|
|
密探名稱 : 薯片怪
|
|
老城都
|
標題 : 經濟好食 |
地址 : 灣仔蘭杜街2號地下10號舖 |
地區 : 灣仔 |
|
現時分數:
|
日期 : 2012-12-11 17:58:50
五點四十五分,好肚餓,提早食晚餐。經過蘭杜街,試下老城都。
呢度嘅下午茶餐普遍廿零三十蚊,我叫左個香菇燒排骨大碗飯($29),餐飲可選擇酸梅湯或者綠茶,我揀左酸梅湯。
另外,散叫一個川式鹵味拼盤($48),拼盤有三隻雞翼、鹵肉、豆卜。
雞翼鹵得好鬆,一咬即骨肉分離;鹵肉就肥左小小,肥豬肉過多;豆卜切得太薄,碎濕濕,入口時唔夠暢快。叫拼盤之前,我問過侍應阿姐拼盤有乜野,佢又話有脷,但係點解一條脷都無?!
香菇燒排骨大碗飯放上檯,賣相ok,面頭舖滿餸,有排骨、榨菜絲、青瓜粒,排骨好軟腍,好多粒嘅骨都係軟骨,可以食埋落肚補骨膠原,榨菜絲同青瓜粒都要讚,榨菜香而不過鹹,青瓜粒就更加fresh,中和番肉嘅飽滯,不過好唔明白,點解飯係用珍珠米?唔通川菜嘅米係用珍珠米?
酸梅湯嘅味道唔係飲開嘅味道,顏色偏黑,味道唔酸,甘甘地,好味呀。問阿姐係用咩煲,佢話係入啲酸梅粉黎沖嘅,原來如此。 |
|
|
泰象泰國越南餐廳 Erawan Thai Restaurant |
標題 : 好掛住菠蘿炒飯 |
地址 : 鴨脷洲鴨脷洲大街147號利豐大廈地下7號舖 |
地區 : 鴨利洲 |
|
現時分數:
|
日期 : 2012-10-09 14:49:12
星期日,無啦啦斥起條筋,好掛住菠蘿炒飯!於是乎,叫ar媽唔好煮晚飯,同埋ar爸去大街嘅泰象食晚飯。
我們仨,一人揀一樣,我梗係諗都唔洗諗,揀硬菠蘿炒飯;ar媽揀越式春卷,ar爸揀煎蠔仔蛋,一飯兩餸,我提議叫一個馬拉盞炒通菜,咁就好圓滿啦!
菠蘿炒飯。
好食,我比95分。肉崧好香,飯炒得企身,不愧我突登去食。
煎蠔仔蛋。
蛋煎得好嫩滑,又夠蛋香,美中不足係蠔仔實在太少了,幾乎似係淨食炒蛋囉。
越式春卷。
原來越式春卷嘅食法,係要用生菜包住件春卷黎食,但係我鍾意淨食春卷,無用生菜包住食。春卷包嘅係豬肉,餡肉夠香,外皮炸得脆身。
馬拉盞炒通菜
通菜嫩綠爽口,但係唔夠辣,雖然個menu標明兩粒辣椒,但係一啲都唔辣。
飽足嘅晚餐,好食過ar媽煮嘅飯。嘻。
|
|
|
愛吃家常便飯
|
標題 : 不花巧但健康 |
地址 : 灣仔謝斐道379號地下6-7號舖 |
地區 : 灣仔 |
|
現時分數:
|
日期 : 2012-10-05 16:50:01
店名家常便飯,給人溫馨親切feel,腦海浮現一家人圍坐一起邊吃邊閒聊的畫面。
我們點了八樣菜,自己較喜歡吃的菜式是腐乳通菜、石窩順德焗魚雲。腐乳通菜很清新,石窩順德焗魚雲焗得香口,但稍嫌乾身了一點,夠薑蔥味也不夠濃。
整體來說,這裡的菜式不著重花巧,務實而味道出眾,無味精,少油,少鹽,很健康。
|
|
|
謝記 (已結業)
|
標題 : 永遠懷念你! |
地址 : 香港仔舊大街80-82號 |
地區 : 香港仔 |
|
現時分數:
|
日期 : 2012-03-09 17:07:13
我在香港仔長大,自少就很喜歡食謝記。早幾日,從報章上得知,謝記要光榮結業了!感到唐突之餘,才發現自己已經幾年沒有去光顧謝記了。於是,急不及待,今天中午動身去了。
不是吧!門口排著長籠!人家都把握時機再嘗謝記的美食。既然一心來吃,也只得花時間排隊。排了半個小時,終於可以入座了。
這裡以魚蛋馳名,而我最愛吃的是魚蛋米和炸魚片。多年來也沒有變心。
魚蛋米到了,立時起筷。魚蛋雖然體積細小,但很彈牙爽口,且有魚香。湯底清甜,今次我把湯也喝光。
這裡的炸魚片好吃得不得了,我到counter叫了一大條。那是剛炸好的,外皮金黃香脆,內層彈牙,不消數分鐘就吃光。
離開店子,既滿足又失落!陪伴我成長的謝記終於榮休了,今天很可能成為最後的回味。無論如何,我會永遠懷念你! |
|
|
謝記 (已結業)
|
標題 : 永遠懷念你! |
地址 : 香港仔舊大街80-82號 |
地區 : 香港仔 |
|
現時分數:
|
日期 : 2012-02-23 17:04:32
我在香港仔長大,自少就很喜歡食謝記。早幾日,從報章上得知,謝記要光榮結業了!感到唐突之餘,才發現自己已經幾年沒有去光顧謝記了。於是,急不及待,今天中午動身去了。
不是吧!門口排著長籠!人家都把握時機再嘗謝記的美食。既然一心來吃,也只得花時間排隊。排了半個小時,終於可以入座了。
這裡以魚蛋馳名,而我最愛吃的是魚蛋米和炸魚片。多年來也沒有變心。
魚蛋米到了,立時起筷。魚蛋雖然體積細小,但很彈牙爽口,且有魚香。湯底清甜,今次我把湯也喝光。
這裡的炸魚片好吃得不得了,我到counter叫了一大條。那是剛炸好的,外皮金黃香脆,內層彈牙,不消數分鐘就吃光。
離開店子,既滿足又失落!陪伴我成長的謝記終於榮休了,今天很可能成為最後的回味。無論如何,我會永遠懷念你!
|
|
|
桃園麵家茶餐廳 To Yuen Noodle Restaurant |
標題 : 大碗飯變左大碟水塘飯 |
地址 : 灣仔軒尼詩道229號A |
地區 : 灣仔 |
|
現時分數:
|
日期 : 2012-01-18 16:35:30
果日去桃園叫左個大碗飯系列嘅雞扒蛋飯,要黑椒汁,飲凍奶茶少甜。
好奇怪!明明叫大碗飯,點解變左大碟飯?仲有係水塘飯咁樣,超勁多汁,雖則有汁係有事,但係太多汁,反而令到啲飯濕晒,而且味道太濃,係弄巧反絀囉。
雞扒硬過柴,唔嫩口,以後都唔會再食呢度嘅大碗飯!
|
|
|
新嘉美茶餐廳 Sun Ka Mee Cafe |
標題 : 必食常餐 |
地址 : 灣仔摩理臣山道26-28號地下 |
地區 : 灣仔 |
|
現時分數:
|
日期 : 2011-12-06 17:51:50
住左喺香港區咁耐, 又成日出入灣仔、銅鑼灣, 但係入黎呢間茶餐廳都係第一次咋. 竟然, 食物夠水準, 侍應態度亦值得一讚.
我食"特式常餐B" , 一個雙併粉麵跟一份雙併多士, 跟一杯飲品, 成個餐$32.
粉麵配料都係大路野啦, 譬如話雪菜肉絲、榨菜肉絲、五香肉丁、沙嗲牛肉、腸仔、餐肉、火腿…… 之類, 配公仔麵、米粉、米線、通粉, 轉出前一丁加$3, 轉辛辣麵加$5. 我揀左雪菜肉絲、腸仔米粉, 雙併多士就揀左奶醬.
侍應一遞份多士過黎時, 我同fd對眼一齊瞪到好大好大, 竟然係完整一塊方包, 而唔係得半塊三角形, 仲要係厚多呀. 奶同醬都好多, 好少常餐跟嘅多士係咁足料、咁闊佬. 最後只食到三分之二, 實在太大塊、太飽喇. |
|
|
極之味
|
標題 : 佢地嘅炒粉麵掂過車仔麵 |
地址 : 田灣嘉禾街14-22號A座2號舖 |
地區 : 田灣 |
|
現時分數:
|
日期 : 2011-11-07 16:22:16
極之味初初開嘅時候, 只係有車仔麵食. 入去食左一次之後, 就無再幫襯. 因為佢嘅車仔麵太淡而無味了, 湯底同D餸都好淡味, 完全無 ‘車仔麵風味’, 似阿媽煮比我地食嘅粉麵. 所以食左一次之後, 好失望, 無再食.
早幾日, 經過佢門口, 見佢唔再淨係食車仔麵, 有D炒粉麵飯、碟頭飯之類, 附近嘅茶餐廳又鬼死咁早收晒工, 自己同自己講: 粗粗地求求其其入去食一餐半餐咁多啦.
叫左個黑椒牛肉炒意粉. 咦! 得喎! 主打嘅車仔麵唔得, 但係炒粉麵飯竟然得喎. 炒得剛好, 唔太油, 唔太乾, 唔太鹹, 唔太淡, 跟熱飲只係加兩蚊, 凍飲四蚊, ok喎. 以後又多番一個選擇喇.
|
|
|
紅蔥頭 Cafe MED |
標題 : 出乎我意料之外喎 |
地址 : 太子彌敦道750號始創中心3樓315-317號舖
|
地區 : 太子 |
|
現時分數:
|
日期 : 2011-10-27 12:20:05
約左朋友去太子, 係一個好耐無見嘅死黨. 我地喺晏畫三四點聚一聚, 喺紅蔥,頭tea 一tea.
佢叫左個芝士煙三文魚三文治, 我就叫左迷你西多士.
侍應一放低啲食物, (嘩, 簡直係出乎我意料之外), 紅蔥頭原來有咁高質素.
西多士炸得金黃香口, 三文治嘅餡料都好足. 我哋share食, 我覺得兩款都好食.
|
|
|
九龍燒味扒皇餐廳 (已搬遷)
|
標題 : 麻麻地好食! |
地址 : 旺角花園街4-5號舖 |
地區 : 旺角 |
|
現時分數:
|
日期 : 2011-10-24 17:02:54
好隨意咁入左去呢間茶餐廳食晚飯, 常餐去到7點停, 又唔想食燒味, 又唔想食飯類, 最後叫左雙併麵餐. 我揀左五香肉丁併炸雞翼(2隻)出前一丁麵, 跟煎熟蛋, 跟多士(加$1), 飲凍奶茶.
侍應放低碗麵, 原來佢地嘅出前一丁麵係會將包味粉同埋麻油原包跟蹀上, 比你地自己落, 原因唔知係想證實佢係真材實料, 定係比D顧客自己控制落幾多味粉?!?! 五香肉丁D肉丁好大粒, 但係又實又唔香口, 丁麵泡得過火, 發賬, 唔夠彈牙. 雞翼表面ok, 但係咬落去D肉仲係紅色, 未熟得晒, 多士唔脆, 牛油可以話係近乎無查咁滯, 凍奶茶太甜, 又無茶味. 原本個餐$35, 凍飲加$2, 多士加$1, 加埋$39. 一啲都好食.
|
|
|
蘭芳園
|
標題 : 招牌撈丁好食 |
地址 : 上環干諾道中168-200號信德中心3樓304D號舖 |
地區 : 上環 |
|
現時分數:
|
日期 : 2011-10-12 18:04:01
今日好難得有位. 叫左佢地個招牌芝士雞扒撈公仔, 因為我見九成嘅顧客都係食撈出前一丁麵, 跟住叫, 實無死啦.
