狀態: 未登入 |
請先登入
link
地區
=== 香港 ===
上環
西環
中環
山頂
金鐘
灣仔
銅鑼灣
天后
大坑
炮台山
跑馬地
北角
鰂魚涌
太古
西灣河
筲箕灣
杏花村
柴灣
小西灣
數碼港
華富村
田灣
香港仔
鴨利洲
黃竹坑
薄扶林
深 / 淺水灣
石澳
赤柱
=== 九龍 ===
尖沙咀
佐敦
油麻地
旺角
九龍城
土瓜灣
何文田
紅磡
太子
深水埗
長沙灣
南昌
九龍站
奧運站
大角咀
荔枝角
美孚
石硤尾
九龍塘
樂富
黃大仙
新蒲崗
慈雲山
鑽石山
彩虹
九龍灣
牛頭角
觀塘
藍田
油塘
鯉魚門
=== 新界 ===
沙田
大圍
火炭
馬鞍山
大埔
太和
粉嶺
上水
羅湖
落馬洲
元朗
錦田 / 八鄉
流浮山
天水圍
屯門
馬灣
深井
青衣
荃灣
大窩口
葵涌
葵興
葵芳
荔景
調景嶺
將軍澳
坑口
寶林
西貢
布袋澳
=== 離島 ===
大澳
坪洲
東涌
長洲
塔門
大嶼山
赤鱲角
南丫島
愉景灣
蒲苔島
菜式
港式
上海菜
北京菜
台灣菜
四川菜
京川滬菜
杭州菜
東北菜
客家菜
湖南菜
貴州菜
雲南菜
新疆菜
福建菜
蒙古菜
廣東菜
順德菜
潮汕菜
蘭州菜
哈爾濱菜
星馬菜
日本菜
泰國菜
印尼菜
印度菜
韓國菜
越南菜
澳洲菜
尼泊爾菜
菲律賓菜
緬甸菜
西式
意大利菜
法國菜
葡國菜
英國菜
德國菜
瑞士菜
荷蘭菜
愛爾蘭菜
比利時菜
西班牙菜
奧地利菜
希臘菜
地中海菜
土耳其菜
俄國菜
美國菜
巴西菜
古巴菜
阿根廷菜
墨西哥菜
摩洛哥菜
各國
南非菜
猶太菜
黎巴嫩菜
中東菜
埃及菜
餐廳類別
中式酒樓
中菜館
大牌檔
火鍋
海鮮
粉麵
點心
粥品
茶餐廳
快餐店
燒臘
東南亞/西餐廳
扒房
自助餐
烏冬
日本料理
壽司刺身
拉麵
鐵板燒/串燒/日燒
韓國料理
韓式燒烤
咖喱
私房菜
酒店餐廳
咖啡室
飲品
包餅/蛋糕
漢堡包
薄餅
素食
車仔麵
涼茶
甜品/糖水
雪糕
小食店
糖果
酒吧 / 酒廊
卡拉OK
燒烤
上樓café
外賣專門店
Food Court
滋養食品
餐廳名稱
餐廳地址
餐廳電話
密探名稱 : Piggy
華星冰室
Capital Cafe
標題 : 可以試下!
地址 : 灣仔克街6號廣生行大廈地下B1號舖
地區 : 灣仔
現時分數:
日期 : 2011-02-02 17:26:35
呢日同屋企人一早去到灣仔克街,正想搵地方食早餐,見到華星冰室及康華茶餐廳,屋企人話試下冰室,好似特別d。
華星冰室俾我感覺同一般嘅舊式冰室有d唔同,呢度新淨好多,但裝修就好似係舊式冰室嘅倒模咁。
我叫嘅早餐有火腿通粉、多士、炒蛋及飲品。通粉無乜特別,個炒蛋就好滑,加少少鹽喺面,好味道!
麥當勞
McDonald's
標題 : 服務好咗!
地址 : 西灣河筲箕灣道57-87 號太安樓地下G32-G34號舖
地區 : 西灣河
現時分數:
日期 : 2010-09-25 11:33:03
開頭搬嚟呢頭住,如果返工唔趕時間都會嚟附近呢間麥當勞買早餐,但發覺D員工嘅服務態度認真麻麻,冇笑容不在話下,直頭好似得罪佢哋咁款,講嘢晦氣兼唔望人,漸漸就少去幫襯。
隔咗段時間再去,發現D員工好多都轉咗,服務態度亦好過以前好多,所以依家我間中都會去幫襯㗎。
咖啡亭
Cafe Express
標題 : 質素高價錢合理!
地址 : 尖沙咀赫德道8A麗景酒店大堂
地區 : 尖沙咀
現時分數:
日期 : 2010-09-24 16:27:28
我已經嚟過呢度三次喇,因為以依家嘅BUFFET價錢及質素,呢度算係平,而且質素高,雖然款式唔太多,但我覺得只要啱自己口味已夠。
呢度有我最鍾意食嘅生蠔,而且係即叫即開,好新鮮,有時仲有多款生蠔任揀;另外,長腳蟹、蝦、翡翠螺、青口、沙律、parma ham、羊架、刺身、壽司、甜品、芝士等樣樣都有,呢度嘅熱盤我覺得比較少,但對我無影響,因我不嬲都唔係點食熱盤;我覺得呢度嘅甜品都好出色,好似個酒心Tiramisu,真係極力推介,細細個,賣相精緻,好好味;而北海道牛乳就有少少凍,好香牛奶 & 杏仁味,好得!
小白屋
Cherry Garden
標題 : 一定要叫燒肋骨!
