|
|
密探名稱 : 化骨龍
|
|
南小館
|
標題 : 慶生滬菜 |
地址 : 銅鑼灣軒尼詩道500號希慎廣場12樓1201號舖 |
地區 : 銅鑼灣 |
|
現時分數:
|
日期 : 2013-06-26 17:24:13
銅鑼灣呢間南小館新開無耐,已經從朋友口中比讚佢,我本身都鍾意滬菜,所以揀左呢度慶生。
一行六人,叫左八樣,其中有幾樣值得推介:
生煎包
用鐵鍋端上,有減慢散熱。
生煎包是我的favor,急不及待大口咬下,怎料爆汁,坐我旁邊的友人中伏了。
這個生煎包十分可口,包面香軟,包底煎得香脆,餡料肉汁豐富,好好味!
酸辣湯
材料很多,辣味重,不太酸,但稍嫌過了一點糊狀。
風味麻醬拌麵
麵條軟硬適中,口感很好;麻醬香滑,拌麵吃很夠風味。
椰香紅棗糕
造型精緻,口感煙韌,紅棗味淡香。
|
|
|
一壽司料理 Sushi One Deluxe |
標題 : 好like自助乳酪吧 |
地址 : 銅鑼灣駱克道463-483號銅鑼灣廣場二期地庫1樓 |
地區 : 銅鑼灣 |
|
現時分數:
|
日期 : 2013-05-28 16:05:12
近排身邊朋友都話一壽司放題好抵,終於自己都去左一試。
甜蝦刺身好味
叫左幾款刺身,用冰鎮住一大盆上檯,睇見已經食指大動。咁多款刺身中,我都like甜蝦,肉質爽彈,味道鮮甜,一隻又一隻咁放入口,足足食左十幾隻。
黑松露茶碗蒸
試左茶碗蒸(燉蛋),一款係黑松露茶碗蒸,一款係雲丹茶碗蒸(海膽)。蛋好滑,兩款都好味。
天婦羅好唔得呀
試左吉列蠔、蝦天婦羅、南瓜天婦羅,淋姐姐,完全唔合格。手卷都好唔得,紫菜唔脆。
鍋物
叫左一個三文魚頭鍋,味道唔錯,但係左催右催,催到夠鐘埋單都未到,於是我地話未到齊食物,佢叫我地先埋單,再等個鍋。
汽水啤酒日本茶任飲
近門口處有幾個大型雪櫃,放滿坊間常見的汽水同啤酒,而且係罐裝,比汽水機衛生好多。雪櫃旁邊有部熱水機,可自取茶包(烏龍茶、煎茶及玄米茶三款選擇)加熱水泡茶飲,有助消滯。
自助乳酪任食
熱水機旁邊有一部乳酪機、一部雪糕機,自己唧完乳酪或者雪糕,再自己落toppings,都有成十幾廿款,味道質素都唔錯,一連氣食左兩杯。
|
|
|
漁米鎮
|
標題 : 奶茶香濃幼滑 |
地址 : 香港仔舊大街80-82號 |
地區 : 香港仔 |
|
現時分數:
|
日期 : 2013-05-13 15:28:11
記得舊年3月,馳名港九新嘅謝記宣布結業,如果無記錯,店主表示結業後店舖不會出租或出賣,怎料結業後幾個月,店舖成為另一家食店,有港式茶餐廳美食,也有中式小菜,開業初期更設有魚缸供應海鮮。
今次係我第一次光顧,中午時段,叫左一個午餐,司華力腸雞脾意粉配豉汁,飲熱奶茶。
意粉用膠碟盛上,司華力腸開半,不是完整一條,這令我有點失望。
雞脾好食,皮脆肉嫩。
失望的是,意粉又腍又粉,豉汁極之咸,好難入口,結果要問侍應取了一隻細碗,倒出豉汁,才吃得下。
熱奶茶沖得很好,香濃幼滑,值得一讚。
|
|
|
傷心酸辣粉
|
標題 : 湯底油左D |
地址 : 藍田啟田道55號啟田大廈地下15A號舖 |
地區 : 藍田 |
|
現時分數:
|
日期 : 2013-04-22 16:41:30
屋企下面新開左間傷酸辣粉,就喺正譚X雲南米線隔籬隔籬再隔籬咋,正所謂貪新屎坑香,佢嘅開業唔多唔少都會令譚X感到有點傷心!
由於新開張幾日,地方好乾淨,坐得舒服。兩條友入去食午餐,我地11點鬆啲就去光顧,所以唔使排隊等位,之但係過左廿幾分鐘之後,人龍就喺門口出現lu。
呢度有酸辣粉套餐,自選酸辣粉或者加錢要有機薯粉,自選一餸或者加錢要兩餸或以上,跟一杯飲品。我叫左一碗川香豬軟骨傷心酸辣粉,要小辣(BB辣、小辣、中辣、大辣),加錢飲龍鳳檸樂,因為怕太辣,要飲可樂救火呀。
第一次近距離見到真實版酸辣粉,成碗粉血盆咁,感覺好油。但放了入口,就多番些少好感,酸辣粉好爽滑彈牙,口感一流,(友人食嘅有機薯粉反而係腍身啲),花生香脆,不過配料夠多,但主餸豬軟骨就只得幾舊,(應該用「粒」呢個量詞先至啱,因為真係超細粒),好唔抵食。辣度方面,都幾夠辣,不過如果個湯無咁油就更加好。
如果問我,鍾意傷心多啲,定係譚X多啲,暫時我都係較鍾意後者,最主要原因係唔係太like傷心嘅湯底。
|
|
|
俺の沾麵專門店
|
標題 : 流心蛋好好味 |
地址 : 天后蜆殼街6-16號寶榮大廈地下D1號舖 |
地區 : 天后 |
|
現時分數:
|
日期 : 2013-03-13 16:31:19
據聞俺之沾麵係由隱家拉麵工場嘅師傅開嘅,開業已一個多月,每次經過店門口都大排長龍,今次我決定排隊都要一試。最後排左一個鐘,食左二十分鐘,都值回時間同腳骨力嘅。
落單紙全是日文,旁邊有中文翻譯本。作為沾麵專店,所以只有獨沽一味賣沾麵,麵條可選擇「一本中太」或「一本極太」,份量可選小盛、普盛、大盛,叉燒、筍、蔥多少隨意,再免費送一隻半熟蛋,無論點樣配搭都係同價$85,大胃王食就好抵!
所謂沾麵,就係將麵條放落湯中,令湯使麵有味,似撈面食法。我同朋友一齊去,我要極太,朋友要中太,因為我鍾意食粗麵多啲。麵條彈牙,索埋湯汁食,更加入味。
湯底好濃,用豬骨熬十幾個鐘,加左北海道昆布,湯面佈滿,感覺油膩,但係入口就唔覺油。
流心蛋好好味,我食過流心蛋好多次,至今覺得最好食嘅係俺之拉麵嘅流心蛋,軟得黎又彈牙,蛋味香濃,口感creamy。
|
|
|
前門飯莊
|
標題 : 環境和食物都得 |
地址 : 青衣青衣城3樓322號舖 |
地區 : 青衣 |
|
現時分數:
|
日期 : 2013-02-20 16:25:29
朋友住青衣邨,早前去搵佢,兩個人落左去青衣城食lunch.
我地揀左前門飯莊,似係京川滬菜,走中檔路線,地方濶絡,座位舒服。
睇左一輪餐牌,好多都想食,但係得兩丁友,食唔到太多,最後只叫左兩碟炒野,一碟炒麵,一碟炒飯。
瑤柱蝦仁蛋白炒飯 ($68)
飯粒炒得企身,入口帶香濃瑤柱味,蝦仁新鮮爽口,水準之作。
排骨兩麵黃 ($58)
我不太鍾意個汁啲味,怪怪地;但係個麵底炒得好有水準,勁脆口。
兩碟炒野嘅份量都算大,麵就清晒,但係飯食唔晒,淨番一小碗,好飽了,所以,本來諗住叫一客銀絲卷,最後都打消了。
每檯都有奉上一壼茶,客人可選擇自己鍾嘅茶,我地叫左普洱,味道很好,不會過濃,入口甘香。
呢度收加一服務費,兩個人食左$143,還有靚茶飲,價錢合理。
|
|
|
小炒皇
|
標題 : 大中華飯店班底 |
地址 : 香港仔鴨利洲鴨利洲大街119-121號 |
地區 : 鴨利洲 |
|
現時分數:
|
日期 : 2013-02-06 17:08:39
原來這家小炒店的班底是來自長沙灣大中華飯店,來頭可算不少。店子除了小炒,還有炭爐燒乳豬、多類海鮮供應。招牌菜是鐵板豬、小炒皇、招牌臘味煲仔飯。
招牌臘味煲仔飯
臘味煲仔飯有大、細兩個份量,我們只得四人,所以點了個細煲。煲仔飯端上來時,店員為我們開蓋,在放有臘肉、火腿、蝦米、臘腸及鱆魚粒的飯面上淋上豉油,撒上蔥花,與飯拌勻,蓋回煲蓋焗個兩三分鐘。時間到了,打開舖蓋,飯燒得粒粒筆挺咬口,還滲有臘腸的油香、蝦米及鱆魚粒的鹹香,飯底更留有顏色剛好的飯焦,說它是招牌菜,當之無愧。
小炒皇
另一招牌菜是小炒皇,用上大量韮菜配上腰果、炸銀魚仔、菜甫、紅椒絲、蝦乾、水魷等一同炒香,韮菜花鮮甜無渣,炸銀魚仔香脆可口,菜甫、蝦乾帶出鹹香,不油膩,夠鑊氣,作為佐酒小吃或開胃前菜,實屬最佳選擇。
啫啫芥蘭煲
啫啫芥蘭煲熱騰騰夠惹味,芥蘭夠粗夠爽口,充滿蝦醬鹹香,卻又帶丁點兒辛味,做得不錯。
另外吃了粟米斑腩飯、豉椒炒聖子,前者不過不失,沒甚麼驚喜;後者有點不夠水準,聖子很韌,沒半點鮮味,有點失望。不過,這裡的小菜平均$50至$80,價錢相宜,來一頓家常便飯,是不錯的選擇。
|
|
|
純子餐廳 Joon Go Restaurant |
標題 : 家庭feel小店 |
地址 : 灣仔謝斐道209號 |
地區 : 灣仔 |
|
現時分數:
|
日期 : 2013-02-06 16:12:01
偶爾想食韓國菜,朋友說灣仔有一間很韓國feel的小店,便去了吃。當晚座無虛席,幸好先訂了位,不然要站在店外久候。店子的裝修有住家feel,電視播放著 KBS 台劇集,店員都是韓國人。
前菜
先是端上前菜七小碟:菠菜、粉絲、藕片、魚餅、銀魚仔、薯仔、泡菜。薯仔味道濃郁,味道少鹹;銀魚仔甜脆可口;藕片爽脆;泡菜辣得溫和;菠菜、大豆芽、同樣味美。
炆牛肋骨煲
炆牛肋骨煲,跟飯和湯,很豐富。
牛肋骨炆得軟腍,一咬即骨肉分離,味道濃郁,餸白飯一流。
海鮮薄餅
這個韓式pizza餡料十足,煎得香口,蘸上特製辣汁,更加美味。 |
|
|
舊大街冰室 Classy Cafe |
標題 : 食物價錢偏貴 |
地址 : 香港仔香港仔大道136號 |
地區 : 香港仔 |
|
現時分數:
|
日期 : 2013-01-07 16:45:33
近排香港仔食肆快摺快開,其中呢間舊大街冰室較吸引得到我,因為名稱,亦因為格局。
打開餐牌,發覺無乜種類。店舖名稱已佔了一版面,常餐佔了另一個頁面,將一個常餐分左做ABCDE五大部分,其實即係得三樣野:多士炒蛋、湯粉、飲品,刻意比人好大堆頭嘅感覺。常餐之餘,有咖喱系列、紅酒系列、特色小食、串燒、魯肉飯、招牌雞扒飯、炸豬扒飯,無炒粉麵,無小菜,唔算好多野食,不過都有啲特色嘅。
我叫左個特色小食系列嘅「20吋厚金磚西多士」。
西多來到了,一望,有20吋厚麼?雖然炸得外脆,但唔值$24喎,越諗越覺得唔抵。
|
|
|
泰一 Thai One |
標題 : 木桶烏冬 |
地址 : 香港仔香港仔中心5期地下3號舖 |
地區 : 香港仔 |
|
現時分數:
|
日期 : 2012-12-18 14:06:02
站在泰一門外,看著餐牌上有一隻珍珠雞圖像,正想為了集珍珠雞而入內享用,店員急忙走出來收下餐牌,說:早餐時段剛到了,我看看錶,剛好11時30分。算吧!一隻腳已踏進店內,乾脆入內吃午餐吧!
這裡午餐的配搭,只有一碗粉或一碟飯,跟一杯咖啡或茶,卻盛惠$40起。不想吃飯,湯粉麵又沒甚麼特別,最後看見個木桶粉麵,就因對「木桶」這盛器有興趣而落了order。
店員先端上一碟配料,有瑞士雞翼2隻、豬肉串燒2串;隔了五分鐘,才端上木桶烏冬(可選公仔麵),冬蔭公湯底。烏冬要一讚,爽滑彈牙,湯底不夠酸,又不夠辣。雞翼有點實,串燒豬則不錯。
至於餐飲,我選擇了凍咖啡。咖啡沖得不錯,面層有泡沫,咖啡濃稠、香滑,這杯飲品倒是叫我喜出望外的。
|
|
|
香港仔魚蛋粉
|
標題 : 盲摸摸的常餐 |
地址 : 尖沙咀勘富利士道1A號地舖 |
地區 : 尖沙咀 |
|
現時分數:
|
日期 : 2012-11-29 16:03:55
睇完眼,放大左個瞳孔,睇野仲係矇矇地,盲摸摸求其入左就近嘅茶餐廳醫肚,就連睇字都睇唔清,是但order左個常餐 ── 吉列魚柳拼腸仔拼火腿拼三文治拼公仔麵。
雖然呢間茶餐廳主打係粉麵,但係呢個常餐都唔錯,吉列魚炸得外脆內嫩,公仔麵煮得剛好,麵質彈牙,不過三文治就hea左啲,但整體黎講尚算合格以上。 |
|
|
南洋餐廳 Nanyang Restaurant |
標題 : 慶生飯 |
地址 : 香港仔香港仔舊大街56號 |
地區 : 香港仔 |
|
現時分數:
|
日期 : 2012-11-16 14:39:11
同朋友慶生,壽星仔想試下佢一直想食又未有機會食嘅南洋餐廳。四丁友,人少少,唔係食左好多野咋。
肉骨茶 (細)
肉骨茶連煲上,有火熱住。一開蓋,藥材味陣陣撲鼻,但入口甘甘地,唔苦。湯裡面有當歸、杞子、幾件豬骨,聽說肉骨茶有祛濕、去熱、滋補嘅功效。我地另叫左白飯,淋少少肉骨茶撈飯食,唔使餸都覺得好餸。
串燒
豬牛雞各2串,三款都好惹味。
炸蝦餅
味道ok,但係size細件左啲。
波蘿炒飯
呢度嘅波蘿炒飯唔係原個波蘿上桌,而係用碟盛住,飯炒得企身,飯面撒上肉鬆,令炒飯更香口。 |
|
|
香港仔魚蛋粉
|
標題 : 擦字膠牛筋你食過未 |
地址 : 旺角弼街69號 |
地區 : 旺角 |
|
現時分數:
|
日期 : 2012-11-01 17:32:05
如果再唔改善服務態度同埋食物質素, 我諗我唔會再幫襯lor. 咩事咁勞氣呢, 全因上星期某個夜晚去食粉麵, 我同侍應嘅對答係咁嘅:
我: 一個牛筋上海麵
侍: 牛筋麵唔係全部牛筋, 都有少少牛腩架.
我: 我要牛筋, 而唔係牛筋腩麵喎
(因為佢地有兩款嘅, 一款係牛筋, $30碗, 一款係牛筋腩, $32碗, 如果牛筋都有牛腩, 咁就唔好分成兩款同埋兩個價錢啦)
侍: 好難講架, 睇下煲野多唔多牛筋, 有時多, 有時少.
(我O晒咀lor)
我: 咁麻煩你盡量比多啲牛筋啦
侍: 盡量啦 (面部表情好差, 好似覺得我有問題咁lor.)
放低左碗麵, 得兩舊牛筋, 牛腩就有成三舊, 呢個都算, 問題係舊舊都係擦字膠咁硬柴, 根本咬唔開, 咁點食. 想搵佢換過比我, 啲侍應唔知去晒邊, 等左5分鐘先有侍應蒲頭, 我同佢反映啲牛筋係食唔倒架, 可能佢見我有少少火, 於是即刻用隻細碗仔裝左三四舊好軟綿好黏身嘅牛筋比我, 我心諗, 明明有正常嘅牛筋, 做乜唔一早比我!! 真係火都黎!!
再講, 牛筋炆得太鹹, 唔合格. |
|
|
愛吃家常便飯
|
標題 : 健康家常便飯 |
地址 : 灣仔謝斐道379號地下6-7號舖 |
地區 : 灣仔 |
|
現時分數:
|
日期 : 2012-10-30 15:24:41
屋企人做節,食番餐便飯。朋友大讚呢間開左無耐嘅家常便飯,鍾意四圍試新野嘅我,梗係推介屋企人去呢度食飯啦。
呢度個老闆都花過下心思,餐桌舖上報紙feel檯紙,菜式以分類廣告模式表達,都幾搞野。杯碗碟都係公雞嘜頭,帶點懷舊feel。
聽講可以清脂降血壓,茶好香,好醒神,又幫助開開胃。
點左幾樣餸菜,朋友大力推介蝦禾米炸子雞($190)。隻雞係原隻上,雞身插了一支有優惠券嘅旗仔,特登放上檯面比客人影相先,然後放番入廚房,將隻雞斬件,排列成原隻雞的模樣,擺番上檯,呢個做法都幾搞笑,但點解要咁做?