果然無令我失望. 芝士香濃, 丁麵軟硬適中, 口感唔錯. 雞扒煎得香嫩. 個餐跟杯飲品, 叫左杯熱奶茶. 好夠茶香, 整體黎講, 好食.
|
|
|
香港飯堂
|
標題 : 希望越大失望越大 |
地址 : 北角城市花園1-3座城市中心地下24-29號舖 |
地區 : 北角 |
|
現時分數:
|
日期 : 2011-10-03 14:23:18
食過返尋味!上次食飯堂A餐,今次食飯堂B餐:
韓式泡菜麵
跟炒蛋、煎蛋或奄列及迷你甜餐包
跟飲品
$42
可能仲未放lunch,兩個人竟然可以坐6人卡位,真爽。不過,正因為咁,有一個應該係經理級嘅女侍應係度也文也武,落完單之後,問我地:幾多位,我地話兩位,佢即係收起一份餐具,然後好cool咁話:陣間繁忙時間要share檯坐。跟住即刻問佢啲同事係邊個帶位,點解比兩個人坐六人卡座。我地心諗,唔駛咁掛,依家都未full,到full左你先至黑面都未遲啦,做人唔識轉彎,又唔懂禮貌。
講番個餐,飯堂B無飯堂A咁出色。最主要問題在於個麵。講到咁勁,咩韓式泡菜麵,原來係用市面都買到嘅即食辛辣麵,加左兩塊午餐肉,再加兩三片泡菜,就話自己係韓式麵。有D求奇喎。而且麵煮得諗左D,開始小小發賬,麵質唔夠彈牙。
可能希望越大,失望越大掛,一心想黎食呢個餐,結果係咁樣!!!!!!
|
|
|
蘭芳園
|
標題 : 我鍾意食呢度嘅奶油豬 |
地址 : 尖沙咀彌敦道36-44號重慶大廈活方地庫26號舖 |
地區 : 尖沙咀 |
|
現時分數:
|
日期 : 2011-09-26 14:37:31
打開餐牌,見到佢地推介自己大約有十款招牌人氣食品同飲品,譬如話豬扒包、奶油豬、撈丁、喇沙湯底嘅米粉麵,最後我揀左常餐 ── 奶油豬 跟 石班喇沙米粉 跟 熱奶茶.
奶油豬好大個, 一打開, D奶爆多咁滴, 牛油厚身, 比足料. 真係好味.
石斑喇沙米粉的石斑好大塊, 雖然應該係雪藏魚柳, 但係入口有魚味, 質感都軟滑, 不過如果分開上, 會更加好, 真係好怕食D煎過後放湯入面嘅野食. 至於個喇沙湯底, 我就嫌佢啖味左少少.
|
|
|
雷門鐵板燒
|
標題 : 刺身天婦羅都好食 |
地址 : 旺角彌敦道594-596號旺角新城3樓 |
地區 : 旺角 |
|
現時分數:
|
日期 : 2011-09-22 15:45:13
想試雷門嘅放題好耐架喇! 終於有機會試到. 間店都幾難搵, 因為大廈入口處凹左入去, 要上條樓梯先見到部lift. 不過, 如果你知道信和喺邊, 就容易d搵到, 因為就喺信和隔離咋.
店內環境就一般, 檯同檯之間好近, 坐喺度時可以話係背脊貼背脊, 樓底好矮, 不停播住好激奮嘅歌, 所以有D嘈. 好彩, D食物無令我失望.
佢地有好多種類, 刺身、壽司不在話下, 炸物、鍋物、日式小食、前菜等等, 都好全面, 好齊, 飲品任飲, 最想讚嘅係天婦羅同刺身. 天婦羅炸得唔油, 外脆內香, 水準唔錯. 刺身亦都係一讚, 每一次D刺身都係用冰船上檯, 刺身好鮮甜, 每人大約$165(加埋一). 都算幾抵食.
|
|
|
味千拉麵 Ajisen Ramen |
標題 : 不冷不熱嘅拉麵 |
地址 : 上環干諾道中168-200號信德中心2樓231B舖 |
地區 : 上環 |
|
現時分數:
|
日期 : 2011-09-01 14:43:35
近日味千拉麵嘅午市餐又有番D人性。本來午市係一個拉麵跟一個小食,後尾cut小食,再後尾加價,再跟住細碗左。
今日去食,唔知係良心發現,定係廚師加左人工,碗麵大碗左,麵嘅份量多左,海帶同芽菜嘅份量都好ok,仲要有得送飲品添(舊時要加$5先有飲品),依家免費送,亦可以加$3轉港式茶餐廳嘅飲品,即係奶茶咖啡、檸茶檸水之類,味千似乎開始變得平民化同埋地道左。
呢碗豬軟骨拉麵賣相OK,但係入口…..點知order完等左成十分鐘,碗拉麵黎到係唔熱嘅,而因為唔熱,令到食物嘅味道出唔到黎,但係趕時間,費事叫佢換過一碗熱嘅,求其填飽個肚算喇。
呢一餐,真係有D唔值。
|
|
|
美心香港地
|
標題 : 貴價快餐貨色 |
地址 : 大角咀奧海城三期UG65號舖 |
地區 : 大角咀 |
|
現時分數:
|
日期 : 2011-08-29 11:44:59
早幾日先知, 原來美心集團有間茶餐廳, 叫做美心香港地, 食嘅野好大可能喺美心快餐度食到, 但係價錢就貴成一倍.
譬如話, 我叫左一個叉雞飯, 碟頭飯, 要成$37碟, 如果跟套餐, 就要成$50, 燒味都係美心快餐貨色, 但係價錢貴好多囉.
又或者乾炒牛河咁講, 炒出黎嘅水準同質素都係同美心快餐差無幾, 但係要$40一碟, 無跟飲品, 份量亦唔大, 真係食水好深. 最離譜嘅係, 果晚我叫嘅乾炒牛河炒得超差, 一放上檯已經聞到超勁鑊燶味, 放入口就更加係好似食梗炭咁, 個menu仲寫住乾炒牛河係推介菜色. 有無搞錯!
|
|
|
新聯威餐廳
|
標題 : 雞蛋同腸仔好假 |
地址 : 銅鑼灣渣甸街54-58號1樓 |
地區 : 銅鑼灣 |
|
現時分數:
|
日期 : 2011-02-28 10:15:40
好隨意咁入左呢間茶餐廳食早餐, 揀左個好齊全嘅早餐:
牛油多士 + 火腿 + 腸仔 + 煎雙蛋(轉炒蛋) + 凍奶茶
牛油多士唔錯, 牛油份量絕不敷衍, 多士雖然薄片, 但夠脆口.
火腿味道正常, 無讚無彈.
炒蛋就好唔得, 完全無蛋味, 令我一路食一路懷疑, 究竟係咪真係雞蛋?!
腸仔嘅賣相好得, 點知一入口, 又係無味, 好似食梗軟膠, 點解係咁?!
早餐$22, 凍飲加$2, 呢$24花得好唔值. |
|
|
合一咖啡餐廳 United Cafe Bistro |
標題 : 中規中矩 |
地址 : 佐敦廟街268號 |
地區 : 佐敦 |
|
現時分數:
|
日期 : 2010-12-06 14:09:55
同一個加拿大返黎嘅朋友聚舊, 帶佢去行廟街, 之後去呢間餐廳食晚飯. 我叫左呢個晚餐:
香芋牛肉餅, 配 南瓜湯、軟殼蟹沙律(黑醋汁).
先端上嘅係軟殼蟹沙律, 軟殼蟹D殼軟到淋姐姐, 又炸到油淋淋, 蟹肉又好少, 又無蟹味, 差.
再上南瓜湯, 湯煮得稀稠適中, 南瓜味香濃, 美中不足嘅係, 湯不冷不熱, 點解? 連叮熱佢都費事?!
牛肉餡餅好食, 將個set dinner加番分. 紫巴的芋蓉好香, 牛肉餡亦都咸香.
餐飲揀左熱朱古力, 賣相好得, 味道都唔錯.
成個餐$128, 加一收費.
|
|
|
自家烏冬 Jika Udon |
標題 : 免治牛肉烏冬騎呢左一點點 |
地址 : 尖沙咀赫德道6號好德商業大廈地舖 |
地區 : 尖沙咀 |
|
現時分數:
|
日期 : 2010-10-11 13:58:18
好多時都同同事去自家烏冬食lunch, 近排set lunch新推左個 ‘免治牛肉撈烏冬’, 我通常食泡菜牛肉撈烏冬, 果次想轉下口味, 就一試呢個 ‘免治牛肉撈烏冬’.
唔…. 相比之下, 泡菜撈烏冬得好多. 呢個免治牛肉撈烏冬有少少似港式餐廳食開嘅免治牛肉飯/意粉, 之不過換上左烏冬, 然後加上香菇. 味道無乜驚喜, 好彩烏冬嘅彈牙度依然保持水準, 又爽又冰凍. |
|
|
潤發燒臘茶餐廳 (已結業)
|
標題 : 發現左一間有水準嘅茶餐廳 |
地址 : 旺角旺角道50-56號 |
地區 : 旺角 |
|
現時分數:
|
日期 : 2010-09-27 17:24:13
偶然發然旺角道有間茶餐廳叫 ‘潤發’, 唔知係咪某大著名藝人開嘅呢?! 入面好full下, 茶餐廳嘅格局, 但係有好多公公婆婆喺度食晚飯, 原來…… 呢度出晒名係蒸魚. 全店有8成客人都係叫左一碟蒸魚, 佢地有5、6款魚選擇, 即叫即秤即蒸, 平均六、七七蚊一斤, 蒸出黎嘅賣相十足酒樓設宴嘅石斑咁大條同埋咁大碟. 我地有一刻心郁郁想食蒸魚, 之但係後生遙遙, 叫碟蒸魚食, 硬係過唔到自己心理關口. 最後, 我地叫左常餐.
常餐嘅組合係:
牛油多士
咸牛肉奄列 / 火腿奄列
叉燒湯意粉 / 日式辛辣麵
咖啡或茶
牛油多士係厚身多士, 牛油份量足, 烘得外脆內軟, 好食.
咸牛肉奄列, 好唔得, 無蛋味, 咸牛肉出水, 又無牛肉香. 失色左小小.
日式辛辣麵, 非常之得, 辛辣麵配上一塊日式叉燒(唔肯定係咪)、一塊大冬菇、一小督紫菜、半隻烚蛋. 一放低, 個賣相已經好吸引, 急不及待動叉食, 嘩, 麵質好彈牙, 紫菜有口感, 烚蛋唔會太硬太老, 湯底夠辛辣, 最重要係, 食到成口辣味, 最後先食塊冬菇, 又鮮甜又香, 中和番辣感, 舒服晒. |
|
|
BLT Burger |
標題 : Burger首選 |
地址 : 尖沙咀廣東道17號海港城海運大廈3樓OT301-301A號舖 |
地區 : 尖沙咀 |
|
現時分數:
|
日期 : 2010-09-07 09:54:15
慕名去食BLT, 地方好舒適, 侍應態度好好.
我叫左個Black Angus Burger, 五成熟, 加$8要blue cheese, 加$10要左個skinny薯條. 食物一放上檯, 賣相已經好吸引, 一入口, 即刻要開口邊食邊讚, 牛肉好juicy, 好鬆身, 又好香牛味, 包皮外脆內軟, blue cheese好香口, 薯條份量好足, 條條都炸得外脆內軟, 又夠薯香, 有部分薯條放入口時仲脆到好似食餅乾條咁, 真係堅好食.
加一收費, 埋單100零幾蚊, 當然係比麥記或者漢堡王貴成兩倍, 但係質素就好一萬倍, 以佢地嘅質素, 收咁嘅價值, 絕對係物超所值.
|
|
|
香港大牌檔
|
標題 : 好有懷舊feel |
地址 : 銅鑼灣謝斐道456號拔萃商業大廈地下及1樓 |
地區 : 銅鑼灣 |
|
現時分數:
|
日期 : 2010-08-23 10:20:09
有朋友食過呢間茶餐廳, 大讚佢地嘅常餐好食, 又讚佢地嘅裝修設計好懷舊, 喺入面食野, 好有feel. 尋日咁啱去謝斐道有野做, 又見佢無人排隊, 就入左去食.
入到去, 暗暗地, 第一個感覺係似西餐廳. 侍應好有禮貌咁招呼你上去樓上. 靠窗有一排卡位, 我地坐喺死角位嘅卡位, 好正, 望到窗外面嘅懷舊廣告牌, 都幾過癮.
翻開餐牌, 選擇食全日供應嘅常餐. 成個餐32蚊, 一件牛油方包(轉多士不用加錢), 一份煎蛋(可轉炒蛋), 一個出前一丁麻油麵配一樣餸(雙拼加$5). 我食多士、炒蛋、腸仔麵, 飲凍咖啡(凍飲加$3), 總共加埋要$35.
丁麵煮得幼身爽口, 但係唔知點解d麵有兩隻色, 有十幾條係橙色, 應該係D味粉撈唔勻.
條腸好長身, 切成兩條, 腸皮好脆, 好好味.
炒蛋就一般, 唔夠juicy, 又無乜蛋味.