地址 : 大坑浣沙街7號
地區 : 大坑
現時分數:
日期 : 2010-09-24 16:15:05
小白屋係我其中一間幾鍾意嘅西餐廳,雖然地方唔大,但係佢d食物幾啱我口味,所以我隔一段時間就會去幫襯一次。
自從亞蘇介紹過後,呢度成日都滿座,所以一定要預先訂位,同埋佢係逢星期一休息兼只收現金嘅。
幫襯咗幾次,我仍然覺得佢嘅燒豬肋骨,真係好味到震,我從未食過咁好味嘅燒肋骨,所以嚟親都會叫。另外一個亞蘇極力推介嘅Carbonara,我都覺得好好味,尤其係d汁;至於我覺得冇咁好味嘅係雙層芝士肉醬pizza,雖然好香芝士味,配鮮蕃茄都幾清新,但味道好淡;而焗薯皮我覺得冇亞蘇講得咁好食,只係一般。
甜品方面,呢度只屬一般,我試過心太軟、法式榛子杏仁燉蛋、及亞蘇推介嘅百爵奶茶布甸配鮮果沙巴翁。
我覺得百爵奶茶布甸配鮮果沙巴翁嘅布甸茶味好濃,算OK,但D鮮果沙巴翁就好怪,有D好似魚腥味咁,我同朋友一食已經想嘔,冇再掂佢,呢個好失望。
甜姨姨私房甜品
Auntie Sweet
標題 : 得閒會再幫襯!
地址 : 天后清風街13號
地區 : 天后
現時分數:
日期 : 2010-09-22 17:47:43
甜姨姨由於喺屋企附近,所以我由舊舖已開始幫襯,以前我最鍾意食佢個亞旺湯丸,我不嬲對湯丸都麻麻地,但呢個湯丸好唔同,因為係凍湯丸,而且係芒果餡,加埋芒果糖水底,勁好味!另外,我成日買楊枝甘露俾亞爸亞媽食,佢哋都話好好味,而且呢度嘅糖水底係全芒果汁,唔會預先加糖水,所以如果唔想咁甜,可以叫佢走糖。
平時我都係買外賣多,今次因同朋友一齊,所以就堂食。今次我轉下新口味,叫咗紅莓涼粉;而朋友就叫亞蘇推介嘅榴槤豆腐花。
紅莓涼粉表面鋪咗d椰果,幾清甜,但無乜特別;至於朋友個榴槤豆腐花,我都試咗少少,我哋都覺得好味,榴槤味好濃,豆腐花d味好特別,同平時嗰d唔一樣,好滑,都好好味。
金水壽司
標題 : 整體都唔錯,值得再去!
地址 : 尖沙咀加連威老道8號
地區 : 尖沙咀
現時分數:
日期 : 2010-09-22 17:12:41
有次同朋友去尖沙咀行街,順便去金水壽司食埋飯。
我哋叫咗一板海膽、希靈魚壽司、墨魚壽司、帶子壽司、甜蝦壽司、鰻魚壽司、三文魚壽司及一個唔記得個名嘅牛肉粒。
海膽超好味呀,又甜又新鮮、仲送埋紫菜o添;希靈魚亦係我至愛之一,好味又爽口,我最鍾意佢酸酸地嘅味道;其他壽司都好新鮮,好好食!而牛肉粒都唔錯呀,既juicy又入味,掂!
Oliver's Super Sandwiches
標題 : 蛋沙律好得!
地址 : 中環皇后大道中33號萬邦行地下G1-B號舖
地區 : 中環
現時分數:
日期 : 2010-09-22 16:45:44
嚟呢度,我最鍾意食有蛋沙律嘅食物,因為佢嘅蛋沙律超好味,連不嬲唔鍾意食三文治嘅我,都覺得佢嘅蛋沙律三文治好得。
今次就叫咗蛋沙律焗薯,蛋沙律加埋d薯蓉好香,又唔漏,好味!
札幌元祖北海道拉麵 (已搬遷)
標題 : 果然好味!
地址 : 中環交易廣場1樓11至12號
地區 : 中環
現時分數:
日期 : 2010-09-22 16:26:32
有次同班攝影師去影相,由朝影到夜晚九點度至走得,但全日都未食過嘢,所以就同佢哋一齊去咗附近嘅札幌食拉麵,順便可以比較下同西灣河嗰間有咩唔同。
我叫咗鹽味拉麵,一嚟到,第一件事就係試下佢嘅湯底,好清甜呀,比西灣河嗰間好好多,拉麵又爽口,好好味呀!
紅蕉
Red Banana Cafe
標題 : 估佢唔到!
地址 : 西灣河筲箕灣道57-87號太安樓地下A31號舖
地區 : 西灣河
現時分數:
日期 : 2010-09-21 16:52:36
呢間位於太安樓嘅舖頭仔,初初經過覺得好得意,門口好搶眼,紅色招牌,加上舖頭入面佈置都好sharp,所以成日都想搵日入去試下,終於呢日叫咗屋企人一齊去試下。
入到去至知,原來用餐嘅地方係喺地庫,不過個門口好窄又細,要彎低身至入到,入面有四張檯,地方好細。
我哋叫咗兩個餐,一個南瓜湯+白酒忌廉煙肉意大利粉+飲品;另一個忌廉湯+白汁豬柳墨魚汁闊麵+飲品;屋企人話個意粉好好味,又唔會太漏;而我個闊麵都唔錯呀,d豬柳好腍好好味,加埋軟硬適中嘅闊麵,好得!
銀龍粉麵茶餐廳
標題 : 不過不失!
地址 : 葵芳葵芳商場1樓112B號舖
地區 : 葵芳
現時分數:
日期 : 2010-09-20 20:04:50
前幾日有d事約咗朋友去葵芳,搞掂哂d嘢,我哋就喺附近呢間快餐店食晚飯。
我叫咗洋蔥豬扒拼火腿扒跟意粉;而朋友就要蒜茸西冷跟薯菜。味道不過不失,我略嫌淡咗少少,加咗少少鹽就好好多。
美心快餐
Maxim's Fast Food
標題 : 一般!
