甜度啱啱好, 廚師手勢應記一功;
仲點咗一個宵夜粥餐及其他餸菜, 不過忘記菜名!
除了粥餐較貴外, 所點的小菜都係$18~$38, 連酒水茶芥及加一, 埋單$51x, 非常抵食. |
|
|
上海真真豆漿大王
|
標題 : 敵唔過心魔要嚟幫襯 |
地址 : 紅磡蕪湖街48號 |
地區 : 紅磡 |
|
現時分數:
|
日期 : 2010-08-12 12:59:33
呢間舖坐陣紅磡幾十年, 次次路經呢度, 都敵唔過心魔, 要入嚟幫襯佢哋嘅粢飯+凍豆漿.
粢飯($13)~~ 熱辣辣, 糯米軟硬適中, 內裡的肉鬆, 油炸鬼及炸菜好足料, 加埋一齊食特別好味, 而且口感豐富.
凍豆漿($6)~~ 唔甜, 好香黃豆味, 夠濃又夠凍. |
|
|
糖家小館 Tong's cafe |
標題 : 一食難忘芒果西米大菜糕 |
地址 : 沙田翠華花園10號地鋪 |
地區 : 沙田 |
|
現時分數:
|
日期 : 2010-08-11 16:15:12
上次食過佢哋個芒果西米大菜糕, 真係一食難忘, 之後再去多次回味一番!
芒果肉香甜, 西米算大粒, 唔太腍身, 大菜糕清甜爽口, 三者味道相當夾, 而且賣相好靚! |
|
|
金太日本料理
|
標題 : 過鹹要扣分 |
地址 : 屯門河傍街159號雅都商場10號A |
地區 : 屯門 |
|
現時分數:
|
日期 : 2010-08-11 15:04:35
早前途經, 因不用等位就入咗去食, 叫咗個吉列豬扒定食, 呢個餐仲跟埋小食及湯, 另加錢叫咗杯凍飲.
小食係中華沙律, 點了味噌湯, 個湯好有麵豉豆香味, 味道濃郁, 不過鹹咗D, 要扣分.
吉列豬扒不是太厚身, 但大大塊, 炸到外層金黃香脆, 入面就熱辣辣, 好多肉汁.
碗內除飯外, 仲有半隻滷水蛋, 椰菜及粟米粒等一大堆配菜, 份量很足呢! |
|
|
八八八拉麵
|
標題 : 嚟咗八八八開餐 |
地址 : 銅鑼灣軒尼詩道499號永光商業大廈B2地庫 |
地區 : 銅鑼灣 |
|
現時分數:
|
日期 : 2010-08-11 14:02:07
跟同事嚟附近做完嘢, 走咗去八八八開餐, 同事叫咗豬骨湯叉燒拉麵, 而我就點了豬骨湯北海道牛油粟米拉麵.
豬骨湯叉燒拉麵:眼見碗內日式叉燒有好幾件, 仲幾大塊, 同事話叉燒頗腍, 好鮮味, 湯底夠濃, 拉麵又彈牙, 好正.
豬骨湯北海道牛油粟米拉麵:招牌菜之一, 好味道, 牛油溶在豬骨湯中, 湯底味道更香, 叉燒真係唔錯, 粟米又夠甜, 果然有水準! |
|
|
Jungle Juice |
標題 : 味道還可以 |
地址 : 山頂山頂道128號凌霄閣G17號舖
|
地區 : 山頂 |
|
現時分數:
|
日期 : 2010-08-11 13:57:08
曾嚟過呢度飲咗杯木瓜+哈密瓜, 杯嘢水汪汪比較稀, 製作時應該加了很多冰, 味道還可以, 因為行到攰及口渴, 所以照收貨. |
|
|
Happy Lemon |
標題 : 試咗杯蛋糕珍珠奶茶 |
地址 : 觀塘觀塘道418號創紀之城5期(apm)2樓號舖 (觀塘港鐵站A2出口) |
地區 : 觀塘 |
|
現時分數:
|
日期 : 2010-08-11 13:53:34
早幾日放假喺觀塘食完lunch, 行過見唔駛排隊, 過嚟試咗杯蛋糕珍珠奶茶.
所謂蛋糕其實係杯底嘅cream, 珍珠大細適中, 咬落有口感, 奶茶夠滑, 但茶味唔夠濃, 下次都係叫少甜. |
|
|
順豐牛奶公司 (已結業)
|
標題 : 忍唔住叫多一碗 |
地址 : 荃灣大壩街77號 |
地區 : 荃灣 |
|
現時分數:
|
日期 : 2010-08-10 15:34:35
特登入嚟食燉奶, 兩個人叫咗一碗, 呢度D燉奶稀稠適中, 食落好香奶味, 又夠滑, 唔太甜, 好好食, 我哋忍唔住再叫多一碗. |
|
|
都好燒臘粉麵飯茶餐廳
|
標題 : 奶茶最似樣 |
地址 : 荃灣海霸街12-14號 |
地區 : 荃灣 |
|
現時分數:
|
日期 : 2010-08-10 15:21:12
前幾晚入嚟叫咗個蕃茄紅衫魚中式晚餐, 跟白飯+熱奶茶
蕃茄紅衫魚-- 蕃茄份量足, 紅衫魚不是太大條, 又不新鮮, 肉質幾霉, 但個汁幾好, 酸甜適中, 靠佢食哂碗飯;
白飯-- 幾大碗;
熱奶茶-- 今餐最似樣係杯熱奶茶, 奶及茶嘅味道好出, 同埋沖得幾香幾滑. |
|
|
金壘餐廳 Golden Castle Restaurant |
標題 : 朋友極力推介呢度 |
地址 : 元朗八鄉石崗上村DD114號
|
地區 : 元朗 |
|
現時分數:
|
日期 : 2010-08-10 14:38:08
朋友極力推介呢度, 所以特登嚟試下, 叫咗:
炸鹹豬手-- 炸到好乾身, 唔油, 層皮脆卜卜, D肉就夠哂味, 原來仲有烚嘅食法, 下次要試埋;
羊架-- 肉質鮮嫩, 食落有點羶味, 但朋友極之欣賞;
黃咖喱雞-- 咖喱香濃, 辣味適中, 雞件嫩滑新鮮, 水準之作;
泰式炒雜菜-- 普普通通, 冇乜特別;
火焰雪山-- 份量足, 點著火賣相仲靚, 外層厚厚嘅忌廉, 混和雪糕及蛋糕一同食, 口感豐富. |
|
|
佳記甜品
|
標題 : 雞翼尖超抵食 |
地址 : 元朗又新街置富中心7號 |
地區 : 元朗 |
|
現時分數:
|
日期 : 2010-08-10 12:54:40
呢度招牌菜係B仔涼粉, 其實雞翼尖亦相當受食家愛戴, 呢兩樣我哋都有叫.
B仔涼粉($60):好大兜, 好多唔同種類生果, 西瓜, 木瓜, 蜜瓜, 芒果, 盧薈, 奇異果, 龍眼肉, 多到唔記得o添, 不過唔係全部新鮮水果, 有D係鑵頭貨 .