多士唔夠脆, 牛油又太少.
咖啡係即磨, 好香咖啡味, 正!
|
|
|
美而廉餐廳 (已結業)
|
標題 : 名副其實又美又廉 |
地址 : 旺角洗衣街86號地下 |
地區 : 旺角 |
|
現時分數:
|
日期 : 2010-08-10 10:04:51
本來想去龍蝦餐廳食lunch,點知去到未開門,就求其中左入去美而廉餐廳。裏面嘅格局好懷舊,全部係卡位,木椅係深啡色,好古舊feel,兩個侍應都係上左年紀(應該係50幾歲),不過好nice,唔似X香果D老侍應咁串。
呢間餐廳嘅set唔貴,仲有是應午餐供應,價錢再實惠一點,由$28至$32,有一份牛油多士、一個主餐、一碗湯(羅宋湯或海鮮湯)、跟一杯飲品。我叫左一個煎豬扒湯公仔麵餐,飲海鮮湯。
牛油多士好正,雖然唔係厚身,但係勝在牛油夠多,塗滿晒成件麵包,而且牛油好香,多士亦好脆。但係海鮮湯唔得,好稀,又好淡味,早知飲羅宋湯。豬扒公仔麵真係要讚,個麵全程唔發脹,而且好彈牙,好得。豬扒半肥瘦,好香口,ichiban。凍奶茶又係好得,好香滑,不過我個朋友就嫌佢太多奶,唔夠茶味。凍飲唔加錢,環境乾淨舒適,食物水準好得,價錢好經濟,一定會返尋味。 |
|
|
海景粥店 Sea View Congee Shop |
標題 : 喜出望外的一餐 |
地址 : 旺角太子弼街72號地下 |
地區 : 旺角 |
|
現時分數:
|
日期 : 2010-07-21 13:54:31
本來想入去食粥,入到去,見到餐牌有特餐,好吸引,於是轉軚食特餐。叫左個司華力腸拼鴨胸出前一丁麵,飲百香果汁。
司華力腸比足一條(過往食過幾間茶餐廳都只係比半條),而且煎得好脆皮,鴨胸肉都唔錯,一丁麵煮得恰到好處,對呢碗麵有小小喜出望外。我食梗嘅時候,旁邊嘅客人都望住,然後跟我叫特餐,而唔係食粥。
不過,百香果汁就超甜,需要改善。 |
|
|
靠得住靚粥魚湯專賣店
|
標題 : 失望... 下次唔會幫襯 |
地址 : 灣仔克街7號地下 |
地區 : 灣仔 |
|
現時分數:
|
日期 : 2010-07-08 10:44:12
前晚突登去試下靠得住嘅粥, 因為聽講佢嘅粥同埋鮮魚皮都好正, 好想試下.
我叫左一碗艇仔粥, 簡直叫人失望, 裡面搵唔到傳統艇仔粥應該有嘅豬皮、魷魚, 只有鴨皮絲, 少少瘦肉、花生……等等, NO, 唔好食.
又試左一碟白灼鮮魚皮, 都算爽, 但係少左D, $36.
小小貴, 下次唔會幫襯.
|
|
|
鴻星海鮮酒家 Super Star Seafood Restaurant |
標題 : 有汁嘅蟹蚶?!?! 恐呀!!! |
地址 : 觀塘開源道64號源成中心1樓 |
地區 : 觀塘 |
|
現時分數:
|
日期 : 2010-06-21 15:59:19
去飲早茶, 食左約莫10幾碟點心, 都係一般野, 不過不失, 但係個炸蟹蚶就有d怪, 雖然好彈牙, 但係面層炸得唔夠脆, 而且炸皮同肉分開, 唔係黏住, 而有D汁喺皮肉之間, 真係好唔明解會咁樣.
呢間鴻星嘅食物真係一般, 勝就勝在廁所乾淨, 冷氣強勁.
|
|
|
Prompt |
標題 : 半價高級自助餐 |
地址 : 薄扶林數碼港路100號數碼港艾美酒店4樓 |
地區 : 數碼港 |
|
現時分數:
|
日期 : 2010-06-21 10:27:15
平生未食要成600大元嘅buffet, 今次有朋友係艾美會員, 可以有半價優惠, 咁就梗係唔會錯過呢個良機啦.
呢度地方唔算大, 但係麻雀雖小, 五臟俱全, 食物款式多之餘, 水準亦奇高. 我覺得呢度嘅食物主打海鮮, 有好多款海鮮, 譬如話有龍蝦、炸軟殼蟹、燒蝦、蟹腳、蟹身等等, 味道中上.
壽司刺身都好唔錯, 特別推介蟹子壽司同埋三文魚刺身.
甜品都唔錯, 有好 多款式都好特別, 栗子西米布甸、天使蛋糕、木糠布丁、芒果布丁等等, 都好好食. 而且呢度所有嘅食物refill得好快, 所以好新鮮熱辣.
|
|
|
太極樓京滬飯店 Shanghai Restaurant |
標題 : 貪新鮮.... 有D後悔 |
地址 : 柴灣道238號青年廣場4樓A舖 |
地區 : 柴灣 |
|
現時分數:
|
日期 : 2010-06-11 15:41:06
呢個青年廣場開左都半年有多, 一直以為呢度嘅野食係貴價野, 點知收到傳單, 先知道原來呢度嘅午餐只係30蚊, 跟一杯豆漿.
想試下新口味, 就黎左食lunch. 一入到去, 見到廚房部不緊白飯, 原來呢度D菜飯係撈出黎架, 即係話, D菜唔係放落D飯都煮一煮, 而係各自熟左之後, 喺隻碟上面撈, 所以d菜飯無菜汁香, 又乾爭爭, D菜又係好dry, 見到個賣相好唔得, 就臨時轉軚, 叫左一碗酸辣湯麵.
個賣相好得, 但係入口之後, 覺得唔夠正宗, 而且好明顯落左紅椒油去煮, 得個油字, 唔夠酸, 又唔夠辣, 而且個湯好‘潔’, 成pat漿糊咁, 好似食緊街邊碗仔翅咁樣. 不過, 個麵好食, 夠彈牙, 木耳都好爽身.
25蚊一碗麵, 每人要3蚊茶介, 另要加一服務費, 加加埋埋都要31蚊. 諗諗下, 又好似唔係幾抵食囉. |
|
|
太極樓京滬飯店 Shanghai Restaurant |
標題 : 貪新鮮.... 有D後悔 |
地址 : 柴灣道238號青年廣場4樓A舖 |
地區 : 柴灣 |
|
現時分數:
|
日期 : 2010-06-11 15:36:20
呢個青年廣場開左都半年有多, 一直以為呢度嘅野食係貴價野, 點知收到傳單, 先知道原來呢度嘅午餐只係30蚊, 跟一杯豆漿.
想試下新口味, 就黎左食lunch. 一入到去, 見到廚房部不緊白飯, 原來呢度D菜飯係撈出黎架, 即係話, D菜唔係放落D飯都煮一煮, 而係各自熟左之後, 喺隻碟上面撈, 所以d菜飯無菜汁香, 又乾爭爭, D菜又係好dry, 見到個賣相好唔得, 就臨時轉軚, 叫左一碗酸辣湯麵.
個賣相好得, 但係入口之後, 覺得唔夠正宗, 而且好明顯落左紅椒油去煮, 得個油字, 唔夠酸, 又唔夠辣, 而且個湯好‘潔’, 成pat漿糊咁, 好似食緊街邊碗仔翅咁樣. 不過, 個麵好食, 夠彈牙, 木耳都好爽身.
25蚊一碗麵, 每人要3蚊茶介, 另要加一服務費, 加加埋埋都要31蚊. 諗諗下, 又好似唔係幾抵食囉. |
|
|
巴蜀烤全魚
|
標題 : 好鮮甜魚湯 |
地址 : 紅磡必嘉街89號 |
地區 : 紅磡 |
|
現時分數:
|
日期 : 2010-06-09 17:50:08
呢間店成日都有好多人喺門口等位, 咁即係應該係好好食啦, 所以我好想試下, 有一次等左成20分鐘, 就入到去食啦.
佢地嘅招牌菜應該係魚, 名都有得你叫: 巴蜀烤全魚. 但係我本身唔係咁好魚, 所以最後叫左一碗芫茜皮蛋魚片魚湯米線. 嘩, 個湯底好得呀, 係好鮮甜嘅魚湯黎架!! 米線好滑溜, 魚片唔腥, 皮蛋又好香, 成碗野都係完美!!!
我見到隔離個食客食梗豬頸肉魚湯泡飯, 賣相好得, 見佢食到she she聲, 估到應該一定又係勁好食.
|
|
|
凱施餅店
|
標題 : 炸火腿包, 正呀! |
地址 : 尖沙咀金馬倫道8號地下 |
地區 : 尖沙咀 |
|
現時分數:
|
日期 : 2010-06-08 16:32:16
呢間凱施好大間, 比起佢自己其他分店有更加多款式, 數量又多d.
係芸芸凱施嘅麵包款式之中, 我最鍾意 “炸火腿包”, 外形係三角形, 外皮炸得金黃, 入面火退係一大塊, 而唔係火腿絲, 份外有口感, 又夠飽.
另一個想推介嘅包, 係豬肉崧包, 內崧好香, 不過夾嘅時候要份外小心, 好易跌咁D肉崧呢. |
|
|
金城餐廳 Kam Shing Restaurant |
標題 : 招牌焗豬扒飯 |
地址 : 筲箕灣筲箕灣東大街123號地舖 |
地區 : 筲箕灣 |
|
現時分數:
|
日期 : 2010-06-08 15:41:56
自蘇阿蘇介紹過金城之後, 搞到黎食餐便飯都要等位.
我照例食招牌焗豬扒飯, 個飯好大碟, 汁好濃, 豬扒彈口, 希望質素可以保持下去.
|
|
|
Berrygood |
標題 : 好鮮的yogurt |
地址 : 中環嘉咸街41-43號地下 |
地區 : 中環 |
|
現時分數:
|
日期 : 2010-06-08 11:07:18
呢間shop主打frozen yogurt, yogurt係我嘅至愛之一, 要了一杯, topping選擇了apple sauce、oreo同blueberry, 份量唔算好多, 但係材料好鮮. $40一個yogurt, 都算係市價, 一試無妨. |
|
|
NiKu 爐端燒 NiKu Japanese Robata Grill |
標題 : birthday dinner |
地址 : 中環善慶街2號地下 |
地區 : 中環 |
|
現時分數:
|
日期 : 2010-06-02 16:42:36
前幾晚訂左7點鐘, 同朋友慶祝生日. 我點左一個set, 有12道菜.
前菜係蟹籽沙律, 好好味.
小食有炸帶子, 又大件又鮮甜.
半隻芝士龍蝦, 芝士好香, 龍蝦肉好有口感.
凍豆腐, 好醒胃, 係我至愛.
凍烏冬, 味道都唔錯, 不過我鍾意食熱嘅多D.
呢度食物唔錯, 環境又好舒服, 侍應服務態度又好, 平均每人食左近300蚊, 都值得. |
|
|
品香樓中西風味餐廳
|
標題 : 不枉此行 |
地址 : 石硤尾南山村南豐樓平台商場204號 |
地區 : 石硤尾 |
|
現時分數:
|
日期 : 2010-05-27 18:14:18
亞媽話XX師奶食過石硤尾嘅品香樓, 大力推介, 叫我地同佢一齊出去食. 於是乎, 我地一家人山長水又遠咁大埔坐車出黎品香樓, 係特登坐車出黎食晚飯, 好彩, 都無令我地失望而回.
四口子叫左4餸1湯:
南乳炸豬手 ~~ 外脆內軟, 老豆送啤酒, 食到lam lam脷.
刴椒魚頭 ~~ 顏色好鮮艷, 火紅色嘅辣椒好吸引, 但係唔係辣, 係甜椒黎嘅. 魚頭好食, ‘損’清光.
麻辣干鍋大腸煲 ~~ 呢個煲好正呀! 香料勁香, 大腸外脆內軟, 正.
生炒糯米飯 ~~ 黏得黎企身, 好有口感.
|
|
|
牡丹咖啡 PEONY CAFE |
標題 : 唔多人知嘅有水準咖啡店 |
地址 : 西灣河筲箕灣道117至119號地下G舖 |
地區 : 西灣河 |
|
現時分數:
|
日期 : 2010-05-19 18:19:26
同事勁推介牡丹咖啡, 佢話又平又靚又正, 有一次, 放左工後帶我去嘆咖啡.