地址 : 干諾道中24號中華總商會大廈地下
地區 : 中環
現時分數:
日期 : 2010-09-20 19:45:18
有日喺呢度食晏,間舖好細,得好少座位,迫滿哂人,唯有搭檯啦。
我叫咗個蒸排骨飯,但真係麻麻地,得個鹹字,無乜味,但附近食肆唔多,所以都無辦法。
碗屋
Wanya Japanese Restaurant
標題 : 價錢偏貴!
地址 : 中環皇后大道中18號新世界大廈閣樓
地區 : 中環
現時分數:
日期 : 2010-09-20 17:17:03
早幾晚朋友帶我去碗屋食放題,佢話之前嚟過,覺得好正,但成日都full,所以佢一早book定檯,不過都係對正鐵板燒嘅吧檯,其實我唔係好鍾意,但冇辦法啦。
可能因為我哋兩個人,d嘢食勁細碟,刺身就好新鮮,燉蛋、燒銀鱈魚、天婦羅、沙律都好好味,食物整體其實唔錯,可能因為坐吧檯對正個鐵板燒,我就覺得坐得唔係好舒服;同埋依家d放題大部份都只係百幾二百蚊,我覺得呢度價錢偏貴,食物其實同其他差唔多,有少少唔值。
上海弄堂菜肉餛飩
標題 : 不妨試下!
地址 : 中環歌賦街35-37號地下
地區 : 中環
現時分數:
日期 : 2010-09-17 18:05:58
之前試過天后分店嘅酸辣雲吞及菜飯,覺得都唔錯,所以呢日行過中環分店,就決定入去試下。
因為天氣熱,都唔想食有湯嘅嘢,所以叫咗弄堂冷麵,個賣相唔錯呀,成隻碗鋪滿青瓜絲、蛋絲,雞絲及火腿絲。由於有青瓜,所以就算撈埋麻醬食,感覺仍然好清新,一d都唔漏。
翠華餐廳
Tsui Wah Restaurant
標題 : 一定要試!
地址 : 中環威靈頓街15-19號地下至2樓
地區 : 中環
現時分數:
日期 : 2010-09-17 17:40:47
成日都想試翠華個瑞士雞翼撈公仔麵,呢日經開,見有d餓,決定入去試下。
瑞士雞翼撈公仔麵個賣相都唔錯,味道更加唔駛講,d汁用嚟撈公仔麵,真係好好味,絕對唔差得過太平館嗰D,但價錢就平一大截,值得試!
吉壽日本料理
標題 : 絕對要試!
地址 : 中環威靈頓街33號The Loop7樓
地區 : 中環
現時分數:
日期 : 2010-09-17 17:08:03
有朋友生日,book咗吉壽食放題,我哋十個人,所以佢就俾咗一間所謂嘅房我哋,但呢間房勁細,坐得都幾辛苦。
我哋一坐低,第一件事就叫咗個雜錦刺身先,呢度D效率唔錯,碟刺身好快就送到,好大碟,好新鮮,好好味呀!之後我哋樣樣都叫下,串燒、拉麵、沙律、壽司、天婦羅、蟹粥、炸蠔等等,呢度嘅燒牛舌都好正呀,記得一定要試呀!
由於我哋book位嗰陣已講咗有人生日,所以食食下,店員突然熄哂d燈,跟住送咗個蓮花刺身蛋糕入嚟,個面仲會噴小煙花,同時又播生日歌,連其他食客都一齊唱,d氣氛好正呀!
天天素食
標題 : 炸芋絲唔錯!
地址 : 天后英皇道14號天后蘋果商場G6-7號舖
地區 : 天后
現時分數:
日期 : 2010-09-17 16:43:50
由於我亞媽鍾意食芋頭,所以我經常嚟呢度買芋頭魚及炸芋絲,呢度d店員姐姐都幾hard sell,會不停話要乜啦,乜好食,要埋幾多錢。
炸芋絲$12有三粒,芋頭魚就唔記得$1x一條,亞媽就覺得炸芋絲好食d。
泰發泰國餐廳
Tai Fat Thai Restaurant
標題 : 值得推介!
地址 : 九龍城城南道8號東昇閣地下
地區 : 九龍城
現時分數:
日期 : 2010-09-16 17:06:39
同朋友去咗九龍城嘅泰發食飯,朋友極力推介泰式生蝦,跟住我哋另外叫咗豬肉及牛肉串燒、咖喱炒蟹及炒金邊粉。
個生蝦真係好好味呀,好鮮甜,仲將d蝦頭炸咗,食落脆卜卜,好香口;串燒就一般,無乜特別;蒜蓉包點咖喱炒蟹d汁食,真係一流;至於金邊粉都算唔錯,甜甜地,啱晒我口味!
川麻辣燒烤專門店 (已結業)
標題 : 唔起眼,但好味嘅食店!
地址 : 天后銀幕街27號地下B舖
地區 : 天后
現時分數:
日期 : 2010-09-16 15:46:14
天后d食店有d真係轉得好快,成日行過銀幕街都無留意,原來之前間巴沙已經轉咗呢間川麻辣燒烤專門店。
呢日行過,我就喺門口拎咗張菜單睇下,原來可以外賣,於是行入去問下可唔可以叫少辣,店員話唔辣都得呀,所以決定買d返去俾屋企人試下。
原來有幾種分類:海鮮、肉類、蔬菜及涼拌等,仲可以揀港式蜜糖風味。我叫咗涼拌麻辣牛腱、牛脷、芝士丸、白鱔、菠蘿、茄子x 2等;我覺得白鱔及茄子最好味,白鱔d皮燒到有d脆,咬落仲好爽口,好味!而茄子鋪滿蒜蓉,好香,亞媽最鍾意食茄子,所以叫咗兩條。
King Ludwig Beerhall
標題 : 未食過咁好味嘅豬手!