雞翼尖($10):整得好好味, 一碟有成廿隻, 超抵食, 難怪檯檯都有一碟. |
|
|
石磨坊
|
標題 : 栗子糊好掂 |
地址 : 元朗大棠路48A號昌發大廈4號舖 |
地區 : 元朗 |
|
現時分數:
|
日期 : 2010-08-10 12:24:01
有次同朋友食完飯, 走過嚟食碗飯後甜品, 二人叫咗:
栗子糊:稀稠適中, 質地好滑, 唔會食到有粒粒, 栗子味濃郁, 唔太甜, 呢個好掂;
楊枝甘露:西米唔會過腍, 芒果肉香濃且甜, 唔酸, 而且幾多肉, 但加咗蜜瓜響入面, 有畫蛇添足嘅感覺. |
|
|
澳門茶餐廳
|
標題 : 一試難忘特色咖啡 |
地址 : 尖沙咀樂道25-27號 |
地區 : 尖沙咀 |
|
現時分數:
|
日期 : 2010-08-09 12:40:29
有次朋友響九龍公園參加比賽, 捧場後一行四人去咗呢間食嘢,
點咗:
咖喱牛腩(跟飯)~ 牛腩同薯仔份量足, 兩者都大大舊, 牛腩好濃牛肉味, 夠腍身, 個汁仲得, 咖喱香味好出, 不是太辣, 好正.
啫啫雞煲~ 整得幾乾身, 不太油膩, 雖係雪藏雞, 食落冇雪味仲幾嫩滑, 配料如蒜子乾蔥亦爆得非常香口好食.
馬介休炒雜菜~ 菜夠新鮮, 馬介休帶點鹹香味, 其實呢個冇乜特別, 只是今餐大家想食菜.
豬扒包x2~ 由於第一次喺呢度食呢個包, 包嘅硬度比想像中要硬, 豬扒體積及味道尚算滿意.
特色凍咖啡x4~ 面頭鋪左一層咖啡粉, 飲落味道非常濃郁, 又夠凍, 真係一試難忘! |
|
|
美心西餅 Maxim's Cake Shop |
標題 : 下午茶首選 |
地址 : 將軍澳唐德街9號將軍澳中心G15號舖 |
地區 : 將軍澳 |
|
現時分數:
|
日期 : 2010-08-09 12:17:55
好多時都特登走去美心買$18三件小立方(一件要$6.5), 面層鋪滿椰絲, 內層蛋糕鬆軟, 外表四四方方, 體積唔大唔細, 用來做下午茶最好不過!
佢有四款味道, 款款我都食過:
1. 朱古力-- 唔太甜, 冇乜朱古力味
2. 綠茶-- 比蛋糕味搶哂綠茶味, 亦不太甜
3. 檸檬-- 四款之中佢最正, 有檸檬清香味及DD檸檬酸味, 感覺幾清新
4. 紅豆-- 外表粉紅色, 仲以為係士多啤梨味, 呢款比較甜, 食唔到有紅豆味 |
|
|
手作之店
|
標題 : $14兩球幾抵食 |
地址 : 深水埗欽州街37K西九龍中心地下 |
地區 : 深水埗 |
|
現時分數:
|
日期 : 2010-08-07 14:25:01
店舖細小, 但賣的雪糕味道幾多;
細球$7, 大球$10, 加多一球加$4;
好多味都想食, 最後要咗芒果+薄荷朱古力;
芒果好香果味, 薄荷味夠清新;
雪糕夠凍, 味道又唔錯, $14兩大球幾抵食! |
|
|
巴蜀烤全魚
|
標題 : 魚肉好滑 |
地址 : 紅磡必嘉街89號 |
地區 : 紅磡 |
|
現時分數:
|
日期 : 2010-08-07 14:18:21
次次嚟親都要等位, 琴晚可以即時入座, 真係有運行!
叫咗大邊香麻辣味烤魚, 其實烤魚只不過將醃製過的鯇魚放在烤盤上, 加入秘製湯底及大豆芽, 秀珍菇, 金菇及芹菜等配菜, 盤嘅下層用火keep住熱度, 湯汁滲入魚肉及配菜中, 魚嘅鮮味更出, 魚肉好滑, 夠新鮮, 唔腥, 配菜好味, 用來送飯一流(叫烤魚送白飯兩碗), 若嫌配菜唔夠, 可加$18要多一份.
順帶一提, 呢度魚湯米線系列亦好評如潮, 最正係個湯底, 鮮字行頭, 冇落味精, 魚味香濃, 不過今餐冇叫, 下次絕對唔會放過佢! |
|
|
大煲皇小廚
|
標題 : 一定要再嚟 |
地址 : 深水埗青山道155-181號天悅廣場地下CA6舖 |
地區 : 長沙灣 |
|
現時分數:
|
日期 : 2010-08-07 14:13:46
上星期行街, 突然好想食烚卟烚吓嘅嘢, 望下四周, 遠處見到大煲皇三個大字, 以為食煲仔飯煲仔菜之類, 原來係食小菜及打邊爐.
入去坐低睇咗一輪, 湯底要了濟公豬骨煲, 火鍋料點了細手切肥牛, 芝士牛丸, 手捲腐皮, 水餃拼雲吞及菜, 兩個人的正常食量.
先講下湯底, 同一般豬骨鍋冇乜分別, 都係有豬骨, 蘿蔔及粟米, 但好足料, 湯底夠哂火候, 味道同街外比呢度正好多, 但濟公係乜意思呢?
火鍋料亦幾新鮮, 手切肥牛好有牛肉味, 夠腍滑, 芝士牛丸仲得, 食時芝士慢慢滲出來, 感覺好正, 手捲腐皮用來索湯汁最啱, 水餃拼雲吞餡料足, 同樣好味!
要好好認住呢度, 一定要再嚟! |
|
|
美心西餅 Maxim's Cake Shop |
標題 : 可以一試 |
地址 : 將軍澳坑口港鐵站A出口 |
地區 : 坑口 |
|
現時分數:
|
日期 : 2010-08-05 17:39:04
最近留意到美心斑蘭蛋糕出咗切件裝, 一件$10, 兩件$15, 買咗兩件返屋企當下午茶.
蛋糕好鬆軟, 拎上手仲帶點濕潤感, 食落口有淡淡斑蘭味及椰香味, 幾清新, 可以一試.
講真, 斑蘭味唔係人人接受, 唔整咁重味可能迎合番大眾, 不過我就接受到囉 XDDDDD! |
|
|
美心西餅 Maxim's Cake Shop |
標題 : 可以一試 |
地址 : 將軍澳坑口港鐵站A出口 |
地區 : 坑口 |
|
現時分數:
|
日期 : 2010-08-05 17:37:51
最近留意到美心班蘭蛋糕出咗切件裝, 一件$10, 兩件$15, 買咗兩件返屋企當下午茶.
蛋糕好鬆軟, 拎上手仲帶點濕潤感, 食落口有淡淡斑蘭味及椰香味, 幾清新, 可以一試.
