狀態: 未登入 | 請先登入

  飲食指南 >> 餐廳 >> 餐廳搜尋
南台灣原味新館
 
地址: 紅磡民泰街35號遠榮樓B1B號舖
電話: 2355 7138
地區: 紅磡
菜式: 台灣菜
平均消費: $101 - $150
營業時間: 上午11:30至下午5:00; 晚上6:00至11:00
餐廳類型: 火鍋
好味指標:
2分
 
 
寫食評   投佢一票   美食專題/著數   報料   寄給朋友  
 
 
 
共有1 個食評,正顯示第 1 至 1 個食評
1

smeimei
電郵: 不顯示
得分: 730
註冊時間: 2009-10-07 09:39:14
標題: 好吃又正宗
日期: 2010-05-20 15:26:52
評分:
前兩日有個同事去咗呢間南台灣原味新館食晚飯後,大讚這裡的台灣菜十分正宗,而且還是香港少見的南台灣菜,真是令人十分期待。
店裡格局優雅簡潔,座位不會很擠迫,十分舒服。侍應亦算招呼殷勤,反應快,添茶亦密,不過唯獨有一樣最唔滿意既係加一之餘仲要收茶錢....=_=
餐牌上有唔少平日喺香港少見嘅地道台灣美食,好似豬腳凍香腸、古法味豬血糕、甜不辣、周氏蝦卷等,樣樣都想試。而台式飲品亦有極多選擇,以凍飲為主,好多款式都好特別。

店裡的餐具全係自家出品,外觀有點像無印出品,唔錯。一行三人試食了以下的食物:
什錦拼盤:可以喺A類及B類各揀2款小食,份量唔少,3個人一齊食都綽綽有餘。
古法味豬血糕:係台灣嘅道地小食,豬血糕其實是糯米加入豬血後攞去蒸,最後再加上花生碎、香菜及醬汁調味。味道有啲似硬身嘅糯米糕,口感煙韌,仲幾飽肚添!
豬腳凍香腸:係台南嘅人氣小食,爽口到極,送酒一流,香腸內一粒粒係軟腍腍嘅花生,好食到停唔到口。
一口粽:無乜特別,同香港嘅粽差唔多。
鹽酥雞:香口鬆脆得嚟又唔油膩,少少鹹、多多脆。
招牌潑辣蝦:係呢度嘅廚師推介招牌菜,當然要試下!海蝦肉質鮮味又彈牙,入口最初只係香香辣辣好惹味,但雙唇慢慢會感覺到麻 麻辣辣,刺激到極。還有煲底嘅洋蔥、大蒜也不要錯過哦,因為它們吸盡辣汁精華,食落既爽口又惹味。
肉燥飯:只係一人份量,食落唔似平時出面食開嘅肉粒碎碎,而係用半肥瘦豬肉切粒,食落更有口感,跟肉鬆、酸瓜及珍珠飯撈勻食確係幾好味。
熱仙草紅茶:茶夠香、熱烘烘,但仙草卻係凍嘅,所以感覺有啲怪。
黑糖薑母茶:超讚!茶夠香、薑味重,但又唔會蓋過黑糖嘅香甜。
檸檬冬瓜茶:生津解喝,有檸檬味嘅冬瓜茶比一般檸檬茶多咗份清甜、滋潤感,好舒服、好好味。

當晚三個人食飽埋單大約三百多元,每人平均都係俾一百多元而已,幾抵食!
推介: 豬腳凍香腸、招牌潑辣蝦、肉燥飯
是次每人消費: $110
 
1