地址 : 尖沙咀梳士巴利道港鐵尖東站地面32號舖
地區 : 尖沙咀
現時分數:
日期 : 2010-09-14 16:09:57
間舖入面裝修幾靚,仲有live band演唱,好好聽!
我哋叫咗德國麥啤Maisel's Weisse,幾好飲;雜菜沙律,好味,食完忍唔住再翻兜咗一次;農夫包,隨包跟兩隻醬,分別係牛肝及酸酸地芝士,個牛肝醬好得!薯仔沙律,跟德國腸拼盤上,酸酸地好好味;豬手有酸椰菜墊底,未食過咁好味嘅豬手,皮脆肉嫩;薯餅配忌廉汁鮮蝦帶子,好味!
越興苑越南美食菜館
Vietnam Garden Restaurant
標題 : 比預期中好!
地址 : 旺角花園街107號
地區 : 旺角
現時分數:
日期 : 2010-09-09 17:49:33
呢日同朋友去旺角行街,天氣咁熱,都唔係好想食熱嘢,咁啱行過越興苑,就決定入去食撈檬。
我叫咗豬頸肉撈檬、朋友就叫金邊粉,另外叫咗個炸蝦餅;撈檬幾好味呀,d豬頸肉好入味,又爽口;朋友就話個金邊粉麻麻,但個炸蝦餅都唔錯喎,好香口,又彈牙!
台竹美食坊
標題 : 環境幾舒服!
地址 : 青海圍8號屯景大厦地下
地區 : 屯門
現時分數:
日期 : 2010-09-09 17:32:03
早排去屯門探朋友,約咗朋友去台竹美食坊食下午茶,呢度環境都ok,d卡位幾舒服。
朋友叫咗個勁辣菜甫肉燥烏冬,我就叫咗吉列魚柳沙律;朋友話佢個烏冬真係幾辣,味道都幾好;至於我個沙律都ok呀,但無乜特別囉!
文輝墨魚丸大王 (已結業)
標題 : 最好食嘅墨丸河!
地址 : 天后電器道128號
地區 : 天后
現時分數:
日期 : 2010-09-09 16:24:19
最近先知原來天后開咗文輝墨魚丸大王呀,實在太好喇,因為我不嬲都好鍾意食文輝D紫菜墨丸河,以前要特登走落銅鑼灣至有得食,依家咁就方便好多喇!
呢晚即刻去買外賣同亞媽一齊食,我買咗個紫菜墨丸河,及一個墨三鮮俾亞媽。我至鍾意落醋食,勁好味,亞媽都話d墨丸好食,反而墨魚仔及墨魚鬚就麻麻。
Mr. Steak Buffet à la minute
標題 : 物有所值!
地址 : 銅鑼灣百德新街2-20號恆隆中心3樓
地區 : 銅鑼灣
現時分數:
日期 : 2010-09-09 16:17:36
前幾日同屋企人去Mr Steak試和牛buffet,整體都幾好,值得試下!
燒澳洲和牛,初初覺得好食,之後覺得好漏;反而澳洲M6和牛好好食。仲有隻叫宮崎A5和牛,用薯仔及紅蘿蔔去炆,都幾好味。
生蠔細細隻即開即食好新鮮;翡翠螺剪哂尾,洗好哂;松葉蟹腳超好味!可惜食唔到睡蟹;仲有煎鵝肝配法多士,都OK,係略嫌鵝肝煎得太油;帶子刺身好厚肉下;甜蝦就無乜特別。
甜品一定要試藍莓芝士蛋糕,好好味!仲有個橙酒煮班戟,亞蘇及蔡瀾都有介紹過呢個係傳統甜品,幾得意!
其實仲有好多嘢食,不過食唔到嚕…
金不換泰國餐廳
Sweet Basil Thai Cuisine
標題 : 值得推介!
地址 : 銅鑼灣利舞臺廣場6樓CD舖
地區 : 銅鑼灣
現時分數:
日期 : 2010-09-08 16:51:56
金不換係一間我覺得唔錯嘅泰國餐廳,之前同屋企人嚟過,覺得幾好味,所以最近朋友生日話想食泰國菜,我就提議嚟呢度。我哋兩次都係坐喺出面大堂d檯,但我覺得都幾舒服。
我哋叫咗海蝦刺身、柚子沙律、肉碎生菜包、炸蝦餅、泰式烏頭、咖喱軟殼蟹、燒豬頸肉等。
我覺得柚子沙律、軟殼蟹、炸蝦餅、烏頭都好好味;係個生菜包就普通d。
千両
Sen Ryo
標題 : 好新鮮!
地址 : 尖沙咀柯士甸道西1號圓方1樓1086號舖
地區 : 九龍站
現時分數:
日期 : 2010-09-08 16:35:07
早前嚟圓方附近探新入伙嘅朋友,順便同屋企人去千両食壽司,因為好多人都話呢度嘅壽司雖然貴少少,但好新鮮好好味,所以即管嚟試下。
我哋叫咗帶子、藍鰭吞拿魚、日式燒芝士魚餅、三文魚子、左口魚、鰻魚、燒三文魚腩、燒玉子等等;我最鍾意係左口魚,爽口又好味;帶子勁大隻,又鮮甜;芝士魚餅幾得意,軟軟地,又唔漏,都幾好;燒三文魚腩就麻麻,因我唔係好鍾意燒過嘅三文魚,梗係覺得怪怪,唔好食。
小樽甜品屋
標題 : 好味!