講真, 班蘭味唔係人人接受, 唔整咁重味可能迎合番大眾, 不過我就接受到囉 XDDDDD! |
|
|
美心MX Maxim's MX |
標題 : 美心香港地冰滑奶茶 |
地址 : 將軍澳唐德街9號將軍澳中心地下G19A,G20A,G21及G22號舖 |
地區 : 將軍澳 |
|
現時分數:
|
日期 : 2010-08-05 17:35:03
響報章上見到美心快餐coupon, 其中一個優惠係以$6試飲價, 購買原價$18嘅香港地冰滑奶茶
, 本身係奶茶精, 所以第一時間試咗, 叫咗個叉燒紅腸米 + 冰滑奶茶.
美心叉燒算幾靚, 對上幾次食都OK, 但今次略嫌過瘦及韌咗D;
講番杯奶茶, 唔錯, 真係唔錯, 茶及奶比例啱啱好, 茶味香濃, 唔太甜, 夠滑又夠凍, 拍得住金鳳同太興. |
|
|
肯德基家鄉雞 KFC |
標題 : KFC 朱古力鬆餅 |
地址 : 新翠商場第3層22-23號舖 |
地區 : 柴灣 |
|
現時分數:
|
日期 : 2010-08-05 17:31:03
一向食開肯德基焗鬆餅早餐, 兩件香蜜鬆餅 + 一杯飲品都係賣$10, 認真超值!
最近佢哋新出咗幾款新配搭早餐, 其中一款朱古力鬆餅 + 香蜜鬆餅連飲品, 呢款賣$11, 我就試咗呢個早餐, 轉凍飲加咗$3.
朱古力鬆餅係新產品, 佢同香蜜鬆餅質感一樣, 都係外層脆脆地, 中間好鬆軟, 唔太甜, 但嫌冇乜朱古力味! |
|
|
稻香超級漁港 Tao Hueng Super 88 |
標題 : 平得嚟又好食 |
地址 : 九龍灣偉業街33號德福廣場2期602號舖 |
地區 : 九龍灣 |
|
現時分數:
|
日期 : 2010-08-05 17:01:28
好鍾意嚟稻香, 因為由朝早一盅兩件, 以至下午茶, 晚飯小菜及打邊爐, 樣樣都掂, 而且平得嚟又好食.
早兩日同朋友嚟咗德福shopping, 行咗一輪係時候醫肚, 可能係閒日, 唔駛等位!
點咗幾樣點心:
灌湯餃 X2 -- 餡料有豬肉, 魚翅, 鮑片, 花菇等, 好足料, 個湯超級鮮甜, 正!
煎腸粉 -- 煎得唔夠香口, 但入面好多蔥花及蝦米, 連同芝麻甜醬豉油一齊食, 都好味.
XO醬蘿蔔糕 -- 呢樣差D, 食唔到XO醬味.
桂花糕 -- 清甜, 桂花味好香.
兩個人傾吓食吓, 檯上食物已全部食清, 充完電可以繼續掃貨. |
|
|
好好粥麵
|
標題 : 下午茶套餐幾抵 |
地址 : 荃灣大壩街4-30號荃灣廣場4樓442-225號舖 |
地區 : 荃灣 |
|
現時分數:
|
日期 : 2010-08-05 15:10:06
好耐冇入荃灣, 依然人多車多, 食肆林立, 比以前繁榮. 我哋一行四人, 蒲咗去荃灣廣場搵食, 見到好好下午茶套餐幾抵, 於是, 叫咗三個餐, 四個人分享:
滑牛粥, 艇仔粥, 鯇魚片粥都係$17, 另外加配炒麵, 蝦米腸, 叉燒腸, 每款加$3-$5.
呢度粥底好香好綿, 稀稠適中, 粥料又新鮮, 滑牛牛肉味濃, 鯇魚片非常鮮甜.
加配嗰D水準亦唔差, 而且份量夠, 雖然四個人食, 但都好飽! |
|
|
太興新世代 Tai Hing New Century |
標題 : 太興人氣早餐 |
地址 : 觀塘裕民坊34-62號裕華大廈1樓A 室 |
地區 : 觀塘 |
|
現時分數:
|
日期 : 2010-08-05 14:31:25
太興D嘢好貴吓, 但朋友指定要食呢度D早餐, 算, 捨命陪君子!
朋友唔駛睇餐牌, 好似背書咁叫咗火腿通+太陽蛋+多士+冰鎮奶茶.
而我......同侍應講, 唔該要多一客一模一樣, 同樣要冰鎮奶茶.
朋友話呢個早餐佢成日食, 食過你就知, 我個餐後感就係:
首先要讚吓塊多士, 送到面前仲熱辣辣, 不過都要趕快搽牛油, 趁熱仲好食.
火腿算多, 通粉唔太腍身, 有口感.
太陽蛋煎到剛剛有脆邊, 蛋黃唔過熟, 好考工夫.
冰鎮奶茶唔駛講, 正!
呢個人氣早餐賣$24, 轉冰鎮奶茶加$3, 就算貴都值得向大家推介! |
|
|
士林台灣麵
|
標題 : 好食乜都抵消番 |
地址 : 元朗西菁街9號富盛大廈地下 |
地區 : 元朗 |
|
現時分數:
|
日期 : 2010-08-05 14:11:24
呢度坐得比較逼, 但係難忘佢哋個香酥雞扒, 好食就乜都抵消番!
又係點咗全店最受歡迎嘅香酥雞扒麵,另外叫了杯薄荷綠茶.
雞扒有七、八件, 大大件, 份量足, 雞皮好脆, 上粉唔多, 食落唔油膩, 雞肉亦鮮嫩, 麵身粗幼適中, 夠彈牙, 有口感.
薄荷綠茶味道清新, 係消暑極品. |
|
|
士林台灣麵
|
標題 : 好食乜都抵消番 |
地址 : 元朗西菁街9號富盛大廈地下 |
地區 : 元朗 |
|
現時分數:
|
日期 : 2010-08-05 14:11:00
呢度坐得比較逼, 但係難忘佢哋個香酥雞扒, 好食就乜都抵消番!
又係點咗全店最受歡迎嘅香酥雞扒麵,另外叫了杯薄荷綠茶.
雞扒有七、八件, 大大件, 份量足, 雞皮好脆, 上粉唔多, 食落唔油膩, 雞肉亦鮮嫩, 麵身粗幼適中, 夠彈牙, 有口感.
薄荷綠茶味道清新, 係消暑極品. |
|
|
味千拉麵 Ajisen Ramen |
標題 : 湯底同拉麵OK |
地址 : 將軍澳貿業路8號新都城中心2期1樓1015F-G舖
|
地區 : 將軍澳 |
|
現時分數:
|
日期 : 2010-08-03 17:05:56
早幾日去了味千食lunch, 叫咗一碗豬軟骨拉麵, 朋友就要咗叉燒拉麵.
豬軟骨拉麵:先飲一啖湯, 好正, 好香濃, 拉麵幾煙韌彈牙, 豬軟骨夠腍, 入哂味, 可惜得兩舊, 唔夠喉.
叉燒拉麵:朋友話湯底同拉麵OK, 但嫌叉燒肥, 要咬走好多肥肉至入得口.