我本身都係咖啡fans, 叫左杯榛子咖啡, 加一件蜜糖薑蛋糕. 唔….. 原來唔單止咖啡濃滑, 就連蛋糕都好鬆軟, 唔油唔滯, 薑味恰到好處.
感覺唔錯, 放工閒時都會再來. |
|
|
香港仔魚蛋粉
|
標題 : 呢間比其他分店有水準 |
地址 : 旺角弼街69號 |
地區 : 旺角 |
|
現時分數:
|
日期 : 2010-05-14 17:41:02
同男友逛完旺角, 求其中左入去香港仔魚蛋粉食晚餐. 我食魚片頭+墨魚條河粉 (所謂墨魚條, 原來係一塊形似切片紅腸嘅墨魚片.) 男友食蠔仔潮洲粥.
好食喎. 魚片頭好彈牙, 墨魚條都係好彈牙, 河粉爽滑. 我又痴左幾啖蠔仔粥(湯飯物體), 個飯湯好鮮甜, 搭檯個阿sim睇到眼金金, 最後佢忍唔住叫左一碗食.
|
|
|
北海道活壽司 Hokkaido Katsu Sushi |
標題 : 中規中矩 |
地址 : 旺角彌敦道601號創興廣場7號地舖 |
地區 : 旺角 |
|
現時分數:
|
日期 : 2010-05-12 17:45:12
原先想食板長壽司,記錯左彌敦道有一間,去到原來係活壽司,喺門口見佢唔駛等位,價錢又合理,就入左去。
兩個人食左唔多又唔算少野,刺身、壽司必叫之餘,叫左小食同蒸蛋。有重點要讚,都有重點要彈:
三文魚刺身:一客有四件,好肥美,$35,幾抵食。
蒸蛋:蛋又香又滑,美中不足係只有一粒冬菇同一隻蝦,太少料唷!
芝麻長鰻魚卷:幾特別,外層好似煎堆皮,煙煙靭靭,幾香口。不過得一粒仔鰻魚,絕對食唔出係「長」鰻魚囉。
長腳蟹棒肉壽司:好失望。一來隻蟹腳一D都唔長,二來係完全無蟹味,硬柴柴,乾爭爭,千其咪叫呢款壽司。
另外食左枝豆、海草沙律、北寄貝壽司,不過不失。
尾升叫左個炸雞軟骨,超勁失望,面層炸粉鬆脫出黎,而且炸得好鹹,唔好試。 |
|
|
知粥嘗樂 Congee Wonderland |
標題 : 環境靚但係經濟嘅粥店 |
地址 : 炮台山英皇道175號 |
地區 : 炮台山 |
|
現時分數:
|
日期 : 2010-05-12 17:27:15
近日喺炮台山報讀一個課程, 每個星期都有一晚喺果一帶搵野食. 一出地鐵站, 見到對面有間知粥嘗樂, 見佢嘅格區grand grand地, 心諗應該係貴價野, 但係有小小想食粥, 姑且過去望一望. 點知唔算貴喎, 同海X粥店差唔多, 但係環境同座位都舒適好多, 於是入左去.
我叫左一碗牛肉粥, 一碟炸両. 牛肉粥原煲上, 好有風味. 粥好綿, 好厚身, 唔會話稀框框. 牛肉入味, 唔會硬柴, 真係唔錯. 炸両都要一讚, 腸粉皮夠薄, 油條鬆脆. 會再黎食.
|
|
|
金寶越南牛肉粉店 Cambo Pho |
標題 : 過一個越泰母親節 |
地址 : 九龍城衙前塱道27號地下 |
地區 : 九龍城 |
|
現時分數:
|
日期 : 2010-05-11 09:59:41
呢幾年母親節, 我地一家人都係去九龍城食晚飯. 今年老豆帶我地去金寶越南慶祝.
原來呢度唔係淨係食越南菜, 仲有泰國菜食, 而且可以話係一半一半. 呢餐全由老豆發板, 食左:
酸辣鳳爪: 勁辣, 腳趾好爽.
蝦丸: 裡頭有蝦頭油同鹹蛋黃, D油爭D醬爆飛到亞媽!
燒豬頸肉: 賣相同味道都唔錯, 燒得香脆., 肉質香嫩.
蝦羔炒飯: 用好多鬆、青瓜、泰式臘腸等等圍繞住堆飯, 好可惜成個飯欠缺蝦羔嘅香味.
泰式炒雜菜: 什菜都幾什下, 有草菇、椰菜、蘿蔔、木耳、芽菜、芥蘭……, 好齊全, 好似食開年飯咁. 呵呵.
|
|
|
Nice Sushi + Thai Buffet |
標題 : 抵食泰日自助餐 |
地址 : 銅鑼灣京士頓街9號名店坊地下6號舖 |
地區 : 銅鑼灣 |
|
現時分數:
|
日期 : 2010-05-10 09:55:40
慶祝母親節, 同mama去食buffet, 主力係泰式食物, 夾集小小壽司刺身., 地方唔大, 款式都唔算好多, 成晚都唔轉款, 之但係食物質素都有90分, 尤其是以佢百零蚊自助餐價錢, 真係超值之選.
刺身好鮮甜, 不過每款限取兩件. 好多泰式甜品、沙律、小食都好好, 又有三款主食咖啡, 有個飯煲喺側邊任添飯, 又有個阿姐企響度幫你煮泰式湯粉麵, 最要一提嘅係, 個冬蔭公湯真係好正, 酸酸辣辣麻麻, 好good.
每人送一杯餐飲, 我加左15升級飲原個椰青, 為成餐buffet畫上一個完滿嘅句號.
|
|
|
聰嫂私房甜品
|
標題 : 聰嫂黎左銅鑼灣喎 |
地址 : 銅鑼灣霎東街33號快捷假日酒店地下G1號舖 |
地區 : 銅鑼灣 |
|
現時分數:
|
日期 : 2010-04-30 18:27:22
聽講將軍澳有間出名嘅甜品糖水店入侵左黎銅鑼灣, 我同cici去左試試.
我地叫左榴槤水晶珠、芒果豆腐花、芋頭椰汁西米露, share食. 好香好滑, 三樣都好好食. 喺港島區開左, 以後行銅鑼灣都可以去聰嫂食甜品咯.
|
|
|
維記咖啡粉麵
|
標題 : 不能忘記的咖央西多 |
地址 : 深水埗福榮街62號 |
地區 : 深水埗 |
|
現時分數:
|
日期 : 2010-04-12 16:14:13
第一次黎食, 因為好多人都讚佢好食, 所以特登黎食.
切片餐肉煎得外皮焦香帶脆, 裡頭軟熟, 好香口, 好好食. 通粉無坑紋, 但都有口感, 因為唔會煮到腍身.....
另外叫左一份咖央西多, 好有蛋香, 麵包外皮金黃色, 令我胃口大增, 入口軟綿,咖央醬好yummy…
|
|
|
正宗山西刀削麵店
|
標題 : 第一次食刀削麵 |
地址 : 荃灣荃興徑15號 |
地區 : 荃灣 |
|
現時分數:
|
日期 : 2010-03-29 10:08:13
好少去荃灣, 前日去左荃灣探朋友, 夜晚準備回程時, 見到有間刀削麵, 剛剛好有兩個位, 就同個朋友入左去食.
呢度主打刀削麵, 我地就梗係叫刀削麵食啦. 我食菜肉雲吞刀削麵, 朋友食五香牛肉刀削麵, 跟餐飲, $30, 我飲凍檸樂, 要加$3.
朋友話, 五香牛肉好似牛展, 個湯底油左D. 但係我覺得碗麵好好食, 菜肉雲吞好食, 肉菜比例均勻, 湯底好香麻油味, 刀削麵就更加係爽口彈牙, 我好like wor. 有機會去荃灣, 一定會再食ne. |
|
|
太興燒味連鎖店
|
標題 : 新開嘅太興餐廳 |
地址 : 柴灣興華邨興華商場1樓115號舖 |
地區 : 柴灣 |
|
現時分數:
|
日期 : 2010-03-15 16:59:10
去興華商場食lunch, 見到太興, 應該新開, 上次黎都未見過. 門口放左個大餐牌, 被佢個通粉餐吸左入去….
個餐係雪菜肉絲通粉(米粉可轉通粉, 不用加錢), 跟火腿奄列, 厚切牛油多士, 飲熱奶茶.
個火腿奄列有好濃烈嘅花生油味, 有小小難入口… 牛油多士就好正, 配原粒牛油自己查, 啱晒我呢個牛油狂魔! 碗通粉好大碗, 食極都食唔完, 最後食淨兩成… 超飽!!!
成個餐$36, 貴唔貴? A little bit la. |
|
|
美心快餐 Maxim's Fast Food |
標題 : 油淋淋喇沙米粉 |
地址 : 香港柴灣柴灣道233號新翠商場1樓112A號舖 |
地區 : 柴灣 |
|
現時分數:
|
日期 : 2010-03-15 14:45:34
買外賣返公司食, 本來一心想食燒味, 點知去到見到一款新口味 ---- 牛肉喇沙米粉, 配炸雞中翼, 於是變心, 買左呢味.
顏色好夠 (油都好夠多), 但係無喇沙味, 牛肉稍嫌硬左小小, 雞翼本身炸得唔錯, 可惜放入落湯面, 淋晒, 濕晒, 好失望!! 唯一可讚, 係米粉夠爽身. 就係咁樣, 比出左$28食一碗粉…… 真係物價高漲….
|
|
|
福豆餐廳 Good Bean Restaurant |
標題 : 貪新鮮中左入去 |
地址 : 柴灣環翠邨環翠商場地下6號舖 |
地區 : 柴灣 |
|
現時分數:
|
日期 : 2010-02-04 14:09:13
新開張。一班同事去左試新野。地方好乾淨,座位都好舒服,侍應態度好好。但係食物就唔夠大眾化,一個午餐要30幾蚊,有d餐甚至要40至50幾蚊,揀左個最平嘅餐──特餐。
其實都唔係貪平,而係本身對有多士多通粉嘅餐情有獨鍾。呢個特餐有一件牛油厚多士,跟一個香嫩炒蛋、香茅豬扒/炸雞翼,炸菜肉絲通粉(另有米粉、麵等選擇)。
厚多士做得唔錯,脆身,牛油夠多夠香。豬扒油左小小,不過幾有豬扒味,炒蛋就唔夠蛋香。通粉最差,煮得太稔,炸菜肉絲又太小,湯底無味。
總體黎講,應該盡可能都唔會再去食,最主要係一個理由──價錢唔夠大眾化。 |
|
|
別府駅前料理 Beppu Ekimae (已結業) |
標題 : 生食好味過熟食 |
地址 : 旺角彌敦道639號雅蘭中心6樓食閣A號舖 |
地區 : 旺角 |
|
現時分數:
|
日期 : 2009-12-24 15:20:03
同朋友去食日本料理, 一坐低先柯打幾碟壽司同卷物, 壽司有帶子、吞拿魚、玻璃蝦、三文魚腩, 卷物叫左鰻魚紫菜卷, 紫菜好脆, 鰻魚肥美, 推介.
另外食左熟食:
燒魷魚筒
燒得乾左少少, 唔夠juicy, 又無乜魷魚味.
牛油帶子
我係帶子粉絲, 稍嫌呢度D帶子太mini, 不過勝在牛油味輕身, 入口唔滯.
|
|
|
別府駅前料理 Beppu Ekimae (已結業) |
標題 : 生食好 |
地址 : 黃大仙龍翔道136號龍翔中心143-147號舖 |
地區 : 黃大仙 |
|
現時分數:
|
日期 : 2009-12-24 15:17:23
同朋友去食日本料理, 一坐低先柯打幾碟壽司同卷物, 壽司有帶子、吞拿魚、玻璃蝦、三文魚腩, 卷物叫左鰻魚紫菜卷, 紫菜好脆, 鰻魚肥美, 推介.
另外食左熟食:
燒魷魚筒
燒得乾左少少, 唔夠juicy, 又無乜魷魚味.
牛油帶子
我係帶子粉絲, 稍嫌呢度D帶子太mini, 不過勝在牛油味輕身, 入口唔滯. |
|
|
翠華餐廳 Tsui Wah Restaurant |
標題 : 食唔到常餐... 好失望!!! |
地址 : 銅鑼灣景隆街20-22號地下 |
地區 : 銅鑼灣 |
|
現時分數:
|
日期 : 2009-12-23 11:09:27
尋晚喺銅鑼灣搵野食, 經過景隆街, 見到平日爆晒棚嘅翠華竟然有好多位, 就同友人入左去食野.