地址 : 荃灣荃興徑2-8號昌泰大樓7A地下
地區 : 荃灣
現時分數:
日期 : 2010-09-07 17:41:14
有一次同屋企人去咗試朋友極力推介嘅小樽甜品,我哋叫咗椰子冰、草莓冰及旋轉甘露。
最值得推介嘅係旋轉甘露,$22就可以有六小杯、三種口味嘅甜品:鳳梨露、石榴露及楊枝甘露,我覺得石榴露最好味,好香石榴味,另外兩種都唔錯。
Pokka Cafe
標題 : 值得試下!
地址 : 尖沙咀北京道63號國都大廈地庫
地區 : 尖沙咀
現時分數:
日期 : 2010-09-07 17:26:04
約咗朋友去尖沙咀Pokka食飯,我哋叫咗個小食,胡麻蕃茄沙律,無乜特別,因呢個沙律我自己成日都會整;跟住朋友叫咗個煙三文魚沙律蕎麥麵;我就叫咗個日式燒雞意大利飯,個飯幾好味,但幾漏,雞件唔錯,最正係d飯,將意大利飯煎到成塊飯餅咁,裡面有芝士,所以食落好香好好味,但就好漏,份量都算多,起碼我都食唔哂。
鹿鳴春飯店
Spring Deer Restaurant
標題 : 唔錯嘅中國菜!
地址 : 尖沙咀麼地道42號1樓
地區 : 尖沙咀
現時分數:
日期 : 2010-09-07 16:48:38
有次book咗檯去鹿鳴春為朋友慶祝生日,我哋叫咗下面呢d菜:
叉子燒:例牌菜,有兩款料任揀,我哋揀咗肉絲,味道偏甜,但都好食。
糟溜魚片:酸酸地都唔錯!
窩燒肘子:呢個又係招牌菜,嚟到原來好大碟,有少少嚇親,D皮整得都好鬆脆,朋友覺得一定要係:皮 + 肥膏 + 瘦肉,咁食先最好味,但我覺得好快好漏,麻麻地!
四蔬:清清地,無乜特別!
北京填鴨:隻鴨唔太肥,好耐都無食過北京填鴨,呢晚食咗三舊咁多。
高力豆沙:唔太甜,都幾好食。
拔絲香蕉:呢個我從未食過,朋友話外層糖漿唔夠脆,但味道就好正!起碼冇油膱味。
川居雲南風味米線
Chuan Ju Restaurant
標題 : 值得推介!
地址 : 旺角花園街113號利興大樓地下
地區 : 旺角
現時分數:
日期 : 2010-09-07 16:19:24
同朋友去旺角行街,之後去咗川居雲南風味米線食嘢。之前聽朋友提過,話都幾好食。
我叫咗招牌手撕雞涼拌米線,而朋友就叫咗酸辣豬軟骨米線;手撕雞涼拌米線我要咗小辣,味道啱啱好,少少辣啱哂我,好好味呀!朋友個豬軟骨米線個賣相唔係好吸引,但朋友話都ok喎,d豬軟骨好腍好入味。
樂園牛丸大王
Lok Yuen Beef Ball King
標題 : 唔錯!
地址 : 旺角西洋菜南街138號
地區 : 旺角
現時分數:
日期 : 2010-09-07 15:57:05
早幾日同朋友去咗樂園牛丸大王,我哋叫咗招牌牛肉丸河及手造魚皮餃河。
我嘅牛丸河,d牛丸好大粒,食落好彈牙,好好味;而朋友嘅魚皮餃河據講都唔錯。
金城苑越南餐廳
標題 : 既抵食又好味!
地址 : 深水埗福榮街110號
地區 : 深水埗
現時分數:
日期 : 2010-09-06 17:09:36
有次同朋友去深水埗買嘢,之後去咗呢度食嘢,d嘢都幾抵食,粉 + 小食都只係$33,飲品就另計。
我哋叫咗兩個餐:
香茅豬扒凍檬及蒸粉包:香茅豬扒好香好入味,撈埋d凍檬一齊食,好夾,一d都唔油膩;蒸粉包入面有蝦米、蔥等,都幾特別,我鍾意!
扎肉湯檬及酸辣鳳爪:個湯檬朋友話都ok,鳳爪就酸酸辣辣咁,好開胃。
我哋另外叫咗兩杯飲品,呢餐都唔駛$50,抵食!
雲米家
標題 : 木瓜涼水必試!
地址 : 荃灣四坡坊17號
地區 : 荃灣
現時分數:
日期 : 2010-09-03 17:47:52
朋友成日推介去雲米家食米線,有日嚟開荃灣,就同屋企人去咗試下,我哋叫咗個燒腩肉小鍋米線、三絲米線及木瓜涼水。
屋企人嘅腩肉米線望落好油膩,而且好似好辣,但佢話幾好味,腩肉好入味!而我嘅三絲米線就比較清淡,味道都唔錯,但無乜特別,同埋我略嫌d米線腍咗d;至於個木瓜涼水就好特別,入口有好香嘅花香味,感覺有d似啫喱,好清甜,正!
吉野家
Yoshinoya
標題 : 好味!
地址 : 軒尼詩道8號中港大廈地下
地區 : 灣仔
現時分數:
日期 : 2010-09-03 16:35:34
早幾日行過吉野家,發現有得打邊爐,同埋只係$48,唔錯喎
,於是入去試下,有清湯及濃湯底任揀,我要咗清湯,D肥牛冇乜特別,全靠個芝麻醬吊味,個煲入面仲有黃芽白、冬菇、豆腐、紅蘿蔔、日式魚蛋、烏冬;整體都算好好味,一定再幫襯。
伊呂波
Iroha
標題 : 貴, 但好味!
