狀態: 未登入 | 請先登入

  飲食指南 >> 餐廳 >> 餐廳搜尋
品香樓中西風味餐廳
 
地址: 石硤尾南山村南豐樓平台商場204號
電話: 2778 8791
地區: 石硤尾
菜式: 廣東菜
平均消費: $50 - $100
餐廳類型: 中菜館
好味指標:
5分
 
 
寫食評   投佢一票   美食專題/著數   報料   寄給朋友  
 
 
 
共有5 個食評,正顯示第 1 至 5 個食評
1

kurumi
電郵: 不顯示
得分: 117
註冊時間: 2012-08-06 09:36:21
標題: 大學飯堂 回憶的味道
日期: 2012-11-20 18:09:18
評分:
品香樓, 應該係城大學生嘅飯堂吧..

以前o係Library 溫書溫到7,8點, 就會同幾個同學仔一齊落品香食o個靚飯...畢業數年, 除了懷念品香的食物, 更多的是那份年少的美好回憶~

今次特登約舊同學返去懷愐一番, 熟悉嘅道路+ 熟悉嘅味道, 令我們回到過去!!

南乳雞中翼
此行的重點, 雞翼大大隻, 表面炸得金黃香脆, 南乳很入味!! 淨係食呢個, 已經不枉此行~

沙拉骨
呢個我麻麻, 但同學中意食, 我係咁咦食左一舊, 硬係覺得排骨加沙拉呢個組口好怪..一D都唔夾. 但味道係ok的!!

茄子斑腩炆米
茄子不多, 斑腩倒是很多, 軟淋淋, 不算很特別, 我們一致認為米粉炒得太乾

栗火鱉湯
好大兜, 4個人都飲唔晒, 香濃票米味道, 濃濃的甜甜的!!

唔記得仲有食過嘜 >< 寫住呢D先~

對品香樓有一種情意結, 除非真係好難食, 除此以外所有野都會在情感上加了分, 但見佢無論由我讀大學到畢業左幾年..門口等位嘅人依然有多冇少 (有好多一睇就知唔係學生, 係專誠同朋友過來食的) 就知佢D質素有一定保證la~~

順帶一提, 其實品香附近嘅樹記大排檔也不錯!! 好港式嘅感覺!!
推介: 南乳雞中翼
是次每人消費: 40-90

山區麵包王
電郵: 不顯示
得分: 251
註冊時間: 2010-08-01 22:22:28
標題: 個性小炒
日期: 2010-11-22 09:56:41
評分:
一心一意嚟品香試佢嘅招牌嘢,不過,有少少失望咁啦,可能期望大咗啩!佢係茶餐廳格局,左右兩排卡位,中間放圓枱,雖然唔算地踎嘅,但地方就稍為比較逼狹。7:30pm都未係好多人,但到咗8:00pm眨吓眼就差唔多爆晒場!叫咗4個菜:生沙龍鳳球(見都好多食評讚,所以一心一意走嚟試吓佢),仲有鍋貼小棠菜、西蘭花花枝帶子同琵琶豆腐,加埋個食晚飯就會送嘅例湯(但阿姐話送完就無喎)!

生沙龍鳳球
係將雞翼起骨,泡泡油加沙律醬兜炒,夏天食就幾好,酸酸哋夠醒胃,可以扒多兩碗飯添,而且大啖大啖肉,食得爽,頗出色!

鍋貼小棠菜
比想像之中無咁正,用蝦膠加埋刴碎嘅小棠菜做餡,搓壓扁成一大塊再沾上粉漿,然後底部加塊紫菜脆炸。咬落較為油膩,而且,蝦膠唔多彈牙,雖然有特色,但唔算好好食!

西蘭花花枝帶子,琵琶豆腐
算做得有水準嘅小菜,不過無乜驚喜。份量OK,所以,以咁嘅環境同服務,價錢都算係可以!

唯一出問題係計錯數,叫咗4個餸,加3碗靚仔,加埋一,收我成三百幾,查一查單原來計多咗1個餸同1碟通菜,認真誇張,都唔知有心定無意啦,但老闆二話不說say sorry之外,即刻重新計過張單,唔會向你問長問短,駁來駁去計錯個兩個菜係有叫定無叫,算加番啲印象分,所以,食乜都好,真係要睇單架,穩陣啲最好拎埋張底單走添!
推介:
是次每人消費: 70
吃晚飯必送的例湯
生沙龍鳳球
鍋貼小棠菜
西蘭花花枝帶子
琵琶豆腐

薯片怪
電郵: 不顯示
得分: 1698
註冊時間: 2009-03-05 14:24:20
標題: 不枉此行
日期: 2010-05-27 18:14:18
評分:
亞媽話XX師奶食過石硤尾嘅品香樓, 大力推介, 叫我地同佢一齊出去食. 於是乎, 我地一家人山長水又遠咁大埔坐車出黎品香樓, 係特登坐車出黎食晚飯, 好彩, 都無令我地失望而回.

四口子叫左4餸1湯:
南乳炸豬手 ~~ 外脆內軟, 老豆送啤酒, 食到lam lam脷.
刴椒魚頭 ~~ 顏色好鮮艷, 火紅色嘅辣椒好吸引, 但係唔係辣, 係甜椒黎嘅. 魚頭好食, ‘損’清光.
麻辣干鍋大腸煲 ~~ 呢個煲好正呀! 香料勁香, 大腸外脆內軟, 正.
生炒糯米飯 ~~ 黏得黎企身, 好有口感.
推介:
是次每人消費: 100

Prince
電郵: 不顯示
得分: 1698
註冊時間: 2009-03-03 12:11:47
標題: 碟碟都幾好食
日期: 2009-12-21 11:33:51
評分:
今日有個朋友仔生日,經朋友既介紹就黎呢度試下。。。
不過入度黎,好擠迫,好嘈。。。
大家都話食飽要即走,因為真係嘈到聽唔到人講野咁。。
我地叫左好多野食。。。
手撕雞:雞皮爽口雞肉嫩口,勁好食。。。
南乳炸豬手:夠味夠脆,唔錯。。。
西蘭花花枝帶子:一般,帶子好細粒,麻麻地。。。
南乳雞翼:好普通。。。
明太子炒飯:配料普通,但好食夠乾身。。。
生蝦蒸糯米飯:燸米飯硬左D,D蝦有D腥。。。
凍朱古力 ---- 好飲,濃厚的朱古力味。。。
食物一般但勝在夠便宜,4個人食左400幾蚊埋單,算係抵食。。。
推介: 手撕雞,南乳炸豬手
是次每人消費: 150

망고
電郵: 不顯示
得分: 20
註冊時間: 2009-08-12 16:18:07
標題: 中規中距
日期: 2009-11-23 15:55:00
評分:
第一次來這裡,店裡的架局像是搬了入舖位的大排檔。
6個人點了5款菜和1碟炒飯,上菜速度好快,點菜後十分鐘,全部菜都已經上檯了。

牛腩煲:牛腩夠腍,蘿蔔切得夠薄,很入味!
炒蜆:沒有甚麼沙,但好像有不少未開殼。
干煸四季豆:夠鑊氣,好吃!
黃金蝦:用了鹹蛋黃去炒,好香,但份量少...
沙拉骨:沙律醬太多了....好油膩..
鮑魚汁章魚雞粒炒飯:炒飯濕了一點,但味道OK!

每碟的份量都不算多,我們6個女孩子吃6樣食物剛剛好!
雖然這裡好像沒甚麼亮眼菜式,但味道算是不過不失,而且價錢公道,算是OK啦!
推介: 牛腩煲、干煸四季豆
是次每人消費: $60
 
1