我地一見到個常餐就好雀躍, 常餐有一件牛油豬仔包, 一份煎雙蛋, 一個香茅豬扒公仔麵, 跟咖啡或茶. 二話不說, 就叫侍應哥哥過黎, 點知原來常餐只供應至晚上6時, 好失望!
於是友人改食米線餐, 有豬頸肉、魚片頭同魚蛋, 湯底橙橙地色, 但係唔辣, 唔知係用乜野煲成! 我食鮮蝦波菜餃米線, 隻餃唔, 大大隻, 鮮蝦好爽脆, 波菜好大pet, 美中不足係米線太稔, 一D口感都無, 個湯底又無味, 要靠落辣醬黎吊味.
早知無常餐, 我地就唔食翠華, 食米線, 梗係去米線專店食啦. |
|
|
蘇記咖啡
|
標題 : 好食喎 |
地址 : 洪聖街16號地下 |
地區 : 鴨利洲 |
|
現時分數:
|
日期 : 2009-12-20 12:37:00
我有個friend住喺鴨脷洲, 有一日入去佢屋企搵佢, 佢帶左我哋落去佢屋企樓下嗰間茶餐廳食野, 佢話係全個鴨脷洲最好食嘅茶餐廳喎.
我見到間茶餐廳個名叫蘇記, 即刻諗起喺電視教人煮餸嘅 “阿蘇”. 唔通真係阿蘇開嘅茶檔? 入到去, 見到一個中年女人個樣真係有幾分似阿蘇, 外型、樣貌、同埋講野嘅語氣都好似, 不過就比阿蘇溫柔少少.
我哋有六個人, 都要等一陣間先至有檯, 我個friend話呢度成日都爆棚, 因為D野食真係好得, 價錢又唔貴. 坐低咗之後, 我個friend推介蛋白吞拿魚麥包三文治、奶油豬、同埋厚多士, 最後我叫咗個常餐 (多士、火腿奄列、雪菜肉絲通、同熱奶茶), 真係好好味喎, 份多士好夠牛油, 雪菜肉絲真材實料, 並唔係用罐頭, 熱奶茶好香好滑, $28, 好抵食呀! 我見到個車仔麵餐仲抵, 兩款餸連麵連一杯飲品, 都係$20咋, 全日都有供應. 呢度嘅飲品都幾特別, 而且好大杯, 我個friend話奶茶必飲, 咸檸七、凍袖子蜜都好正.
依我觀察, 呢度只有早餐、午餐、茶餐、常餐、同埋車仔麵餐, 但係無晚餐, 向個friend查問之下, 原來蘇記7點左右就收舖, 所以唔做晚餐, 亦都無做小菜. 不過, 貴精不貴多, 我最鍾意食有多士、通粉嘅常餐, 呢間茶餐廳就啱晒我口味, 只可惜我唔係經常有機會入嚟呢度食.
|
|
|
Wow! Burger |
標題 : 即叫即做Burger |
地址 : 灣仔交加里51號保和大廈地下12號舖 |
地區 : 灣仔 |
|
現時分數:
|
日期 : 2009-12-14 11:43:59
呢度大概有七款漢堡包,有套餐,跟一杯超巨汽水,無薯條,想食薯條,要另加七蚊(薯條本身十二蚊)。
我叫左一個牛肉漢堡餐,個包嘅size類似麥記包咁上下大,但係塊漢堡當然比麥記濃啲嫩啲,牛味重啲,肉汁多啲。配料有生菜、番茄、紫洋蔥,唔算好好食,但呢個價錢都算係咁。
呢度所有order都係即叫即整,要久等......唔怕等,唔講時間的話,都不妨一試。 |
|
|
泰蘭花 Thai Orchids |
標題 : 滿意的泰菜 |
地址 : 鰂魚涌太古坊糖廠街39號 |
地區 : 鰂魚涌 |
|
現時分數:
|
日期 : 2009-12-08 10:11:37
今晚屋企無人煮飯, 同家姐去左附近泰蘭花食dinner.
我地叫左一個冬陰功湯、一個咖喱南瓜盅、一個蒜子胡椒蝦、一個咖喱炒飯.
冬陰功湯鹹左小小.
咖喱南瓜盅﹐咖喱係紅咖喱, 椰奶味濃, 質感好滑﹐有小小辣, 好開胃.
蒜子胡椒蝦, 條蝦好新鮮﹐肉身鮮嫩爽口, 又夠辣﹐我都好辣, 食到出汗, 正, ! |
|
|
西貢越南湯河 Pho Saigon |
標題 : 都幾正宗 |
地址 : 銅鑼灣佐治街1號金百利商場7樓 |
地區 : 銅鑼灣 |
|
現時分數:
|
日期 : 2009-12-07 10:49:05
中午lunch,去左金百利食越南粉。叫左一個蝦米蟹羔湯檬,$42,賣相好靚,湯底係蕃茄湯,好清甜;蟹羔好大pad,好香蟹味;另外同同事share食一個越式鮮蝦薄餅,外脆內軟,點魚露食,味道唔錯。
|
|
|
西貢越南湯河 Pho Saigon |
標題 : 都幾正宗 |
地址 : 銅鑼灣佐治街1號金百利商場7樓 |
地區 : 銅鑼灣 |
|
現時分數:
|
日期 : 2009-12-07 10:24:24
中午lunch,去左金百利食越南粉。叫左一個蝦米蟹羔湯檬,$42,賣相好靚,湯底係蕃茄湯,好清甜;蟹羔好大pad,好香蟹味;另外同同事share食一個越式鮮蝦薄餅,外脆內軟,點魚露食,味道唔錯。 |
|
|
元氣壽司 Genki Sushi |
標題 : 原來回轉壽司都有好野食 |
地址 : 龍運街8號新都廣場2樓232-237號舖 |
地區 : 上水 |
|
現時分數:
|
日期 : 2009-12-05 15:21:49
我一向覺得D回轉壽司店無咩好食!
但上星期放假時不經意同朋友叫左外賣食。對這店改觀小小!
左口魚裙邊:你唔好以為白色一片肉會無咩味,佢地來貨都新鮮嫁,無魚腥味。一放入左口,D魚油不停咁滲透出來,魚油香味係個口到遊來遊去。好好食,正,我食左4件!
特大帆布立貝:呢種壽司要新鮮先好食,同要新鮮先有味。佢地做得幾好啦,重有小小海水喊味。
油甘魚刺身:新鮮,入口無魚腥味得D魚油香味。但刀法就一般啦,大細不一。
其他壽司都一般。 |
|
|
面對 (已結業)
|
標題 : 秘製辣汁車仔麵 |
地址 : 鴨利洲鴨利洲大街163號E地舖 |
地區 : 鴨利洲 |
|
現時分數:
|
日期 : 2009-11-27 12:36:28
個名好特別, 取其 “面” 同 “麵”, 玩諧音. 呢間店食車仔麵, 外賣多, 因為無乜位坐, 門口有個爐做串燒.
我通常買返屋企食, 佢嘅豬皮、魚蛋、豬紅、豬大腸都好得, 菠菜餃係自家包, 好好味. 米線同瀨粉都唔錯. 通常6蚊一樣餸, 有啲餸7蚊. 呢度嘅辣汁真係好辣, 佢標明話係秘制辣汁, 要小辣, 都辣到嘴唇紅晒.
阿姐好好人, 有小小似北方人. 可能因為咁, 秘製嘅辣汁好夠辣. |
|
|
飛機主題餐廳 Herpa Cafe |
標題 : 有自己空間的餐廳 |
地址 : 灣仔摩利臣山道9號天樂廣場36樓 |
地區 : 灣仔 |
|
現時分數:
|
日期 : 2009-11-27 12:36:00
朋友帶我去左呢間飛機餐廳,裡面真係有好多Herpa模型飛機。每個卡位都係獨
立空間,周圍放左飛機模型,感覺幾特別,幾舒服。
食物一啲都唔貴,有set,有散叫,但係都經濟實惠。我個晚食set dinner,
想搵個人落單,就係咁揮手/大叫,最後(5mins later)終於有人理我地啦!
Waitress用9秒7時間幫我地落單,我地襯有人理我地就叫佢搵2杯水俾我地(因為到而家都未有)!
都等好一段時間先有水,再等唔知幾耐先有食!
食嘛嘛,唔夠熱,味道都係一般。講真不值一提!
正常講,呢類型服務加上唔係咁好食食物,我一定唔會recommend,因為我可以忍受難食,但唔可以忍受bad service!但成間種hea感覺,我好鍾意,好似係擁擠城市裡面搵到有自己一點點空間同悠閒!
所有我必須認識的一切,都在幼稚園學懂了
|
|
|
五谷香粥店
|
標題 : 好唔得!! |
地址 : 銅鑼灣渣甸街40號地下 |
地區 : 銅鑼灣 |
|
現時分數:
|
日期 : 2009-11-16 12:26:28
昨晚同bd睇完戲差不多9點鐘, 時間唔上唔落, 未食晚飯, 但係又唔想咁夜食得太飽, 決定同佢去食粥. 我記得喺渣甸街有一間粥店, 應該開左幾個月到, 平時經過時都好想去試下, 今次終於有機會啦.
入到去, 一個人都無. 坐低左, 有兩個阿姐(侍應)好熱情咁幫我地落單, 有個阿叔就係open kitchen到煮粥. 我叫左碗皮蛋艇仔粥, bd叫左碗豬紅碎牛粥, share一個炒米粉.
兩碗粥放低, 稀匡匡的, 唔夠綿, 但係我碗艇仔粥嘅魷魚好爽口, 好長身, 好食! 不過, 米粉令我地極之失望, 望落去已經唔想食, 米粉 “令立立”, 又好似發脹左咁樣, 又無料, 一堆白色米粉, 上面放左幾片椰菜, 仲要喺夾米粉嘅時候, D椰菜跌埋喺檯上面, 米粉入口淡而無味, 又硬身, 好似食梗橡筋咁樣. 唉! 真係好失望. 唔怪得喺放工時間經過間店舖, 都發覺得只有幾丁友幫襯啦.
|
|
|
Bitte Bitte (已結業) |
標題 : Hot Dog 進駐貓狗街! |
地址 : 銅鑼灣景隆街15號海都大廈地下B&C店 |
地區 : 銅鑼灣 |
|
現時分數:
|
日期 : 2009-11-16 10:09:56
行過景隆街(即係好多貓狗賣果條街), 見到有間好搶眼嘅Hot Dog專食店, 向來係腸仔fans嘅我, 當然要一試. 即係行過去買左3條狗返屋企食.
佢地話自己d狗來自德國, 有十幾款狗, 平均每條狗20零蚊, 除左熱狗, 有淨腸, 或者薯條. 個飽底幾脆口, 條腸都好煙韌, 肉味好香, 配上獨立包裝嘅黃芥辣醬同埋青瓜粒, ok好食. 不過, 如果正餐黎講, 就唔係幾夠飽, 想食得飽D, 就可以叫埋薯條或者叫一客腸, 但係加加埋埋就唔係幾化算. 之不過, 好似鍾意貪新的我, 試下都無妨, 因為係好味的.
|
|
|
泉章居
|
標題 : 豬朋狗友慶祝國慶並賀中秋 |
地址 : 銅鑼灣銅鑼灣廣場1期7-8樓 |
地區 : 銅鑼灣 |
|
現時分數:
|
日期 : 2009-11-10 11:52:00
慶祝國慶兼中秋團圓,前晚一大班豬朋狗友去左泉章居食晚飯,去到門口人頭湧湧,我地訂左位食八點半,去到坐低,九個人點左八餸一湯。
帶子海皇羮:個湯無乜味,食唔出有帶子鮮味。
鹽焗鳳爪:瘦得黎有咬口,鹽焗味濃,好食。
薑汁芥蘭:似菜心多D,又完全食唔到有薑汁味,仲以為係普通灼菜,唔睇餐牌都唔知原來係薑汁芥蘭。
霸王雞(一隻):泉章居嘅雞一直都保持水準,去泉章居嘅人十居其九都會叫雞食,因為真係大件夾抵食,雞肉嫩滑,好香雞味,正!
梅菜鯇魚(半條):梅菜好香,唔會好鹹,鯇魚嫩滑,好食!
粟米斑塊:好食,係水準之作,但唔會話有好大驚喜。
火腩豆腐煲:好入味,合格,不過都係唔係有太大驚喜。
咕嚕蝦球:呢個係我要推介嘅一味菜。蝦球入面隻蝦好爽口,個酸汁唔太酸,又唔會甜,做得好natural,必食!