地址 : 尖沙咀金馬倫道23-25A號金馬倫廣場1樓
地區 : 尖沙咀
現時分數:
日期 : 2010-09-02 16:23:01
呢晚同朋友敘舊,揀咗去伊呂波,呢度環境好舒服,每張檯都隔得好疏,不過價錢都唔平。
我地叫咗:魷魚鬚飛魚子沙律、三文魚及甜蝦刺身、雜菇盛合、厚切牛排肉、牛排肉、牛舌筋等等,仲送雪糕o添。
我覺得最好食係個沙律、厚切牛排肉及牛舌筋,尤其係個牛舌筋,又平又好味;但最好唔好叫刺身,因無乜特別,又貴,唔抵食!
赤柱露台餐廳
Natural Gourmet Restauran
標題 : 東南亞feel!
地址 : 赤柱赤柱廣場三樓308舖
地區 : 赤柱
現時分數:
日期 : 2010-09-02 16:08:42
同屋企人去咗赤柱行街,行到累,但又未係食飯時間,於是搵地方坐低抖下,屋企人話聽聞露台餐廳D環境好靚,提議去試下。
呢度環境真係好靚呀,裝修好東亞南feel,我好鍾意佢D木檯,好舊好原始嘅感覺,但我哋冇坐露台,因為啱啱行完已覺好熱,入面嘅景觀當然冇露台咁靚啦,但感覺一樣好舒服,食物方面冇乜特別,我哋叫咗兩杯飲品,焗薯皮及魚柳薯條,味道都ok,值得試一次!
點心皇
標題 : 抵食!
地址 : 天后銀幕街1號
地區 : 天后
現時分數:
日期 : 2010-09-01 20:29:22
早兩日返屋企嗰陣,細佬打嚟話想食糯米雞,但我已過咗平時買開嗰間舖頭,於是就去咗點心皇睇下有冇。
呢度有好多唔同款式嘅點心,價錢又平,但就冇糯米雞,於是我買咗珍珠雞及叉燒腸;細佬話珍珠雞都幾好味,叉燒腸我試咗少少,都ok,係皮厚咗少少,所以口感冇咁好,但咁嘅價錢ok啦。
麥當勞
McDonald's
標題 : 好食但細個!
地址 : 興華一邨興華商場一樓
地區 : 柴灣
現時分數:
日期 : 2010-09-01 17:49:54
尋日收工後行經麥當勞,覺得有D肚餓,於是入去買咗個芝士漢堡,個包暖暖地;好軟熟;牛肉漢堡又唔乾;芝士有少少溶;加埋d洋蔥、酸瓜、茄汁一齊食,雖然好食,但唔駛幾啖就食哂!
壹樓火鍋
標題 : 整體都唔錯!
地址 : 大坑浣紗街1-5號浣紗閣1樓
地區 : 大坑
現時分數:
日期 : 2010-09-01 17:21:07
呢間壹樓火鍋講明係要上樓,大坑嘅食店,大部份係地舖,呢間算係比較少有,所以平時行過如果無留意,都唔知有佢嘅存在。
因為有朋友極力推介,所以決定嚟試下,入面環境都算舒服,而且唔滿座,每個卡位都有部小電視,啱哂我呢d電視迷。
我哋叫咗:芝心丸、牛脊,肥牛、魚餃、墨魚滑、四寶丸、鱔片、菜等等,我覺得個芝心丸及鱔片最好味,整體都算唔錯,服務又好,可以再嚟。
滿記甜品
Honeymoon Dessert
標題 : 芒果班戟一定要試
地址 : 銅鑼灣勿地臣街1號時代廣場地庫1層CookedDeli (銅鑼灣港鐵站A出口)
地區 : 銅鑼灣
現時分數:
日期 : 2010-08-30 20:38:53
以前嚟銅鑼灣多數去世貿對面間發記食糖水,但因為佢已經執咗,所以就轉咗去滿記,我覺得兩間質素差唔多。
有次喺時代睇完戲,就決定去Citysuper food court嘅滿記食甜品,我哋叫咗芒果班戟及楊枝甘露。
呢度嘅芒果班戟好好味,不過以前多數幫襯百德新街嗰間,但我就嫌佢太細件,每次食完都好似唔夠喉咁;楊枝甘露亦都係我至愛,材料足,好香甜。
金東大小廚
標題 : 值得試!
地址 : 筲箕灣東大街59-99號5號舖
地區 : 筲箕灣
現時分數:
日期 : 2010-08-30 20:05:04
唔係朋友介紹,一路都以為呢間食店嘅特色係有夜茶飲咁簡單,原來佢仲係一間私房菜,因老闆係艇家,所以海鮮食材特別新鮮。我哋book咗一圍,叫咗下面呢D菜,整體都OK,因有海鮮,價錢都唔算太貴!
餐前小食 :
麻辣牛肉:但完全唔辣,偏甜,牛肉好有咬口。
矮瓜:唔錯
叉燒及燒鴨:一般
花竹蝦刺身:呢個係全晚最正,唔駛點豉油wasabi,都鮮甜爽口,而且勁蝦味。蝦頭就用嚟椒鹽,每個蝦頭都特登留多少少蝦肉, 食落仍有啖啖肉感覺。
蒸杉斑 : 過咗火少少,一般。
蒸石丁 : 都係過咗火少少,但比杉斑好食。
重皮蟹 : 呢個我無食,因怕敏感,但見到幾爆羔。
三蔥炒波士頓龍蝦:用洋蔥、乾蔥、大蔥炒;蔥好食過龍蝦,但隻龍蝦都OK,勁多羔。
炒飯:好味,真係粒粒乾身。
鮑魚蝦子雞絲生菜:都幾特別。
荷葉蒸雞:無乜特別,但幾好味。
超大煎封馬友:勁大條,我都係第一次食咁大條馬友。
麥當勞
McDonald's
標題 : Mc café 蛋糕好味!