呢隻一百日走地雞炸得外皮又薄又脆,皮下脂肪較少,雞肉嫩滑,好好味。不過我唔鍾意隻雞中間釀入左餡料 (蝦米、芋頭、咸蛋、米飯混合)。雞好大隻,千祈唔好眼濶肚窄。
另外食左蓮藕馬蹄餅,以潮式古法炮製,馬蹄切粒後混合新鮮豬肉,釀入蓮藕片上,外層煎得金黃爽脆,少油,蘸上日式芥辣蜂蜜沙律醬一齊食,絕配!
|
|
|
鴻興茶餐廳
|
標題 : 估唔到咁有水準 |
地址 : 西環西營盤薄扶林道22-32號恒輝大廈地下5-8室 |
地區 : 西環 |
|
現時分數:
|
日期 : 2012-10-25 14:49:59
呢度嘅是日午餐好全面,有飯、意粉、中式炒粉麵、蒸肉餅、葡國雞飯,總有一款可以啱當日嘅胃口。
我食香茅火腿豬扒意粉,配粟米汁,其實覺得粟米汁配香茅豬扒好似怪怪地,應該配豉汁match啲,但係豉汁又唔太match意粉,又唔想揀飯,所以最後決定要粟米汁。
錯有錯著,粟米汁好香濃,同意粉係絕配,而所謂香茅豬扒就一啲香茅feel都無,只係普通煎豬扒一塊,但就係因為咁,同個汁好match,令成碟意粉都好融洽。最特別嘅係,明明餐牌寫住香茅豬扒火腿,點解會多左條腸仔?送嘅?好開心有火腿又有腸仔。
要一提嘅係,奶茶沖得好好飲,好滑,好香,要讚。
凍飲加兩蚊,總共$30埋單,好食兼好抵食。
|
|
|
Fiat Caffe |
標題 : 嘆lunch賞車 |
地址 : 銅鑼灣禮頓道77號禮頓中心G5-G6號舖 |
地區 : 銅鑼灣 |
|
現時分數:
|
日期 : 2012-10-16 15:50:10
去銅鑼灣逛街,展開shopping行動之前,先去Fiat Caffe填填肚。呢間餐廳見過報章雜誌介紹過,一直想試。
餐廳十足十成個Fiat車嘅showroom,擺放左三部車,顧客可以入內隨意「試車」嘅。入到去用餐區,座位唔多,大約可以容納廿幾人,剛好我地去到有位,唔駛等,太好喇。
我點左Set Lunch。餐湯、加沙律、加意粉、加甜品、加咖啡或茶,好完滿嘅午餐。我嘅主菜係露筍大蝦炒意粉,大蝦爽口,意粉炒得煙靭,不過味道淡左啲。最後以一杯拉花咖啡作結,咖啡濃滑,好完美,好回味。
|
|
|
泰象泰國越南餐廳 Erawan Thai Restaurant |
標題 : 泰國人主理的泰菜小店 |
地址 : 鴨脷洲鴨脷洲大街147號利豐大廈地下7號舖 |
地區 : 鴨利洲 |
|
現時分數:
|
日期 : 2012-10-04 10:45:43
大約半年前,經過大街,見到有間泰國菜館新張營業,但是店子很小,只可容納約莫20位顧客,所以門口很多人等候叫號入座。之後聽聞口碑不錯,前晚就跟家人去了光顧。
入到店子,見到兩位泰國人,相信是老闆和老闆娘。我們訂了6時半,晚市來說,真是尚早,所以當刻只有我們一檯顧客。一家四口,叫了一條明爐烏頭魚、一客小食拼盤(細)、一碟白雲鳳爪。
明爐烏頭魚最搶鏡,店員端上桌時,即引來注目。烏頭魚放在一個魚形盛器上,用蠟熱著它,配上一碗湯,給我們自己邊熱著邊添加,湯汁酸甜醒胃,可是魚沒有魚香,這道菜賣$110,稍嫌不值。
白雲鳳爪很美味,酸辣適中,鳳爪啖啖軟骨,爽口入味。
小食拼盤有炸蝦餅、炸魚餅、炸雞翼,各兩件,店員上桌前已幫我們開成四份,很細心。味道不錯,只是覺得size太微型了。
全家人吃了四百多元,價錢不算貴,也不算平宜呢。
|
|
|
壹碗麵 (已搬遷)
|
標題 : 主打撈寛蛋麵 |
地址 : 北角和富道84-96號銀輝大廈2號舖 |
地區 : 北角 |
|
現時分數:
|
日期 : 2012-07-30 17:40:44
和富道近排出現左好多有名堂食肆,壹碗麵雖然唔係有高檔名氣,但係有真材實料,所以都愈黎愈出名。嗰日星期六去食,午飯時間,都full晒。
店子主打撈寛蛋麵,這是my favor,所以特登去食。Menu有好多款麵,唔like寛條麵嘅話,可以轉幼麵或者公仔麵。我當然係食寛麵,叫左個柚子蜜豬軟骨撈寛蛋麵。每碗撈麵都配上一碗湯,用黎為麵條「補濕」。
先說麵,水準相當不錯。麵夠新鮮,入口爽滑,仲有蛋香添。不過唔好hea食,因為原來麵條放涼了會變硬,要再撈點湯,下次食嘅話,我一定會好似餓鬼咁快食。醬汁帶茄味,柚子味道很淡,淡得幾乎吃不出來。豬軟骨炆得軟腍入味,不錯。
配上嘅清湯就無咩特別,真係純粹可以用黎「補濕」。
|
|
|
魚八水產
|
標題 : 有人請先食 |
地址 : 銅鑼灣軒尼詩道489號銅鑼灣廣場1期6樓6A號舖 |
地區 : 銅鑼灣 |
|
現時分數:
|
日期 : 2012-07-23 17:03:03
呢間日本料理店都幾high架,如果唔係有人請,應該都唔會黎食。一入到店子,已經好有日本feel,深深體驗一分錢一分貨嘅道理。
五個人,叫左八樣,不過不失嘅唔多提,淨係想點名提好得嘅同埋好唔得嘅。
沖繩豬肉鍋 ── 肉質鮮嫩,好得。
刺身 ── 好鮮甜,ichiban!
魷魚薄餅 ── 好食,少少脆口。
串燒 ── 硬柴,差。
|
|
|
翡翠潮人潮食
|
標題 : 新開業潮汕菜館 |
地址 : 鰂魚涌康山道1號康怡廣場3樓T4號舖 |
地區 : 鰂魚涌 |
|
現時分數:
|
日期 : 2012-06-21 12:24:54
康怡廣場最近有新食店開業,主打潮汕菜,名字叫翡翠潮人潮食,不知道是否跟翡翠拉麵集團有關?
一家五口,點了三餸一湯。
湯是番茄魚湯,味道清甜,但賣相一般。
三餸是鹵水鵝、椒鹽鮮魷、魚香茄子。三個餸都合格,尤其是鹵水鵝,肉質軟綿,又很入味,值得一試。
|
|
|
寶湖茶餐廳
|
標題 : 芝士撈有酒樓質素 |
地址 : 北角蜆殼街8號 |
地區 : 北角 |
|
現時分數:
|
日期 : 2012-06-15 16:20:44
由於晚上上堂,有一位天后地膽推介我們上堂之前去加州人餐廳食晚飯。我第一個到達,只見到加州人餐廳落了閘,也就只好去鄰舖寶湖茶餐廳。
店內三位姐姐熱情款待,知道我們有十個人,於是將3張圓桌拍在一起,形成一張長形會議桌。坐下來睇餐牌時,才得知原來加州人和寶湖同出一轍,老闆屬同一位,加州人道聞每逢晚上6時便落下,只開寶湖,但食物款式供應不變。
我見到一個芝士濃汁海蝦球,可選擇撈伊麵或烏冬,跟牛油多士及餐飲。一見到芝士,我就無晒其他想法,一心要吃芝士撈系列。於是,我叫了一個芝士濃汁海蝦球撈烏冬,飲凍檸茶。
來了!嘩!賣相不錯!海蝦球真的好大隻,爽口鮮香,很有水準;烏冬很彈牙,有咬口;但我稍嫌芝士汁份量太爆瀉,味道亦鹹了一點。
配角牛油多士也烘得恰到好處,外脆內軟,牛油味香濃。
要大事宣揚的是,這處的下午茶餐供應至晚上7時,而且有很多款炒粉麵飯,份量足以做晚餐,味道也很不錯,若我再有機會光顧,一定會食炒粉麵飯。
芝士撈烏冬
牛油多士
餐飲 (凍飲加$2)
全個餐$43
|
|
|
味千拉麵 Ajisen Ramen |
標題 : 超讚 |
地址 : 銅鑼灣皇室堡 B11 |
地區 : 銅鑼灣 |
|
現時分數:
|
日期 : 2012-05-09 14:12:24
大約個零月前,味千拉麵推出左新口味 ── 大韓黑豚拉麵,一直都想試,但係一直都未有機會,早幾晚喺皇室堡睇完戲,就順便去左皇室堡間味千食呢個拉麵。
好在無令我失望!泡菜湯底夠濃,黑豚肉肥瘦適中,肉質鮮嫩,韓式香辣泡菜好惹味,加埋洋蔥絲、青椒絲、甘荀絲、銀芽之類嘅配料,嘩,真係好味停唔到口,好飽足,又好滿足。
而且,好抵食,午市同晚市都係$48,配汽水1杯,加$3可以轉咖啡、奶茶、檸茶之類飲品,都算抵食。仲有四日就推廣完,囉囉攣好想去食多至少一次。
|
|
|
韓國屋 Korean House |
標題 : 泡菜豬肉石頭飯 |
地址 : 旺角太子道西193號新世紀廣場5樓538號舖 |
地區 : 旺角 |
|
現時分數:
|
日期 : 2012-05-08 16:56:59
Food Court向來是我喜歡光顧的食場,因為吃到平靚正貨色!今次也不例外!
去到旺角新世紀廣場五樓美食廣場,瀏覽一番,這裡有日式店、韓式店、東南亞、港式、中式,包羅萬有,最後,我被泡菜和石頭鍋吸引著了。
買了韓國屋一個石頭泡菜豬肉飯,飲凍柚子蜜。一見到碗飯即胃口大開,紅紅橙橙的泡菜外貌刺激了我的唾液,立時拿匙筷把飯餸撈勻來吃。泡菜酸酸辣辣,飯粒企身,豬肉軟腍,整碗飯熱辣辣,份量很足,我最後也得吃剩少量飯。
柚子蜜就不合格,不知道他們用哪個品牌的柚子蜜,味道很古怪,像在飲化學液。
|
|
|
愛一點
|
標題 : 勁正街頭小食 |
地址 : 北角英皇道288號北角中心大廈3A舖 |
地區 : 北角 |
|
現時分數:
|
日期 : 2012-05-07 17:38:14
由細到大都勁鍾意食街頭小食,其中以魚蛋、燒賣、煎釀三寶最好,細個時甚至唔食正餐,用午飯錢食晒呢D立雜野食,比阿媽知道,就梗係大罵,因為佢總會說:呢D街邊小食又污糟又無營養!
不過,最近行經北角,見到一間小食店免費試食,我就梗係二話不說就入去睇下咩環境。我諗阿媽唔會反對我食呢間店嘅小食,因為佢地強調自己嘅食物係有機嘅,又注意食物衛生。
店子入面有高檯,比人企喺度食。我買左粟米香腸($6/條)、魚炸鬼($8/4粒)、同埋吊燒雞髀($14/隻),熱辣辣,即場立食。
粟米香腸,佢地話係用生態豬肉做成,肉質鮮甜,加入一粒粒粟米,好咬口。
魚炸鬼,係將油炸鬼切成小塊,釀入魚肉,wow,好香脆。
吊燒雞髀,皮脆肉嫩,勁正!
|
|
|
一哥湯麵皇館
|
標題 : 最心痛是吃得太遲 |
地址 : 香港仔利群商場地下2號舖 |
地區 : 香港仔 |
|
現時分數:
|
日期 : 2012-05-03 18:06:01
經常路經此店,但一直都是擦身而過,沒有興趣內進,皆因店子細小,坐得不太舒服似的。直至有一次,去朋友家作客,他叫了這店的外賣來款待我們。
這店子供應的美食有炒粉麵、湯粉麵、中式菜等,就跟一般港式茶餐廳沒大分別。不過,原來食物素質奇佳,使我另眼相看。我最欣賞店子兩款美食,一是千層黃金,另一是青咖喱炒米粉。
~ 千層黃金 ~
名字很好聽,其實是炸腐皮,以長方形曲奇樣子上碟,一碟六件。外層炸得金黃香脆,一點也不油膩,內層腐皮帶有一層一層的口感,卻又保持腐皮的濕潤,蘸上千島醬來吃,真的很美味。
~ 青咖喱炒米粉 ~
米粉炒過後還是白色的,看似不辣,入口嚼咀數下,即吃到青咖喱的香、辣味道,其辣味卻又不會嗆喉攻鼻,反而愈食愈醒胃,一口又一口的連隨不停,差點兒忘記了要與人共享。
店子師傅是中佬,外表平庸,卻有一手好廚藝,只怪自己「吃得太遲」。
|
|
|
銀都冰室
|
標題 : 吉列魚柳炸得差 |
地址 : 香港仔華富村華光樓707-708號 |
地區 : 香港仔 |
|
現時分數:
|
日期 : 2012-04-11 17:27:29
今日好晏先食lunch,入去冰室兩點鐘,唔上唔落,都唔知食下午茶好,定係食午餐好。食下午茶咩,當時個肚打緊大鼓,份量實在唔能夠令我滿足;食午餐咩,因為已經係啱啱過左午餐,好多想食嘅餐都沽清……想食茄汁火腿豬扒跟意粉,點知話無意粉,結果轉左食另一個系列的午餐,叫左個吉列魚柳配湯通粉,飲熱奶茶。
吉列魚柳好唔掂,一咬落去,食到炸皮好硬,好似咬梗塑膠咁樣,仲有少少油益味添呀。湯通粉就ok,湯底清得黎有味,通粉軟硬適中。
比錢時買走兩個雞尾包,傳統冰室嘅雞尾包真係又平又好食。 |
|
|
滿記甜品
|
標題 : 悶氣全消 |
地址 : 北角英皇道152-162號健威坊啇場地下低層L5及L32舖 |
地區 : 北角 |
|
現時分數:
|
日期 : 2012-03-22 15:46:47
早幾個月,滿記進駐了我家附近,在北角健威坊開始營業。現在吃糖水很方便,在家吃飽飯後興之所至,便踢拖下去來一碗美味糖水,加上這店人不多,吃得份外舒適。
我很愛吃芒果豆腐花,總是覺得這兩份子是一個絕配。這碗芒果豆腐花的賣相和味道都很不錯,芒果肉芳香鮮甜,豆腐花嫩滑可口,感覺有悶氣全消之效。 |
|
|
小魚滋味
|
標題 : 食物好雜亂下 |
地址 : 都會道6號國際都會商場7樓747-748號舖 |
地區 : 紅磡 |
|
現時分數:
|
日期 : 2012-02-28 17:51:47
第一次聽呢間食店,起初以為朋友講錯左個店名(跟魚米之家定係小魚之家混淆了)。唔單只店名令我混淆,就連佢係屬於台式、日式、滬菜、定係港式,我都好混餚!皆因呢度嘅食物好雜項,有魚湯米線、有菜飯、有泡飯…..
我食豬軟骨菜飯套餐,包括:
魚湯1小杯
前菜 (蟹籽菠蘿沙律 + 炸花生 + 木耳絲)
豬軟骨1碟 + 菜飯1小碗
前菜的味道唔算太差,但係個配搭真係好奇怪!
魚湯尚算有魚味,但唔夠濃香。
豬軟骨夠軟腍,做得唔錯。
菜飯唔夠正宗,菜塊有些細塊,有些好大塊,飯底沒有菜香。
成個餐近乎60蚊。唔係太經濟。
|
|
|
一粥麵 Super Super Congee & Noodles |
標題 : 煲仔飯出動了 |
地址 : 灣仔港灣道25號海港中心地下G4-5號舖 |
地區 : 灣仔 |
|
現時分數:
|
日期 : 2012-02-14 16:22:29
踏入冬天,一粥麵又有煲仔飯食喇。佢地通常用三款材料做煲仔飯,輪流咁出,譬如會有呢D組合:
臘腸滑雞煲仔飯
臘腸排骨煲仔飯
咸魚肉餅煲仔飯
排骨滑雞煲仔飯 (呢個組合係最古怪)
北菇滑雞煲仔飯 (呢個組合千年難得一有)
所以,尋晚竟然比我遇上千年難得一有嘅北菇滑雞煲仔飯,就梗係二話不說,買左呢個飯。至於同我一齊dinner嘅老豆,就繼續鍾情於佢嘅干炒牛河。
牛河同煲仔飯都要等5至10分鐘,即叫即做。我嘅煲仔飯有先,打開煲蓋,落包李錦記豉油,再冚蓋焗一陣,喺呢個時候,牛河都炒好喇,可以一齊 ‘開動’ 了。
煲仔飯有好大塊飯焦,但係面層嘅飯唔夠企身,雞夠香滑,北菇都鮮香,當然一定唔夠茶餐廳煲仔飯惹味,但係四十幾蚊跟配飲品,都算係咁啦。
|
|
|
李公館 |
標題 : 貴氣中菜 |
地址 : 灣仔軒尼詩道303號華創大廈2樓 |
地區 : 灣仔 |
|
現時分數:
|
日期 : 2012-02-13 11:28:49
一聽店名,已感到一種貴氣。朋友說請客,那就不用理會盛惠多少,一於盡嘗口福。
我們點了幾款小菜、一個糯米飯。嘗菜之先,侍應端上很別緻的茶煲。這個茶煲不是肥又矮,而是身肥咀長,盛水那個壼更是透色的,相當有趣。我們飲的是桂花茶,茶湯潤澤,味道甘和,有醒胃之效。
點了三餸一飯。
籠仔蒸蝦糯米,鮮香撲鼻。
無錫骨,色香味全,從其深紅色的外表、到甜甜酸酸的心田,都令人胃口大開。
炸雞軟骨,意想不到的巨粒。裡外都很有咬口。推介!
炒豆苗,清香嫰滑欠奉。
|
|
|
康年餐廳 Hong Lin Restaurant |
標題 : 水準媲美上樓café |
地址 : 太子通菜街143-145號 |
地區 : 太子 |
|
現時分數:
|
日期 : 2011-12-30 15:35:53
這間茶餐廳給人很新的感覺,即使不是新開張,也該是開業不久吧?!
侍應多是中年師奶,很友善,有禮,不會因落單時多問一句而「白眼、變臉兼蔑咀」。這樣的服務態度才行吧!