總括來講, 其他小食都合格, 同埋環境幾開揚, 坐得幾舒服. |
|
|
麻辣川米線
|
標題 : 嚟呢度止辣癮 |
地址 : 深水埗元州街213號美居中心商場地下22號舖 |
地區 : 深水埗 |
|
現時分數:
|
日期 : 2010-08-02 12:47:58
呢兩年食得辣咗, 每逢食店有得揀選辣o既程度, 必然會叫大辣. 食辣係會上癮, 當辣癮發作時, 自自然然會嚟呢度止癮.
非常欣賞佢哋麻得很, 辣得很, 湯底好正, 喝過一啖後, 麻與辣在口內盤旋, 之後直衝喉嚨, 好過癮!!!
今次食咗麻辣牛腩米線, 牛腩夠腍又入味, 都有五、六舊, 體積唔大, 可以一啖一口. |
|
|
添好運點心店 (已結業)
|
標題 : 星級食肆 |
地址 : 旺角廣華街2-20號翠園大廈二期地下8號舖 |
地區 : 旺角 |
|
現時分數:
|
日期 : 2010-08-02 12:44:30
已經食過三次, 次次都咁好味, 希望佢哋可以keep落去! 兩個人食咗五碟嘢, 勁飽~~
晶瑩鮮蝦餃 ~ 體積唔算大, 勝在皮夠薄, 蝦有鮮味, 一啖一粒, 啱哂~~
黃沙豬潤腸 ~ 腸粉皮又薄又滑, 豬潤唔老唔嚡口, 食到有酒及薑o既香味, 好有水準~~
酥皮叉燒包 ~ 酥皮唔易鬆散, 應該花咗好多功夫至有咁o既效果, 叉燒餡又好味, 食時仲熱辣辣~~
潮州蒸粉果 ~ 同樣皮薄餡靚, 又係水準之作~~
杞子桂花糕 ~ 落咗好多杞子同桂花, 味道清甜唔會漏, 飽都要食埋佢~~
講真, 樣樣都好食, 真係好好食, 難怪被米芝蓮評為星級食肆
好在有親戚住喺添好運樓上, 可以幫忙預先拎飛, 慳番唔少時間. |
|
|
海天堂 Hoi Tin Tong |
標題 : 用券更抵食 |
地址 : 將軍澳將軍澳中心地下G56號鋪 |
地區 : 將軍澳 |
|
現時分數:
|
日期 : 2010-08-02 12:29:29
依家涼茶舖開到成行成巿, 梗有一間喺左近, 食過好多巿面上o既龜苓膏, 都係覺得海天堂比較好.
特別鍾意食鮮製龜苓膏, 質地夠濃稠, 膠質甚重(坊間果D比較削), 藥味濃郁且甘香, 真材實料至有咁o既味道, 個人認為食時唔落糖漿, 更能食到龜苓膏本身味道.
就係欣賞佢哋藥味香濃, 所以買咗現金代用券, $50一盅龜苓膏, 用咗代用券, 計起上嚟只係$35, 好抵食! |
|
|
哥登堡餐廳 Goteborg Restaurant |
標題 : 多得報章介紹 |
地址 : 馬頭圍道440號 |
地區 : 土瓜灣 |
|
現時分數:
|
日期 : 2010-08-02 12:23:01
早前有報章食評介紹過話哥登堡五十幾蚊一個晚餐, 好味又抵食, 都要親自一試, 看看是龍是鳳
, 可能係傳媒效應關係, 嚟到要等位...
睇過餐牌, 各樣食物一D都唔貴, 我點咗鐵板牛柳餐, 老公ORDER咗牛扒同魚扒o既雙拼扒餐, 兩個餐跟埋餐湯, 餐包, 甜品及飲品.
先評吓牛柳餐, 牛柳兩大舊, 又腍身, 好多肉汁, 配上我喜愛o既黑椒汁, 好食到非筆墨形容到 .
另一道牛扒拼魚扒亦係大大件, 牛扒唔韌, 厚薄適中, 魚扒煎得香脆可口.
由於份量足, 食完主菜已覺飽, 仲要留力對付甜品同飲品啊~~ |
|
|
竹源越南餐廳 Chuk Yuen Vietnamese Restaurant |
標題 : 經濟之選 |
地址 : 將軍澳新都城中心2期商場2樓美味坊2030-2031號舖 |
地區 : 寶林 |
|
現時分數:
|
日期 : 2010-08-02 11:44:07
新都城商場夠大, 星期六、日間中會特登過嚟行吓, 可以消磨一日時間, 而且食肆林立, 搵食絕對唔難.
響美食廣場入面有間叫竹源, 係食越南河粉及炒飯粉麵, 多數會揀呢間, 唔錯o架, 因為超平又好食.
今次又試嚟食佢哋o既生牛肉湯河, 牛肉唔韌, 河粉份量多, 湯底幾好味, 連埋飲品都係$19, 而且魚露指天椒任你加到夠. |
|
|
辣到鎮
|
標題 : 俾「辣到鎮」吸引住 |
地址 : 觀塘開源道68號觀塘廣場G26-G27號舖 |
地區 : 觀塘 |
|
現時分數:
|
日期 : 2010-07-31 23:17:07
早兩日同老公響觀塘廣場逛街兼食嘢, 諗住食大家樂, 點知好多人, 所以走到地下睇下有乜嘢食, 車仔麵(經常食), 燒臘飯(冇興趣), 煎釀三寶(唔想食), 通通都麻麻地, 於是行入橫巷再覓食, 行咗冇耐我同老公比俾「辣到鎮」呢三個字吸引住, 皆因我哋無辣不歡, 就二話不說入去坐低睇餐牌諗吓食乜.
舖內面積不算大, 裝修同普通茶餐廳冇分別, 但總算整齊乾淨.
同老公商量完, 最後叫咗半隻口水雞, 大頭蝦鹹肉冬陰功米線同麻辣東坡肉米線.
雞算大隻, 肉夠厚夠滑, 有雞味, 配料芝麻同花生勁多, 個汁酸酸地, 加埋麻辣香味, 幾開胃.
兩碗米線同樣出色, 蝦頭有膏, 蝦肉味鮮爽口, 東坡肉肥廋比例適中, 湯底都好惹味, 至少食唔出有味精. |
|
|
新興棧食家 Sun Hing Chang Restaurant |
標題 : 新興棧魚卜粥 |
地址 : 油麻地寧波街23A號 |
地區 : 佐敦 |
|
現時分數:
|
日期 : 2010-07-31 21:13:05
聞說新興棧魚卜粥好出名, 那先來一碗吧, 朋友要了魚腩粥, 粥底軟綿, 魚卜好香好食, 唔腥, 應是用油爆過, 依然爽滑.