地址 : 鰂魚涌康山道1號康怡廣場南翼G-02
地區 : 鰂魚涌
現時分數:
日期 : 2010-08-27 18:06:48
呢間麥當勞裝修完光猛咗好多呀,呢日同屋企人行吉之島,決定入去坐下,但又唔想食包,所以就買咗兩件MC café嘅蛋糕。
我哋要咗藍莓芝士蛋糕及特濃朱古力蛋榚;藍莓芝士蛋榚唔係好甜,但好香芝士味;至於件特濃朱古力蛋榚,講明特濃,真係好濃朱古力味,唔錯!
松屋日本料理
Matsuya Japanese Restaurant
標題 : 一般
地址 : 銅鑼灣駱克道491-449號京都廣場3樓
地區 : 銅鑼灣
現時分數:
日期 : 2010-08-27 17:08:09
有日睇到報紙賣松屋嘅放題廣告,於是決定嚟緊就去呢度慶祝朋友生日,佢分三段時段,任食任飲,我哋揀咗中間時段。
因為我哋未齊人,所以叫咗少少嘢先,刺身叫咗好耐都未嚟,但就嚟咗好多串燒,連我哋無叫嘅都嚟埋,要我哋叫佢攞返走,食物質素其實ok,但上菜時間實在太慢喇,尤其係刺身,要追幾次至嚟,有d失望!
ABC餅店
標題 : 好食到停唔到口!
地址 : 中環結志街1號地下
地區 : 上環
現時分數:
日期 : 2010-08-27 15:46:45
呢間位於中環結志街嘅ABC餅店,單睇外貌,同一間普通嘅餅店無分別,但其實佢地自製嘅鳥結糖相當出名,仲被譽為全港最好食嘅鳥結糖o添,而且呢種鳥結糖仲要係限量發售,當日賣完就無。
我呢日去到,見到d員工喺度入緊盒,即刻買咗三盒,據聞呢隻鳥結糖係用古法配方,加上係人手做成,食落唔太甜,又唔黐牙,真係好食到停唔到口。
福岡拉麵
Fukuoka Noodle
標題 : 不過不失!
地址 : 西灣河筲箕灣道57-87號太安樓地下G24舖
地區 : 西灣河
現時分數:
日期 : 2010-08-26 22:03:03
呢間舖頭開咗無幾耐,前幾晚,約咗朋友,決定去試下。
我哋叫咗兩個拉麵、沙律、雞軟骨及加州卷;拉麵好大碗,仲有半隻溏心蛋;但係拉麵我覺得只係一般,沙律還可以;雞軟骨勁鹹,朋友話加州卷好好味喎,總括嚟講,不過不失啦。
板長壽司
Itacho Sushi
標題 : 可以試一次!
地址 : 鰂魚涌康山道2號康怡廣場吉之島L017A舖
地區 : 鰂魚涌
現時分數:
日期 : 2010-08-26 20:27:40
吉之島裝修完就開咗呢間板長,但一路都好多人排隊,所以我哋都無心機去等位,直到呢日行過,見無乜人,就入咗去試。
佢嘅壽司係以一件計,所以計返兩件價錢,其實同其他壽司店相比,價錢係偏貴,整體都算ok,但無乜特別,唔係傳聞之中好得咁緊要,所以我諗我都係試過就算嚕。
車記車仔麵
標題 : 抵食!
地址 : 灣仔軒尼詩道391號
地區 : 灣仔
現時分數:
日期 : 2010-08-26 20:00:55
因為之前喺呢間舖附近返學,所以都幫襯過一、兩次。
呢度嘅車仔麵真係唔錯㗎,我通常叫:蘿蔔、紅腸、菜、雞翼米;除咗車仔麵,佢哋仲有碟頭飯賣㗎,價錢一樣唔算貴,廿零蚊,既好食,又抵食!另外,呢度仲有我最鍾意嘅支裝可樂o添。
潮香園粉麵茶餐廳
Chiu Heung Yuen Noodle Restaurant
標題 : 坑腩河幾好味
地址 : 筲箕灣筲箕灣道314號B舖
地區 : 筲箕灣
現時分數:
日期 : 2010-08-25 21:44:52
之前住筲箕灣,有時懶得行去桃園,都會喺附近嘅潮香園買外賣就算;潮香園感覺上一般,係一間好普通嘅粉麵店。
屋企人就幾鍾意食佢嘅坑腩河,話佢d坑腩幾腍,又唔會散哂咁;我就次次都食雲吞米,不過不失,又無乜特別。
御品燒臘飯店
標題 : 超值!
地址 : 柴灣道333號永利中心71G地舖
地區 : 柴灣
現時分數:
日期 : 2010-08-25 20:57:14
之前Lunch都去幫襯過幾次,呢度d燒味唔錯㗎,而且又平,一個雙拼飯加一罐汽水,都係$20,十分抵食。
山崎麵飽
Yamazaki Bakery
標題 : 肉鬆包好味
地址 : 西灣河筲箕灣道110號地下
地區 : 西灣河
現時分數:
日期 : 2010-08-25 19:47:40
呢間山崎麵飽係近幾個月至開張,見到佢開張好開心呀,因我不嬲都幾鍾意食佢D包,但開頭日日都多人到水洩不通,所以我都無去買,係近期至開始幫襯。
呢間舖好似走廊形咁,都幾迫,包嘅款式唔太多,都係以芝士味為主,但味道同其他舖差唔多,我多數買芝士波、芝士肉鬆包、或者芝士軟包;芝士波煙煙韌韌,好好味;肉鬆包我不嬲都好鍾意,叮熱咗更好味!
稻香超級漁港
標題 : 環境舒服!