言歸食物,點了一個瑞士汁雞翼撈天使麵。瑞士汁和天使麵都是來自西方飲食界,如今在茶餐廳登場,吃時感覺有趣。想不到雞翼不是雞中翼,而是連帶翼尖,鹵得很入味,很juicy。天使麵爽滑,水準可媲美上樓café,價錢卻便宜一截。若純粹為醫肚,而不是要hea上大半天的話,這裡是不錯的選擇。
|
|
|
日溢中西美食
|
標題 : 質素好一般 |
地址 : 灣仔軒尼詩道117-123號地下A舖 |
地區 : 灣仔 |
|
現時分數:
|
日期 : 2011-12-21 13:49:17
呢度有個「阿禪」侍應 (應該係老闆娘) 好有性格架。我地想食常餐,但係唔想食湯意粉,問佢意粉可唔可以轉通粉,佢好夠中氣咁話:可以,有咩唔可以,轉乜都得,烏冬加3蚊,公仔麵加3蚊,有錢就可以解決。我地O晒咀,還佢一擊:「哦,咁我地都知,但係問題係我哋無錢丫麻。」佢聽完之後騎騎笑。(好笑咩~.~)
最後,我無食常餐,叫左個拉麵餐,炸墨魚餅日式拉麵,配凍奶茶。好唔好食?梗係唔得啦!其實喺港式茶餐廳叫日式拉麵,係一個好有勇氣嘅決定,之但係無路可揀之下都要豁去架啦。
|
|
|
豬士家
|
標題 : 隱世好店 |
地址 : 長洲海傍街41號 |
地區 : 長洲 |
|
現時分數:
|
日期 : 2011-12-19 15:59:01
豬士家係一間好特別嘅食店,唔單只個名特別,店內環境同食物都好special。
黃色嘅牆身佈滿手寫字句圖案,應該係到此一食嘅顧客興之所致寫低嘅,又貼左好多拍下開心時刻嘅照片。加上侍應態度好友善,喺度食嘢,都幾warm架。
呢度係茶餐廳嘅格局,食物就似乎係混雜日、港、台,有港式招牌奶油豬,有日式拉麵,有台式特飲。我叫左個炸蝦餅拉麵,飲紅棗桂圓茶。我嘅湯底係地獄湯底,辣辣地,好醒胃,拉麵好夠爽滑彈牙,蝦餅唔覺有雪藏味,成碗麵都無瑕疵。
咁有水準嘅茶餐廳,匿埋喺長洲,真係side左。 |
|
|
新釗記
|
標題 : 想啃死人咩D牛肚!!! |
地址 : 灣仔軒尼詩道180號地下 |
地區 : 灣仔 |
|
現時分數:
|
日期 : 2011-11-08 17:55:12
兩點零鐘,去左新釗記,食我全日嘅第一餐。
見到佢地有個粉麵餐,一碗粉麵跟飲品,$34,價錢唔算平,但喺灣仔區黎講,都唔算貴。於是我叫左個沙嗲牛肚麵,跟凍奶茶。
麵質好爽彈,唔錯。但係牛肚就唔得,望落去好大塊,好似好得咁樣,但係質感同味道都未合格!牛肚唔夠軟腍,唔夠入味。最唔明嘅係,成碗麵都無沙嗲味,點有資格叫做沙嗲牛肚麵呢????????
|
|
|
The Chicken Man
|
標題 : 我鍾意食滷水脾多啲 |
地址 : 西環西營盤高街72號恆陞大樓地下11號舖 |
地區 : 西環 |
|
現時分數:
|
日期 : 2011-11-01 15:50:35
要去西環高街嗰間教堂參加婚禮,時間好趕,喺教堂附近搵野食,好多間都full,我地一行九人好難搵位,唯得呢間chicken man好多位,而且有張檯,雖然覺得啲野食唔係咁啱口胃,但係都入左去。
間餐廳裝修佈置都好舒適,老闆應該係一位外籍男子加一位中國女子。個男子好nice,但係中國女子就cool cool地。呢度係要自己行去cashier先落order,比錢,取receipt,然後返埋位等。到時到候,有侍應睇我地放喺檯上嘅receipt上嘅單號,將野食送上。
我叫左呢個餐:
C Lunch ($45)
Chicken leg
w/rice
daily soup
湯就最先送上。忌廉湯,黃黃地色,都香濃,唔膩。
飲完湯,等左約莫十分鐘,送上食物。呢度主打雞脾,我呢個餐係一隻雞脾,跟一舊仔飯,跟一堆仔帶汁嘅雜菜。雞脾唔知點形容,乾身,但係又唔係炸,又唔係煎,似係焗啦,香草味,但係肉好鞋,我唔like。都係鍾意食番自己中國滷水脾。舊飲真係好細舊,比BB仔食都嫌佢少。成個餐食晒,無淨,但係都好唔夠飽。
平心而論,呢間餐廳嘅野食唔係難食,只係唔啱自己口味啫。
|
|
|
讚記廚房 A Plus Kitchen |
標題 : 新開嘅茶餐廳 |
地址 : 尖沙咀寶勒巷6-8號盈豐商業大廈地下B舖 |
地區 : 尖沙咀 |
|
現時分數:
|
日期 : 2011-10-25 14:12:44
去睇醫生之前, 喺附近搵野食, 行行下, 見到呢間茶餐廳好光鮮, 係新開嘅, 卡位好濶絡, 入左去食特餐C, 秘製豬軟骨加魚片頭魚湯米線, 凍奶茶, 凍飲加$3, 埋單$42.
呢個價錢喺尖沙咀食嘢黎講, 叫做可以接受, 而且食物質素唔錯, 豬軟骨軟稔入味, 湯底鮮甜, 奶茶有茶香, 合格.
|
|
|
金裝燉奶佬餐廳 Daniel's Restaurant |
標題 : 唔係化......連常餐都無?! |
地址 : 銅鑼灣景隆街24號地下 |
地區 : 銅鑼灣 |
|
現時分數:
|
日期 : 2011-10-14 15:08:15
朝早10點幾, 悶悶地, 出左去逛. 少少餓, 本來想入翠X茶餐廳醫肚, 但係爆晒, 只好去左隔離果間燉奶佬.
呢度好多位, 仲要係卡位, 坐得舒服好多. 一坐低, 侍應比左兩個早餐menu我, 我唔係想食早餐, 我想食常餐, 但左睇右睇, 檯面menu唔係早餐, 就係晚餐. 我舉手問侍應, 你地有無常餐, 佢無答我有定係無, 而係答我: 如果你想食常餐, 呢D早餐有麵食, 就好似常餐咁樣.
下..... 唔係化..... 咁大間茶餐廳, 連常餐都無?! 再講, 一個餐蛋麵就可以等如常餐咩? 唔好玩啦. 唉, 最後只好叫左個早餐, 餐蛋麵配熱奶茶. 食物質素ok嘅, 之不過, 餐牌嘅食品好無新意, 毫無驚喜囉!!!!!!!
|
|
|
狀元麵館
|
標題 : 好無Heart |
地址 : 灣仔軒尼詩道186號地下 |
地區 : 灣仔 |
|
現時分數:
|
日期 : 2011-10-11 10:24:54
去到灣仔軒尼詩道搵野食,發現成條街都係味皇集團嘅天下。新釗記、味皇、狀元一連三間茶餐廳幾乎霸晒成條街,犀利!
三間之中較多位同埋坐得較舒服嘅係狀元,入面全部係卡位,冷氣又夠。只不過,食物質素就一係麻麻地喇。我叫左一個lunch set:
沙爹煙鴨胸 + 菜飯 + 蠔油生菜 + 上湯餃子兩隻 + 加$5有一杯飲品
餃子同生菜嘅味道正常,唔係特別驚喜,但係都唔難食。煙鴨胸味道可以,但係份量極少,得幾塊,真係好矜貴。菜飯就真係完全唔合格,D菜唔係切碎,係長條狀,求其撈落D飯度,就當係菜飯,真係好唔pro,唔夠heart囉。
成個餐都要$45,唔係咁值。
|
|
|
譚仔雲南米線
|
標題 : 土匪雞翼超好食 |
地址 : 沙田橫壆街2-16號沙田中心商場3樓29C舖 |
地區 : 沙田 |
|
現時分數:
|
日期 : 2011-09-15 12:18:00
食譚仔食到上左癮, 早幾日又去左食, 今次叫炸醬腩肉米線, 酸辣湯底. 第一次食譚仔炸醬, 仲以為炸醬係辣嘅, 點知一D都唔辣, 有D失望, 而且好重豬味. 麻麻地.
土匪雞翼就超勁正, 唔知點樣形容佢D味, 總之好好味啦.
|
|
|
日泰郎放題料理
|
標題 : 食1次好喇 |
地址 : 佐敦白加士街66號新寶廣場7樓全層 |
地區 : 佐敦 |
|
現時分數:
|
日期 : 2011-08-31 14:54:29
有個fd食過呢間放題,佢話好食,介紹今次gathering再去。講真,我唔係抱住好大期望去食,直覺話比我知呢間野麻麻地。
服務員話,每檯可以點一次冰鎮刺身,同埋除了任飲佢地嘅飲品之外,仲可以叫一杯特飲。我地決定左特飲之後,就專注叫果個冰鎮刺身啦。我地嘅心態係,每檯只有一次,梗係盡剔啦,因為無得encore。我地一行七人,每款刺身都order十件。刺身終於上檯,賣相好得,插晒decoration,乾冰霧煙,好grand架。刺身味道都鮮甜,唔錯。但係令我地失望嘅係,每款刺身都唔啱數,比我地order嘅少好多好多,咁即係欺騙顧客啦。
至於其他食物,我地食左壽司、刺身、炸物、泰式熟食都有,炸雞軟骨、一口炸豆腐都值得推介,但係其他食物不吃也罷,好明顯係用黎填飽我地個肚就算,無水準可言。
另一個差係,order左嘅野總係漏單,要三趨四請先到,好快又話last order,咁樣食得唔盡興lor。 |
|
|
蘭芳園
|
標題 : 奶油豬超爆好味 |
地址 : 上環干諾道中168-200號信德中心3樓304D號舖 |
地區 : 上環 |
|
現時分數:
|
日期 : 2011-08-25 18:22:07
早幾日去信德中心接船, 早到左, 見到3樓有間蘭芳園, 原來係之前中環老店果間蘭芳園的分店, 喺信德都開左間, 我都係果日先知.
見有時間, 就入左去high tea. 叫左個我至愛嘅奶油豬, 熱奶茶. 奶油豬超正, 咬落口脆卜卜(真係有聲架), 皮脆包軟, 奶油同牛油份量好多, 超正. 本人覺得正過翠X茶餐廳嘅奶油豬.
熱奶茶就更加唔駛多講, 老字號, 一定好飲.
|
|
|
北京回教牛羊美食 Bejing Halal Beef & Lamb Cuisine |
標題 : 一路食一路讚 |
地址 : 九龍城龍崗道23號 |
地區 : 九龍城 |
|
現時分數:
|
日期 : 2010-11-07 15:08:00
見到 100br第一位係九龍城呢間食店, 就決定同女友帶埋阿爸阿媽去試下.
聽講佢最出名嘅係爆汁牛肉餅, 入到去, 果然檯檯都有叫牛肉餅. 今次叫嘅都係大路嘅招牌菜:
爆汁牛肉餅
外皮煎得好乾身, 一咬落去, D汁飛向阿爸隻手臂到, 好彩無整到件衫. 知道左原來真係會爆汁, 跟住我地個個都小心D咬, 咁就無事, 滴出黎嘅汁, 仲一口飲晒佢. 個肉餡有好香濃嘅牛味, 個汁又唔油利, 一上檯就即係食, 熱辣辣, 好好食, 真係要試!
咖喱羊腩
我本身唔食羊腩, 但係見到佢個賣相好得, 女友又話只係小小羶, 而且羶得黎無怪味. 咁我就夾左一舊試. 佢件件都切都四四方方, 有D無骨, 有D有兩條骨, 但係件件都好易咬開, 有骨個D仲要係一咬就離骨, 個感覺好爽. 好香羊味, 個咖哩汁嘅辣味又恰到好處, 薯仔又炆得好入味. 真係好得.
牛三併
有牛肚、牛筋同牛展. 牛肚好厚身, 但係好爽, 好易咬開. 牛筋就更加特別, 個樣好似啫喱, 我估應該係將d滷水汁加石膏粉, 牛筋切粒, 混埋一齊雪成啫喱狀. 入口之後, 滷汁同牛筋融埋一齊, 口感同味道都一流. 最特別嘅係用黎醮食嘅滷水汁, 佢並唔係一般鹹鹹甜甜嘅滷水汁, 第一次食到嘅滷水汁係酸酸地又辣辣地, 同D牛味嘅野併埋, 真係好好味.
干燒四季豆
四季豆應該經過特別處理, 好爽脆, 肉崧又好香, 我地叫左兩客印度薄餅, 包住肉崧黎食, wow…好正!!
小籠包
一籠有10隻, 皮夠薄, 肉餡同湯汁好香濃, 一啖放入口, 成個口都留住香濃嘅牛味.
呢餐唔貴, 食左300頭, 如果圍起計, 一人大概100蚊. 但係大酒樓都未必食到呢D質素. 一個字: 正! |
|
|
La Maison du Chocolat |
標題 : 香滑朱古力 mousse cup cake |
地址 : 中環國際金融中心商場1050號舖 |
地區 : 中環 |
|
現時分數:
|
日期 : 2010-10-26 12:27:03
聽聞呢間shop有一個 chocolate cup cake好正, 就買左一個送比勁鍾意朱古力的ma ma做生日.
個cake用一個透明小膠杯盛者, 面層係一塊薄薄嘅朱古力脆皮, 撒上小小金泊, 脆皮下面成杯都係朱古力mousse, 用膠匙不黎食, 朱古力味香濃, 質感好滑, $60一杯, 份量迷你左小小, 但係好好味.
|
|
|
Monster Sushi |
標題 : 好鮮 |
地址 : 尖沙咀彌敦道63號國際廣場(isquare)3樓302號舖 |
地區 : 尖沙咀 |
|
現時分數:
|
日期 : 2010-10-25 11:12:13
喺K11睇完戲, 順便食埋野. 3點幾鐘, 竟然仲有午餐定食. 於是我叫左個什錦刺身飯定食,
沙律 + 麵豉湯 ~~ ok貨色, 無乜驚喜.
什錦刺身飯 ~~ 刺身件件都好鮮甜, D飯有好濃味嘅酸醋, 好醒胃.
另外散叫左一客 ‘三文魚子海膽花之戀’ 海膽好鮮, 三文魚子香甜, 推介. |
|
|
Monster Sushi |
標題 : 好鮮 |
地址 : 尖沙咀彌敦道63號國際廣場(isquare)3樓302號舖 |
地區 : 尖沙咀 |
|
現時分數:
|
日期 : 2010-10-25 11:05:32
喺K11睇完戲, 順便食埋野. 3點幾鐘, 竟然仲有午餐定食. 於是我叫左個什錦刺身飯定食,
沙律 + 麵豉湯 ~~ ok貨色, 無乜驚喜.
什錦刺身飯 ~~ 刺身件件都好鮮甜, D飯有好濃味嘅酸醋, 好醒胃.
另外散叫左一客 ‘三文魚子海膽花之戀’ 海膽好鮮, 三文魚子香甜, 推介.
|
|
|
大家樂 Cafe De Coral |
標題 : 虛有其表 |
地址 : 大埔富享邨富享商場地下20-21號舖 |
地區 : 大埔 |
|
現時分數:
|
日期 : 2010-10-11 13:46:53
去大家樂買左個飯盒返屋企食, 雞堡牛扒腸仔飯, 跟粟米汁, 個名好長, 其實咪都係曾經好受歡迎嘅什扒飯囉.
賣相唔錯, 比佢8分. 但係味道就差左小小, 幾件扒都係無肉香, 雪藏味好濃, 條腸又係唔香, 係一個虛有其表嘅飯. |
|
|
大家樂 Cafe De Coral |
標題 : 虛有其表 |
地址 : 大埔富享邨富享商場地下20-21號舖 |
地區 : 大埔 |
|
現時分數:
|
日期 : 2010-10-11 13:46:52
去大家樂買左個飯盒返屋企食, 雞堡牛扒腸仔飯, 跟粟米汁, 個名好長, 其實咪都係曾經好受歡迎嘅什扒飯囉.
賣相唔錯, 比佢8分. 但係味道就差左小小, 幾件扒都係無肉香, 雪藏味好濃, 條腸又係唔香, 係一個虛有其表嘅飯. |
|
|
麥當勞 McDonald's |
標題 : 超超超超失望 |
地址 : 愉景灣廣場徑2號愉景廣場G02-G03號地下
|
地區 : 愉景灣 |
|
現時分數:
|
日期 : 2010-10-04 15:25:02
秋高氣爽, 去離島逛逛. 近日麥記宣傳新包 ── 日和特盛魚堡, 一直都好想試下, 就喺果日, 喺愉景灣嘅麥記試左呢個包. 噢…… 超超超超失望喔.
魚堡同平日賣開嘅魚柳包塊魚堡絕無分別, 醬汁聲稱係芝麻醬, 但係成個包幾乎無醬, 反開黎睇, 得個四滴醬, 生菜成大塊摺埋夾喺包內, 賣相好唔得. 麥記越黎越令我失望. |
|
|
永華麵家
|
標題 : 老字號細蓉 |
地址 : 灣仔軒尼詩道89號 |
地區 : 灣仔 |
|
現時分數:
|
日期 : 2010-09-16 10:23:58
突然好想食「細用」,於是再一次光顧雲吞麵老字號。
永華嘅細用賣相幾得,用一粒一粒雲吞墊底,上面放上銀絲麵。麵條爽口彈牙,不會有鹼水味。至於雲吞,雲吞皮滑不溜口,係用蝦肉同豬肉做餡,份量應該係55,既有口感又有肉香。 |
|
|
永華麵家
|
標題 : 老字號細蓉 |
地址 : 灣仔軒尼詩道89號 |
地區 : 灣仔 |
|
現時分數:
|
日期 : 2010-09-16 10:23:57
突然好想食「細用」,於是再一次光顧雲吞麵老字號。
永華嘅細用賣相幾得,用一粒一粒雲吞墊底,上面放上銀絲麵。麵條爽口彈牙,不會有鹼水味。至於雲吞,雲吞皮滑不溜口,係用蝦肉同豬肉做餡,份量應該係55,既有口感又有肉香。 |
|
|
三河屋
|
標題 : 唔夠正宗 |
地址 : 紅磡明安街14號寶石戲院大廈地下D舖 |
地區 : 紅磡 |
|
現時分數:
|
日期 : 2010-09-15 10:13:58
同老友聚舊, 特登舊地重遊, 去三河屋食日本料理
我地叫左多款刺身, ‘凡立貝刺身’一客有4片, 每片都有一卷膠紙咁厚咁大, 睇見已經流洒口水, 仲要入口係鮮到不得之了, ichiban. ‘劍魚腩刺身’就失望左小小, 無乜魚味.
我地又叫左一個‘鰻魚飯’, 夠大碗, 份量多, 賣相吸引, 好可惜味道差左小小. 鰻魚嘅肉同外皮都太實喇, 醬汁唔夠味.
另外一個飯係‘吉列豬扒北海道忌廉飯’, 隻碟好大隻, 飯夠多, 但係質素唔得. 豬扒肉質好實, 好似有雪藏味添. |
|
|
喜喜冰室
|
標題 : 很完美的懷舊茶餐 |
地址 : 銅鑼灣加寧街8號海倫大廈地下 |
地區 : 銅鑼灣 |
|
現時分數:
|
日期 : 2010-09-14 13:41:22
食左個懷舊茶餐, 牛油多士加火腿炒旦, 叉燒湯意粉改出前一丁麵(要加$9).
要勁讚嘅係牛油多士, 厚身, 外脆內軟, 面層嘅芝士粉焗到燶燶地, 好香口, 勁正! 火腿炒旦好滑, 都係好食. 至於個叉燒丁麵, 佢地嘅丁麵係日版, 麵質特別彈牙, 又唔會發脹, 湯底特別香濃, 隨麵附上原裝麻油比客人自己落. 我向來唔鍾意食叉燒, 不過佢話無得轉配料, 唯有試下係咪真係咁好食….果然係喜出望外! 叉燒薄身軟稔, 有肉香, 好味! 本來餐飲想叫凍檸樂, 點知凍檸樂算係特飲, 要加$10, 咁緊係唔飲啦, 最後飲凍檸茶, 紅茶味好香, 茶係冰凍, 所以放耐左D冰都唔會喺面層變成一層水.
總共食左$41, 以茶餐黎講係貴左d, 但係從食物質素黎講, 絕對抵食. 起碼好過差唔多價錢嘅翠X茶餐廳嘅常餐啦.
|
|
|
喜喜冰室
|
標題 : 很完美的懷舊茶餐 |
地址 : 銅鑼灣加寧街8號海倫大廈地下 |
地區 : 銅鑼灣 |
|
現時分數:
|
日期 : 2010-09-13 23:41:23
食左個懷舊茶餐, 牛油多士加火腿炒旦, 叉燒湯意粉改出前一丁麵(要加$9).