魚腩粥亦不相伯仲, 好多魚腩, 朋友說好香魚味, 鮮甜無比, 兩者都大大碗, 粥面仲鋪滿生菜絲, 差D滿到瀉. |
|
|
康年餐廳 Hong Lin Restaurant |
標題 : 奶黃墨西哥 |
地址 : 太子通菜街143-145號 |
地區 : 太子 |
|
現時分數:
|
日期 : 2010-07-31 14:45:40
康年招牌包當中以奶黃墨西哥最受歡迎, 墨西哥層皮好鬆脆, 包夠軟綿, 奶黃香甜, 啱啱就食咗一個嘞! yummy~~ |
|
|
甘味讚岐手打烏冬 Yummy Delight |
標題 : 令我回味無窮 |
地址 : 葵芳興芳路223號新都會廣場3樓393至394號舖 |
地區 : 葵芳 |
|
現時分數:
|
日期 : 2010-07-31 14:15:22
難得唔駛等位, 一於再來品嚐令我回味無窮o既咖喱豬軟骨撈烏冬($40)
豬軟骨夠腍, 好香, 好入味, 烏冬彈牙, 份量唔少, 咖喱好香, 唔太辣, 不消三分鐘已將它們消滅
註:假期不設套餐, 所以平時會抵食D. |
|
|
北京水餃皇 Peking Shui Jiao Wong |
標題 : 保得住個招牌 |
地址 : 灣仔謝斐道118號 |
地區 : 灣仔 |
|
現時分數:
|
日期 : 2010-07-31 13:21:31
睇店名就知水餃最馳名, 嚟到梗係要食招牌菜啦!
點咗白菜豬肉湯餃同鮮蝦三鮮煎餃.
先評吓白菜豬肉湯餃, 餃子皮略厚, 餡內白菜清甜, 豬肉鮮味亦有肉汁, 味道不俗;
鮮蝦三鮮煎餃餡料豐富, 有蝦, 豬肉同韭黃, 蝦及豬肉幾新鮮, 加埋韭黃更加香 ;
整體都算OK, 算係保得住個招牌. |
|
|
北京水餃皇 Peking Shui Jiao Wong |
標題 : 保得住個招牌 |
地址 : 灣仔謝斐道118號 |
地區 : 灣仔 |
|
現時分數:
|
日期 : 2010-07-31 13:20:42
睇店名就知水餃最馳名, 嚟到梗係要食招牌菜啦!
點咗白菜豬肉湯餃同鮮蝦三鮮煎餃.
先評吓白菜豬肉湯餃, 餃子皮略厚, 餡內白菜清甜, 豬肉鮮味亦有肉汁, 味道不俗;
鮮蝦三鮮煎餃餡料豐富, 有蝦, 豬肉同韭黃, 蝦及豬肉幾新鮮, 加埋韭黃更加香 ;
整體都算OK, 算係保得住個招牌. |
|
|
綠林甜品
|
標題 : 超正~~~ |
地址 : 深水埗元州街77-79號 |
地區 : 深水埗 |
|
現時分數:
|
日期 : 2010-07-30 21:26:04
前兩晚路過見唔駛等位, 入去食咗豆腐布甸同糖不甩, 超正~~~
豆腐布甸:實而不硬, 食落仲幾軟滑, 豆腐味又香, 次次嚟親都食;
糖不甩:大大粒, 口感煙韌, 花生芝麻等配料又多, 食落唔覺漏. |
|
|
凱施餅店 Hoi See Bakery |
標題 : 藍莓芝士蛋糕 |
地址 : 將軍澳唐俊街9號君薈坊1樓F18號舖 |
地區 : 將軍澳 |
|
現時分數:
|
日期 : 2010-07-30 18:54:13
近呢幾年, 每逢我或老公生日, 都會嚟凱施買生日蛋糕.
對佢哋o既藍莓芝士蛋糕情有獨鍾.
鋪在面上o既藍莓醬稀稠適中, 藍莓味好香, 唔酸.
芝士味香濃, 但唔"漏".
食過其他餅店嗰d, 都係呢間靠得住! |
|
|
魚之味 Sakana No Aji Sushi |
標題 : 一頓好味又滿足的晚餐 |
地址 : 將軍澳新都城中心1期商場G99,100,111及112號舖 |
地區 : 寶林 |
|
現時分數:
|
日期 : 2010-07-30 17:51:04
上星期有飯局, 朋友建議食呢間, 我哋冇所謂, 反正呢間食過好幾次, 對佢有信心, 總共十個人, 安排咗個類似房o既地方俾我哋坐, 都好, 自成一角, 但略嫌逼.
一共點咗八款嘢:
(1) 珍寶三文魚刺身X3 -- 必食之選, 好新鮮, 大大件放入口, 好滿足呀~~~
(2) 燒油甘魚頭 X2 -- 唔腥, 味道甘香
(3) 明太子鴨胸炒飯 X2 -- 呢個我冇食, 老公話炒得好香, 好好食
(4) 大蝦天婦羅 X3 -- 冇蝦味, 呢個麻麻
(5) 火焰三文魚壽司 X3 -- 好食, 下次同老公嚟都要叫呢個
(6) 鰻魚天龍卷 X1 -- 賣相幾靚, 味道都OK
(7) 雜錦魚生沙律 X2 -- 好足料, 蟹籽又多, 正!
(8) 芝士年糕 X2-- 煙煙韌韌有咬口
總結:一頓好味又滿足的晚餐, 因為朋友請(唔通中左六合彩), 所以唔知是日消費, haha... |
|
|
山東餃子店
|
標題 : 京蔥羊肉餃 |
地址 : 粉嶺聯和墟和泰街55號泰昌樓地下B號舖 |
地區 : 粉嶺 |
|
現時分數:
|
日期 : 2010-07-30 15:39:48
本人喜歡食羊, 所以鍾情佢哋o既京蔥羊肉餃.
羊肉餃餡料足, 羊肉有羶味, 加埋辛香味o既京蔥, 係完美配搭, 成隻餃都好好味.
其他如餃子滷肉麵, 擔擔麵, 白菜豬肉煎餃味道亦不錯呢! |
|
|
總廚
|
標題 : 可以有下次 |
地址 : 沙田正街21-27號沙田廣場地下33-35舖 |
地區 : 沙田 |
|
現時分數:
|
日期 : 2010-07-29 15:53:44
同老公入沙田探完朋友, 順便食埋晚飯至返屋企, 行到呢個商場, 見到有間叫"總廚"o既食肆, 嘩, 個名好似幾掂喎, 一於入去試吓!
由知客引領入座, 沿途已觀察其他食客食緊乜嘢菜, 發覺咖喱牛腩同芝士龍蝦伊麵係最受歡迎, 我哋兩個人點了這兩道菜加個雜菜煲.
咖喱牛腩:牛腩炆得腍, 咖喱汁好好味, 跟埋四個饅頭, 用來點汁食, 正呀~~
芝士龍蝦伊麵:幾好味, 份量足!
雜菜煲:冇乜特別, 一般!
卒之食唔晒龍蝦伊麵, 要打包, 呢度環境同服務都幾滿意, 可以有下次. |
|
|
碌冧 Nuocmam |
標題 : 勁差, 冇下次 |
地址 : 將軍澳唐德街9號將軍澳中心1樓123號舖 |
地區 : 將軍澳 |
|
現時分數:
|
日期 : 2010-07-29 15:45:48
去之前已睇過其他食評話呢間嘢麻麻地, 但諗住近近地, 一試無妨, 點知.....真係勁差, 冇下次!
一行二人食左頭輪(每位$75), 坐低先點了飲品及幾款嘢食, 春卷, 羊扒, 蔗蝦, 雞翼, 咖哩牛蔔腩, 芝士焗青口...