最後奉送每人一碗紅豆沙,嫌佢稀左小小,唔夠沙,不過紅豆味幾香。
每人都只係食左一百蚊鬆D,好經濟,整體黎講係好食。 |
|
|
滋味一方
|
標題 : 食物有進步 |
地址 : 田灣村商場3樓302號舖 |
地區 : 香港仔 |
|
現時分數:
|
日期 : 2009-11-10 10:23:37
尋日返完聚會, 四個人去滋味一方食lunch. 我地叫左三個午餐:
蝦醬海鮮炒貴刁:唔係辣貴刁,係鹹鹹地,因為用蝦醬,別有一番味道。
黑椒牛柳炒意粉:小小辣,牛柳軟稔,意粉炒得爽滑。
咖喱雞撈公仔麵:咖喱雞炆得幾入味,公仔麵無發脹,口感剛剛好。呢味幾有新鮮感。
不過,呢度D炒粉麵普遍黎講,都係多左小小油。如果炒得無咁油,就好perfect了。 |
|
|
熊本日本料理 Kumamoto (已結業) |
標題 : 商業大廈隱藏日本料理店 |
地址 : 香港仔東勝道10號朗盈商業中心1及2樓 |
地區 : 香港仔 |
|
現時分數:
|
日期 : 2009-11-02 10:14:03
住左係香港仔咁耐, 都唔發覺原來有間唔錯嘅日本料理, 因為間舖喺商業大廈嘅2、3樓, 比較唔顯眼, 唔係友人介紹, 都唔知道佢嘅存在.
尋晚, 朋友請我食飯, 我揀左去呢本食, 試下新野. 一人叫左一個定食, share食:
一人前(C)
蟹籽沙律
三文魚刺身 (3件)
牛拼豬軟骨石燒飯
一人前(E) $69
蟹籽沙律
三文魚刺身 (3件)
日式雜錦炒麵
三文魚唔算好肥美, 但係ok貨色. 蟹籽沙律嘅蟹籽入口卜脆, 生菜絲都好爽口.
日式雜錦炒麵, 唔錯, 不過炒得油左小小.
牛拼豬軟骨石燒飯, 好正, 一路不飯一路嘶嘶聲, d飯焦入口脆卜卜, 豬軟骨同牛肉碎都好味.
不過, 食完呢餐飯, 成晚好口渴, 究竟係邊樣鹹? 我估應該係個飯!!! |
|
|
東寶小館 Tung Po Seafood Restaurant |
標題 : 好多明星都去食 |
地址 : 北角渣華道市政大廈2樓 |
地區 : 北角 |
|
現時分數:
|
日期 : 2009-10-30 14:01:51
無book位,同亞ba亞ma亞妹一齊等左成粒鐘,先至有得食。不過因為好想食,所以先等。我地大大話話都成左五次以上,屋企喺附近,有時亞媽話唔想煮飯,咪過黎食lor。
每次黎到,我地例牌叫呢兩樣餸:墨汁墨魚丸意粉、同埋鴨汁荷葉飯。我鍾意佢嘅墨丸好彈牙,同埋食墨汁ge感覺都幾過癮。鴨汁荷業飯:好香,份量大,4個人食唔晒。亞ba必叫火腩豆腐同椒鹽九肚魚,亞ma必叫魚香茄子魚雲煲。 |
|
|
金雀餐廳 Goldfinch Restaurant Ltd. |
標題 : 2046餐 |
地址 : 蘭芳道13-15號地下 |
地區 : 銅鑼灣 |
|
現時分數:
|
日期 : 2009-10-27 16:35:33
男朋友生日, 他喜歡吃西餐, 而且喜歡懷舊feel的西餐廳, 於是想到去金雀餐廳. 聽聞王家衛借用過金雀餐廳拍攝電影, 所以餐廳的牆壁掛了一幅幅花樣年華和2046電影海報, 懷舊與藝術crossover.
我地叫左個2046二人餐, 包括一份餐包(配牛油), 一個湯(羅宋或忌廉), 一個主菜(香草燒羊架或西冷牛扒), 一個什菜大蝦沙律, 一客法式焗田螺, 一個餐後甜品, 一杯餐飲. 整個餐$270. 要加一服務費, 套餐送一支酒, 支酒無即時飲, 因為我們不喜歡飲酒.
餐包無乜特別, 而且唔夠軟熟.
湯各要一款, 兩款湯試齊, 忌廉湯好creamy, 羅宋湯好natural, 感覺無加人造色素.
主菜都係兩款試齊, 叫左一羊一牛, 牛要七成熟. 羊架味道一流, 軟稔, 有微微羊的香腥味, 推介之選. 西冷牛扒不錯, 但係唔算得上有好大驚喜. 值得一讚係, 牛的生熟程度控制得好好, 話左七成就真係七成.
什菜大蝦沙律好好食, 蝦好鮮甜, 加上雜果, 好開胃. 而且份量好足, 賣相頗有心思, 中間用兩件菠蘿肉隔開, 明顯分成兩分.
法式焗田螺, 個人就覺得不太有驚喜, 不過螺肉夠新鮮.
餐後甜品唔係金雀出名嘅雲呢拿雪糕, 改左比啫喱, 呢樣有小小失望. 不過啫喱好爽好彈, 做得唔錯.
飲埋餐飲, 本來諗住坐多一陣先走, 點知佢地放左個牌喺我地張檯, 示意有人等位, 令到我地都唔敢坐咁耐. 坐多十分鐘, 我地叫埋單, 一比完錢, 人都未起身, 就已經安排左另外兩個客人企喺我地後面, 呢樣我覺得佢地應該改善一下. 係咪應該等本身的客人離開之後, 再執好張檯, 先至安排輪候的客人入去呢???!!!! |
|
|
華姐清湯腩
|
標題 : 非一般的Tea |
地址 : 天后電氣道13號A |
地區 : 天后 |
|
現時分數:
|
日期 : 2009-10-27 10:09:00
尋晚約左一大班朋友食晚飯, 日頭同一個fd行街, tea time小小肚餓, 本來諗住督魚蛋燒賣食, 誓估唔到佢話去華姐食清湯腩, 我一生都係第一次食腩tea!! 但係又竟然喜出望外!
我地叫左一個淨清湯牛腩, 一個淨菜肉雲吞, 一個醉雞.
清湯牛腩個湯真係勁清甜, 牛腩又好軟腍, 入口即溶個隻.
菜肉雲吞有好fresh的白菜味, 肉少菜多, 好啱我口味.
醉雞有好濃烈酒香味, 雞肉好嫩滑, 好食.
|
|
|
拱照車仔麵
|
標題 : 推介辛辣牛丸 |
地址 : 香港仔大道196號地舖 |
地區 : 香港仔 |
|
現時分數:
|
日期 : 2009-10-21 15:21:02
我成日都去拱照食車仔麵,呢度嘅招牌麵係大什會麵,31蚊有餐飲,凍檸樂都一樣只係加兩蚊,好抵。
不過,尋晚我食自選餸菜的車仔麵餐,兩餸19蚊,三餸23蚊,尋晚食三餸:通菜、辛辣牛丸、腸仔,跟米線,飲熱檸蜜。有好大堆菜,牛丸好特別,咬開牛丸,見到有粒粒紅椒藏喺粒牛丸度,真係幾辛辣,正!腸仔有兩條咁多,係喜出望外。好滿足的一餐。
|
|
|
潮興魚蛋粉 Chiu Hing Noodle Shop |
標題 : 唔算平!! |
地址 : 軒尼詩道364-366B號地下 |
地區 : 灣仔 |
|
現時分數:
|
日期 : 2009-10-08 17:39:00
去銅鑼灣做野, 午餐時間D食店勁多人, 間間都full, 行到街尾, 見到潮興魚蛋粉有吉檯, 就入左去食lunch. 一坐低, 同事話間間都無位, 唯獨呢間有位, 都唔方太好食啦. Anyway, 坐低左, 又趕時間, 好好醜醜食飽就算.
我叫左牛筋墨丸河, 同事叫雲吞麵, 叫左先至知雙併要成29蚊(單併22蚊), 好貴, 飲埋凍飲39蚊, 好肉痛. 貴得黎如果好食, 都無所謂, 但係D牛筋麻麻地, 有D過稔, 同事話佢個雲吞麵喪難食.
又唔平, 又難食, 無下次. |
|
|
八喜
|
標題 : 下午茶 |
地址 : 灣仔軒尼斯道314-324號W Square 2樓 |
地區 : 灣仔 |
|
現時分數:
|
日期 : 2009-10-06 10:32:00
今日要陪女友行街,都幾慘!左行右行,都無戰利品。行到腳都軟晒,我二話不說就決定去八喜食tea,因為我一直都好想食八喜ge點心。
聽聞八喜屬於美心集團,所以廣東點心keep到一定水準。我行到好肚餓,一坐叫咗好多點心,胡椒餅、燒賣、珍珠雞係必叫,另外叫左我女友鍾情嘅蒸南瓜包同埋紅豆糕,加兩杯豆漿。
女友就鍾意個蒸南瓜包,但係我就覺得個南瓜包ge味道怪怪地。我反而最鍾意食紅豆糕,糕底佈滿好大粒ge紅豆,糕頂係透明jelly,值得推介。
|
|
|
嵐山料理 x 愛爾蘭瘋薯
|
標題 : 薯片怪愛上了瘋薯 |
地址 : 旺角登打士街43P-43S號鴻輝大廈地下 |
地區 : 旺角 |
|
現時分數:
|
日期 : 2009-09-02 15:45:22
身為一個薯片狂魔, 我當然係愛爾蘭瘋薯嘅瘋狂fans啦. 每次經過店舖, 都忍唔住要買黎食, 就算排晒長籠都要排. 尋晚同gigi去旺角行街, say bye後行去坐小巴, 經過見到瘋薯, 又忍唔住買左黎食.
我通常食煙肉芝士薯條, 外脆內軟, 勁香薯仔味, 真係好正架! 落埋芥茉, 真係好正好正. 一客大約有二十條, 都唔算少, 但係每次都覺得唔夠喉, 因為實在太好食了. |
|
|
豪庭海鮮酒家
|
標題 : 新開張... 水準唔錯. |
地址 : 田灣嘉禾街2號 |
地區 : 香港仔 |
|
現時分數:
|
日期 : 2009-09-01 17:59:00
前日中午一大班人去試下呢間新開嘅酒樓, 食左好多點心:
蟹籽燒賣皇
鮮竹牛肉球
豉汁蒸鳳爪
賽螃蟹蒸餃
薑蔥牛柏葉
蠔皇叉燒包
懷舊燒腩卷
千層馬拉糕
白灼菜心
家鄉煎鹹薄撐
香煎蝦米腸
香煎蘿蔔糕
五柳炸雲吞
芋絲炸春卷
脆皮燒腩仔
甜酸炸雲吞
香芋糯米卷
黃金流沙包
蒜香雞絲炒飯
家鄉魚崧炆米 (油左小小, 又無乜魚崧香味.)
呢幾樣想特別推介:
塞外響鈴腸 ~~
點心紙上面註明係招牌菜, 個別都好特別. 原來係類似“炸兩”嘅物體, 裏面係油條, 外面係腸粉皮, 好食!
香麻煎堆仔 ~~
第一次食到咁好味嘅煎堆仔, 唔油, 餡料好香, 正!
沙薑鳳爪 ~~
好大隻, 好沙薑味.
椒鹽魷魚鬚 ~~
唔韌, 好脆, 好香口.
整體黎講, 味道唔錯, 價錢合理.
|
|
|
龍記麵家 Long Kee Noodle Shop |
標題 : 超正鳯爪牛筋 |
地址 : 旺角黑布街104號地下D號舖 (近亞皆老街) |
地區 : 旺角 |
|
現時分數:
|
日期 : 2009-09-01 17:37:23
堂細佬仲有一個禮拜就返加拿大讀書, 前晚陪佢去旺角逛潮物, 7點零鐘帶佢去龍記食粉麵. 自己本身係龍記fans, 最like呢度嘅鳳爪同牛筋.
我地兩個大男孩, 食左呢幾樣野:
鳳爪撈米
鳳爪炆得啱啱好, 唔會腍到D腳趾斷斷地, 又唔實到無口感, 一放入口就骨皮相離, 好正!
牛筋河
D牛筋炆得好腍, 入口即溶, 湯底又香正.
淨雲吞
雲吞唔係巨粒, 但係豬肉餡好正.