要勁讚嘅係牛油多士, 厚身, 外脆內軟, 面層嘅芝士粉焗到燶燶地, 好香口, 勁正! 火腿炒旦好滑, 都係好食. 至於個叉燒丁麵, 佢地嘅丁麵係日版, 麵質特別彈牙, 又唔會發脹, 湯底特別香濃, 隨麵附上原裝麻油比客人自己落. 我向來唔鍾意食叉燒, 不過佢話無得轉配料, 唯有試下係咪真係咁好食….果然係喜出望外! 叉燒薄身軟稔, 有肉香, 好味! 本來餐飲想叫凍檸樂, 點知凍檸樂算係特飲, 要加$10, 咁緊係唔飲啦, 最後飲凍檸茶, 紅茶味好香, 茶係冰凍, 所以放耐左D冰都唔會喺面層變成一層水.
總共食左$41, 以茶餐黎講係貴左d, 但係從食物質素黎講, 絕對抵食. 起碼好過差唔多價錢嘅翠X茶餐廳嘅常餐啦.
|
|
|
華園餃子館
|
標題 : 做得唔錯嘅餃子 |
地址 : 旺角勝利道14F-14G勝利大廈G/F |
地區 : 旺角 |
|
現時分數:
|
日期 : 2010-09-01 20:15:46
本來去睇狗狗用品, 經過見到一間專食餃子嘅店子, 就入左去食.
呢度嘅野食都幾特別, 有一款叫做 ‘十三么’, 原來係集齊佢地店子13款餃子, 再加多一粒餃子, 一碗總共有14粒餃, 乾身上, 無湯, 見人地食得津津有味, 我就無叫到13么, 因為想試下佢地嘅番薯粉, 怕食唔晒咁多隻餃.
結果, 我揀左西洋菜水餃番薯粉, 飲左一杯山葵酸梅湯. 水餃真係好好食, 水餃皮唔太厚, 唔太薄, 好有口感, 餡料好香, 不過西洋菜有小小苦澀, 但係都好好食. 但係杯酸梅湯就無乜特別, 真係一杯普通不過嘅酸梅湯, 要20蚊, 真係好唔抵. 但係想食餃子的話, 呢間餃子館真係值得去食.
|
|
|
滋味 Tapas.g (已結業) |
標題 : 獨市小食店 |
地址 : 鴨利洲海怡半島東翼商場G08A地舖 |
地區 : 鴨利洲 |
|
現時分數:
|
日期 : 2010-08-28 10:40:08
呢間小食店可以話係海怡半島嘅人氣店, 皆因佢出名雞蛋仔同夾餅好食, 而且勝在有諗頭, 譬如話有小食三寶(燒賣、腸粉、魚蛋), 一份10蚊, 又有咖喱拼盤 (咖喱角、咖喱魚蛋、薯條等), 又有自煲酸梅湯, 早兩日就係食左呢三樣, 結果係…..有小小失望. 叫老板娘腸粉走甜醬要麻醬, 佢就幫我走麻醬要甜醬, 又唔夠匙油, 乾爭爭咁樣, 魚蛋唔彈牙, 燒賣淋淋地. 拼盤仲差, 全部都唔脆口, 酸梅湯好淡味. D野食都係好一般姐!! 但係可能因為佢係呢度唯一獨市小食店, 所以都會有人幫襯, 而且主要係小學生幫襯. |
|
|
謙記吉祥閣 Him Kee |
標題 : 真係好得 |
地址 : 銅鑼灣謝斐道408-412號華斐商業大廈1及2字樓 |
地區 : 銅鑼灣 |
|
現時分數:
|
日期 : 2010-08-20 22:13:10
老闆請食飯, 所以食得好豪.
象拔蚌刺身, 好爽口, 好鮮甜, 好正!
蝦刺身, 又係好爽, 好鮮, ichiban.
番茄豬骨湯底, 外表平凡, 但係好鮮甜, 豬軟骨數量唔少, 而且大大件.
蝦丸, 一粒有成兩隻蝦, 爽口, 彈牙.
炸腐皮卷, 浸一浸鮮甜豬骨湯就放入口, 脆口之餘, 更吸引左湯嘅精華.
臨尾贈送果盤、甜品. 有一款包仔, 外型似迷你波蘿包, 咬開裏面有餡, 類似奶黃嘅物體, 幾過癮. 糕點都唔錯, 好fresh. |
|
|
學利魚蛋
|
標題 : 好麻... |
地址 : 柴灣興華廣場地下G01號舖 |
地區 : 柴灣 |
|
現時分數:
|
日期 : 2010-08-09 23:18:09
今日想食粉麵, 近近地去左學利. 呢間粉麵店開左無耐, 聽聞佢嘅魚蛋好出名, 但係最後我揀左川味麻辣湯底, 配雲吞, 薯粉底, 小辣. 雲吞好好食, 湯底真係超勁辣, 辣得黎係令咀唇好麻, 果然係麻辣!! 食到我標晒汗, 咀又紅晒, 要用飲品 ‘送服’.
整體黎講, 個人比較鍾意辛辣, 唔鍾意‘麻’辣, 所以下次唔會再食麻辣湯底, 但係打算試佢嘅魚蛋粉. |
|
|
とん吉日式吉列專門店 Tonkichi Tonkatsu Seafood |
標題 : 吉列爽脆 |
地址 : 銅鑼灣告士打道228號世貿中心4樓412舖 |
地區 : 銅鑼灣 |
|
現時分數:
|
日期 : 2010-07-20 09:27:42
每次入世貿, 都想食呢間吉列店, 但係次次都出現人龍. 尋日生日, 女友知我一直都想食, 就為我訂檯, 終於食到.
我地叫左兩個定食, 一個吉列豬扒, 一個集錦刺身, 兩份食. 我第一次食到咁脆嘅吉列豬扒, 又唔油, 唔怪得成日大排長龍. 刺身都好鮮甜, 件件都好大件, 超正.
個餐牌仲寫住, 白飯同菜任添, 我添多半碗白飯, 完成了好滿足嘅一餐. |
|
|
七彩雲南米線
|
標題 : 一定要試朱古力普洱 |
地址 : 旺角太子道西193號新世紀廣場5樓540號舖 |
地區 : 旺角 |
|
現時分數:
|
日期 : 2010-07-13 09:57:30
喺個food court遊晒全部店, 最後被呢間米線吸引住我, 見佢碗米線好大碗, 個湯好夠紅, 賣相好得, 再睇餐牌, 兩拼都只係26蚊, 包埋餐飲, 餐飲又好多款式, 而且好特別, 叫左杯朱古力普洱 (真係第一次見呢款飲品), 見佢話自己係人氣推介, 就膽粗粗叫左一杯, 米線就食野菌豬肉餃拼酸辣肉碎.
滿懷希望咁食米線, 可惜酸辣湯得個樣, 酸而不辣, 又希框框, 唔夠濃烈, 餃子餡料好咸, 米線亦唔見到好彈牙爽滑. 不過, 朱古力普洱真係值得推介, 好香普洱味得黎又有小小朱古力味, 兩隻味混合得天衣無縫, 恰到好處, 真係好好飲, 推介比大家.
|
|
|
鴻運冰廳餅店 Hung Wan Caf |
標題 : 絕對唔會再幫襯! 好失望! |
地址 : 旺角上海街 726 號地下 |
地區 : 旺角 |
|
現時分數:
|
日期 : 2010-07-13 01:02:42
由屯門坐Van仔出旺角, 一落車, 興合合, 見到間冰廳, 二話不說就入左去避暑. 有兩層, 地面層無位, 上左去閣樓. 第一個印象係都算幾乾淨企理, 但係都係無晒car位, 同人share長檯坐.
坐低睇餐牌, 叉燒、肉丁都唔係我favor, 問侍應可唔可以轉火腿通, 佢好熱誠咁話可以, 問佢煎雙蛋轉炒蛋得唔得, 佢又好樂意咁話得, 仲話送個菠蘿包比我地. 我地覺得呢間冰室好有家庭feel.
殊不知…. 食物質素係唔合格. 火腿通果然係火腿通, 就淨係火腿加通粉咁簡單, 湯底係滾水, 無味嘅. 通粉又過腍, 一d都唔好食. 波蘿包係超迷你, 半隻手掌手咁上下大細, 又包皮腍姐姐, 包身又唔夠鬆化, 真係送都唔想食.
食食下, 仲有食客係度煲煙添, 乜佢唔知食肆禁煙呢條條例架咩?! 係一個密封嘅空間入面煲煙, 真係一個好自私嘅行為. 侍應又唔禁止佢地, 我睇得出佢地係常客, 而侍應又擺明比佢地煲煙, 因為無幾耐有另一個食客上到黎, 一坐低, 野食都未叫, 就即刻攞口煙出黎點著佢, 仲唔係擺明比人食煙?!
絕對絕對絕對唔會再黎呢間冰廳食野!! 絕對唔會!!
|
|
|
嚐越
|
標題 : 唔錯的越食 |
地址 : 葵芳興芳路223號新都會廣場3樓389-392號舖 |
地區 : 葵芳 |
|
現時分數:
|
日期 : 2010-07-08 20:25:34
荃灣返工有好多野食, 不過亦都好迫人. 嚐越係其中一間我嘅favor. 我通常都會食香茅豬扒飯, 來一杯凍奶茶, 有時會食烤牛肉湯粉.
香茅豬扒飯好唔錯, 豬扒肉質軟腍, 小小肥肥地, 就係咁先好味.
我鍾意食烤牛肉湯粉, 因為湯粉好滑口, 牛肉幾嫩滑.
杯奶茶都沖得唔錯. |
|
|
泉章居 Chuen Cheung Kui |
標題 : 抵食兼好食之選 |
地址 : 旺角奶路臣街33號依利大廈 E舖
|
地區 : 旺角 |
|
現時分數:
|
日期 : 2010-07-02 09:20:52
約定左一年一度re-u, 必去泉章居. 早幾日又係一班舊同學去食晚飯, 例牌必叫鹽焗雞半隻、同埋梅菜扣肉, 另外試左其他未試過嘅…. 包括煎炆豆腐、海鮮什菜煲.
雞肉好嫩滑, 但係唔夠鹽焗香味, 梅菜扣肉就真係值得一讚, 超正!! 明知唔太健康, 都忍唔住一舊食完又一舊.
煎炆豆腐清得黎又小小香口, 都係唔錯.
海鮮什菜煲嘅味道都唔錯, 但係海鮮少左d, 菜亦都唔算得上係 “什菜”, 不過勝在粉絲夠多, 湯底清甜.
每人都係食左80幾蚊. 認真抵食.
|
|
|
鳴門壽司串揚料理 Naruto Japanese Restaurant (已結業) |
標題 : 好鮮好多款式 |
地址 : 九龍灣宏照道38號 Megabox 10樓5號舖 |
地區 : 九龍灣 |
|
現時分數:
|
日期 : 2010-06-24 14:27:55
鳴門嘅壽司有好多款式, 今次食左:
蕃茄豬骨湯烏冬定食 ~ 滾住咁上枱, 熱辣辣, 特別出味.
串燒定食 ~ 有炸牛肉、南瓜、炸蝦跟飯、同埋麵豉湯. 炸蝦好香好脆口, 全部都炸得唔油, 好食.
8寸長鰻魚壽司 ~ 燒汁味道好正
8寸長三文魚壽司 ~ 好大塊, 好yummy.
凡立貝 ~ 好鮮甜呀!!
|
|
|
鳴門壽司串揚料理 Naruto Japanese Restaurant (已結業) |
標題 : 食物高尚但係價錢合理 |
地址 : 九龍灣宏照道38號 Megabox 10樓5號舖 |
地區 : 九龍灣 |
|
現時分數:
|
日期 : 2010-06-24 14:16:09
食左一個鮮三文魚蟹肉洋風沙律, $68、一個石鍋鰻魚炒飯, $78.
三文魚的片數都唔少, 而且好新鮮, 蟹肉係松葉蟹肉, 香草同沙律油都好正, 成個沙律好健康, 68蚊一客, 都好合理.
鰻魚炒飯好食, 炒得好金黃, 粒粒分明, 加上有洋蔥、椒、甘荀, 好fresh, 唔滯.
|
|
|
三木韓國料理
|
標題 : 無乜特別 |
地址 : 尖沙咀堪富利士道12-16號宏貿發展大廈2樓 |
地區 : 尖沙咀 |
|
現時分數:
|
日期 : 2010-06-22 15:17:50
早幾晚去左呢間韓國餐廳食野, 一入到去, 鬼死咁焗, 冷氣唔夠涼, 想熱死人咩.
據說係由韓國人開, 我地食左個牛肉鍋, 有成隻八爪魚、生牛肉, 仲有D菜、菇之類, 好食, 但係唔抵食, 要成$380.
另外食左個泡菜蠔餅, 話明係蠔餅, 但係食唔到有蠔, 請問D蠔去左邊?! 失望!! Menu嘅相影得好吸引, 但係真實就……
仲要食食下有人搭枱, 超奇怪.
|
|
|
越興苑越南美食菜館 Vietnam Garden Restaurant |
標題 : 失望 |
地址 : 旺角花園街107號 |
地區 : 旺角 |
|
現時分數:
|
日期 : 2010-06-21 09:38:31
炎炎夏日, 喺條街度又熱又餓, 入左去越興苑食lunch. 樓下爆棚, 坐樓上. 好有上樓café格局.
叫左個越式炒金邊粉, 飲凍檸樂. 金邊粉唔係幾得, 賣相唔得, 味道唔得, 炒得好油, 又唔夠彈牙, 又好碎, 又好咸, 唔想side野, 加上肚餓, 先至會食晒佢. 凍檸樂唔係原罐上, 以為用汽水餅, 飲落又唔係喎, 味道應該係原裝. 檸檬係用青檸, 可能因為越南餐廳啦. |
|
|
炳記麵家
|
標題 : 十年不變 |
地址 : 田灣街2A號 |
地區 : 香港仔 |
|
現時分數:
|
日期 : 2010-06-18 16:54:51
炳記伴住我成長, 食左咁多年, 都唔厭, 亦無失望過.
老板炳哥煮得一手好牛雜, 不過, 我通常食佢嘅牛筋、牛丸, 好正. 有時唔食牛, 叫佢加腩汁(佢地叫加色), 湯底就好味好多.
佢嘅時菜仲抵食, 10一碟, 好大份, 芥蘭翠綠爽口, 係我favor. |
|
|
美心香港地
|
標題 : 多得世界盃 |
地址 : 鴨利洲海怡半島西翼商場地下G48舖 |
地區 : 鴨利洲 |
|
現時分數:
|
日期 : 2010-06-14 10:58:31
呢間美心香港地開左大大話話都有個幾月, 次次黎到都要大排長龍, 不論你係想食早餐、午餐、下午茶餐、定係晚餐, 總之餐餐都要排隊. 可能因為尋晚7點半世界盃開賽, 好多人留喺屋企食飯, 又或者去左d有世界盃賽事睇嘅餐廳, 呢度頓時唔駛點等位, 仲有car位坐添.
我食叉雞飯, 跟一碟油菜, 跟一個例湯或者一杯飲品, 我加4蚊飲凍檸樂, 檸樂係原樽上, 但係個燒味飯唔係幾得, 叉燒好肥, 切雞比隻翼我, 仲要斬埋, 怕我無牙咬咩. 雞翼已經唔受歡迎, 仲要碎上, 真係食得唔高興. |
|
|
時新快餐店
|
標題 : 無可抗拒嘅雙層漢堡蛋 |
地址 : 紅磡黃埔街1號A舖 |
地區 : 紅磡 |
|
現時分數:
|
日期 : 2010-06-10 18:17:24
每日返公司都係呢度買早餐, 風雨不改, 三年不變, 仲要係十居其九都係食我至愛嘅 ~~~~~ 雙層漢堡蛋.
雙層嘅口感勁豐富, 亦好滿足, 隻蛋好厚身, 又好juicy, 絕對好食過M記….
|
|
|
大利冰室
|
標題 : 懷舊冰室 |
地址 : 深水埗北河街32號 |
地區 : 深水埗 |
|
現時分數:
|
日期 : 2010-06-10 09:48:31
好鍾意舊式冰室嘅feel, 雖然食物款式來來去去都係餐蛋通、丁麵之類, 但係喺果種氣氛度食住呢D野, 係一種生活享受.
朋友介紹我, 深水埗有一間大利冰室, 已經開業50年, 我當然要去一試啦. 我食餐蛋麵, 飲熱奶茶. 雙蛋煎得好香, 尤其係條蛋邊, 好脆口. 奶茶好香濃滑溜, 原價都只係9文錢, 真係好抵. 不過, 好少去深水埗, 要等下次再來訪. |
|
|
祥榮餐廳 Cheung Wing Restaurant |
標題 : 海南雞飯 |
地址 : 黃埔花園1期地下G7A-B,D號舖 |
地區 : 紅磡 |
|
現時分數:
|
日期 : 2010-06-09 17:04:00
老豆老母去旅行, 呢個禮拜都可以食下出面D野, 真好!
尋晚落左去祥榮食海南雞飯, 跟一個湯, 一杯飲品.
我飲羅宋湯, 勁落胡椒粉, 每啖湯吞下去時, 喉部都是熱辣的, 感覺好正.
海南雞飯, 雞滑, 飯咸香, 好食.
總之唔係阿媽煮嘅野, 通常我都覺得好食 ~.~ |
|
|
煌府海景宴會廳
|
標題 : 食物水準好得 |
地址 : 紅磡都會道6號國際都會商場7樓708舖 |
地區 : 紅磡 |
|
現時分數:
|
日期 : 2010-06-09 15:43:46
朋友結婚去飲, 呢間酒樓都好有派頭, 幫新娘新郎包晒裝飾佈置, 仲會噴紙碎搞氣氛. 個台有一座白色三角形鋼琴, 有張白色梳化, 比人同新人影相, 認真唔錯.
至於當晚嘅食物, 都算係達標, 炸蟹蚶外脆內軟, 好有蟹香, 真材實料. 個魚翅都好得, 起碼真係食到有翅, 而唔係瘦肉或者粉絲. 條魚同隻雞都好食, 紅豆沙又係有水準, 甜度適中, 就連最後送上嘅橙都係又甜又大個嘅橙.
|
|
|
Panda Japanese Homestyle Curry |
標題 : 成為我嘅心水店 |
地址 : 大坑銅鑼灣道94號 |
地區 : 大坑 |
|
現時分數:
|
日期 : 2010-06-08 17:47:46
近期愛上左panda呢間餐廳, 裝修環境唔錯, 尤其醉心佢地嘅咖喱吉列蠔飯, 同埋焦糖布丁.
本身鍾意食蠔, 呢度嘅吉列蠔炸得香口, 咖喱又唔會太辣, 所以啱晒我口味.
焦糖布丁亦都啱我口味, 因為我好鍾意食甜野, 不過稍嫌布丁部分鞋左小小, 尚待改善.
|
|
|
Rice Paper |
標題 : 荷葉飯好食 |
地址 : 銅鑼灣告士打道280號世貿中心P413-418 |
地區 : 銅鑼灣 |
|
現時分數:
|
日期 : 2010-06-08 15:11:01
尋晚一個人, 去左rice paper食左兩樣野, 食左一個荷葉飯, 一客炸軟殼蟹.