端出來d食物細細碟, 仲好, 可以試多幾款. 之不過, 食落味道麻麻之餘, 仲唔多夠熱, 因此, 退而求其次, 點了應該不會太難食的牛肉湯河及扎肉湯河, 哈, 總算冇失望, 每人o趙咗兩碗立刻離場. |
|
|
漁民魚蛋王子
|
標題 : 魚蛋唔彈牙 |
地址 : 將軍澳坑口連理街114號舖 |
地區 : 坑口 |
|
現時分數:
|
日期 : 2010-07-29 13:37:52
食過呢度D勁辣魚蛋, $6有五粒, 魚蛋唔彈牙, 辣汁得個辣字, 唔夠香!
麵線$13一碗, 第一次食麵線, 原來要用匙羹舀來食, 至於味道, 一般啦~~ |
|
|
香辣屋 Chilli N Spice |
標題 : 好滿意 |
地址 : 將軍澳新都城二期1035-1038號舖 |
地區 : 將軍澳 |
|
現時分數:
|
日期 : 2010-07-29 12:00:56
幾鍾意嚟呢度食, 因為坐得舒服
點咗:
海南雞飯 -- 雞件幾滑, 味道OK
青咖喱牛腩 -- 牛腩夠腍, 青咖喱好香, 帶微辣, 汁又多, 用來撈飯一流
兩樣都好味, 今餐食得好滿意 |
|
|
松記車仔麵
|
標題 : 不外如是 |
地址 : 福民路高勝樓18-21號地下 |
地區 : 西貢 |
|
現時分數:
|
日期 : 2010-07-28 17:52:06
問有冇人食過呢檔車仔麵, 十個有九個話食過, 既然咁多人食過, 味道應不太差吧, 諗住咪執輸o既心態試吓先.
點咗牛肚, 牛筋腩同雞翼, 味道如何? 冇乜特別, 同其他車仔麵舖D味道差不多, 都係不外如是. |
|
|
坤記腸粉
|
標題 : 腸粉好食 |
地址 : 沙田大圍積富街石屋(近積德里) |
地區 : 大圍 |
|
現時分數:
|
日期 : 2010-07-28 17:48:30
淨係幫襯呢度D腸粉, $6四條, 夠熱夠滑, 好食, 每次老闆都勁落芝麻同甜醬, 好似唔駛錢咁, 但真係好好食!
講真, 同酒樓粥舖相比, 佢o既腸粉一D都唔輸蝕. |
|
|
沙嗲王 Satay King |
標題 : 湯底超正 |
地址 : 觀塘裕民坊34-36號1樓 (觀塘港鐵站A1出口) |
地區 : 觀塘 |
|
現時分數:
|
日期 : 2010-07-28 17:45:21
久唔久都會嚟食, 因為鍾意佢o既麻辣海鮮米線, 湯底超正, 可以成碗飲晒;
沙嗲牛肉粉絲亦係必食之選, 湯底同樣出色, 又香又惹味;
值得一提, 呢度侍應做嘢好快手, 招呼同禮貌都合格. |
|
|
潮洲苑餐廳 Chiu Chow Yuen Restaurant |
標題 : 唔係貪就腳唔會嚟 |
地址 : 小西灣道10號小西灣商場302號舖 |
地區 : 小西灣 |
|
現時分數:
|
日期 : 2010-07-27 17:48:24
食物及味道 -- 如你冇要求的話樣樣都入得下口;
環境 -- 屋邨茶餐廳一間, 冇裝修可言;
招呼 -- 伙記招呼尚算殷勤, 唯一可取之處;
老實講, 唔係貪就腳唔會嚟! |
|
|
潮洲苑餐廳 Chiu Chow Yuen Restaurant |
標題 : 唔係貪就腳唔會嚟 |
地址 : 小西灣道10號小西灣商場302號舖 |
地區 : 小西灣 |
|
現時分數:
|
日期 : 2010-07-27 17:47:30
食物及味道 -- 如你冇要求的話樣樣都入得吓口;
環境 -- 屋邨茶餐廳一間, 冇裝修可言;
招呼 -- 伙記招呼尚算殷勤, 唯一可取之處;
老實講, 唔係貪就腳唔會嚟!
|
|
|
漢陽苑韓國料理
|
標題 : 生熟食物款式多 |
地址 : 屯門屯隆街1號錦薈坊2樓209號舖 |
地區 : 屯門 |
|
現時分數:
|
日期 : 2010-07-27 17:34:52
呢度五人以上限時兩個鐘, 五人以下個半鐘.
生熟食物款式多: 就連壽司, 湯類, 糖水, 雪糕, 生果都有;
食物味道及質素: 若唔係要求太高, 味道及質素算OK;
有食評話呢間麻麻, 自己親身食過又不是太差. |
|
|
裕寶餐廳 Yu Bo Restaurant |
標題 : 貪佢份量夠 |
地址 : 小西灣道23號富怡花園29-30號 |
地區 : 小西灣 |
|
現時分數:
|
日期 : 2010-07-27 17:32:35
揀呢間唔係因為佢好食, 而係貪佢份量夠
Order咗一客肉醬意粉, 肉醬多到蓋過意粉 , 意粉又多, 足夠我同姪女兩個食.
這裡店舖細小, 座位有限, 次次食完都唔好意思坐咁耐. |
|
|
新味道餐廳
|
標題 : 奶茶好好味 |
地址 : 將軍澳唐德街9號將軍澳中心B12-13號舖 |
地區 : 將軍澳 |
|
現時分數:
|
日期 : 2010-07-27 17:26:44
今晚同老公撐檯腳, 路經呢度見冇人響門口等位, 而且入面又有位, 一於食呢間.
點咗兩個晚餐, 薯仔炆雞同鹹蛋蒸肉餅, 都係普普通通, 不過不失, 但佢送o既例湯就認真差, 好似飲滾水.
唯獨係杯奶茶沖得好好味, 奶同茶o既比例剛剛好, 好香好滑! |
|
|
新味道餐廳
|
標題 : 奶茶好好味 |
地址 : 將軍澳唐德街9號將軍澳中心B12-13號舖 |
地區 : 將軍澳 |
|
現時分數:
|
日期 : 2010-07-27 17:25:39
今晚同老公撐檯腳, 路經呢度見冇人響門口等位, 而且入面又有位, 一於食呢間.
點咗兩個晚餐, 薯仔炆雞同鹹蛋蒸肉餅, 都係普普通通, 不過不失, 但佢送o既例湯就認真差, 好似飲滾水.
唯獨係杯奶茶沖得好好味, 奶同茶o既比例剛剛好, 好香好滑! |
|
|
第一棧 Top Choice |
標題 : 唔好食 |
地址 : 沙田第一城銀城商場12-15號 |
地區 : 沙田 |
|
現時分數:
|
日期 : 2010-07-27 17:02:23
間嘢唔好食唔在講, 連伙記d服務態度都係差差差, 我哋坐響房入面好耐都冇伙記招呼, 唔明點解路過仲見到有人幫襯。
|
|
|
甜藝館
|
標題 : 草莓刨冰好好味 |
地址 : 大圍積福街76號地舖 |
地區 : 大圍 |
|
現時分數:
|
日期 : 2010-07-27 16:55:15
叫咗草莓刨冰同芝麻糊同朋友一齊share.
