 |
 |
 |
 |
 |
 |
 |
|
|
 
|
 |  |  |  |  |  |
 |
共有7 個食評，正顯示第 1 至 5 個食評
 |
 |
1 |  |
 |
| 標題: 牛肉餅 |
| 日期: 2010-07-28 15:21:50 |
評分:  |
| 我依條街2間都試過，個人覺得依間好味好多，尤其是牛肉餅一流，味隆多汁，行過都要外賣2個邊行邊吃。 |
| 推介: 牛肉餅 |
| 是次每人消費: 100 |
| 標題: 終於試到 | |||
| 日期: 2010-03-16 12:46:11 | |||
| 評分: | |||
| 上星期六終於俾我試到...未夠7時已經要排隊啦..真係嚇死人....老闆都知我唔等得架啦..所以佢事先已講明唔會等好耐俾d耐性啦...好彩我都係等左唔夠10mins就可以入座..不過真係好多人我地都係同人搭枱. 2個人...叫左.. 必叫牛肉餅, 咖哩羊腩, 清炒津白, 同埋三絲粉皮. 個牛肉餅真係好好味...熱騰騰入面仲好多汁好正, 至於咖哩羊都好味又唔算太辣(不過2個人真係叫得多左d, 我食左一塊到就成碟打包), 津白就好一般啦太油..我唔岩. 粉皮都係我至愛不過這間d醬汁好似濃左d唔算太岩我口味...這間最正都係牛肉餅, 不過真係要堂食先好味..我試過買左2個回家第2日食都唔夠堂食好味.. | |||
| 推介: 牛肉餅 | |||
| 是次每人消費: 100 | |||
| |||
| 標題: 食物味道偏咸.... | |||||
| 日期: 2009-10-07 10:45:50 | |||||
評分:  | |||||
| 10月4日追月夜同幾個好朋友專程坐車到九龍城食「牛肉餅」，之前睇過電視節目的介紹...實在是太吸引喇~~!! 原來九龍城同一條街係有兩間清真牛肉館㗎！由於另一間實在有好多人排隊喇....結果就嚟咗呢間清真牛肉館！ 入到店裡面坐低，即係order咗每人一個「牛肉餅」~ 另外仲有叫咗「小籠包」、「咖哩羊腩」、「蔥油餅」、「擔擔麵」和「奶油津白」。 牛肉餅：餅裡面有好多肉汁，皮好脆好薄，不過成個餅都咸咗Ｄ。有朋友話呢間牛肉餅Ｄ皮比另一間的更薄更脆，口感不錯！ 小籠包：同一般小籠包唔同，佢係用牛肉做而唔係用豬肉做，一樣係包住咗好多肉汁係褢面，但都係咸咗Ｄ。 咖哩羊腩：咖哩味好濃好香，羊腩好淋好入味，薯仔都好好食，呢個最好味~~ 正! 蔥油餅：好香，煎得脆脆地，又不覺油膩，點埋咖哩汁食真係好好味！ 擔擔麵：麵條淋咗Ｄ，花生麻醬香味不夠，味道有點淡，不太OK.... 奶油津白：味道偏咸....=_=||| 整體來說，食物水準都算不錯，只係大部分味道偏咸....食完都覺得好口渴！＝口＝ | |||||
| 推介: 咖哩羊腩、蔥油餅、牛肉餅 | |||||
| 是次每人消費: $60 | |||||
| |||||
| 標題: 一定要試試~ 真係好好食哦~! | |||
| 日期: 2009-09-02 09:42:12 | |||
| 評分: | |||
| 前幾天約了朋友一齊去試下九龍城好出名嘅爆汁牛肉餅~ 然後見到呢間「北京清真牛肉館」有好多名星合照同埋推介，見到介紹就已經覺得好吸引了！ 我哋一坐低當然第一時間order了牛肉餅啦!之後還叫了咖喱羊腩同埋蔥油餅。 蔥油餅好好味，都是即煎的，厚薄適中，剛剛好。 牛肉餅即叫即煎，餅皮香而不膩，牛肉餡的味道比我印象中更好，牛肉味道很濃很讚！！皮簿且香脆金黃，肉汁澎湃，一口咬下去有大量肉汁流出來，肉也夠鮮甜，超超超正！牛肉餅裡面好熱多汁，食嘅時候要小心 咖喱羊腩幾辣，幾"騷"，肉質好正，又夠大碟！ 服務方面也很好，阿姐很友善，笑容滿臉。 下次一定要帶埋屋企人一齊嚟呢度試多Ｄ其他招牌嘢先！^^ | |||
| 推介: 爆汁牛肉餅 | |||
| 是次每人消費: $100 | |||
| |||
| 標題: 嘆為觀止的咖哩羊腩 | ||
| 日期: 2009-08-28 17:34:00 | ||
| 評分: | ||
| 由於本人係一個食肉獸 , 由其對腩類特別鍾愛 , 自從上次食左九記牛腩 , 一直 4 出搜尋令人回味無窮的"腩"... 今次本來係想試吓清真野 , 點知比我預到佢...回味無窮的羊腩! 羊腩夠淋 , 淋到D肉同D骨自然分離 , 先奇唔好以為係淋得滯 , 正好相反 , 洽到好處就真 ! 點解咁講 , 因為正當你口內的羊腩咁香之肥膏在你口內燃燒完之後 , 唔會有D 肉係到仲咬緊 , 咁香既羊腩味不斷在你的口中盪漾...真正回味無窮! 此外 , 羊腩有羶味 , 有羶味係好 , 因為咁先係羊 , 但羶味太過 , 有時會令人厭惡...但係呢度D羊腩就做到剛剛好 , 有羶味得黎唔會令人厭惡 , 所以好多餐廳都用方法去羶味 , 例如香草 , 薄荷膏等...不過呢度就唔使. 咁岩我有個朋友唔鍾意食羊 ,佢既說話就最岩 : "羊雖然有羶味 , 但奇怪我卻不覺厭惡 , 本來自己唔食羊 , 但今次都要一試" 呢個羊腩真係重點推介...大家一定要試! P.S. 唔好要羊腩飯 , 要羊腩ONLY , 雖然貴D , 但可免卻你唔食完想翻桌但唔夠食之苦! | ||
| 推介: 咖哩羊腩 | ||
| 是次每人消費: 100 | ||
| ||
|
|
1 | |
|