荷葉飯嘅外形整得幾精緻, 味道都唔錯, 好有荷葉飯香.
炸軟腳蟹都好正, 好香口, 但係竟然用生果伴碟, 呢個真係我第一次遇上嘅做法, 不過, 呢個搭配都算幾特別ge. |
|
|
The Flying Pan |
標題 : 半生熟 juicy egg oscar |
地址 : 中環奧卑利街9號地面 |
地區 : 中環 |
|
現時分數:
|
日期 : 2010-06-08 11:34:47
Pan都識flying?! 好堅wor!! 唔怪得招牌菜EGG OSCAR. 慕名而到呢間餐廳, 同女友撐檯腳, 食左一份egg oscar, 伴菜係asparagus同小蝦, 黃色嘅hollandaise sauce酸酸地, poached eggs好半生熟, 蛋黃流流地心, 好juicy, 好高技巧.
呢度結帳時, 係用隻咖啡杯仔收錢同找錢, 都幾過癮. |
|
|
Number One 麵包餐廳
|
標題 : 好寫意 |
地址 : 田灣石排灣道12號 |
地區 : 香港仔 |
|
現時分數:
|
日期 : 2010-06-07 12:11:07
上星期六短週, 落去number one嘆左個早餐. 煎雙蛋拼雙腸, 牛油方包轉多士, 飲杯香濃嘅熱奶茶, 寫意嘅人生, 就係咁簡單. |
|
|
Number One 麵包餐廳
|
標題 : 好寫意 |
地址 : 田灣石排灣道12號 |
地區 : 香港仔 |
|
現時分數:
|
日期 : 2010-06-07 12:11:03
上星期六短週, 落去number one嘆左個早餐. 煎雙蛋拼雙腸, 牛油方包轉多士, 飲杯香濃嘅熱奶茶, 寫意嘅人生, 就係咁簡單. |
|
|
太興燒味連鎖店
|
標題 : 得一款菜算得係雜菜咩!!! |
地址 : 柴灣興華邨興華商場1樓115號舖 |
地區 : 柴灣 |
|
現時分數:
|
日期 : 2010-06-07 10:38:11
最近太興有新口味嘅午餐, 我去左食一個泰式雜菜金邊粉, 炒得唔錯, 粉彈牙, 唔咸, 美中不足係太少菜, 得個幾片椰菜, 話明雜菜家麻, 雜黎雜去都係椰菜, 仲要係得個幾片. 咁樣做生意點得架!!
|
|
|
豚組吉列專門店 Butagami Tonkatsu |
標題 : 超薄爆大豚肉 |
地址 : 銅鑼灣軒尼斯道502號黃金廣場7樓 |
地區 : 銅鑼灣 |
|
現時分數:
|
日期 : 2010-06-04 17:26:29
邊個話豬扒一定係又肥又大件?! 我食過一件豬扒超爆薄身嘅!! 而且唔肥, 炸得又好好味, 端上檯嘅時候, 唔係用碟盛住, 而係用一塊類似砧板嘅物體, 真係好浮誇, 食到好飽, 名副其實嘅踞扒.
又食左碟凍豆腐, 點點兒嫩滑, 不過要$28, 貴左小小。
|
|
|
海蔘飯莊 (已結業)
|
標題 : 今次的羊肉好多碎骨 |
地址 : 田灣嘉禾街15號順豐大廈地下3號舖 |
地區 : 香港仔 |
|
現時分數:
|
日期 : 2010-06-03 15:31:53
自從開左海蔘飯莊之後, 我好多時都去食午飯, 最主要係因為平靚正, 健康得黎又好味.
鮑汁羊肉飯係我嘅favor, 十居其九都係食呢個套餐, D羊肉炆得好入味, 好軟稔, 鮑汁好味, 跟一杯飲品, 我通常飲黑豆漿, 淡淡地, 唔甜, 夠健康. 不過, 尋日廚師有小小失手, D羊肉斬得太細件, 炆出黎嘅羊肉太多碎骨, 混入喺碗飯當中, 食嘅時候食得步步為營, 唔夠暢快. 向侍應反映, 佢都好有禮貌咁解釋同埋say sorry, 態度可嘉.
|
|
|
Wooloomooloo Steakhouse |
標題 : 踞扒 |
地址 : 尖沙咀柯士甸道西1號圓方2樓2100號舖 |
地區 : 尖沙咀 |
|
現時分數:
|
日期 : 2010-06-02 17:26:34
星期日去左圓方逛逛, 見到一間名稱好特別嘅餐廳, 原來係澳洲菜,主打食扒. 於是入左去踞扒.
主菜之前, 送上一盤麵包, 而且係免費添架, 一D都唔行貨, 超有水準, 外脆內軟, 配黑醋食, 爆正.
期待嘅牛扒終於送上, 好夠牛香, 肉質適中, 一個人食左8安士, 問你驚未?! |
|
|
大家樂 Cafe De Coral |
標題 : 馬蹄肉餅飯做得幾好 |
地址 : 頌安村頌安商場190號舖 |
地區 : 馬鞍山 |
|
現時分數:
|
日期 : 2010-06-01 17:13:31
尋晚一個人去大家樂食晚飯, 當刻已經係八點三, 仲有45分鐘就關門, 所以好多款式都沽清. 最後只好選擇 ‘馬蹄肉餅飯’.
丫… 殊不知唔太差喎, 賣相可以, 味道都唔錯, 咸蛋黃好香, 肉餅質感恰到好處, 仲食到粒粒馬蹄添. 唔錯. |
|
|
椰林閣餐廳 Yeh Lam Kok Restaurant |
標題 : 係我黑仔, 定係你地超低水準!!!! |
地址 : 柴灣興華村興華商場一樓104舖 |
地區 : 柴灣 |
|
現時分數:
|
日期 : 2010-05-31 16:37:14
下晝去食lunch, 一去到就有位, 唔駛等. 同事A食牛柳, 同事B食XO醬海鮮炒鴛鴦粉, 我食忌廉魚柳跟薯菜.
同事A、B好快有得食, 就係我等了又等, 等左二十分鐘, 都未黎主菜, 三吹又四請, 終於見到個侍應捧住兩碟魚柳出黎, 點知…. 天有不測之風雲…. 佢竟然行到我地張檯旁邊嘅時候…. 兩碟魚柳都跌左落地……. Oh no….. 我等左20分鐘, 又要再等, 真係好戲劇化, 但係真人真事, 絕不是巧合或者雷同, 結果… 又要再等, 等左5分鐘, 我問侍應, 還要等多久, 見佢有小小驚, 窒住口咁回應: 好快嘅.., 正當我諗住取消order嘅時候, 突然間有個侍應放左碟魚柳落黎檯面, 噢… 魚柳來了, 好可惜超勁細塊, 唔通全間店只有6、7塊魚柳, 跌左四塊落地, 變左我呢碟要將一塊魚柳cut成兩塊上檯? 細塊不特只, 仲要係外面有煙, 但入口暖暖地, 唔係熱, 薯條硬柴, 又無薯味, 真係好唔得. 椰林閣, 我真係對你好失望. |
|
|
美味廚 Delicious Kitchen |
標題 : 真係美味嗎 |
地址 : 銅鑼灣加寧街9-11號華高大廈地下B舖(名店坊/名店廊) |
地區 : 銅鑼灣 |
|
現時分數:
|
日期 : 2010-05-28 17:48:46
好隨意咁入左去美味廚, 叫左客排骨菜飯套餐, 跟湯.
湯係酸辣湯, 頗大碗, 都幾‘傑’, 感覺好似加左好多生粉茨咁樣, 即係好似食涆梗碗仔翅咁呀. 湯料有豬紅、肉絲、豆腐條、木耳絲之類, 好似有海蔘添呀, 材料係足, 但係湯嘅口感就一般.
排骨菜飯排骨唔似排骨, 似豬扒多D喎. 豬扒(係排骨至啱)炸得好脆, 但係肉質實實地, 講明係菜飯, 又無乜菜, 有小小失望. |
|
|
Pasta De Waraku |
標題 : 頂住道火氣 |
地址 : 鑽石山荷里活廣場2樓288號舖 |
地區 : 鑽石山 |
|
現時分數:
|
日期 : 2010-05-27 18:01:53
一班人睇完戲, 去左呢間餐廳食野.
我叫左個和風海鮮湯麵. 奇怪! 點解個湯麵見唔到湯, 而係一pat pat糊狀嘅物體?! 原來湯底加上芡汁變成糊狀, 見到都唔想食, 最討厭食糊狀嘅麵, 同侍應講, 佢話呢個係佢地廚師煮麵嘅一個方法, 本身個麵係咁樣, 所以唔會加湯比我. 我發火, 話要取消order, 即刻企起身要走, 經理先至急急腳行出黎, 同我say sorry, 叫我叫過另一款野食, 一班fd又勸我坐低, 我先至算數, 叫左個日式雞肉炒飯, 個炒飯唔得, D飯諗左D, 麻麻地好食. 呢餐真係連背脊骨都落唔到. |
|
|
美心快餐 Maxim's MX |
標題 : 漢堡扒牛扒腸意粉 |
地址 : 上水港鐵站大堂9號舖 |
地區 : 上水 |
|
現時分數:
|
日期 : 2010-05-26 17:21:22
臨返屋企之前, 喺港鐵站買左個外賣. 牛扒腸配漢堡扒, 跟意粉, 飲熱檸水, $29. 我鍾意食佢嘅牛扒腸, 好大條, 肉質彈牙, 漢堡扒都唔錯架, 不過d汁就麻麻地, 稀左小小, 又唔夠多, 呢樣比較失色. |
|
|
聰嫂私房甜品
|
標題 : 並唔係坊間所評的咁正啫.... |
地址 : 銅鑼灣霎東街33號快捷假日酒店地下G1號舖 |
地區 : 銅鑼灣 |
|
現時分數:
|
日期 : 2010-05-25 17:27:46
個個都話聰嫂嘅榴槤水晶珠好正, 我地一入到舖頭門口, 就已經聞到好濃烈嘅榴槤味, 我本人怕怕地榴槤, 所以無食到佢嘅招牌甜品.
我揀左龍眼豆腐花, 點之….. 佢黎錯左, 黎左個龍眼椰果冰, 侍應姐姐仲堅持話係豆腐花, 食晒成碗, 一粒豆腐碎都搵唔到, 咁都算係豆腐花咩?! 不過, 好彩個椰果冰都ok gd, D冰夠凍, 入口D牙好酸軟, 龍眼肉好爽, 椰味唔太濃, 恰到好處.
我朋友食榴槤水晶珠, 佢話得開頭兩三舊榴槤係真榴槤肉, 底下一pat pat應該係用榴槤膏整, 所以先至會有極其強勁嘅榴槤味喎.
Anyway, 本人覺得呢間聰嫂甜品, 並唔係坊間講到咁勁囉. 唔會刻意再食. |
|
|
茶軒台灣料理 Odeon Taiwanese Cafe (已結業) |
標題 : 唔計較質素, 但求醫肚. |
地址 : 小西灣道28號藍灣半島藍灣廣場G16號舖 |
地區 : 小西灣 |
|
現時分數:
|
日期 : 2010-05-19 18:29:48
平日夜晚放工返到屋企都8點幾, 通常都係去茶軒醫肚就算, 貪佢夠多位, 唔駛同人share坐, 食得自在一D.
尋晚食左個滷蛋肉燥飯, 有半隻蛋, 但係肉燥份量唔夠多, 個飯又唔夠汁. 飲左杯蘋果綠茶, 無乜特別, 求求其其又一餐就算吧. |
|
|
菓一道健康餐廳 Fruit Stop Health Food Restaurant |
標題 : 又健康又好味 |
地址 : 銅鑼灣波斯富街99號利舞臺廣場7樓A店 |
地區 : 銅鑼灣 |
|
現時分數:
|
日期 : 2010-05-18 18:28:31
好耐無食西餐, 突然想起菓一道, 尋晚同女友去食.
佢地嘅晚餐超多野食, 先有一個沙律, 尋晚係蟹子海蜇雜菜, 不過鹹左小小. 然後係餐湯, 尋晚係南瓜湯, 個湯唔稀唔傑唔太甜唔太淡, 好得. 個餐包仲正呀, 外脆內軟, 又好香麥味.
主菜方面, 我地叫左一個比目魚, 一個紐西蘭羊扒, 兩款都好好食. 女友就好鍾意食佢地D伴菜 (青瓜、西蘭花、紅蘿蔔).
甜品有三款選擇, 荔枝椰果凍、番薯糖水、紅豆雪糕, 我地食雪糕同椰果, 雪糕好香紅豆味, 但係椰果太甜, 食左一半無食到.
餐飲方面, 我地飲黑芝麻豆漿、同埋柑桔青檸, 兩款都好飲.
用恒生咭付款有9折優惠, 即係免左加一, 共計$196. |
|
|
英姐茶餐廳 (已結業)
|
標題 : 好麻! |
地址 : 田灣嘉禾街14-22號4A舖 |
地區 : 香港仔 |
|
現時分數:
|
日期 : 2010-05-17 17:31:48
英姐最近新推左一味魚麵套餐, 古法魚腐 + 雞扒/牛扒/豬扒/雞翼 + 魚麵, 跟一杯餐飲, $25, 麻辣湯底就加$2.
我食魚腐豬扒魚麵, 轉麻辣湯底, 好得呀. 個湯真係好麻好辣, 食到變孖膶咀, 鼻哥又標晒汗. 魚腐麻麻地好食, 但係魚麵ichiban, 爽滑彈牙. 正.
|
|
|
英姐茶餐廳 (已結業)
|
標題 : 好麻! |
地址 : 田灣嘉禾街14-22號4A舖 |
地區 : 香港仔 |
|
現時分數:
|
日期 : 2010-05-17 17:31:48
英姐最近新推左一味魚麵套餐, 古法魚腐 + 雞扒/牛扒/豬扒/雞翼 + 魚麵, 跟一杯餐飲, $25, 麻辣湯底就加$2.
我食魚腐豬扒魚麵, 轉麻辣湯底, 好得呀. 個湯真係好麻好辣, 食到變孖膶咀, 鼻哥又標晒汗. 魚腐麻麻地好食, 但係魚麵ichiban, 爽滑彈牙. 正.
|
|
|
北京樓 Peking Garden Restaurant |
標題 : 令人大失所望 |
地址 : 尖沙咀梳士巴利道3號星光行3樓 |
地區 : 尖沙咀 |
|
現時分數:
|
日期 : 2010-05-14 17:53:15
老闆請我地去北京樓食晚飯慶功, 心諗可以食番餐好嘅. 點知水準令人失望.
北京填鴨 -- 鴨皮肥淋淋, 又片得唔靚, 搞到好似食肥燒肉咁!!
醉雞 – 隻雞一D都唔醉, 真係 ‘好雞’ !
糖醋魚 – 色水好夠, 夠到有D假假地… 又無魚味!!
賽旁蟹 -- 唔係好覺有蟹味囉
合桃蝦角 – 炸得好油呀
點解一間咁出名嘅中式酒樓, 竟然會咁差!!!
|
|
|
彩龍大酒樓
|
標題 : 唔好再迫我啦.... 亞媽 |
地址 : 石硤尾九龍仔大坑東道窩仔街 |
地區 : 石硤尾 |
|
現時分數:
|
日期 : 2010-05-13 17:51:10
由細到大都比我個無飯主婦嘅亞媽迫去彩龍食晚飯, 細個嘅時候都覺得好好味, 但係人大左, 見識多左, 咀刁左, 就覺得彩龍嘅質素真係十年不變……
尋晚, 我地一家四口, 叫左三個餸:
椒鹽豬扒 ---- 好咸
冬菇煮豆腐 ----- 超淡
牛肉炒通菜 ----- 牛肉硬柴, 又無牛味
唉… 真係寧願留喺屋企食杯麵無咁興!
|
|
|
百利冰室
|
標題 : 99分的早餐 |
地址 : 西灣河筲箕灣道216號地下 |
地區 : 西灣河 |
|
現時分數:
|
日期 : 2010-05-12 17:08:44
前日開始喺西灣河返工, 尋朝去左百利冰室食早餐. 第一次食, 我食火腿通粉 + 煎雙蛋 + 多士 + 凍奶茶.
通粉湯底係用忌亷雞湯, 好味呀!
太陽煎雙蛋ge蛋邊微燶, 好似亞媽煎ge質素, 好得!
多士軟硬度適中, 唔錯.
凍奶茶就唔見得特別一試難忘.
|
|
|
Oliva |
標題 : 平野真係無好野 |
地址 : 荃灣大壩街4-30號荃灣廣場3樓343-345號舖 |
地區 : 荃灣 |
|
現時分數:
|
日期 : 2010-05-11 09:39:15
呢度嘅環境氣氛唔錯, 小小浪漫, 小小溫馨, 卡位舒服. Set Lunch沒有加一, 37蚊一個餐,. 有湯、主菜、餐飲, 好抵食. 之但係, 可能平野真係無好野, 我食果個海鮮pasta, 好重椰味, 海鮮無海鮮味, 我唔like. |
|
|
Soft Aroma |
標題 : Refresh ~~ 薑汁咖啡 |
地址 : 上環永樂街105號 |
地區 : 上環 |
|
現時分數:
|
日期 : 2010-05-10 10:10:06
聽朋友講, 上環有間café, 環境同食物都唔錯.
叫左一個午餐 -- 鮮茄腸仔火腿煙肉長通粉, 跟一個沙律同埋一杯basic咖啡, 我想試下新奇咖啡, 不惜加錢轉飲左一杯薑汁咖啡.
長通粉好食, 煙靭, 配合煙肉條, 好香口. 薑味咖啡的杯好別緻, 咖啡面層泡泡仲畫上左一個人像圖案, 落左唔少功夫. 成杯飲品喺視覺同味覺上都令我精神為之一振!! 好refresh!! |
|
|
とん吉日式吉列專門店 Tonkichi Tonkatsu Seafood |
標題 : 吉列爽脆 |
地址 : 銅鑼灣告士打道228號世貿中心4樓412舖 |
地區 : 銅鑼灣 |
|
現時分數:
|
日期 : 2010-04-15 22:27:42
每次入世貿, 都想食呢間吉列店, 但係次次都出現人龍. 尋日生日, 女友知我一直都想食, 就為我訂檯, 終於食到.
我地叫左兩個定食, 一個吉列豬扒, 一個集錦刺身, 兩份食. 我第一次食到咁脆嘅吉列豬扒, 又唔油, 唔怪得成日大排長龍. 刺身都好鮮甜, 件件都好大件, 超正.