淨豬手
有時好怕喺出面食豬手, 遇上好難咬嘅豬手, 會食得好樣衰. 我鍾意呢度嘅豬手一D都唔韌, 又好入味. 好食. |
|
|
香港仔燒味牛什.魚蛋粉麵
|
標題 : 喺尖沙咀食香港仔燒味 |
地址 : 尖沙咀加拿分道40號地下 |
地區 : 尖沙咀 |
|
現時分數:
|
日期 : 2009-08-24 10:04:11
尋晚同男友一齊去尖咀剪完頭髮, 八時零鐘, 好隨意咁入左去呢間香港仔燒味. 我地係第一次黎食, 見佢有卡位, 環境又幾乾淨, 價錢又合理, 入左去.
呢度嘅野食主要有幾類, 一係燒味類, 一係魚蛋粉麵類, 一係小食類, 然後係各式飲品. 我同男友見佢D燒味幾好樣, 所以一齊叫燒味食. 佢食四寶飯, 我食叉雞瀨. 本身係散叫, 但係加6蚊有一杯熱飲, 加8蚊有一杯凍飲, 我飲凍檸樂, 就要加9蚊.
男友個四寶飯嘅四寶係紅腸、叉燒、燒肉、咸蛋, 四樣都好食, 尤其係燒肉值得一讚, 皮好脆, 又肥瘦適中, 叉燒好juicy, 軟硬適中, 但欠奉嘅係D飯超唔夠汁.
至於我個叉雞瀨, 係同D餸分開上, 叉燒較多, 雞較少, 只有四件, 係雞胸肉, 我向來唔喜歡食雞胸, 因為嫌D肉鞋, 但係呢度嘅雞胸肉好嫰滑, 唔錯. 瀨粉都好爽滑, 整體黎講, 佢嘅燒味唔錯.
我見人地食炸醬麵同魚蛋粉, 都好似幾好味咁. 下次去的話, 會試下. |
|
|
The Big Bite |
標題 : So Good Ne |
地址 : 北角英皇道560號健威坊U12號 |
地區 : 北角 |
|
現時分數:
|
日期 : 2009-08-19 13:35:09
依家好似周街都有漢堡包店,而且款式越黎越多。最近去左Big Bite食漢堡包。一入到去,即刻好American feel,全店都係高腳bar櫈,waiter係西人,menu係英文,感覺好high。
食親漢煲包,我都會食Cheese Burger。友人食Mushroom Burger。兩個Burger都super big,勁juicy。我個cheese burger嘅cheese好香濃,好好味。不過如果走洋蔥同埋蕃茄,就更加perfect!朋友個Mushroom Burger嘅磨菇係炒過嘅,佢話好好食!
薯條係小小粗身個隻,炸得外脆內軟。不過我唔鍾意薯條有汁黏住,都係鍾意食原味多D。
呢餐差唔多一百蚊,不過個feel好正,都物有所值。 |
|
|
星泰屋 Thai Curry House |
標題 : 唔夠正宗 |
地址 : 上環士文咸東街38號 |
地區 : 上環 |
|
現時分數:
|
日期 : 2009-08-12 16:40:37
呢間泰國菜嘅格局好似走中檔偏高路線,但係食物就符合唔到水準。
星州炒米:油左d。
海南雞飯:好似用冰鮮雞,又唔夠正宗,有小小失望喔。
馬拉盞通菜:通菜夠嫩綠,但係馬拉盞嘅味始終爭小小。
芒果椰汁糯米:糯米幾有口感,有椰香味,甜品反而整得不錯。
|
|
|
樂景快餐店
|
標題 : 平凡中不平凡 |
地址 : 灣仔巴路士街17號 |
地區 : 灣仔 |
|
現時分數:
|
日期 : 2009-08-10 14:18:53
喺呢頭返工, 幾乎一個星期有三餐早餐都係買樂景食, 佢嘅港式芝堡好得, 又平, 10蚊個, 包皮係嘉頓芝麻包, 用料普通, 但係功夫了得, 烘得好鬆脆. 塊芝士又比足成塊, 不過稍嫌個漢堡唔夠juicy, 本人唔like茄汁, 通常叫佢走茄汁.
一個芝堡, 加杯熱奶茶, 黎一個醒晨早餐. |
|
|
百里鮮海鮮火鍋酒家 Everfresh Seafood Hotpot Restaurant |
標題 : 晚飯 |
地址 : 銅鑼灣告士打道250-254號伊利莎伯大廈2樓 |
地區 : 銅鑼灣 |
|
現時分數:
|
日期 : 2009-08-03 18:00:43
早排去百里鮮食飯,竟然好爆。我地三個人去食,只係左幾樣餸:
肉碎四季豆 ~~ 肉碎好香, 好好味.
栗米班塊 ~~ 一般貨色
沙爹肥牛粉絲煲 ~~ 乾左d, 唔夠juicy, 又唔夠沙爹味.
蝦醬鮮尤通菜 ~~ 炒得好香.
|
|
|
泉章居
|
標題 : 豬朋狗友慶祝國慶並賀中秋 |
地址 : 銅鑼灣銅鑼灣廣場1期7-8樓 |
地區 : 銅鑼灣 |
|
現時分數:
|
日期 : 2009-08-03 12:45:00
慶祝國慶兼中秋團圓,前晚一大班豬朋狗友去左泉章居食晚飯,去到門口人頭湧湧,我地訂左位食八點半,去到坐低,九個人點左八餸一湯。
帶子海皇羮:個湯無乜味,食唔出有帶子鮮味。
鹽焗鳳爪:瘦得黎有咬口,鹽焗味濃,好食。
薑汁芥蘭:似菜心多D,又完全食唔到有薑汁味,仲以為係普通灼菜,唔睇餐牌都唔知原來係薑汁芥蘭。
霸王雞(一隻):泉章居嘅雞一直都保持水準,去泉章居嘅人十居其九都會叫雞食,因為真係大件夾抵食,雞肉嫩滑,好香雞味,正!
梅菜鯇魚(半條):梅菜好香,唔會好鹹,鯇魚嫩滑,好食!
粟米斑塊:好食,係水準之作,但唔會話有好大驚喜。
火腩豆腐煲:好入味,合格,不過都係唔係有太大驚喜。
咕嚕蝦球:呢個係我要推介嘅一味菜。蝦球入面隻蝦好爽口,個酸汁唔太酸,又唔會甜,做得好natural,必食!
最後奉送每人一碗紅豆沙,嫌佢稀左小小,唔夠沙,不過紅豆味幾香。
每人都只係食左一百蚊鬆D,好經濟,整體黎講係好食。 |
|
|
新肥肥火鍋 New F.F. Hotpot |
標題 : 好貴的生日飯 |
地址 : 灣仔謝斐道340號地下 |
地區 : 灣仔 |
|
現時分數:
|
日期 : 2009-07-30 13:41:23
有fd生日, 十個人去左新肥肥火鍋打邊爐. 坐vip 房.
我地叫左兩個個湯底, 一個芫茜皮蛋, 一個沙嗲醉雞. 兩個湯底都好正.
食物方面, 叫左好多, 多到不能盡錄, 印象較深刻的有:
海鮮 (包括脆鯇, 筒蠔, 桂花蚌, 珊瑚蚌, 澳洲帶子) – 好細碟
手切肥牛 --雪花紋均勻, 好香牛味.
鵝腸 -- 最好食
呢餐好貴, 但係fd生日, 佢又食得happy, 就覺得無乜所謂. |
|
|
留園雅敘 Liu Yuan Pavilion |
標題 : 好盡興 |
地址 : 灣仔駱克道54-62號博匯大廈3樓 |
地區 : 灣仔 |
|
現時分數:
|
日期 : 2009-07-29 09:49:09
前晚老爺大壽, 三代同堂去左食上海菜, 十一個人, 叫左好多野食.
蟹湯, 好鮮, D蟹好多膏添, 唔錯.
醉雞, 好入味, 不過細碟左D.
涼伴三絲, 好爽口.
乾燒蝦球, 外脆內鮮, 好食.
龍鬚桂魚之後上.
切到好幼身, 又係鮮味爽口. 只係略油, 預左.
元蹄呢, 我怕肥只食了少許, d汁濃, 菜就已係淋晒, 但仍ok.
燻蛋, 用茶燻成, 溏心滲出好香鴨蛋味, 推介一定要食.
開揚蔥油拌麵, 個賣相好得, 放入口一食, 蔥絲好香, 麵好滑.
叫左一支酒, 老爺食得勁盡興. |
|
|
麗絲快餐店
|
標題 : 久別重吃 |
地址 : 華富村上村商場6樓17-18號舖 |
地區 : 華富村 |
|
現時分數:
|
日期 : 2009-07-22 09:34:28
呢間快餐店好舊式, 呢類快餐店真係買少見少, 通常係屋村裏面先至做得住. 麗絲的炸雞脾、炸薯條好香口, 由細食到大, 都唔厭, 水準亦都無變. |
|
|
Al Dente |
標題 : 去左食al dente |
地址 : 灣仔謝斐道153號地下 |
地區 : 灣仔 |
|
現時分數:
|
日期 : 2009-07-20 17:00:00
有個fd喺灣仔返工,勁推介我地去Al Dente食野,我地只好順佢一次意。
一入到去,發覺餐廳唔算好大,檯同檯之間距離好少,有小小迫。我地叫左呢D野食:
煙三文魚沙律:份量足,用料新鮮,配合沙律醋來吃很開胃。
Al Dente Pizza:medium size pizza有六件,雖唔算多芝士,但皮脆料香,加幾滴Tabasco更好味。
BBQ Spare Ribs:size非常大,肉質鬆軟,不過唔夠juicy。
Spaghetti Carbonara:忌廉汁好香濃,意粉軟硬適中,good!
忌廉雙蝦天使麵:個汁好creamy,蝦就細隻左D,不過都新鮮,可接受。
champagne sorbet:有青檸同淡香檳味
總括黎講,唔係個fd口中講得咁正,但係都得入口。
|
|
|
王家沙 Wang Jia Sha (已結業) |
標題 : 晏晝食上海野 |
地址 : 香港仔中心第5期1樓E舖 |
地區 : 香港仔 |
|
現時分數:
|
日期 : 2009-07-20 13:56:13
今日十三個人去王家沙食晏晝, 叫咗好多樣野食.
酸辣湯
素鵝
三絲粉皮
涼拌茄子
臭豆腐
炸大腸
四季豆
慕爆牛肉(跟薄餅)
東坡肉
炸饅頭
蘿蔔絲酥餅
蟹粉小籠飽
生煎飽
上海炒年糕
瑤柱蛋白炒飯
甜品方面, 原本想叫棗泥糕, 點知無, 以後都無呢款甜品. 結果改食高力豆沙.
我地個個都超勁飽, 食唔晒D野, 有幾味都要打包走.
除開一人食左百幾蚊, 都唔知算唔算抵食. 不過幾好食.
|
|
|
The Boathouse |
標題 : 好有水準 |
地址 : 赤柱赤柱大街88號 |
地區 : 赤柱 |
|
現時分數:
|
日期 : 2009-07-20 11:16:42
有個friend之前喺boathouse做廚, 早幾日佢突然間好懷念呢間餐廳, call我地去boathouse食野, 仲請我地食左一餐好豐富嘅午餐添.
首先要讚呢度嘅環境, 無論係餐廳對住嘅景, 同埋餐廳裡面嘅裝修佈置, 都令人覺得好relax. 我地坐二樓靠窗, 今次全程由朋友點菜.
佢叫左Ultimate Salad、海鮮桶、ribs、海鮮蜆殼意粉、牛肉漢堡、炸魚及薯角,甜品叫左心太軟, 我飲juice, 佢地飲啤酒.
沙律又好多料, 有沙律菜、黑欖、紅蘿蔔絲、鷹咀豆、露筍、青瓜、士多啤梨、青蘋果之如此類,加上洋醋攪勻, 酸酸地, 好開胃.
Seafood Bucket勁正! 用一個鐵裝住幾種海鮮, 有蝦、青口、蜆, 再吊住一細兜用白酒同忌廉煮成嘅汁. 件件海鮮大大件, 好肥厚, 好足料, 而且好鮮甜, 煮得好好, 味道同口感都一流. 海鮮桶跟兩片烤蒜蓉包, 好香口, 好正.
baby back ribs有六條骨, 條條骨都有肉, 個醬汁又好好味.
Beef Burger係我最回味嘅一味. 包皮又熱又脆, 件牛肉漢堡又燒得好香, 我地要左半生熟, , 嘩, 真係正到暈! 好想一個人食一個! 伴碟嘅炸薯塊又好好味, 真係好想再食.