草莓刨冰:刨冰堆得好高似座山, 側邊伴有星形黃色粒粒, 賣相好靚, 食到入面發現有舊雪糕, 呢個比較特別, 整體都好好味.
芝麻糊:相對呢個較失色, 一羹舀落去似水o既質地, 芝麻味都算夠香. |
|
|
金邊泰國餐廳
|
標題 : 海南雞飯掂 |
地址 : 粉嶺聯和墟聯和道53-56號嘉和軒地下1號舖 |
地區 : 粉嶺 |
|
現時分數:
|
日期 : 2010-07-27 16:08:15
今日一支公食飯, 求其搵間食肆填飽個肚就算, 入到嚟點咗"賣飛佛" 海南雞飯(套餐)
是日例湯紅蘿蔔冬瓜煲雞, 飲落口雞味欠奉, 紅蘿蔔同冬瓜煲得唔夠耐, 記住佢叫例湯, 唔好要求咁高.
輪到主角海南雞飯出場, 雞肉嫩滑, 點埋醬汁仲正, 甜酸中帶有少少辣, 夠晒開胃, 個飯亦好掂, 雖然係雞油飯, 但冇油膩feel, 一啖接一啖竟然連飯都全部吃晒. |
|
|
金裝燉奶佬
|
標題 : 奶味好重 |
地址 : 荃灣大壩街65號 |
地區 : 荃灣 |
|
現時分數:
|
日期 : 2010-07-27 16:02:55
同朋友食完晚飯, 見個肚仲有位載甜品, 於是四周圍搵甜品舖, 見到有間以"燉奶佬"自居o既舖頭, 好, 一於撞入去試試.
細望餐牌, 呢度已不是以甜品做主打, 正式來講是一間茶餐廳.
我哋一心想食甜品, 淨係叫咗木糠軟心燉蛋白同原味鮮奶燉蛋白 .
兩款我都有試, 兩款奶味好重, 感覺較"漏". |
|
|
歐陸線
|
標題 : 普通得嚟唔係難食 |
地址 : 將軍澳調景嶺都會駅 |
地區 : 調景嶺 |
|
現時分數:
|
日期 : 2010-07-26 21:59:58
我住喺附近, 睇住間舖開張, 最初主打薄餅類, 可能見唔work, 休業一排開番轉做茶餐廳, 生意都叫做好番D.
食過佢o既下午茶, 普通得嚟唔係難食嗰隻, 同老公嚟襯都會叫吉列豬扒拼西多士同乾炒牛河.
可能多咗競爭對手, 依家響門口有個午巿及晚巿o既外賣小菜飯盒專櫃, 亦曾試過, 都係普通之作. |
|
|
檀島咖啡餅店 (已結業)
|
標題 : 蛋撻唔掂 |
地址 : 將軍澳坑口培成路15號連理街商場134-135號 |
地區 : 坑口 |
|
現時分數:
|
日期 : 2010-07-26 20:18:21
一心諗住試吓呢間招牌蛋撻, 買咗半打同屋企人分享.
食第一啖, 感覺蛋撻係凍凍地, 食真D ,個皮唔夠鬆, 蛋漿唔夠蛋味, 簡直係失敗之作, 就連屋企人都叫我下次咪買 |
|
|
恆河咖喱屋 Hin Ho Curry Restaurant |
標題 : 唔會有太大驚喜 |
地址 : 筲箕灣東大街59-99號東威大廈11號舖地下 |
地區 : 筲箕灣 |
|
現時分數:
|
日期 : 2010-07-26 15:10:37
其實呢間想試咗好耐, 終於有機會一試!
響門口等咗一陣終於有位, 但入面燈光昏暗, 幾乎連餐牌上D字同食物都睇唔真.
點咗兩個套餐, 一牛一雞, 牛肉腍身, 雞肉唔嚡口, 個汁同薄餅OK, 但唔會有太大驚喜. |
|
|
金曼谷泰國餐廳 Golden Bangkok Thai Restaurant |
標題 : 下次o黎大圍再幫襯 |
地址 : 大圍田心村地下264號舖 |
地區 : 大圍 |
|
現時分數:
|
日期 : 2010-07-26 14:38:36
好幾次路經呢度, 見到晚飯時間好多人, 希望有機會一試, 卒之上星期同老公食過, 的確唔錯, 下次o黎大圍再幫襯
我哋點咗:
炒芥蘭
菜本身好清甜, 食落惹味, 好似落咗馬拉盞炒, 好食到停唔到口.
燒豬頸肉
豬頸肉爽口, 混埋乾蔥洋蔥同其他香料一齊炒, 又係惹味之作, 掂!
胡椒蒜蓉青口
呢個至係驚喜, 青口算大隻但唔韌, 最精彩係個汁, 味道出奇地好.
呢度舖頭細細, 若唔想大熱天時坐露天的話, 最好六點鬆D去食. |
|
|
川粵米線大王
|
標題 : 麻辣菜做得出色 |
地址 : 黃埔街22號 |
地區 : 紅磡 |
|
現時分數:
|
日期 : 2010-07-26 14:27:55
次次路經紅磡黃埔街, 必定嗅到陣陣麻辣香味, 皆因這條短短小街已有兩間售賣麻辣菜式食店, 兩間都好多人幫襯, 點解要食川粵? 因為貪佢舖頭有冷氣, 而另一間係坐路邊o架!
除有冷氣外, 就係鍾意佢哋d麻辣菜做得出色, 麻同辣配合得很好 , 合晒我口味, 次次去親都一定會食口水雞同埋紅油豬耳, 呢度辣o既程度分幾級, 由少辣至大辣與勁辣都有。
今次我同老公兩個人叫咗半隻口水雞($55)、紅油豬耳($19)、一碗紅薯粉($21), 兩枝啤酒($30), 埋單盛惠$125。
另外, 美中不足係舖頭較細, 很快就「全院滿座」, 要在門口等起碼十分鐘。
(雖然開咗分店, 但價錢較貴) |
|
|
百景好餐廳
|
標題 : 幾好味 |
地址 : 黃埔街28號 |
地區 : 紅磡 |
|
現時分數:
|
日期 : 2010-07-26 14:19:34
老公響紅磡返工, 間唔中會特登落去等埋佢一齊食晚飯, 今晚就揀咗呢間
點咗兩個中式晚餐
咖喱牛腩煲-- 牛腩算多, 又夠腍, 咖喱汁又幾好味.
咕嚕肉-- 粉漿唔算厚, 個汁唔太酸亦唔太甜, 唔錯. |
|
|
蛋記雞蛋仔
|
標題 : 蛋味唔夠 |
地址 : 西灣河筲箕灣道57-87號太安樓地下A3B舖 |
地區 : 西灣河 |
|
現時分數:
|
日期 : 2010-07-26 14:14:21
作為阿蘇fans, 佢o既推介如就腳都會試吓, 今次就去試咗呢檔雞蛋仔.