個餐牌仲寫住, 白飯同菜任添, 我添多半碗白飯, 完成了好滿足嘅一餐. |
|
|
紅樹林 Mangrove Bar & Restaurant |
標題 : 滋味午餐 |
地址 : 上環皇后大道中338號地下 |
地區 : 上環 |
|
現時分數:
|
日期 : 2010-04-14 12:18:01
同至愛黎呢度食lunch。
羅宋湯,夠熱,但唔夠濃郁。焗芝士火腿螺絲粉,份量夠,芝士汁香濃。至愛食意式蕃茄雞肉意粉,酸酸地,雞胸肉份量不少。甜品係紐約芝士餅,好夠 “芝味”。最後來一杯熱咖啡,好香,唔錯。
|
|
|
中意仿 Borgo C |
標題 : 芝士焗魚柳 |
地址 : 西灣河鯉景灣太康街45號B期GB01-02號 |
地區 : 西灣河 |
|
現時分數:
|
日期 : 2010-04-12 17:07:30
呢間食店的環境和景色都好唔錯, 餐牌有好多選擇, 我地叫左一個湯、兩碟小菜、一個甜品.
木瓜煲雪耳湯, 無味精, 好好飲.
芝士焗魚柳, 勁好食. 芝士味好香濃.
蔥爆牛肉, 炒得香口.
香檳梨好似有酒味, 好清香. 梨有一個頂蓋,掀一睇釀了些類似啫喱、很香。
|
|
|
膳坊餐廳 Grand Cafe |
標題 : 今時今日的服務態度絕對未夠好~~~~~ |
地址 : 香港仔成都道38號利港中心二樓 |
地區 : 香港仔 |
|
現時分數:
|
日期 : 2010-04-12 11:25:19
本來想食椰林閣, 點知去到…. 先至知執左笠!!! 取而代之嘅係一間叫膳坊的餐廳. 佢食嘅野好雜, 分左西餐部分同越南粉麵部分, 仲奇怪嘅係, 佢地嘅下午茶款式同午餐、晚餐嘅款式九成一樣, 但係價錢就平成一半, 下午茶黎講, 好heavy, 但係好抵食.
我叫左個黑椒雞扒拼牛仔腸, 飲羅宋湯, 熱奶茶. 食物不過不失, 尚算合格. 不過, 餐廳的侍應態度超差, 我地起初坐近窗口卡位, 佢行埋黎話: 你地要坐過去隔離果D枱, 呢度要清潔, 唔該都無聲, 仲要神情兇惡, 我地唯有坐過去. 點知, 我地坐左個幾鐘, 都唔見有清潔, 擺明係想留番果邊d位做晚市. 實在太不合理! 我地臨走嘅時候, 果個兇惡嘅伙計仲同一位客人爭執, 成把餐刀好大力咁吊落地下, 然後大聲講粗口鬧個客人, 誰對誰錯, 不敢妄下評論, 總之呢間餐廳嘅侍應服務普遍都未達標!!! 要多加注意!!! 否則, 好快好似椰林閣嘅命運呢!!!!!!!!!!!! |
|
|
榮式燒雞扒
|
標題 : 唔夠誘人 |
地址 : 灣仔晏頓街8號地下 |
地區 : 灣仔 |
|
現時分數:
|
日期 : 2010-03-31 22:04:39
經過灣仔, 見到呢間店打正招牌食燒雞扒, 好想試下.
入左去, 食左一客燒雞朳豬頸肉飯, ok好食, 不過唔係話超誘人ge超水準之作!
|
|
|
老趙越南餐廳 Lo Chiu Vietnamese Restaurant |
標題 : 覺得唔係好抵食 |
地址 : 佐敦白加士街22-24號地下 |
地區 : 佐敦 |
|
現時分數:
|
日期 : 2010-03-16 10:41:03
尋晚去佐敦辦事, 之後同三個fd喺佐敦搵飯食, 見到一間越南餐廳, 等左幾分鐘位先至有得食.
雖然呢間餐廳係茶餐廳嘅格局, 但係價錢就偏貴, 一個四人套餐要$388, 有d聲稱係招牌菜嘅菜式, 動輒都要百幾蚊, 問題唔係價錢, 問題係覺得佢嘅水準同個價錢唔係好相稱.
最後, 由於我地對呢間(茶)餐廳無乜信心, 就散叫左幾味, 一個香茅豬扒配紅飯, 一個馬拉盞炒芥蘭, 一個香芧雞翼, 一個炒粉皮. 水準真係一般. 我地以為紅飯係紅米飯, 點知係用茄汁同牛油煮白飯, 變成紅色嘅牛油飯, 個粉皮亦都唔係好得, 一味得個油字, 個feel好似食緊乾炒牛河咁樣. 馬拉盞炒芥蘭竟然無馬拉盞味. 總計$240, 唔係太抵食.
|
|
|
源記燒味粉麵茶餐廳 (已搬遷)
|
標題 : 意想唔唔到咁好食 |
地址 : 尖沙咀金巴利道27號永利大廈地下 |
地區 : 尖沙咀 |
|
現時分數:
|
日期 : 2010-03-01 14:29:24
尋日三點鐘去源記食野,第一次食呢間茶餐廳,叫左個全日特餐A,揀左雞翼配XO醬撈公仔麵,飲熱檸茶,$29。
有小小意想唔到咁好食,雞翼炸得外脆內嫩,公仔麵麵身彈牙,無發漲,XO唔太咸,幾香口。真係唔錯嘅一餐。
|
|
|
太興燒味連鎖店 Tai Hing Roast Shop Group |
標題 : 原來呢間太興淨係食燒味 |
地址 : 銅鑼灣利園山道49-57號寶明大廈地下J舖 |
地區 : 銅鑼灣 |
|
現時分數:
|
日期 : 2010-02-08 11:02:56
前晚入左去太興,入去之前一心想食小菜,坐低左先知,呢間係專食燒味嘅太興,我唔想食燒味,迫於無奈叫左個頂級餐肉滑蛋通粉,單價要27蚊一碗,真係肉都赤埋。雖則塊餐肉係ok好味,但係都唔洗咁貴哇。
朋友食燒味套餐,叉鵝飯,跟一個湯同一碟西生菜。見佢D燒鵝唔錯,個湯都好似幾得,成個餐48蚊。好似佢個餐抵食D。
|
|
|
千両 Sen Ryo |
標題 : 還是鍾意元氣多DD |
地址 : 銅鑼灣恆隆中心2樓S04-05 |
地區 : 銅鑼灣 |
|
現時分數:
|
日期 : 2010-02-03 13:50:23
同個fd好耐無見,我地又未食過千両,見佢又唔駛等位,就入左去食。
我地坐唔到 bar檯,劃紙叫野食,但係佢地唔夠人手,淨係等佢地比落單紙都等左十幾分鐘。呢樣希望佢地檢討下。
我地食左十幾碟壽司、兩樣小食、一個蒸蛋。不過,個人都係鍾意元氣多啲! |
|
|
味皇餐廳小廚
|
標題 : 勁爆難食!!!!! |
地址 : 尖沙咀厚福街9號地下 |
地區 : 尖沙咀 |
|
現時分數:
|
日期 : 2010-01-06 17:33:17
行入去搵位坐時, 見到人地食海南雞飯, 個賣相好得, 於是自己叫左一個海南雞飯. 老豆食炸豬扒飯, 跟豉油汁.
點知超勁失望!! 海南雞飯勁唔正宗, D飯一味得個黃字, 仲黃得好勁, 但係無香味. 雞仲差, 雞皮嘅顏色好夠黃, 但係雞肉超鞋口, 又無雞味!
個炸豬扒飯係有一湯匙豉汁咁多, 成碟都係白飯, 忍唔住叫侍應姐姐另上一小碗豉汁比我地自己加!! 件豬扒仲谷氣, 炸皮淋姐姐, 無色澤, 仲要luck晒皮, 肉質又硬柴, 無一樣好食! 好差! 好難食! |
|
|
滄浪亭
|
標題 : 普普通通上海菜 |
地址 : 美孚美孚新村1期百老匯街7-11號平台25-26號 |
地區 : 美孚 |
|
現時分數:
|
日期 : 2010-01-06 14:27:18
嫰雞煨麵
湯有好香牛奶味,撈小小豆瓣醬食,幾好食。雞肉好入味,但係麵唔夠脆口。
雞絲粉皮
粉皮沾上麻醬,好好味。
獅子頭菜飯
獅頭太硬了!味道一般,菜飯的菜又唔夠嫩綠,飯唔夠企身,呢味菜略為失色。
豆漿
普通,豆香味唔夠。 |
|
|
馬泰 Ma Thai |
標題 : 去到老遠食泰菜 |
地址 : 葵芳興芳路223號新都會廣場4樓410-412舖 |
地區 : 葵芳 |
|
現時分數:
|
日期 : 2010-01-05 17:29:42
我班U友定期「飯聚」, 今次輪到住葵芳嘅軍佬訂位, 佢揀左好近佢屋企嘅食, 佢話呢間嘅泰菜唔錯.
六個男子漢, 好大食:
香蒜幼豆苗
幼豆苗好fresh, 又爽口, 正!
泰式拼盆
炸蝦餅、炸魚腐、泰式鳳爪、春卷、豬頸肉、沙嗲串,件件都熱辣辣, 好香脆, 點酸汁食, 更加好食。
泰式鳳爪
濃烈嘅酸醋味, 加埋泰式雞醬味道, 都幾香。
冬陰功蠔仔肉碎鴛鴦泡飯
唔係幾夠冬陰功味, 得個辣字, 有D失望.
咖哩牛腩
咖哩汁唔夠辣, 但係好香滑, 都唔錯. 用黎點烤薄餅, 係一絕配搭.
烤薄餅
烤得好香口, 就算唔夾野唔點汁, 淨食都好好味.
最後有免費甜品, 味道唔錯. |
|
|
大榮華酒樓 Tai Wing Wah Restaurant |
標題 : 山長水遠都要去食 |
地址 : 元朗安寧路2-6號2樓 |
地區 : 元朗 |
|
現時分數:
|
日期 : 2009-12-15 17:04:21
十個人專程去食豬油撈飯,
明火煲例湯:普普通通,媽咪煲既好飲好多。
乳豬拼海蜇:海蜇爽口煙韌,辣辣地,好食。
炸魚咀:嫌佢炸得乾左小小,但係都好食。
羊腩煲:羊肉算係嫩滑,湯汁香濃。
雞蛋焗魚腸:賣飛佛,好好食。
咸水檸蒸烏頭:魚肉鮮美。
瑤柱扒豆苗:豆苗好鮮甜,正!
豬油撈飯:連樽裝豬油同頭抽一齊上,白飯粒粒企身乾爽,撈豬油食,唔覺得油,好好食。
奶王馬拉糕:一打開蒸籠已經香噴噴,鬆軟綿口,奶王又唔會好甜,必食之選!ENCORE左兩籠!
紅豆沙:好香果皮味,不會太甜。 |
|
|
奧壽司 Oh Sushi and Tappas |
標題 : 睇完戲局住食 |
地址 : 薄扶林數碼港路100號數碼港商場3樓307店 |
地區 : 薄扶林 |
|
現時分數:
|
日期 : 2009-12-15 14:54:21
粟米串燒:唔夠juicy。
芝士焗蠔:普通新鮮,可能因為之前食過跑馬地千鳥居嘅芝士焗蠔超正,所以覺得呢間嘅焗蠔唔係幾得。
銀雪魚雜菜煲:魚甜,湯底清甜。
鹽燒牛利:爽口,不錯。
豚肉拉麵:普普通通。
三文魚刺身:有五塊,夠厚身,但鮮味一般。
至於壽司,起碼20蚊一碟,都唔算平。 |
|
|
森美餐廳 Sammy's Kitchen |
標題 : 十幾年無食過 |
地址 : 西環皇后大道西204-206號 |
地區 : 西環 |
|
現時分數:
|
日期 : 2009-12-15 10:41:00
前晚結婚八周年,特突坐車入去西環森美餐廳,因為都十幾年無食過喇。因為,係十幾年前,我同老公係呢間餐廳開始拍拖,我仲記得果陣時,我地一齊食同一款的餐,一齊食西冷牛扒跟薯菜,飲凍檸樂。尋晚我地食番同一款餐。
咁多年無食,可能自己要求高左,定係質素真係差左,我覺得牛扒麻麻地,個汁鹹左小小。但係個餐包好鬆軟,牛油用溫莎牌,好香。加上當晚心情靚,都唔太計較食物的水準。不過,環境裝修方面真係要翻新下,檯布都要換番D新,唔好穿窿咁肉酸! |
|
|
醉瓊樓飯店
|
標題 : 老牌客家菜 |
地址 : 佐敦西貢街7-9號地下至3樓(佐敦港鐵站B1出口) |
地區 : 佐敦 |
|
現時分數:
|
日期 : 2009-12-14 17:59:30
三口子落街食晚飯, 簡簡單單叫左三餸一湯:
白果豬肚湯 ~ 奶白色, 夠火喉, 入口清甜, 豬土腍中帶爽, 唔錯喎!
梅菜扣肉 ~ 扣肉半肥半廋, 係正宗五花腩, 梅菜乾炒得香口, 一於少理什麼膽固醇、塞血管,暢暢快快食完至算. 食到lam lam lei.
椒鹽炸白飯魚 ~ 外脆內軟, 香口, 囝囝當薯條咁樣起勢咁食.
清炒菜心 ~ 好爽, 好嫩.
呢度嘅侍應又唔會好似一般老店咁樣擺架子, 價錢唔貴, 係我家無煮飯日嘅後盾. |
|
|
謝記 (已結業)
|
標題 : 超多人 |
地址 : 香港仔舊大街80-82號 |
地區 : 香港仔 |
|
現時分數:
|
日期 : 2009-12-10 13:53:00
今日下畫去左食謝記, 超多人, 我地三個人分散等位, 都等左成十分鐘先至有位. 無計啦, 為左食佢ge炸魚皮同埋炸魚片.
我地一人叫左一碗粉, 再行出去買左一條魚片, 一碟炸魚皮, 叫左一碟菜. 條魚片熱辣辣, 魚片好彈牙, 又唔腥, 好味! 臨走時, 仲買左樽辣椒醬, 阿媽叫我買ge. |
|
|
蓮園粥麵小廚 Lotus Garden |
標題 : 超爆串嘅老闆娘 |
地址 : 跑馬地成和道51A地下D舖 |
地區 : 跑馬地 |
|
現時分數:
|
日期 : 2009-12-09 13:44:13
呢間蓮園嘅老闆娘臭名遠播, 出左名爽串!!! 好多人忍氣吞聲咁食, 我就唔怕佢串, 使乜驚佢!!! 攞埋你入去廚房煮人肉咩!!! 個人串, 但係野食好食, 食完咪走囉!!
我唔係老闆娘嘅fans, 之但係我係佢地廚師嘅fans, 食物係得嘅, 最鍾意食佢嘅炸両. 油條脆, 粉皮薄, 豉油分開上, 食嘅時間點豉油, 唔好淋上去, 就唔會整稔D炸両.
仲有度嘅蘿蔔牛腩都好正, 牛腩炆得好軟腍入味, 蘿蔔亦都好腍無渣, 正! |
|
|
康記菜館
|
標題 : 長洲食海鮮 |
地址 : 北社海傍道11A |
地區 : 長洲 |
|
現時分數:
|
日期 : 2009-12-08 17:18:45
有朋友搬左入去長洲住, 我地就成群結隊, 一行八人入去長洲參觀新屋, 順便來個長洲一天遊. 夜晚, 我地book左康記食海鮮.
粟米羹: 好足料, 又唔似漿糊, 好味.
椒鹽豆腐: 外脆內軟, 唔錯.
椒鹽賴尿蝦: 好香脆, 不過肉質唔夠實.
清蒸黃立魚倉: 蒸得鮮甜, 但豉油太少..
薑蔥炒蟹: 蟹好細隻, 但係肉質夠實, 炒得好香.
蒜蓉蒸扇貝: 扇貝唔算大隻, 但係好鮮, 加埋蒜蓉粉絲, 好juicy, 好味.
腐乳炒通菜: 超大碟, 不過油左小小. 但菜好爽.
喺長洲食海鮮, 比南丫島抵食好多, 新鮮程度都可以接受. |
|
|
金羅寶韓國料理 Jin Luo Bao Korean Restaurant |
標題 : 正宗又唔貴 |
地址 : 銅鑼灣記利佐治街1號金百利廣場6樓 |
地區 : 銅鑼灣 |
|
現時分數:
|
日期 : 2009-12-07 11:37:08
有friend生日,佢係韓國菜fans,聽聞金百利有間金羅堡質素唔錯,又唔太貴,就去左呢間慶祝生日。
我地叫左四樣,落左單之後,先送上八碟前菜(免費),每碟份量十足,賣相同味道都得,我特別鍾意食魚餅!
有兩樣餸想推介:
紅燒牛肋骨 ~
材料有牛肋骨、紅蘿蔔、蘿蔔、紅棗、冬菇,牛肋骨入口即化,又好入味好juicy,無得彈。
韓式雜錦炒粉絲 ~
粉絲好粗身,好彈牙,炒得香口。 |
|
|
花園餐廳 Garden Restaurant |
標題 : OK一般 |
地址 : 銅鑼灣記利佐治街1號金百利商場4樓 |
地區 : 銅鑼灣 |
|
現時分數:
|
日期 : 2009-12-07 10:19:43
前晚去花園餐廳, 見到有一個海陸空餐, 個名幾特別, 就叫左呢個餐.
餐包跟牛油(正常貨色)
羅宋湯(無乜特別)
主菜(海 + 陸 + 空)
半隻乳鴿 + 有蝦 + 有肉眼扒
乳鴿可以接受,蝦就食得出有雪味,肉眼扒不過不失。
跟咖啡或茶, 70幾蚊, 無乜特別. 家下出街食飯真係貴夾麻麻. |
|
|
洪利粥店茶餐廳 Hung Lee |
標題 : 老字號粥店 |
地址 : 尖沙咀厚福街2號A |
地區 : 尖沙咀 |
|
現時分數:
|
日期 : 2009-11-27 16:12:00
洪利喺尖沙咀都開左好多年, 佢嘅粥底唔係話非常之綿, 但係一碗雙併粥唔駛廿蚊, 又唔係話粥水汪汪, 都有啲米氣, 粥料嘅份量又好適中, ok抵食. 通常叫一個粥, 再叫一條油炸鬼或者炸兩, 有時叫炒麵, 都唔貴, 不過個炒麵就尚待改善, 炒得稔左D.
|
|
|
潮興鹵味專門店
|
標題 : 有水準平民潮店 |
地址 : 香港仔湖南街6號地下 |
地區 : 香港仔 |
|
現時分數:
|
日期 : 2009-11-27 12:26:25
呢間店係香港仔好出名食鹵味, 但係都有粉麵食. 前晚去左食牛筋雲吞河, 一碟油菜(芥蘭). 水準唔錯, 牛筋軟腍, 雲吞係佢地自家包, 都幾實的的, 中等size, 好有肉香, 仲好似食到有花生味(唔知點解). 湯底好味, 最抵係碟油菜, 所有油菜一律7蚊, 好抵, 芥蘭又好爽, 好鮮嫩. |
|
|
豪庭海鮮酒家
|
標題 : 好食 |
地址 : 田灣嘉禾街2號 |
地區 : 香港仔 |
|
現時分數:
|
日期 : 2009-11-25 16:11:41
屋企樓下有酒樓新開張, 呢個舖位大大話話都易手四五次, 每次都係做番酒樓, 通常都係有頭威無尾陣, 所以趁佢剛剛開張, 去試下… 遲D先試…質素唔咁擔保!!