最後用心太軟畫上一個完美的句號 .賣相好得, 味道好正, 黑朱古力跟雪糕, 好滑口.
呢一餐真係好回味. |
|
|
永利粥店
|
標題 : 唔花巧, 價廉物美 |
地址 : 黃大仙鳳凰新邨雙鳳街52號 |
地區 : 黃大仙 |
|
現時分數:
|
日期 : 2009-07-20 11:10:52
永利有售的, 只是那不花巧的老味道, 以及那價廉物美的精神。 呢度既有味粥底
不錯, 白粥更又香又甜又滑,我最鐘意食呢度既皮蛋瘦肉粥,又綿又多料,再加一
隻糯米夠黏, 又夠肥豬肉, 蛋黃也夠鹹香既鹹肉糭! 真係一大享受! 讚!
|
|
|
大壽司和食
|
標題 : 唔錯的日本料理 |
地址 : 西灣河筲箕灣道41號麗灣大廈地下D舖 |
地區 : 西灣河 |
|
現時分數:
|
日期 : 2009-07-20 10:36:04
搬左去西灣河住左一個月到,我覺得呢度食野都幾多野食,今晚好想食日本野,就去左附近果間大壽司和食。
一個人落去,叫左我食極都唔厭嘅刺身:吞拿、三文、甜蝦、帶子,好似有小小唔夠新鮮。另外食左炸軟殼蟹手卷(油左D,無蟹粉,好似淨食炸粉咁),三文魚腩卷(ok好食),食左一個綠茶雪糕(一般)。食到好飽,埋單走人。 |
|
|
Burger King |
標題 : 期待已久 |
地址 : 炮台山英皇道147-151號1樓 |
地區 : 炮台山 |
|
現時分數:
|
日期 : 2009-07-20 09:36:07
一年前,有一次去完機場食Burger King之後,就一直好想再食,耐何當其時只有山頂同機場有得食,好吊腳。依家BK終於喺市區開左好多分店。我終於可以想食就去食啦。
前晚一個人,想搵個地方食吓嘢睇下magazine,去咗北角果間BK食。叫左個磨菇雞包餐,轉飲熱咖啡。個飽好juicy,雞肉好滑,薯條比M粗身脆身,薯仔味又出好多,正!杯咖啡就一般,可能我唔鍾意飲D較酸ge咖啡la。
|
|
|
京香餃
|
標題 : 平價京菜 |
地址 : 半山堅道102號地下 |
地區 : 中環 |
|
現時分數:
|
日期 : 2009-07-20 09:25:43
上星期六朝早表弟行畢業禮,我同屋企去左堅道,完左個畢業禮之後,我地果間學校附近度食野,入左去一間叫做京香餃嘅店舖。間舖頭嘅裝修都真係有D京feel,平凡得黎舒服。牆上面竟然貼滿雜誌、報章嘅介紹,心理上已經對佢嘅野食有D信心。
我地五個人,一人叫一碗麵,另外散叫小食一齊食。我叫左一碗菜肉餃麵,麵身好爽口,餃子皮薄,肉餡多汁,真係幾ok wor。我見細佬食果碗羊肉搶湯麵,賣相都ok,佢話好食,我唔食羊,所以無試食一啖。
我地有三款北方涼菜一齊食:
涼伴小黃瓜:味道濃左D
涼拌手撕雞絲粉皮:雞絲同青瓜沾上麻醬,好香。
醉雞翼:雞肉味唔重,肉少,所以唔係好重酒味。
坐得舒服,價錢經濟,不過我家住荃灣,睇怕都無乜機會再去食多次。
|
|
|
峰壽司 Japan Mi-Ne Sushi |
標題 : 不過不失 |
地址 : 銅鑼灣白沙道12號 |
地區 : 銅鑼灣 |
|
現時分數:
|
日期 : 2009-07-17 15:02:25
成日見一排晒長龍,但係自從板X壽司開張之後,條龍就短左好多,甚至唔駛等位添。所以,我終於食到佢嘅壽司。
我一個人食左十零廿碟壽司,D魚生好新鮮,就係嫌舊飯唔夠實。有幾款壽司係我想推介ge:
火炙帶子
鵝肝帶子
九洲油甘魚王腩
芥辣八爪魚 |
|
|
一生任食創作和食 Issei Japanese Dining |
標題 : 任食日本料理 |
地址 : 銅鑼灣百德新街24-32號名珠城1樓 |
地區 : 銅鑼灣 |
|
現時分數:
|
日期 : 2009-07-17 14:03:46
星期六Book左一生食中午自助餐,可能未到一點鐘,客唔太多。加上檯同檯之間夠距離,所以傾計都好舒服。
呢度有自助沙律吧,自己出去攞,其他野食係落order。個沙律都幾多野食,除左有沙津,其實仲有飯、長通粉、番茄湯、麵鼓湯、昆布、雞中翼、枝豆之類。
果日食左好多野,比較想讚下佢嘅,係佢D刺身,有好多款式,而且唔係一般食一嘅款式,好鮮甜。
叫左D炸物,我鍾意食炸佢地嘅炸餃子同埋炸番薯,燒冬菇就更加係必食之選。
另外有D彩食料理,要自己煮的,我地試左和風汁煮牛筋、白汁煮田螺。
芝士山芋魚餅好好食,即叫即烘,外面小魚餅整得好脆,裡面芝士熔到軟身,好正! |
|
|
Mr. Steak Buffet à la minute |
標題 : 牛扒先生 |
地址 : 銅鑼灣百德新街2-20號恆隆中心3樓 |
地區 : 銅鑼灣 |
|
現時分數:
|
日期 : 2009-07-17 11:47:52
食親自助餐,我都唔理好醜,一定勁食刺身。Mr. Steak雖然招牌菜係牛,但係我一開波就勁食刺身。食左三文魚刺身、帶子刺身、甜蝦刺身,全部都好鮮。
第二主攻海鮮。長腳蟹、青口、凍蝦、生蠔、螺……D螺同生蠔都好大隻,好正。
食完自己的favor,先至開始食攻牛。
佢個和牛一燒好味,半肥瘦,廚師一邊燒,我地一邊取,熱辣辣,唔會放喺度放到硬晒又凍晒。另外佢有個M9和牛,肉質好滑,牛扒邊仲燒到脆脆地添。
開始飽飽地,先至食小小熱盤,因為本身麻麻地中式熱食。試左小小魚柳同雞扒,不過不失,興趣唔大。
我見到佢有中式嘅木瓜西施骨湯,同埋西式嘅海鮮湯,賣相唔差,但係無飲,因為想留番僅餘嘅胃部食甜品。
我排隊要紅豆燒餅,廚師企喺counter逐件做,然後自己加糖碎、加cream之類,熱住食,食到好香紅豆味。
Tiramissu芝士蛋糕都係我favor,有好濃烈嘅酒味,無乜芝士味。
蘋果蘆薈係比較少見嘅甜品,所以二話不說就攞番去食。好多蘆薈粒粒,好有口感,唔係好甜,但係無乜特別驚喜。
最後衝刺食左好多款唔同味道雪糕,食左香芋味、士多啤梨、咖啡味、綠茶味、芝麻味,再配芒果醬、奇異果醬、朱古力醬,再加杏仁碎片,飽到反肚咁滯。 |
|
|
波士頓餐廳 Boston Restaurant |
標題 : 生日飯 |
地址 : 灣仔盧押道3號地下 |
地區 : 灣仔 |
|
現時分數:
|
日期 : 2009-07-17 10:47:59
成家同阿媽食生日飯,佢想食西餐,咁我地就去左波士頓,諗住舊舊地式的餐廳佢會有feel。
今晚有幾款Set Dinner,阿媽食龍蝦肉雞皇意粉,阿爸食咖喱牛腩飯,我食豬扒拼龍脷柳,跟薯菜,阿哥都係食龍蝦肉雞皇意粉。四個都飲紅湯。
先黎餐飽,都幾鬆軟。羅宋湯酸酸地,好醒胃。無幾耐送上我的豬扒龍脷柳,D薯條係舊式快餐店果隻粗身波紋薯條,I like it。但係豬扒就有小小un,龍脷柳唔夠鮮味,好似雪藏貨咁,有D失望。不過,好彩阿媽話佢個雞皇意粉好食,最緊要主角食得開心jei。 |
|
|
永華麵家
|
標題 : 平靚正雲吞麵 |
地址 : 灣仔軒尼詩道89號 |
地區 : 灣仔 |
|
現時分數:
|
日期 : 2009-07-17 10:44:19
本身好鍾意食雲吞麵,但係基於荷包緊絀,唔可以成日去食X記食貴雲吞麵,好多時我都會去永華,又經濟,又有水準。前日陪朋友去灣仔電腦城買野,之後就過左對面永華食晏。
我當然係食雲吞麵,朋友食炸醬撈麵,另外叫左芥蘭share食。雲吞嘅蝦肉好彈牙,又有鮮蝦味,麵質爽口,不過唔夠大碗,有小小唔夠喉。炸醬撈麵望落去唔夠多醬汁。個芥蘭望落去好翠綠,食落口都好爽。 |
|
|
三六九飯店 3.6.9. Restaurant |
標題 : 舊式上海店 |
地址 : 灣仔柯布連道30號 |
地區 : 灣仔 |
|
現時分數:
|
日期 : 2009-07-17 10:41:05
呢間上海菜館好舊下,好平民feel。我地尋晚十個人去食夜晚飯,叫左一大堆野食:
酸辣湯:足料,酸辣平均。
豬扒粗炒:無豬扒味,得個大件,不過碟粗炒勝在唔油。
雞絲冷麵:冷麵撈麻醬食,好正!
回鍋肉:辣辣地,撈飯食一流。
繕糊:條黃膳好大條,個汁夠濃,撈飯食好味。
蝦仁炒蛋:無乜特別,可能因為阿媽都成日煮。
小籠包:一籠有十隻,個皮厚左些小,麻麻地。
獅菴:我試左一粒,吐番出黎。好怕又生又滑san san的野食。但係佢地很到zu zu聲,津津樂道,只怪我唔識欣賞吧了!
豆沙窩餅:豆沙餡熱辣辣好香,又唔太甜。 |
|
|
Subway |
標題 : 地下包 |
地址 : 灣仔盧押道20號其康大廈地下 |
地區 : 灣仔 |
|
現時分數:
|
日期 : 2009-07-17 10:12:13
同個同事睇完展覽之後,經過一間食包嘅專門店,我向來係麵包痴,好自然就拉埋個同事行左人去。呢度叫subway嘅包店,有成十二款三文治潛艇,有芝士牛扒、照燒雞、煙火雞、火腿做餡,素菜餡都有。
我地可以逐樣揀,先揀餡料,再揀要邊款麵包皮(有意大利香奶酪、全麥、蜂蜜燕麥、意大利白麵包),再揀配搭材料(洋蔥、芝士、青瓜、番茄、生菜、青椒之類),再揀醬汁(有十幾款汁,蛋黃醬、千島醬、芥茉醬、BBQ醬之類)。
我叫左一個芝士牛扒包,配意大利香奶酪包皮,配BBQ醬。牛扒比足成塊,薄切,夾左好多生菜、番茄、青瓜,好fresh。35蚊,好抵食。
同事叫左公司潛艇堡,要蜂蜜燕麥包皮,跟蛋黃醬,見佢食得好enjoy。
|
|
|
飛機主題餐廳 Herpa Cafe |
標題 : 幾有private空間的餐廳 |
地址 : 灣仔摩利臣山道9號天樂廣場36樓 |
地區 : 灣仔 |
|
現時分數:
|
日期 : 2009-07-17 09:48:06
同個同事睇完展覽之後,經過一間食包嘅專門店,我向來係麵包痴,好自然就拉埋個同事行左人去。呢度叫subway嘅包店,有成十二款三文治潛艇,有芝士牛扒、照燒雞、煙火雞、火腿做餡,素菜餡都有。
我地可以逐樣揀,先揀餡料,再揀要邊款麵包皮(有意大利香奶酪、全麥、蜂蜜燕麥、意大利白麵包),再揀配搭材料(洋蔥、芝士、青瓜、番茄、生菜、青椒之類),再揀醬汁(有十幾款汁,蛋黃醬、千島醬、芥茉醬、BBQ醬之類)。
我叫左一個芝士牛扒包,配意大利香奶酪包皮,配BBQ醬。牛扒比足成塊,薄切,夾左好多生菜、番茄、青瓜,好fresh。35蚊,好抵食。
同事叫左公司潛艇堡,要蜂蜜燕麥包皮,跟蛋黃醬,見佢食得好enjoy。
|
|
|
|
|