去到已有四五個人排隊, 輪到我時就叫了一底雞蛋仔.
一食之下, 外層唔可以用脆來形容, 有點硬, 冇錯, 係硬硬地, 入面就軟綿綿, 可惜蛋味唔夠. |
|
|
大家食 Eat Together |
標題 : 去開深水埗會幫襯 |
地址 : 深水埗福榮街84號地下 |
地區 : 深水埗 |
|
現時分數:
|
日期 : 2010-07-26 13:55:14
老公想買電腦, 於是早兩日去左深水埗黃金及高登逛, 逛咗一陣就去醫肚, 次次去開深水埗, 十次著咗八次都會幫襯佢哋.
茄蛋牛肉手攪麵係我必食之選, 老公就叫咗擔擔手攪麵, 另外再加一碟油菜, 一份豬扒, 一罐可樂
(茄蛋牛肉手攪麵 -- 今次牛肉略少, 得幾片咋)
(擔擔手攪麵 -- 老公食得好滋味, 下次會轉食呢個)
|
|
|
權發海鮮飯店 Kuen Fat Restaurant |
標題 : 抵食夾大件 |
地址 : 將軍澳毓雅里9號慧安商場1樓132-136鋪 |
地區 : 寶林 |
|
現時分數:
|
日期 : 2010-07-26 12:45:59
每逢食店門口企滿一大班等位人士, 相信一定有唔錯o既口啤, 權發就係其一.
呢間係第一次幫襯, 一早已聽聞權發d菜式抵食夾大件, 因為只係兩個人來食, 所以先點兩道菜
第一道:馬拉盞炒通菜- 菜炒得很嫩, 食落冇渣, 馬拉盞好惹味, 唔會有過鹹感覺.
第二道:生炒排骨- 個味調校得好好 , 甜酸適中, 雖然係排骨, 但好多舊都係肉, 正!
兩道菜份量夠, 果然冇令我失望, 下次要同埋朋友來, 可以試多幾款. |
|
|
品味
|
標題 : 茶餐廳嚟講尚算合格 |
地址 : 將軍澳彩明商場1期221號舖 |
地區 : 調景嶺 |
|
現時分數:
|
日期 : 2010-07-25 22:01:57
品味係我其中一個飯堂, 無他, 皆因呢度份量夠, 味道不太差, 價錢亦算合理。
琴晚同老公至去幫襯過, 叫了沙嗲牛河同埋黑椒牛柳絲炒麵, 兩樣都幾好味, 諗住份量夠可以打包留番第二日做晏晝, 可能太肚餓竟然全部食晒。
我哋每次去食都係叫宵夜特區既菜式, 有焗, 有炒, 有蒸, 每款$30, 送咖啡或茶, 而且菜式不時更換。
唔好以為宵夜會好夜至開始, 呢度六點半就有得食啦 ^0^ |
|
|
松屋日本料理 Matsuya Japanese Restaurant |
標題 : 要捧住個肚走!!! |
地址 : 旺角西洋菜街南1N兆萬中心11樓 |
地區 : 旺角 |
|
現時分數:
|
日期 : 2010-07-24 20:24:24
響旺角分店食過兩次17:30-19:30(歡樂時光), 兩次感覺OK, 兩次都要捧住個肚走!!!
放題嚟講, 上菜都幾快(有D會眈時間, 不過你冇點過果d都會嚟埋你張檯)
刺身--新鮮, 唔係薄切, 絕不欺場,
串燒--款式多, 蝦, 京蔥豬肉, 雞軟骨, 多春魚, 翠玉瓜, 牛舌, 銀杏, 蕃薯, 真係多到數唔晒 (串燒蝦略為鹹),
天婦羅--炸粉唔算厚, 食落冇油膩感覺,
羊架--驚喜, 好好味, 唔酥, 日本年糕好煙韌, 芝麻炸雞翼皮脆好好食,
雪糕--推介菠蘿味及綠茶味,
飲品--推介鮮綠茶, 薑母茶, 蘋果綠茶, 柑桔蜂蜜.
(歡樂時光) 17:30-19:30 (歡樂時光) 成人 $138 / 小童 $69 |
|
|
晶苑金閣酒家
|
標題 : 埋單幾十蚊, 算抵食 |
地址 : 將軍澳唐德街1號將軍澳廣場1期1樓104舖 |
地區 : 將軍澳 |
|
現時分數:
|
日期 : 2010-07-23 15:00:28
自從將軍澳廣場開咗吉之島後, 響晶苑飲茶o既人多咗, 相對等位就耐咗.
其實飲茶食點心間間都不外如是, 剔蝦餃, 燒賣, 叉燒包, 腸粉, 幾乎係指定動作, 但呢間有炸雲吞(依家唔係間間酒樓有), 佢係我o既至愛.
今次係飲下午茶, 兩個人食, 叫咗:
炸雲吞--皮夠脆, 個汁唔會太酸, 正!
叉燒包--一般, 唔食都冇所謂
豉椒排骨--幾好味
潮州粉果--餡料味道唔錯
埋單都係幾十蚊, 算係抵食! |
|
|
倫記車仔麵
|
標題 : 份量唔少, 一定夠飽肚! |
地址 : 民泰街6號B舖 |
地區 : 紅磡 |
|
現時分數:
|
日期 : 2010-07-23 14:16:28
車仔麵食得多, 呢間味道算係唔錯o既一間, 響門口點了牛腩, 豬皮, 菜, 三餸加油麵都係廿蚊左右, 份量唔少, 一定夠飽肚 , 同埋炸菜蔥花係擺放出來任你加, 最重要呢間舖廿四小時營業, 如果半夜三更肚餓, 會第一時間諗起佢! |
|
|
陳記魚蛋
|
標題 : 街頭小食嚟講算係咁 |
地址 : 德民街36號E1 |
地區 : 紅磡 |
|
現時分數:
|
日期 : 2010-07-23 13:34:48
有次路經紅磡德民街, 竟然發現有間叫陳記魚蛋o既小食店, 細心看看門面, 見到有阿蘇到來光顧的照片, 其實照片應是在深水埗嗰間陳記魚蛋拍攝的, 噢, 原來陳記已開了很多分店了。
本人一直食開深水埗嗰間, 呢間都係第一次, 味道係點? OK啦, 以街頭小食嚟講算係咁, 不過不失, 但可能係先入為主o既感覺, 都係覺得深水埗嗰間好味D。 |
|
|
C房菜
|
標題 : 晚巿二人套餐好抵食 |
地址 : 將軍澳彩明商場223號舖 |
地區 : 調景嶺 |
|
現時分數:
|
日期 : 2010-07-23 10:10:51
呢度晚巿二人套餐$92, 包兩款小菜, 兩碗白飯或菜飯, 兩碗例湯及兩杯飲品, 小菜大大碟, 我既至愛就係鳳梨咕嚕雞球, 甜酸味適中, 雞球略為炸過, 所以食落有脆脆地感覺, 但絕不油膩, 另一道魚香茄子煲亦係一絕, 茄子雖然炸過, 但食落口一D油膩感覺都冇, 送飯一流。同埋呢度D炒粉麵都係大大碟, 味道亦不錯。 |
|
|
|
|