朝早11點幾, 同亞媽兩個人去食, 唔係食得好多野. 食左香煎蘿蔔糕, 蟹籽燒賣皇, 五柳炸雲吞, 家鄉煎鹹薄撐, 千層馬拉糕, 荷葉牛肉飯.
D野食好得, 碟碟即叫即蒸, 熱辣辣上檯, 又好新鮮, 希望跟住落去都可以保持水準ne!!
|
|
|
香港仔魚蛋粉
|
標題 : 清蒸豬頸肉飯, 不吃也罷! |
地址 : 旺角花園街19號花園廣場地下 |
地區 : 旺角 |
|
現時分數:
|
日期 : 2009-11-04 10:27:28
尋晚去旺角比D野朋友, 去香港仔魚蛋粉坐低食埋野, 我食豬頸肉飯. 個飯一擺上枱, 真係嚇左我一跳! 唔係化…… 豬頸肉得幾片, 仲要係好似蒸出黎, 一D香口嘅感覺都無, 飯就夠多, 但係無汁, 呢一餐, 真係淡而無味!! |
|
|
桃園麵家茶餐廳 To Yuen Noodle Restaurant |
標題 : 再回味一下 |
地址 : 灣仔軒尼詩道229號A |
地區 : 灣仔 |
|
現時分數:
|
日期 : 2009-11-03 17:52:08
尋日由廣州落番香港,坐直通車喺灣仔中旅社落車,六點零鐘,好肚餓,想起好耐無食過桃源,就同幾個fd去食。
我通常食佢地嘅常餐,有一份蒜蓉多士、一份炒蛋拼火腿,一個粉或麵,跟一杯餐飲,接近三十蚊。個粉麵任併,我叫左至愛嘅雪菜肉絲通粉,加錢飲紅豆冰,好簡單、好爽快、好滿足咁樣食完一餐。 |
|
|
自在軒 Take a Break |
標題 : 真係食得夠自在 |
地址 : 香港仔市政大廈5樓 |
地區 : 香港仔 |
|
現時分數:
|
日期 : 2009-10-29 13:49:43
早幾日一個人去食午餐,怕同人搭檯,就選擇去街市大樓五樓 “自在軒”,呢度地方寬敞,坐得舒服。
我買左個午餐,燒汁雞扒火煺,配意粉,飲熱奶茶。買完野食搵個位坐低,會有人送D野食埋黎。呢度嘅侍應係輕度弱智人士,但係佢地嘅工作態度好好,又好有笑容。講真,食物味道就一般,但係勝在食得舒服,又有免費報紙睇,幾舒服架。 |
|
|
皇府 King's Palace Congee & Noodle Bar |
標題 : 足料完美炒飯 |
地址 : 九龍塘達之路80號又一城LG1層19號舖 |
地區 : 九龍塘 |
|
現時分數:
|
日期 : 2009-10-24 12:20:00
最近轉左份工, 經常要出街見客, 尋日去九龍塘見客, 午飯時間, 去左又一城嘅皇府食叉燒炒飯.
我見人地叫食神叉燒飯居多, 不過我當時好想食炒飯, 就叫左個炒飯食. 個炒飯有好足料, 有好大粒鹹蛋黃, 叉燒份量好足, 仲有菜圃, 出面炒飯好少有菜圃, 入口爽脆, 成碗飯都好香口, 飯料又炒得好乾身, 粒粒企身彈牙, 真係未食過咁完美嘅炒飯. |
|
|
皇府 King's Palace Congee & Noodle Bar |
標題 : 足料完美炒飯 |
地址 : 九龍塘達之路80號又一城LG1層19號舖 |
地區 : 九龍塘 |
|
現時分數:
|
日期 : 2009-10-23 12:20:00
最近轉左份工, 經常要出街見客, 尋日去九龍塘見客, 午飯時間, 去左又一城嘅皇府食叉燒炒飯.
我見人地叫食神叉燒飯居多, 不過我當時好想食炒飯, 就叫左個炒飯食. 個炒飯有好足料, 有好大粒鹹蛋黃, 叉燒份量好足, 仲有菜圃, 出面炒飯好少有菜圃, 入口爽脆, 成碗飯都好香口, 飯料又炒得好乾身, 粒粒企身彈牙, 真係未食過咁完美嘅炒飯. |
|
|
皇府 King's Palace Congee & Noodle Bar |
標題 : 足料完美炒飯 |
地址 : 九龍塘達之路80號又一城LG1層19號舖 |
地區 : 九龍塘 |
|
現時分數:
|
日期 : 2009-10-22 12:20:00
最近轉左份工, 經常要出街見客, 尋日去九龍塘見客, 午飯時間, 去左又一城食叉燒炒飯.
我見人地叫食神叉燒飯居多, 不過我當時好想食炒飯, 就叫左個炒飯食. 個炒飯有好足料, 有好大粒鹹蛋黃, 叉燒份量好足, 仲有菜圃, 出面炒飯好少有菜圃, 入口爽脆, 成碗飯都好香口, 飯料又炒得好乾身, 粒粒企身彈牙, 真係未食過咁完美嘅炒飯.
|
|
|
春夏秋冬火鍋
|
標題 : 喪難食.... 態度極差 |
地址 : 太子鴉蘭街2-4號地下 |
地區 : 太子 |
|
現時分數:
|
日期 : 2009-10-22 10:15:56
依家咁冬,打邊爐係一種好好既飯局。。。可惜唔係間間都咁好。。。前兩日同D朋友就係因為凍,所以去打邊爐。。。我D朋友就係一D開飯既網站見到呢間春夏秋冬D評語,寫得佢好好。。。 7個人就黎試下。。。點知吹水既。。。成間野咩都有問題。。。。就講等位,佢間野9:30前入座,就碟碟$22起,9:30後入座,就碟碟$15起我地都費事慳過少少,就 book 8:30。。。點知去到無位要等都算啦。。。等到9:25 分先話有位,之後仲話要計返9:30前入座個價。。。成間野都痴嫁,咁我 book8:30黎做咩呀。。。我地即場同個經理理論,佢D態度差到,夠膽死叫我地出去等多 5分鐘再入過黎。。。佢都白痴嫁。。之後算啦,大家都餓,就當豪比佢呢間垃圾。。。點知,垃圾真係垃圾,D野食難食到呀。。。先講個湯,我地叫左個黑胡椒豬肚湯底,個湯無胡椒味勁淡。。。差到D野食,我地點住少少食下先啦。。。叫左個腐竹卷,黑椒牛丸,鮮蝦雲吞,黑柏葉,鵝腸,花彫肥牛(原先係打算叫手切肥牛,點知在場聽到人講話好難食,即刻唔叫)等等。。。點知,D雲吞又細粒,仲要“梅”既,你話死唔死黑柏葉又唔爽,鵝腸又唔好食,碟花彫肥牛收成$48蚊,得果6-7片,仲要係唔好食。。。得個腐竹卷同黑椒牛丸食得下。。。之後我地都唔加單,埋單走人食下間好過。。。間野痴線嫁,食得咁少野都要 $500埋單,成間野呃錢嫁。。。 P.S 我地下次都唔會睇果個XX網站,都唔知係咪做出黎嫁。。。一D都唔中肯。。 |
|
|
皇府 King's Palace Congee & Noodle Bar |
標題 : 足料完美炒飯 |
地址 : 九龍塘達之路80號又一城LG1層19號舖 |
地區 : 九龍塘 |
|
現時分數:
|
日期 : 2009-10-21 12:20:00
最近轉左份工, 經常要出街見客, 尋日去九龍塘見客, 午飯時間, 去左又一城食叉燒炒飯.
我見人地叫食神叉燒飯居多, 不過我當時好想食炒飯, 就叫左個炒飯食. 個炒飯有好足料, 有好大粒鹹蛋黃, 叉燒份量好足, 仲有菜圃, 出面炒飯好少有菜圃, 入口爽脆, 成碗飯都好香口, 飯料又炒得好乾身, 粒粒企身彈牙, 真係未食過咁完美嘅炒飯.
|
|
|
印度美食風味屋 Mirch Masala |
標題 : 印印菜 |
地址 : 銅鑼灣紀利佐治街1號金百利商業中心7樓 |
地區 : 銅鑼灣 |
|
現時分數:
|
日期 : 2009-09-30 12:22:00
呢間印印餐廳係印印開嘅,所以食物好正宗。食第二次,都係要重新回味佢地嘅燒烤蝦同埋燒烤魚,超正!唔好見佢橙紅色,以為係辣,一點兒都不辣,只係香料嘅天然色素,味道好清香,不錯! |
|
|
大家樂 Cafe De Coral |
標題 : 扮晒日式飯!! |
地址 : 柴灣環翠邨環翠商場2樓 |
地區 : 柴灣 |
|
現時分數:
|
日期 : 2009-09-27 18:37:00
中午食晏, 唔知食乜野好, 遊下遊下遊左入去大家樂, 喺無可奈何之下揀左個日式滑蛋吉列豬扒飯, 跟餐飲, 29塊錢, 外賣自取回公司食.
一打開, wow… 好大塊豬扒, 外皮炸得好脆好香口, 可惜肉質好鞋, 又無乜肉味. 至於滑蛋芡汁就更加失望, 因為份量少之之少, 搞到D飯乾爭爭. 最失望嘅係, D飯唔係珍珠米 (既然係日式飯, 點解用中國米?), 咁都算, 仲要係一舊舊黏到好實的白飯, 好似一個超級飯糰咁樣, 唔通佢想用呢堆飯糰黎代表日式飯?
唉! 可唔可以改善下D質素! 可唔可以用個心黎做飯!!! |
|
|
大家樂 Cafe De Coral |
標題 : 扮晒日式飯!! |
地址 : 柴灣環翠邨環翠商場2樓 |
地區 : 柴灣 |
|
現時分數:
|
日期 : 2009-09-22 14:17:00
中午食晏, 唔知食乜野好, 遊下遊下遊左入去大家樂, 喺無可奈何之下揀左個日式滑蛋吉列豬扒飯, 跟餐飲, 29塊錢, 外賣自取回公司食.
一打開, wow… 好大塊豬扒, 外皮炸得好脆好香口, 可惜肉質好鞋, 又無乜肉味. 至於滑蛋芡汁就更加失望, 因為份量少之之少, 搞到D飯乾爭爭. 最失望嘅係, D飯唔係珍珠米 (既然係日式飯, 點解用中國米?), 咁都算, 仲要係一舊舊黏到好實的白飯, 好似一個超級飯糰咁樣, 唔通佢想用呢堆飯糰黎代表日式飯?
唉! 可唔可以改善下D質素! 可唔可以用個心黎做飯!!! |
|
|
港島東體育館泳池餐廳
|
標題 : 臥虎藏龍 |
地址 : 西灣河鯉景道52號港島東體育館2樓 |
地區 : 西灣河 |
|
現時分數:
|
日期 : 2009-08-24 11:36:17
前晚去了西灣河運動場的泳池餐廳慶祝朋友生日, 也因此才知道這個運動場有一間有水準的餐廳, 算是臥虎藏龍吧!
這裏的餸菜頗為有創意, 例如桑拿蝦. 我們一行八人, 叫了一個豪華合家歡全包宴, 總共有十三道菜, 相當豐富, 很夠體面, 有幾味想評一評:
川芎元肉杞子桑拿蝦 ~~~
侍應用刀割開錫紙, 花雕酒流到錫紙下, 立時噴出火焰, 蒸氣騰騰. 蝦在煲內焗桑拿, 焗得蝦肉爽甜. 雖然有川芎元肉杞子等藥材一同煲, 但藥材味不重, 蝦仍有蝦味.
喜喜洋洋新疆火焰羊架 ~~~
吃過火焰雪糕, 吃過火焰牛柳, 吃火焰羊架還是第一次. 羊架放在熱燙的石春上,中間點上火焰. 羊架夠軟腍, 香而不羶.
百合腰果西芹花枝片帶子 ~~~
腰果很脆口, 花枝片煙靭, 很可惜帶子切成粒狀, 很難才找到, 入口也不夠口感.
清蒸鴻運大金鮋 ~~~
魚很鮮, 肉很滑, 我更吃了面珠登, 吃得津津有味.
春回大地爆丈雞 (半隻) ~~~
春回大地的雞即是霸皇雞, 雞肉嫩滑, 灑上很多芝麻, 很不錯.
海龍皇鮑魚翅湯 ~~~
湯料很豐富, 有素翅、豬肉、雞肉、金華火腿、螺片, 可是湯入口感覺淡了一點.
上湯過橋絲網鮮蝦卷 ~~~
鮮蝦卷用豬網油包裹, 餡料是忌廉菠菜和細蝦, 入口香脆.
南瓜椰汁珍珠燉官燕 ~~~
這是飯後甜品, 南瓜粒很多, 但好像沒有官燕吧! |
|
|
雞記潮州麵食
|
標題 : 有水準潮食 |
地址 : 尖沙咀金馬倫道27A地下 |
地區 : 尖沙咀 |
|
現時分數:
|
日期 : 2009-08-17 11:12:13
經過雞記, 見到門口一大堆魚片頭, 好吸引食欲, 令到我突然間好想食魚蛋粉, 於是同女友入左去食.
兩個人食左一碗豬手河、炸紫菜墨丸黑豉油撈粗, 一碟炸魚片頭,
豬手河 ---- 豬手入味, 河粉滑溜.
炸紫菜墨丸黑豉油撈粗 ---- 呢個麻麻地.
炸魚片頭 ---- 好彈牙, 又炸得唔油, 又好香魚味, 唔腥. |
|
|
寶湖海鮮酒家 (已結業)
|
標題 : 月頭例牌食的午餐 |
地址 : 上環文咸東街35號文華大廈1-3樓 |
地區 : 上環 |
|
現時分數:
|
日期 : 2009-08-13 15:34:33
喺中環中心返工, 逢月頭第一個星期一, 我就成個department就會去寶湖飲茶. 總共10個同事, 一坐低, D女士們就起勢咁剔點心, 但係又怕肥, 食唔晒就迫我地D英俊瀟洒嘅男士食晒佢.
佢地例牌叫成廿碟點心, 再加兩碟炒粉麵飯, 今次佢地叫左:
叉燒餐飽 (有D硬, 餡少, 失準)
煎蘿蔔糕 (有蘿蔔絲, 唔會粉, 好食)
豬耳 (唔係咁多茶樓有豬耳, 寶湖的豬耳都幾爽脆架)
蜆介鯪魚球 (彈牙)
蝦餃 (正常)
燒賣 (粉左D)
煎腸粉 (混左一大碗醬, 好食)
蝦腸 (蝦大隻, 新鮮)
炸雲吞 (少D油會好d)
蒜香春卷 (好脆, 好食)
豬腳仔 (唔係幾食到肉)
咖喱魷魚 (我好D怕食d唔正宗咖喱, 所以例牌唔食呢味點心)
瑤柱蛋白炒飯 (好食)
|
|
|
牛記茶室 Ngau Kee Food Cafe |
標題 : 亞媽無煮飯 |
地址 : 上環歌賦街3-5號 |
地區 : 上環 |
|
現時分數:
|
日期 : 2009-08-12 14:49:39
尋晚阿媽又無煮飯, 去左牛記叫小菜食飯, 一家人叫左四個餸:
招牌菜清湯牛腩: 份量足, 牛腩好入味.
咸蛋肉碎炒涼瓜: 咸左D, 涼瓜又老左小小.
無錫骨: 一般可接受
椒鹽鮮魷: 好香口
|
|
|
澳門茶餐廳
|
標題 : 豬扒包做早餐 |
地址 : 信德中心2樓270-275舖 |
地區 : 上環 |
|
現時分數:
|
日期 : 2009-08-12 14:25:27
成班friend由信德坐船去中山雅居樂, 上船前約好左去澳門茶餐廳食早餐. 我食豬扒包配炒蛋, 飲凍奶茶.
凍奶茶ok水準, 幾夠茶香味. |
|
|
黑麥 Pumpernickel |
標題 : Home Feel |
地址 : 天后琉璃街1號地下A舖 |
地區 : 天后 |
|
現時分數:
|
日期 : 2009-08-10 14:48:00
星期六同舊同事May去左黑麥食lunch. 第一次黎, 細細間, 只有6張檯, May預筅訂位, 先有位坐.
呢度嘅侍應好nice, 環境又好舒服, 加上播放英文歌, 好似返左屋企咁樣.
我食set lunch, 飲南瓜湯, 跟蜜糖麵包, 選了豬柳肉腸片幼條意粉.
提子麥包硬左小小
南瓜湯不夠香滑.
豬柳和肉腸片嘅味道有D鹹, 意粉就夠彈牙.
餐飲叫左Cappuccino, 賣相ok, 泡沫幼滑, 唔錯.
|
|
|
雅苑餐廳 Orchid Restaurant |
標題 : 環境好舒服 |
地址 : 灣仔天樂里6-8號地下 |
地區 : 灣仔 |
|
現時分數:
|
日期 : 2009-08-10 13:52:31
坐巴士成日經過雅苑餐廳, 好想試下呢類小小懷舊的西餐廳. 前晚終於去左食.
入到去坐卡位, 地方平凡, 但係舒服. 我食芝士菠菜龍脷柳餐, 跟薯菜. 餐湯飲羅宋湯, 味道ok. 龍脷柳好超大塊, 不過無乜魚味. 芝士味唔夠濃. 餐飲熱奶茶, 唔夠廣東式茶餐廳濃滑呢. |
|
|
金西南米綫
|
標題 : 白沙道有間米線專店 |
地址 : 銅鑼灣白沙道地下10A號舖 |
地區 : 銅鑼灣 |
|
現時分數:
|
日期 : 2009-08-06 09:49:00
我好鍾意食過橋米線, 感覺好似食一品窩咁, 而且越辣越刺激!! 尋晚同個friend本來想行過去食南記, 沿途經過一間專食米線的食店, 因為貪新鮮感, 見佢價錢牌又唔貴, 又中左入去.
店舖好細, 檯同檯之間無乜距離, D座椅無椅背的, 大家一齊烏前個身食野的時候, 好大機會同陌生人地背碰背, 又好大機會要搭檯. 呢樣我就覺得唔係幾自在.
不過, 佢d米線真係唔錯. 我食左個菜肉餃撈米線, 中辣, 湯底夠濃, 芽菜好多, d腩肉、花生、酸菜好好味, 菜肉餃都好新鮮. 我個friend食雞翼米線, 小辣, 見佢D雞翼的色澤唔錯, 好似好入口咁樣.
另外叫左碟菜心, 12蚊, 得四條, 少左D. 飲豆漿, 不過不失. |
|
|
喜喜燒臘小廚茶餐廳 Hay Hay Restaurant |
標題 : 水準點解成日大上大落??!! |
地址 : 駱克道72-86號熙華大廈B座(N-P地舖) |
地區 : 灣仔 |
|
現時分數:
|
日期 : 2009-08-03 12:55:54
一個燒味飯, 連汽水, 廿幾蚊. 抵唔抵? 咁就好視乎好唔好食. 喜喜的水準成日有上有落, 係咪因為廚師的心情都有上有落呢? 還是我自己嘅心情有上有落?