地址 : 杏花村盛泰道100號杏花新城204舖
地區 : 杏花村
現時分數:
日期 : 2010-08-25 17:07:25
第一次嚟呢間稻香,感覺比較靜,唔駛等位之餘,仲有好多空檯,但好舒服,d位又闊,又有卡位,又靜,同朋友飯聚真係一流。
我哋今次係打邊爐,三個女仔唔食得幾多嘢,所以淨係叫咗d丸類、牛肉、生根、菜、鯇魚、粟米、水餃等等;d食物都好新鮮,值得再嚟!
梨和園韓日料理 (已結業)
標題 : 抵食!
地址 : 銅鑼灣波斯富街24-30號漢寶大廈2樓全層
地區 : 銅鑼灣
現時分數:
日期 : 2010-08-25 12:58:40
好耐無食過自助韓燒喇,有晚朋友提議去梨和園,環境感覺同以前差唔多,食物亦無乜變,一樣任飲任食,依家仲多咗火鍋o添,不過呢樣我就麻麻。
兩個人其實唔食得幾多嘢,我哋主要都係攞咗d牛扒、豬扒、魷魚等;其他多數食冷熱盤;其實冷熱盤都好多選擇,我好鍾意食佢d沙律、八爪魚仔、粉絲等;呢度都有刺身、壽司、牛仔骨、炒菜、豆腐花、啫喱、雪糕等等,百零蚊其實ok 啦。
吉之家
標題 : 一定要試
地址 : 筲箕灣南康街17號天悅廣場LG1-LG2
地區 : 筲箕灣
現時分數:
日期 : 2010-08-25 11:55:51
吉之家係我住筲箕灣時經常幫襯嘅日式小館,唔好睇佢細細間,但佢D食物真係平靚正,經常滿座㗎。
就算依家都間中會返去幫襯,因為實在好味,我最鍾意食佢個咖喱雞扒飯及生薑豬肉飯,晚餐仲會跟湯及前菜,+ $6 可以有汽水。
咖喱雞扒飯:大大件嘅炸雞扒加埋咖喱汁,好味道,對我嚟講,雖然辣咗少少,但都好鍾意。
生薑豬肉飯:唔錯㗎,甜甜地,好惹味!
港澳義順牛奶公司
Yee Shun Dairy Company
標題 : 雙皮奶好滑
地址 : 銅鑼灣駱克道506號地下 (銅鑼灣港鐵站C出口)
地區 : 銅鑼灣
現時分數:
日期 : 2010-08-24 15:04:09
因為放工返學比較趕時間,有時趕時間,就唔可以食熱嘢,所以就去附近嘅義順食個凍嘅雙皮奶;唔趕就會食牛肉公仔麵。
呢度嘅雙皮奶好滑,好好味;而公仔麵就無乜特別,但價錢就偏貴。
快船廊
Clipper Lounge
標題 : 貴精不貴多!
地址 : 中環干諾道中5號香港文華東方酒店閣樓
地區 : 中環
現時分數:
日期 : 2010-08-24 14:42:29
今次已經係第三次嚟喇,之前分別試咗佢嘅lunch & dinner buffet,但發覺原來lunch好過dinner喎,唔怪得價錢差唔多啦。
今次都係食返lunch buffet,呢度食物款式唔算多,但勝在夠新鮮同好味道。其實食buffet我覺得係貴精不貴多,太多款,但唔好食其實無意思。
呢度除咗有生蠔、翡翠螺、蝦、魚生外,亦有阿拉斯加蟹腳、燒牛肉、壽司、甜品款式都唔少,而且好精緻,更主打朱古力o添,一定要試下。
上海一品香菜館
Shanghai Yat Pang Heung Restaurant
標題 : 保持水準
地址 : 銅鑼灣渣甸街 37- 39號地下
地區 : 銅鑼灣
現時分數:
日期 : 2010-08-17 16:20:29
呢間一品香好耐歷史㗎嘞,以前喺銅鑼灣返工都間唔中會幫襯佢買客飯,佢嘅價錢係貴少少,但D食物唔錯㗎。
好耐無嚟過,今次帶朋友嚟試下佢嘅炸銀絲卷、鱔糊、上海粗炒及麻婆豆腐。朋友都覺得佢嘅炸銀絲卷好好味,鱔糊都好得,又足料,但佢就覺得個上海粗炒麻麻,無乜味,但整體都ok。
許留山
標題 : 不一樣的楊枝甘露
地址 : 銅鑼灣波斯富街24-30號寶漢大廈地下26舖
地區 : 銅鑼灣
現時分數:
日期 : 2010-08-17 15:19:12
許留山係其中一間我比較鍾意嘅甜品店,佢俾我嘅感覺係甜品款式好色彩繽紛,好吸引!
我好鍾意呢度嘅楊枝甘露;同芒果糯米糍,楊枝甘露除左有一舊舊既芒果肉,西柚肉外,仲有雪糕球,勁大碗,好味!芒果糯米糍皮薄,加埋芒果饀餡,煙煙韌韌得嚟又清甜。
必勝客
Pizza Hut
標題 : 午市套餐唔錯
地址 : 半山衛城道1號A號舖
地區 : 中環
現時分數:
日期 : 2010-08-16 17:23:54
嚟開呢頭探朋友,本來想嚟到附近至買d嘢上去朋友屋企一齊食,點知嚟到發現附近無乜嘢食,只得燒味飯、麥當勞及Pizza Hut,想食D特別嘅嘢,睇怕都要行返落去蘇豪區,最後我決定幫襯Pizza Hut。
原來lunch有套餐賣㗎,我揀咗兩個餐,一個要迷你pizza + 磨菇湯;另一個係我至愛嘅海鮮闊條麵 + 磨菇湯;個份量啱啱好,迷你pizza我揀咗薄脆批,個邊好香口;海鮮闊條麵就唔駛講都好好味啦。