尋日一支公去食燒鴨叉河, 個湯底好鹹,但上次個湯底好正. 好彩燒鴨仲可以保持水準, 好香鴨味, 肉唔鹹, 肥瘦適中。 |
|
|
東山和風創作料理
|
標題 : 認真製作的日本料理 |
地址 : 摩利臣山道15號地下 |
地區 : 灣仔 |
|
現時分數:
|
日期 : 2009-08-03 10:56:37
兩個細路話好耐無食魚生,尋晚我同老婆就帶去佢地去屋企附近果間東山和風食晚飯。
叫左兩客三文魚刺身,一客六件,三十蚊,好新鮮,好抵食。
另外叫左清酒煮蜆,蜆湯好清甜,蜆無沙。
鹽燒秋刀魚,加檸檬汁,唔腥。
晚市送雪糕,有紅豆雪糕同綠茶雪糕,兩個細路食到lap晒脷。
|
|
|
沙嗲城 Satay City |
標題 : 應該無下次 |
地址 : 灣仔謝斐道142號地下 |
地區 : 灣仔 |
|
現時分數:
|
日期 : 2009-07-29 12:14:34
我人生第一次食沙嗲城, 估唔到就留下唔好的印象, 令到我好可能人生中都唔會有第二次去!!!!
今晚屋企無飯開, 全家返晒鄉下, 我索性去係街食埋野先返屋企, 一條友, 好難搵位, 又唔想搭檯, 見到沙嗲城好疏落, 就入左去.
我叫左個了雞扒撈檬, 飲凍檸茶。個檬粉話咁快就到, 配料有芝麻、花生碎、紅白蘿蔔絲、同埋一大堆葱, 賣相一般. 開始食, 發覺雞扒有小小血色, 好似唔太熟, 個汁又唔夠正宗, 唔夠好食.
如果唔係貪佢唔駛搭檯, 又有電視睇下, 真係唔會入黎食. |
|
|
老上海飯店 Old Shanghai Restaurant |
標題 : 老手飯店 |
地址 : 灣仔謝斐道238號世紀香港酒店B1層 |
地區 : 灣仔 |
|
現時分數:
|
日期 : 2009-07-28 13:37:12
老上海飯店真係好老……老字號,由涼拌到主菜到甜品,樣樣都好得。唔怪得亞媽堅持要去老上海做生日飯。八個人叫左好多野食,有呢D想推介:
茶燻溏沁蛋
隻隻溏沁,溏沁好香蛋味,又有茶燻香,好正!
燻小黃魚
小黃魚粗實,味道甜甜地,唔駛送飯就咁食都好好味!
舟山海蜇頭
好爽口,又帶薄薄蔥油香,此品貴在選料及處理、調味功夫,這方面交足功課有餘了!
無錫醬骨
有紹酒及冰糖的甜,亦有老抽加冰糖成的赤色,肉雖然實了一點,但味道方是老實的赤醬風味,值得欣賞。
蘿蔔絲滾魚湯(超正)
條魚係鯽魚,魚鮮湯濃,口感濃滑,好飲。
紅燒圈子
圈子即係豬大腸頭,勁有口感,而且一D腸臭味都無,真係好正。 |
|
|
河畔強記雞粥海鮮酒家 Rivervine Keung Seafood Restaurant |
標題 : 夜晚晚食雞粥 |
地址 : 沙田大涌橋路 20-30 號河畔花園地下
|
地區 : 沙田 |
|
現時分數:
|
日期 : 2009-07-23 17:53:08
開OT開到九點幾,同事話不如一切去附近食雞粥。
我地三個一人一碗雞粥,再另叫左個炒通菜、白飯魚煎蛋、同埋蝦餅。
碗粥粥底好綿,十幾蚊一碗,真係平靚正!美中不足嘅係,雞唔夠滑。
白飯魚煎蛋,好大件蛋,白飯魚好香,正!
蝦餅,都係好食,推介!
通菜炒得咸左D。 |
|
|
金華冰廳
|
標題 : 波後例tea |
地址 : 太子弼街47號 |
地區 : 太子 |
|
現時分數:
|
日期 : 2009-07-23 13:38:11
次次星期日喺太子踢完波,六個「臭男人」都會入去金華醫肚。尋日都唔例外。
呢度好多款包都好正,招牌菠蘿油不在話下,墨西哥包、花生醬多、蛋撻都係好正。尋日我食左豬軟骨公仔麵,加一個墨西哥包,一杯凍奶茶。好heavy,但係真係好想食,一於少理。
個墨西哥包出奇咁軟熟,而且有好明顯嘅牛油味,正!呢度嘅花生醬多都唔錯,係厚多士,好脆口,好食。
豬軟骨公仔麵都係我至愛,一碗麵有兩大塊豬軟骨,好腍好入味。不過如果唔係福字麵,而係出前一丁,就好perfect。 |
|
|
Liz's Cheese Cake Shop
|
標題 : 一試難忘的latte + cheesecake |
地址 : 跑馬地成和道69號E地舖
|
地區 : 跑馬地 |
|
現時分數:
|
日期 : 2009-07-22 17:03:30
第一次去跑馬地, 第一次去Liz’s Cake Shop食tea. 呢間shop雖然細細地, 但係好舒服. 一個tea set 52蚊, 唔算平, 但係論質素就唔算貴.
我叫左一杯Irish Cream Cafe Latte , free一件cheesecake. 杯latte好香濃, 好滑, 個cake都香芝士味, 又唔漏. 我一路睇magazine, 一路嘆咖啡同cheesecake, 好富貴嘅生活. |
|
|
多利蘿瑪排骨之家 Tony Roma's |
標題 : 好排骨之家 |
地址 : 灣仔軒尼詩道314-324號W Square 4樓1號舖 |
地區 : 灣仔 |
|
現時分數:
|
日期 : 2009-07-22 11:19:22
早幾日同女友睇完戲,上左去多利蘿瑪排骨之家食野(即係Tony Roma’s)。
佢擺名叫排骨之家,我地就梗係要食佢D排骨啦。叫左一份燒肋骨,肉質好鬆軟,燒得好香好juicy。仲有個焗薯伴碟,不過無食到,因為我同女友都唔like焗薯。
我地仲叫左個鮮磨姑芝士漢堡包,如果唔刻意比較,呢度的hamburger都ok好食。不過伴碟的薯條係幼身的,唔係粗薯條,呢樣真係有小小失望。
蕃茄蝴蝶粉無乜特別,唯一可讚的,係個粉煮得剛剛好,唔會林jei jei,茄醬又唔會太酸。
|
|
|
華聯
|
標題 : 出街食早餐 |
地址 : 華富村上村商場5樓36號舖 |
地區 : 香港仔 |
|
現時分數:
|
日期 : 2009-07-20 17:56:46
放假去華聯食早餐, 多士+腸蛋+火腿通+熱奶茶, 味道可以, 但係唔講上特別好味. |
|
|
珊瑚堡餐廳 Cafe Lagoon (已結業) |
標題 : 跌左volt |
地址 : 香港仔中心二期商場1樓1, 3, 5號舖 |
地區 : 香港仔 |
|
現時分數:
|
日期 : 2009-07-20 12:06:10
都有成半年無去珊瑚堡食野,前晚同個friend慶祝生日,佢話想食珊瑚堡。我地一共有八個人,坐梳化位。我地幫壽星仔叫左個豪小小既餐,係鵝肝餐,跟飯,其餘人就食什扒、牛扒、龍脷柳之類既餐。D扒類就過得去,但係個鵝肝餐就真係唔掂,硬過柴,無香味,令壽星仔食得唔係咁盡興。 |
|
|
富臨漁港囍臨門 Foo Lum Fishman's Wharf Restaurant |
標題 : 點心唔錯 |
地址 : 香港仔南寧街1、3、5號香港仔中心1樓 |
地區 : 香港仔 |
|
現時分數:
|
日期 : 2009-07-20 11:58:48
好耐無飲過早茶,又難得放假,成家人去富臨飲茶。
等左大半個鐘頭先至有位,勁肚餓,加上好耐無飲茶,一坐低就發晒狂咁勁剔點心。蝦餃燒賣例牌叫,仲叫左魚骨腩粥、蒸牛腸、蒸粉果、菜苗餃、雞扎、鳳爪、奶皇飽、馬拉千層糕、綠茶千層糕、豆沙鍋餅……
點心即叫即蒸,熱辣辣,整體黎講,D點心都整得好食,不過比較想推介嘅係綠茶千層糕,唔係間間酒樓有呢款點心,我個人覺得整得好鬆軟,好清香。 |
|
|
拱照車仔麵
|
標題 : 要Blacklist佢 |
地址 : 香港仔大道196號地舖 |
地區 : 香港仔 |
|
現時分數:
|
日期 : 2009-07-20 11:34:34
上星期日晚去咗香港仔東勝道嗰間拱照車仔麵度食,開咗半年都未去過,第一次入去。無特別想食呢間,好多間都爆晒,得佢唔爆,又好肚餓,費事周圍搵野食,就入咗去。
一入到去,啱啱有個卡位,咪同 bf準備坐落去,點知個侍應唔招呼我地坐不特只,仲要個眼神怪怪地。
我地坐低咗之後,就睇menu叫野食。我地無叫車仔麵,因為個樣唔係好吸引到我地叫,而且覺得有啲貴,最後各自叫咗兩個晚餐,一個係焗豬扒飯,一個係焗海鮮意粉,個晚餐跟一杯飲品28蚊,覺得幾經濟實惠。
坐咗十分鐘,仲未有得食,人家叫車仔麵就好快得食。再等多五分鐘,見到個侍應攞住碟焗飯出嚟,咪準備餐具食飯,點知佢放咗喺人哋張檯度,原來係人地嘅。我心諗,嗰個人比我地仲早坐喺度,依家先有得食,咁我地咪有排等?!結果,再等多五分鐘,都未有得食。我有啲唔耐煩,嗰陣時已經八點幾,唔想再等,於是我地諗住,如果兩個餐仲未開始焗,我地就取消個餐,改食車仔麵。咁我 bf就問個侍應:「兩個餐係咪焗梗,如果……」都未講完,個侍應就即刻話:得喇得喇!嚟梗喇!」佢都未晒我地講嘢,就走咗去。又再等多五分鐘,終於嚟咗個豬扒焗飯,但係仲爭個焗海鮮意粉,佢話等多三分鐘就得喎!我心諗,信住先啦。點知個意粉真係三分鐘到,但係就相當極之令人失望囉!第一,個表層係就係熱到有煙出,但係裏面嘅意粉同啲料係暖嘅,擺明草草應付我地;第二,所謂海鮮,就只係有幾粒蟹柳、幾片磨菇、幾隻扮蝦嘅蝦,咁算唔算係足料嘅焗海鮮意粉呢?今時今日咁嘅服務態度同埋食物質素,又點可以唔反映一下。我已經將呢間拱照車仔麵blacklist。 |
|
|
好好粥麵 Ho Ho Congee & Noodle Shop |
標題 : 好好粥麵 |
地址 : 旺角太子道西193號旺角新世紀廣場5樓539號舖 |
地區 : 旺角 |
|
現時分數:
|
日期 : 2009-07-20 11:08:29
今日去左好好粥麵食野,叫左個:炸醬麵,炸醬酸甜度適中, 多甜少酸, 一D都唔
辣, 好似帶甜的茄汁, 但更惹味,炸醬已與肉拌勻, 初時以為炸醬唔夠多,
不過把成碗湯倒入炸醬麵後, D炸醬湯仍好夠味,以為係一條條肉絲, 原來大部份
都係好碎的肉丁, 始終鍾意肉絲多D肉質都幾稔滑....整體黎講都幾好 |
|
|
隨您鍾意 Okonomi Japanese Food |
標題 : 愈期望, 愈失望!! |
地址 : 筲箕灣筲箕灣東大街37號 |
地區 : 筲箕灣 |
|
現時分數:
|
日期 : 2009-07-20 10:41:00
今日lunch time成班同事叫隨您鍾意嘅外賣, 過左400蚊可以送上門, 但係當中唔可以有午市套餐. 最後我地散叫左刺身、壽司、小食, 總共$608.
叫左: 挪威三文魚刺身(1磅)、刺身併盤(大)、4件牡丹蝦壽司、赤貝壽司、立魚壽司、油甘魚壽司、鰻魚壽司、腐皮壽司、蟹棒壽司、帶子裙邊(小食)、海膽(1板).
所有同事都滿有期待, 有一個同事更加話想唔食早餐, 留定個肚食刺身. 將D野食放出黎, 個賣相果然令人垂涏欲滴, 我第一樣食嘅係最期待食嘅 “三文魚籽”, 點知一放入口, 覺得好鹹, 又好lim, 一D都唔彈牙唔爽口, 最奇怪係鹹到好似食緊鹽咁樣, 真係好唔得, 呢個三文魚籽要blacklist.
刺身同壽司都ok合格, 但係唔係話特別有驚喜. 最抵食都係挪威三文魚刺身, $98一磅, 有成三四十件咁多, 味道都小小肥美, 唔錯. 另外, 牡丹蝦壽司都好值得推介, 好大隻, 蝦肉好黏, 好有口感, 不過一隻20蚊, 唔算平.
我就食到好飽, 但係有兩個男同事就唔夠飽, 仲要食車仔麵搭夠. 大家都話有d後悔, 覺得價錢同食物質素唔對稱, 覺得side左. 但係唔試過, 又點知佢係乜野貨色呢! 就當買個教瞓! |
|
|
豪苑粉麵 (已結業)
|
標題 : 車仔麵 |
地址 : 田灣嘉禾街22號4A舖 |
地區 : 香港仔 |
|
現時分數:
|
日期 : 2009-07-20 10:07:00
我喺田灣返工,好多時都會去豪苑食車仔麵,有時會加酸辣湯底,正。
D男同事就通常呢度嘅午餐,一個大碗飯跟一杯餐飲,唔過30蚊,賣相都唔錯。但係我本身唔太鍾意食飯,所以好少食呢度ge午餐,或者,點都會搵一次試下ge。 |
|
|
新寶食品店
|
標題 : 珍寶腸 + 火腿奄列早餐, 好味!!!! |
地址 : 田灣嘉禾街13號舖 |
地區 : 香港仔 |
|
現時分數:
|
日期 : 2009-07-20 10:05:07
最近試過新寶嘅火腿奄列, 覺得超正!! 食過無數咁多間茶餐廳嘅火腿奄列, 唔係煎到好油, 就係一介開蛋皮, D火腿絲跌晒出黎, 要自己兜番住黎食, 好無癮, 又食唔到腿蛋合併嘅味道. 但係新寶嘅火腿奄列好fit我要求, 蛋煎得唔油, 火腿絲同蛋皮係,癡實, 食嘅時候可以好似据扒咁食個奄列, 咁先食得有feel家麻.
珍寶腸正. 好少早餐有珍寶腸, 雖然我稍嫌份量少左D, 起初以為有一大碌, 點知只有兩、三片, 不過就真係煎得好脆口.
我叫左杯凍奶茶, 無乜特別話好飲, 但都係水準之作. |
|
|
莎厘娜餐廳 Czarina Restaurant |
標題 : 好滿足 |
地址 : 般含道33號 |
地區 : 上環 |
|
現時分數:
|
日期 : 2009-07-20 09:16:20
成日坐車經過見到半山有間老牌西餐廳,都好想試。早幾晚咁啱去一個朋友嘅新居,佢屋企就喺呢間餐廳嘅附近,於是果晚落左去食。
成間餐廳好classic feel,餐廳大門係好重身嘅木門,侍應都係上左年紀的老牌侍應。聽聞呢度兄羅宋湯好正,所以我個set dinner餐湯要左羅宋湯。
先送上蒜容包,熱辣辣,令到蒜容味好出,好食!
個羅宋湯就更加不在話下,顏色令人開胃,料好夠,果然名不虛傳。
主菜係西冷扒,七成熟,配蘑菇汁,勁好味!件扒好juicy,個汁唔鹹。
飲埋杯熱檸茶,好滿足。 |
|
|
大家樂 Cafe De Coral |
標題 : 招呼一流 |
地址 : 太古城中心2樓222號舖 |
地區 : 太古 |
|
現時分數:
|
日期 : 2009-07-17 17:18:32
呢間大家樂坐得幾舒服,職員又好有禮貌,如果有長者買野食,佢地仲會好主動咁幫佢地捧餐埋位,認真唔錯。
我差唔多一個星期去呢間大家樂食一次晚飯,事關我要去地利亞返evening course。我通常會食龍脷柳意粉,跟粟米汁,清清地,唔錯。有時會食焗肉醬意粉,一般,無得揀先至食。尋晚食咖喱雞飯,咖喱汁好香,亦都夠辣,值得推介,不過自己個胃唔爭氣,食完成晚胃痛,好慘!
|
|
|
蓮香樓 Lin Heung Tea House |
標題 : 老豆牛一 |
地址 : 中環威靈頓街160-164號 |
地區 : 中環 |
|
現時分數:
|
日期 : 2009-07-17 16:52:00
老豆生日,我地一家人同埋姑媽佢地一家人去蓮香樓食晚飯,因為老豆話都有成十幾年無去食,好想再回味一下。
一檯12人,坐得好親密。今晚梗係由老豆發板。我地預先為老豆訂左隻八寶鴨,當晚佢叫左10樣餸,有湯,有肉,有菜,有海鮮,乜都有知,要好全面,果然係老豆的作風。
有幾樣想重點推介下:
冬瓜盅
用一個錫紙兜住個盅上檯,一路熱住黎食,保持味道。個盅好足料,尤其蝦米好香,湯好清甜,刮埋D冬瓜肉黎食,好消暑。
八寶鴨
係佢招牌菜。隻鴨個肚塞左超多料,譬如話有栗子、蓮子、糯米、意米、鹹蛋黃等等,將D炆到稔姐姐嘅鴨肉同配料撈勻一齊放入口,超正!
醬燒骨
用糖醋汁炆肉東坡肉,去除左 “漏” 的感覺。D肉真係炆得好夠稔,好入味,不過,唔比老豆食咁多,始終係肥豬肉。
炸藕餅
材料係蓮藕粒配豬肉,炸得好脆好香。
蓮蓉包
蓮蓉包係老豆咁多年黎嘅至愛,佢話出面食唔到D咁實鄭嘅蓮蓉包,蓮蓉又夠香滑,唔會好甜,最特別係有鹹蛋黃,真係好正! |
|
|
巨八日本料理 Kyo Hachi Japanese Restaurant |
標題 : 去左山頂食野 |
地址 : 山頂道128號凌霄閣204號舖 |
地區 : 山頂 |
|
現時分數:
|
日期 : 2009-07-17 16:39:30
6個中學死黨好多年無重聚,上個月我地個group leader忽然間心血來潮搞重聚,佢話要去番我地舊時嘅老地方 ── 山頂,咁我地就順理成章book埋位喺山頂食飯,我提意食日本野,book左巨八。
我地食左呢D野:
蟹湯:蟹味唔夠濃郁。
刺身拼盤:好一般,唔夠鮮甜。
鵝肝手卷,第D日式料理店好少食到呢款手卷,肥man係都要迫我地食,我食落口覺得個配搭怪怪地。可能我個人唔鍾意食鵝肝吧!
雜菌粒粒和牛:我本好鍾意食和牛,不過佢ge和牛燒得過火左D,有小小失望lor。
海膽炒飯:炒飯份量少,不過有很多海膽,正!
我地仲叫左一支日本清酒,好貴,但係無幾可出黎聚腳,都要賀一賀先夠feel。 |
|
|
|
|